شات حوامل مصر القمرات وتجهيزاتهم للبيبي ... لشهر ربيع الاول

اهيء شكلي انا الي هشبط فيه يامسك هههههههه
شفتيه فين وبكام؟
شكلي هنزل اسكندرية قريب

mesk_2005;14514535:
بصي ياكيتى ده الكاري كوت


وديه شنطه للبيبرونات


المفروض ان فى شنطه تانيه معاهم برضه اللى بتحطي فيها الغيارات بتاعت البيبى
وده نفس الطق اللى انا شوفته ونفس اللون
عاجبنى اوى وعاوزه انزل اجيبه ماليش دعوة

حلوين اوي مسك انتي بتنزلي الصور ازاي انا اشتريت شويه حاجات وعايزاكم تشوفوها :)

ده انتى تنورى ياقمر ياريت تعالى ونروح نجيبه سوا

شوفته فى محطه الرمل بس مسألتش بكم وشوفته فى مكان تانى بس من غير شنطه البيبرونات ب190 لو نزلت هروح اسأل عليه

افتحى الصفحه الرئيسيهبتاعت عروس من بره خالص هتلاقي مكتوب جنب لوحه التحكم مركز رفع الملفات ادخلى فيه وارفعى الصور بس وبعد كده خودى اللينك اللى هيتحمل كوبى فى بيست
فهمتى

mesk_2005;14514495:
خو اكيد القيصري اسهل انا عارفه انتى بتدخلى تنامى تقومى تلاقي البيبى جنبك
بس انا مش حابه بطنى تتفتح وكده وبعدين القيصري ده هتكرهيه جدا فى تانى ولاده لان الم بطنك مش بتستحمليه انا مرا اخويا كده اول بيبي عادى تانى واحد قالت انا مش عاوزه عيال تانى وفعلا اعدت تعبانه فى التانى اسبوعين
ربنا معانا بقى

الله يسلمك ياحبيبتى ماما بتقولى ده زولال الحمل بس رجلي بتحمر كأن حاجه قرصانى
الكاريكوت يمكن يكون عندك حق بيلخم شويه بس مش اكتر من لخمه البيبى عاوزه اقولك انا بشيل شنطه ايدى بالعافيه هههههههههههههه
انا قررت انى مش هقولهم حاجه كل مايكلمونى هقولهم الدكتوره مش قاليتلى حاجه لسه شويه ولما اجى اولد فى نفس اليوم ماما او اخويا يبقى يكلمهم وخلاص ويقولهم انى بولد دلوقتىومعاد الولاده جه فجأه
طيب ادام هيجوا يعدوا فى الشقه لوحدهم ايه اللى يجيبهم من اساسه وبعدين هطر طبعا اروح انضفها وافرش السجاد لانى شيلاه عشان محدش اعد فيها عشان مش يتبهدل هيبقى تعب برضه فخليهم احسن هههههههههههه



مالك ياقمر مكتأبه ليه والف سلامه على بنوتك



بت يااشري مش عارفه ليه حاسه انه ولد مش بحبطك ولا حاجه بس حركة الولد بتبدأ بدرى عن البنت انا بدأت احس بنبض بس من السادس وفى السابع حركه بسيطه جدا ودلوقتى برضه مش اوى يعنى سعات بحس ان بطنى عامله زى موج البحر بس ده بيحل باليل لما اجى انام وبقيت اليوم حركات رقيقه كده متحسش الا لما تركزى معاها



سيبك من حماتك اللى عاوزه توديكىورا لشمس ديه :lol: وبراحه مع جوزك قوليله عشان نعرف نربيهم وهنجيب عيال كتير وكل حاجه بس يبقى بينهم وقت شويه بس



ازيك ياميرا عامله ايه والبيبيهات اخبارهم ايه




طيب ياحبيبتى اشربي جهينه او دينا دول طعمهم حلو اوى انا كمان مش بشرب اللبن العادى ده طول عمرى بس فى الحمل بقيت اشرب جهينه او دينا حلوين وبيبقوا احلى لو ساقعين وبعدين انتى هيجى عليكى وقت وهتحتاجى تشربيه ضروري بسبب الحموضه اللى هتحسي بيها وبعدين حرام عليكى انتى دلوقتى ماشاء الله 3 لازم تغذيهم عشان مش يضعفوا اكتر والزبادى برضه هاتى بيتى او دانون انا مش باكل الحجات التانيه ديه العاديه برضه مش بقدر اتصور طعمها بس باكل البديل ليها
طيب تخيى اهو انا بشرب لبن وباكل زبادى وبرضه الدكتوره بتقولىالبيبي ضعيف امال انتى هتقولك ايه بعد الشر خلي بالك من اكلك شويه



ههههههههههههههههه فكرتينى بأختى الصغيره اخرالعنقود كانت ماما ولداها 750 جرام مش محصله الكيلو حتى كانت شبه البسريايا ولحد دلوقتى بقولها يابسيريا ههههههههههههه



لو متأكده ان جوزك جاى ان شاء الله يبقى قوليله لما يجى عشان تشوفى فرحته على وشه احلى بكتير

وبعدين انتوا ظالمين الصبيان على فكره انا اخويا اكبير اسراره كلها كانت مع ماما ومعايا انا وهو نتيم كده مش اخوات خالص لا اصحاب واخويا التانى بيخبى شويه بس على مين انا بعرف اجرجره فى الكلام



يارب ياحبيبتى
انا عملت تحليل السكر فى الشهر الرابع او الخامس مش فاكره اوى
وعملته صايم وبعد كده فطرت وروحت عملته بعدها بساعتين
وبالنسبه للحماله ربنا يسهل ومش تبين حاجه بقى اصل هى الامل الوحيد ليه يااما هشتري اى حد يشيل البيبى بس انا بلبس طرح طويله فمش هيبان حاجه ان شاء الله

هو انتى ضغطك عالي لو ضغطك عالي يبقي لازم تحللي عشان لو لا قدر الله طلع زولال حمل تقولي للدكتورة
بس اعتقد مدام بتقولي رجلك بتحمر تبقي حساسيه لان مرات اخويا كانت كده و الدكتوره قالتلها دي حساسيه حمل
و القيصري بقي معرفش بصراحه اخبار تانى ولاده ايه و هو طبيعي الولاده الطبيعيه احسن انا كان نفسي اولد طبيعي بس انا بقول كده للبنات لان انا واحده من الناس اللي كانت مرعوبه من القيصري و كنت حاسه انها هتكون متعبه اوى فحبيت اطمنهم انها سهله و مفيش منها قلق

mona sh;14514546:
انا جارتي لسه والده قيصري وبتقول ببنج نصفي وهما خيروها اذا كانت حابه تتفرج او لا

قالت انا عايزه اتفرج وبتحكيلي بتقول كانت ولاده حلوه اوي وماحستش باي حاجه خالص وكانت مستمتعه وهي بتتفرج وكده :D

هو بصراحه الولاده ببنج نصفي متعه فعلا انا الدكتورة فاجأتنى انها ببنج نصفي قالتلي انا عملالك مفاجأه و مقلتليش انها ببنج نصفي الا و احنا في اوضه العمليات و احلى حاجه انك بتشوفي البيبي اول ما يتولد و لما بيلبسوه بيجبهولك تبوسيه قبل ما يطلعوه بره و كمان الميزة انك مبتمريش بمرحله الافاقه و دي سمعت انها بتكون متعبه مع بعض الناس

السلام عليكم

ازيكم يا بنات

مسك حلويين اوي قوليلي شفتيهم فين فمحطه الرمل عشان شكلهم عسول اوي

مروه اخبارك ايه واخبار النونو ايه

جميل اوي ماشاء الله يامسك
انا عايزة انزل اجيب سليب باج بحب شكلهم اوي

الحمد لله يا شوكليت النونو تمام بس ساعات بطني بتحجر كدا هههههه
وبقالي كام يوم بطني بتوجعني ف نفس الميعاد على الضهر كدا..زوتفضل توجع وتنتفخ واخليني رايحة جايه ع الحمام واشرب نعناع لحد ماتفك لوحدها

sweetyronaaa;14514614:
هو انتى ضغطك عالي لو ضغطك عالي يبقي لازم تحللي عشان لو لا قدر الله طلع زولال حمل تقولي للدكتورة
بس اعتقد مدام بتقولي رجلك بتحمر تبقي حساسيه لان مرات اخويا كانت كده و الدكتوره قالتلها دي حساسيه حمل
و القيصري بقي معرفش بصراحه اخبار تانى ولاده ايه و هو طبيعي الولاده الطبيعيه احسن انا كان نفسي اولد طبيعي بس انا بقول كده للبنات لان انا واحده من الناس اللي كانت مرعوبه من القيصري و كنت حاسه انها هتكون متعبه اوى فحبيت اطمنهم انها سهله و مفيش منها قلق



هو بصراحه الولاده ببنج نصفي متعه فعلا انا الدكتورة فاجأتنى انها ببنج نصفي قالتلي انا عملالك مفاجأه و مقلتليش انها ببنج نصفي الا و احنا في اوضه العمليات و احلى حاجه انك بتشوفي البيبي اول ما يتولد و لما بيلبسوه بيجبهولك تبوسيه قبل ما يطلعوه بره و كمان الميزة انك مبتمريش بمرحله الافاقه و دي سمعت انها بتكون متعبه مع بعض الناس

لا انا ضغطى فى الطبيعى واطى اصلا بس فى الحمل بقى مظبوط الدكتوره قاليتلى ان الناس اللى ضغضها واطى بيبقى مظبوط فى اواخر شهور الحمل

انا اول مره اعرف ان فى حساسيه حمل كمان
وتسلمي ياقمر على انك بتحاولى تخلينى مش اخاف واول مره اعرف ان ينفع تتبنجى بنج نصفى فى القيصري بس الواحد يخاف اكتر وهو بيشوف نفسه بيتعور :(

معلش يا جميل انا برضه الاسبوع اللي فات كنت كده بس ده كان بيبدا بعد الميد نايت شكله هيحب السهر بس ما تقلقيش الوضوع هيروح لوحده

نصفى انا جودى كان بينج كلى كانت حلوة لانى ما حسيتش بحاجة لكن انا خايفة قوى المرة دى فبفكر فى النصفى و خايفة قوى منه لاحسن يحصلى حاجة و العملية شعاله مش عارفة وحقنه الضهر اعرف انها مؤلمه جدا و لا اية

السلام عليكم يا بناويت ازيكو

وعليكم السلام ورحمة الله
ازيك ياام ميزو

وعليكم السلامازيك يا ايمي

الحمدلله يا كيتي تمام
انتي عامله ايه يا حبي وازي البيبي

ازيك يا ام ميزو

y.choclate;14514627:
السلام عليكم

ازيكم يا بنات

مسك حلويين اوي قوليلي شفتيهم فين فمحطه الرمل عشان شكلهم عسول اوي

بصي ياحبيبتى هتلاقي الطقم كامل فى محل جانبي على البحر ازلى عند نصار اللى على البحر بعد سعد زغلول وادخلى الشارع اللى قبل نصار هتلاقى المحل فى الشارع ده على ايدك اليمين نسيت اشوف اسم المحل
هو انتى من اليكس ياقمر

kitty_kity;14514630:
جميل اوي ماشاء الله يامسك
انا عايزة انزل اجيب سليب باج بحب شكلهم اوي

ماانا بقولك تعالي حتى ارجع معاكى طنطا والله وتبقى حجه حلوة هههههههههه

kitty_kity;14514633:
الحمد لله يا شوكليت النونو تمام بس ساعات بطني بتحجر كدا هههههه
وبقالي كام يوم بطني بتوجعني ف نفس الميعاد على الضهر كدا..زوتفضل توجع وتنتفخ واخليني رايحة جايه ع الحمام واشرب نعناع لحد ماتفك لوحدها

الف يلامه معلش ياقمر هتلاقى النونو بيتكوم فى مكان واحد كده ويفضل اعد فيه بس لله يخليكى بلاش نعناع كتير غلط

السلام عليكم

ازيكم ياقمرات

عاملة اية النهاردة