صباح الفل ازيكم يابنات ياوحشين مفيش واحدة منكم
فكرت تسأل عليا يمكن اكون مت ولا حاجة
بس انا احسن منكم وهقولكوا كلكوا
وحشتوووووووووووووووووووووووووووووووووووووونى
موووووووووووووووووووووووووت
المهم انا كنت تعبانة على قرفانة كده
دلوقتى الحمد لله خلينا فى المفيد
هحكيلكوا عملت ايه عشان البنات الى معايا من الاول
المراتب
انا مش اشتريت لا هابيتات ولا يانسن
وشفت عينة لمصنع جديد بتاع واحد معرفة وعجبتنى
وخليتوا عملى مرتبة على ذوقى ومواصفاتى
اختارتها 30 سم ووش صيفى ووش شتوى
واخترت كمان لون القماش
والحمد لله استلمتها ولقيته عملها 33 سم
حلوة اووووووى احلى من هابيتات والله
بس المشكله انها عالية اوووى لما المخدات والمفرش هيتحطوا
شكل السرير هيروح بس دى غلطة محمود لانى كنت عايزة 27سم وهو صمم على 30 وقال لو فى حاجة اعلى اوك
الستاير
كنت وعدتكوا بتقرير عن الستاير بصوا بقى ياموززز
انا عرفت ان بتوع الازهر كويسين وكل حاجة بس معظمهم
بيسرق فى القماش فرحت اتفقت مع واحد اعرفه
على التفصيل وقالى على القماش الى عايزه
ونزلت اشتريته
التفصيل الراجل قال 5 زى مابتوع الازهر بيقولوا
بس فيه ناس بتحسب التركيب حاجة تانية
او مش تحسبه ويبقى سارق فى القماش ومطلع
مصاريف التركيب
المهم انا حسبت المتر ب 5 تركيب وتفصيل
تبقى التكلفة 325ج بس تصدقوا
مع انهم 4 ستاير وفيهم شغل
بس انا الراجل قالى 65متر
فى 5ج
يوم بقى نزلت جبت القماش خدت جوز خالتى معايا لانهم فى السوق عارفينه خلوا بالكوا يابنات والله نصابين مووووووت
متر القماش يقولى ب 70 والله خدته ب 25ج
شوفتوا اد ايه فرق
الاورجانزا فى السوق بتبدأ من 20 و25
فيه حاجات خدتها ب15 وحاجات ب 17.5
وفيه نوع ب 52 خدته ب 38 تقريبا
التفتاه والحاجات التقيلة ارخص من الاورجانزا
الراجل قال ب 20 مش عارفة والله خدتها تقريبا اقل
من 15 يعنى من الاخر طلعوا عينهم فصال
الشيفون بقى معروف انه من 10 الى 12
انا خدته ب9ج
نصيحة بقى مش تيجيبوا السجع والشرابات والفرنشة
من المحلات نصابين موووووووووووت
اختارت شرابة قالى ب 110 وكتبها فى الفاتورة 70
المهم لاقيت برة واحدة احلى منها واكبر واشيك
و50 ج رجعت رجعتها والله واشتريت التانية
تجيبوا الحاجات دى من المحلات الصغيرة الى
فى الحمزاوى ودرب سعادة مش بيبعوا الا الحاجات
دى واسعارهم من الاخر مش بينزل الا قليل
السجع المتر بيبدأ من 30 انا جبته ب 47.5 بعد 50
الفرنشة بتبدأ من جنيه
انا جبتها ب 5 ج
بس عشان خدت الرول كله حسبها ب 4.5
الكوافير
رحت مسيو عصام مش عجبنى كنت هموت
واحجز عند عادل المصرى حوده مش رضى
عشان الزحمة الى بتبقى فى فيصل
المهم رحت كامبا الى فى الحلمية الى اختى كانت عنده
وشفت الصور واتكلمت مع الكوافيرة ولقيت نفسي بحجز
حجزت واحدة تيجى البيت ترسملى حنة بس
من غير شوهات ولا حمام مغربى ب80ج
لانى بعيدة شوية عنها هى اصلا بتعمل ب 60ج
رسوماتها حلوة اوووووووى
ايه تانى ايه تانى
البت هبه الى شايفاها بتسال عن ال رشدان
بالرغم انها مش سالت عليا وانى زعلانة منها
بس بصى بقى
ال رشدان حجز القاعة ب 150 ج
المأذون لو هتكتبى 10000 هياخد 100 ونسبة تقريبا 3%
لو اكتر هياخد 50 والنسبة
الفيديو ب 150 تقريبا
العصير نوع ب 1.40 ونوع ب 1.60
الشيكولاته انتى بتجبيها من بره
بس على فكرة مشكلة ال رشدان اخر معاد
من 5 الى 6
البنات الى بتسال عن المأذون بياخد كام
انا المأذون هياخد منى 750ج
انا المؤخر 15000
وكمان هو هيفبرك الشهادات الصحية
نصيحة بقى ع الماشى متقولوش لسه بدرى
ومش هشترى دلوقتى والموضة والكلام ده
انا مخطوبة من 3 سنين ومن ساعتها مش بطلت شراء
بس كنت مخليه هدوم الخروج للاخر طبعا مش عارفة اديها حقها
الى بيخلص من بدرى احسن
بصوا رغيت كتير عشان انتوا واحشنى الى عايز يسال
حاجة انا موجودة