Desly;14480816:
ايوه فعلا يا قطقوطه انا قاعدة البيت ما بستحملهااااااش بطق منها وبحس انى ماليش لازمه فى الحياه وانا الحمد لله مش بشتكى من حاجه انا هسيبها على الله
كيتى انا فعلا بحس بكده وبضاااايق اوى من نفسي حتى ماما وخالتى بيفضلوا يقولولى ما تشتكيش كتير لجوزك ومش كل وجع تقولى اه وعاوزه ارجع اكتمى الوجع وخليكى طبيعيه عشان لما تتعبى بجد تلاقيه جمبك انا بحاول اعمل كده بس هو برده مش مصدق ههههههههههههههههههههه
يارب يدينا الصحه يااارب ويقويناو نجمد على نفسنا شويه
لا ياحبيبتى اتحركى عادى بس بلاش مسافات كبيره يعنى سفر والكلام ده بلاشه ولو احسن تركبي تاكسي بيبقى افضل سعات من الميكروباص
وفعلا ماتشتكيش كتير هيحسك بتدلعى عمال على بطال هما بيفهموا كده
انا من النوع المقاوح جدا ممكن ابقى تعبانه ومش ابين لحد خالص مش جوزى بس وهو عشان عارف كده فبيبقى قلقان على طول عليه من غير مااشتكى فديه حلاوتها لما تلاقي كل شويه يطمن عليكى ويقولك تعبانه ولا حاجه طيب حاسه بإيه وكده يعنى ادلعى عليه بطريقته ;)
مدام/اشرى;14480844:
بقولكوا يا بنات انا نزلت انا وجوزى نتفرج على حاجات النونو لقينا الاسعار اية فلة اقل اقل اقل سلوبيت ب55 ج ومش اوى كمان شكلة عادى دة عادى كدة ولا اية ؟؟؟
اشري حبيبتى وحشانى
بصي ياقمر فى حجات غاليه بس ثمنها فيها تستاهل ولو السالوبيتات ديه خروج مش بيتى يعنى تبقى كويسه بس هتلاقي حجات اقل لو لفيتى اكتر انا كنت جايبه سالوبيت من كارفور حلو ب 45 وكانت فى حجات بتبقى فوق ال 80 بس مكنتش تستاهل بصراحه وكنت مره فى القاهرة وجيبت من التوحيد والنور سالوبيت قطيفه جميل ب25
*Om Mo3az*;14481172:
الحمدلله يا قطقوطه تمام
انتي عامله ايه واخبار البيبي ايه
ربنا يوفقك يا سالي يارب وشدي حيلك كده المفروض نقرا قران كتير واحنا حوامل عشان البيبي بيسمعنا ويطلع عارف صوت القران
انا اسمع انك لو مركزة على سورة معينه بتقريها وانتي حامل او بتسمعيها حتى
لما تولدي والبيبي يعيط ويسمع نفس الصوت ونفس السورة بيهدى ويسكت على طول
*Om Mo3az*;14481872:
ملامسة الأم لمولودها من أهم عوامل النمو الطبيعي
ينتقل الطفل عبر الولادة من أحشاء أمه إلى العالم الخارجي فينفصل عنها جزئياً، وربما في بعض الأحيان يشعر بالوحشة والغربة عندما تبتعد عنه أمه مما يجعله يبكي بشده، وقد تشتكي بعض الأمهات من كثرة بكاء مولودها وتحتار في سبب ذلك خاصة في الفترة ما بين الشهر الأول والرابع، ينصح اختصا...صي طب الأطفال وحديثي الولادة الدكتور خالد عبد القوي الأمهات بأهمية توفر عنصر الملامسة الإنسانية بين الأم ومولودها خاصة في الشهور الأولى وذلك بحمل الطفل لمدة ثلاث ساعات يومياً عندما يكون ساكناً، ويشير عبد القوي إلى أنه بهذه الطريقة يكون للطفل اتصال مرئي مع أمه حيث يمكن أن يسمع ضربات قلبها ويسعد بنعومة بشرتها، كما أنه من الضروري على الأم أن تخصص وقتاً لاسترخاء مولودها وذلك بوضعه في حمام دافئ لمدة تتراوح بين 15 و 20 دقيقة مع تدليك للمعدة برفق، ويخص الدكتور خالد المعدة بالتدليك لأنها من أكثر الأشياء التي يعاني من آ لام مغصها المولود حديثاً مما يحرمه من النوم والراحة والاسترخاء، حيث يشير عبد القوي إلى أن بعض الأطفال حديثي الولادة دائمو الصراخ والبكاء وفي المقابل ليس من السهل على الأم أن تتجاهل هذا البكاء حيث إن كل أم تحب أن ترى صغيرها سعيداً، إلا أنه عندما يصرخ لا يقصد إزعاجها لهذا على الأم أن تدرك أن صغيرها يحتاج شيئا ما ربما أنه جائع، أو غير مرتاح لاتساخ حفاظه، كما أنه من المحتمل أن يكون متوحشاً من الوحدة إذا كانت الأم تضعه في غرفة بمفرده، لهذا على الأم أن تتفحص أسباب البكاء جيداً.
ويؤكد عبد القوي أنه على الأم ألا تكون متوترة عند بكاء طفلها حيث أن مولودها سيتفاعل معها بالمثل مما يزيد الأمور سوءاً، كما يشير الدكتور خالد إلى أن طباع الأطفال الخاصة بالبكاء والهدوء تختلف من طفل لآخر، أي إن منهم الطفل الهادئ المستقر المنتظر الذي يأكل وينام ولا يسبب إزعاجا للأهل، ومنهم الطفل القلق الذي لا يهدأ ولا ينام لأنه كثير البكاء وكثير المطالب ومصدر إزعاج للأهل، وينصح بأن كل ما تستطيع الأم فعله هو محاولة تطويع طباع الطفل.
ايه ده بجد لما يسمع نفس السوره يسكت انا بحب اوى اسمع سورة يوسف كتير هبقى اجرب لما تيجى واقولكم
والموضوع ده بجد حلو اوى انا فعلا سمعت من كذا دكتور ان البيبى لما بيعيط من غير سبب بيكون محتاج بس مامته تشيله ويسمع دقات قلبها زى ماكان بيسمعها وهو فى بطنها عشان كده دايما اى دكتور يقولك شيليه على كتفك الشمال من ناحيه القلب
وكمان بيقولك هو يحبك تضميه اوى كأنك مكتفاه زى ماكان فى بطنك لانه لسه مش واخد على الوسع والبراح اللى هو فيه ده
amatalrahman237;14482290:
مش عارفة ، هو الرحم تحت اصلا؟؟؟؟
انا اقصد خبط في منطقة العانة اللي هي مثلث البيكيني دي
انا رايحة حبة صغيرين و راجعة ان شاء الله
*Om Mo3az*;14482342:
هههههههههههههههههههههههه
امال الرحم فوق
اها فاهمه انتي قصدك ايه
ده بيحصل لي برضو عادي ماتقلقيش
ههههههههههههههههههههههههههههههههههه :lol::lol:
ياخراشي عليكى ياسمسمه فطستينى من الضحك انا اعده لوحدى فى الاوضه عمال اضحك على كلامك ماما بتقولى اتجنيتى ولا ايه طيب مين هيربى البت لما انتى تتجنى هههههههههههه عجبك كده :lol:
انا صح بحس بالخبط ده والوجع ونبض كده من الشهر السابع تفتكروا ده ايه حتى ماما كانت خايفه اوى وانا فى السابع لايكون طلق مبكر واولد فى السابع
*Om Mo3az*;14482959:
هههههههههههههههه
حاجه غريبه مع ان البنات المفروض تتعلق اكتر بمامتها
انا عندي معاذ بقى العكس متعلق بيا جداااااااااااااااا واوقات بيبقى مضطهد باباه اوي لدرجة ان باباه بيزعل هههههههههههههههههه بس يمكن ده عشان مش بيشوفه كتير برضو
ربنا يحميهم يارب
انا يا ستي عني 24 لسه لي شهرين واكملهم ان شاء الله
وانا من المنصوره وعايشه فيها برضو
وانتي
ياجمال بنات المنصورة انا اول مره اعرف انك من المنصورة ياايمى
على فكره دايما البنت وهى صغيره بتبقى حبيبة وصاحبت بباها اكتر والولد العكس حبيب مامته وصاحبها برضه
عارفه لما ربنا يرزقك ان شاء الله المره اللى جايه ببنوته هتحسي انها دورتك وهتغيرى على جوزك منها انا بيحصلى كده من دلوقتى هههههههههههه لما جوزو يقولى ازي حبيبتى النهارده اقوله الحمد لله يقولى مش انتى انا بقول على حبيبتى التانيه بطلع فيه باكله ههههههههههههه
وجوزك هتلاقيه بيغير من معاذ
kitty_kity;14486878:
ايمي طب مانا برده عندي الشعر زاد كتير
والدكتورة قالتلي بنت
عااااااااااااا يعني ممكن يطلع ولد؟؟؟
لا ياكيتى انا برضه طلعلي شعر فى بطنى بس مش كتير بس انا مش كان بيطلعلى خالص فى بطنى بس الدكتوره قاليتلى عادى لخبطه هرمونات
@زهرة دبلانة@;14488109:
بنات انا تعبانة اوى ومش قادرة اخد نفسى ومش بعرف انام ومش بقدر اتحرك من مكانى حتى لو كان حمام ؟؟
بجد مش قادره حاسه ان روحى هتطلع والحمل اللى فات ماكانش كده ودماغى مصدع وظهرى واجعنى وحاسه ان كعب رجليا فيه نار ؟؟
حد كده ولا انا بس ؟؟؟؟
الف سلامه عليكى ياقمر من التعب معلش هانت اهى
انا بحس ان رجلى مشدوده من اول ركبتى لحد تحت كأنى ساحبه فى كل رجل 10 كيلو مع انها مش وارمه اوى
ربنا يعينا ان شاء الله وكل ديه حسنات بإذن الله
مدام/اشرى;14489010:
تعالوا بقا نحاول نخرج من مود التعب والترجيع والغممان دة
وتخيلوا كدة
ان يوم عيد ميلاد راح جوزك جابلك
جابلك
التورتة دى
:093::093::093::093::093::093::093::093::093::093::093::015::015::015::015::015::015::015::015::015::015::015::015::015:
يااااااااااااااااااااااااااا يبق راجل بيفهم صح والله دة الواحدة تولد من الفرحة انا عيد ميلادى فى شهر 4 تفتكروا فى امل ؟؟؟؟؟؟؟؟؟^o)^o)^o)
هههههههههههههههههههههههههههههههههههههههه
ياتحفه ياعسل انتي اخر واحده حلوه اوى عجبانى
انا هوريها لجوزو ههههههههههههه عشان يجيبلى منها لما اروحله عشان فى عيد ميلادى مكنش موجود هقوله ماليش دعوة تجيبها عشان مااعلقلكش بنتك ههههههههههههههه
redflowerlovey;14490230:
لا مش لوحدك والله انا لما اقوم من السرير كأني وقفت على مسامير و رجلي واجعاني لحد فوق خالص و جنابي كمان العضم حاساه حيتكسر من الوجع ومش عارفة انام من الوجع ربنا يعيننا بقى و يعديها على خير الفترة الجاية دي
رحاب ياقمر ازيك وفينك يابنتى مش باينه ليه
قلقت عليكى والله وحتى بطلتى ترنى زى الاول ابقى ادخلى طمنينا عليكى
بس عاوزه اعرف هو اللى بيحصلكم فى رجليكم ده ايه ومن ايه انا بحس انها تقيله بس
noor1984;14492330:
السلاااااااااااااااااااااااااااااام عليكم
ازيكم جميعااااااااااااااااااااااااا وحشتووونى اوى اوى اوى
انا الحمد لله ولدت وجبت اياد
وتعبااااااااااااااااااااااااااااااانه اوى اوى اوى اتهنو بجد دلوقتى ايام هنا بالنسبالكم
ونصيحه مهمه جدااااااااااااااااااا من الشهر السابع اعملو تدليك للحلمه وخلوها تكون بارزه لانى بتعذب بسبب الموضوع ده وبياخد صناعى بسبب كده
اهو بحارب معاه ومع نفسى ربنا يكرمنا وياخد طبيعى ويسيب الصناعى
اه نسيت اقول
انى ولدت قيصرى الحمد لله ضغطى فجاه بقى عالى اوى والبيبى كان لسه منزلش الحوض فالدكتور عمل قيصرى
الحمد لله
عايزه اقول انى استخدمت فوط لوتس كام يوم حستها وحشه جداااااااااااااا معايا واستخدمت الفوط العاديه اللى انا متعوده عليها فاللى هتشتريها تشترى كمان معاها العاديه علشان لو منفعتهاش زى تستخدم العاديه
بس كده
نور ياقمر الف حمد الله على السلامه ياقمر والف مبروك على اياد ربنا يخليهولك يارب