شات حوامل مصر القمرات وتجهيزاتهم للبيبي ... لشهر ربيع الاول

نانو ومى انا هاروح انام عشان عندى صداع فظييييييييييييع

ابقى ادخلى بدرى شوية بكره يانانو وقوليلنا ايه اللى حصل هههههههههه

ومى ابقى ادخلى بدرى ياقمر

او ياايمو تصبحى على خير

وانتى من اهل الخير حبيبتى بوسيلى صوفيا بوسة كبيررررررة

ان شاء الله وصل اهو :)

صباح الخير يابنات,,, امبارح روحت لدكتوره جديده للاني كنت بتابع مع دكتور في مصر وحاليا انا في قطر,,,هي دكتوره مصريه وكبيره في السن واضح انها خبره,,,بس بتتعامل بمنتهى الآليه بدون اي تعاطف كده ولا قلب!!!!! دي حتى ماكانتش بتبص في وشي ولو شافتني تاني مش حتعرفني والله .......... وبعدين حصل موقف رخم ,,كانت طالبه مني صورة دم وسونار وبعملهم في المستشفى بس في دور تاني ,المهم روحت عملت تحليل الدم وحيطلع نتيجته بكره والسونار كان زحمه موووووووووت والفني مارضاش وبرضه قالي بكره ,,,وانا اصلا علشان ادخل لدكتوره فضلت قاعده 5 ساعات :confused:8o| !!!ولحد ماخلصت حوار الدم والسونار بقيت 6 ساعات ,,فرجعتاها علشان اقولها اللي حصل واستأذنها اني لما اجيب التحاليل ادخلها على طول ومش استنى مع الكشوفات بالساعات ,,تقوم تقولي : وانا اعملك ايه ؟؟هو ده اللي عندي وابقي اعملي اللي يريحك !!!!!!!!! بطريقه قمه في قلة الذوق بجد واحرجتني جدااااااااااااااااا:o:o....فسكت وخرجت وكان جوزي مستنيني روحت معيطه:'(:(:'( وقالي مش حنروح ليها تاني وحنشوف دكتوره تانيه ,,,,,بجد بعد الانتظار لمدة 6 ساعات والاهاق رجعت البيت بدون اي نتيجه ولا اي جديد وكان نفسي اوي اشوف البيبي على السونار :'(:'( حسبي الله ونعم الوكيل

لا فعلا رخمه يانور
ايه قلة الزوق دي...المفروض حتى تحسسك بتعاطفها معاكي حتى لو هتقولك مش ف ايدي حاجة اعملها

انا برده رحت اعمل سونار ف مركز اشعه كبير...الدكتورة تعتبر طردتنا من الاودة ههههههههه
خلصت السونار ف خمس دقايق بالظبط...وانا بعمله عشان اتاكد بنت ولا ولد...قالتلي مش باين احتمال بنت واحتمال ولد...المرة الجاية نبقى نتاكد
ومن سربعتها قلبت عليا علبة الجيل وهدومي اتغرقت وسابتنا محتاسين فيه ولا عبرتني...ومحمد قعد يجيبلي مناديل ونمسح فيا وف هدومي
وهي عماله تخلص الي بتعمله كاننا جايين عشان هي الي تشوف
وف الاخر طلعت قبلنا وناولت الورق لعامل قالتله طلعهم وابقى اديهم ده

معاملة زفت الحقيقة كنت طالعة من هناك هاين عليا اعيط او اخنق محمد لانه هو الي كان مصمم ننزل نروح نعمله


بمناسبة الاسامي
احنا ينفع نعمل امبراطورية ميم بس المشكلة احنا الاتنين مخنوقين من حرف الميم
عشان ف الكليات العملية بيمتحن الشفوي والعملي ف الاخر خالص ههههههههههه
فبنقول نسمي حاجه ف الاول
وانا بقول نسمي ميم عادي وماندخلوش كليات اساسا ههههههههههه

kitty_kity;14618885:
لا فعلا رخمه يانور
ايه قلة الزوق دي...المفروض حتى تحسسك بتعاطفها معاكي حتى لو هتقولك مش ف ايدي حاجة اعملها

انا برده رحت اعمل سونار ف مركز اشعه كبير...الدكتورة تعتبر طردتنا من الاودة ههههههههه
خلصت السونار ف خمس دقايق بالظبط...وانا بعمله عشان اتاكد بنت ولا ولد...قالتلي مش باين احتمال بنت واحتمال ولد...المرة الجاية نبقى نتاكد
ومن سربعتها قلبت عليا علبة الجيل وهدومي اتغرقت وسابتنا محتاسين فيه ولا عبرتني...ومحمد قعد يجيبلي مناديل ونمسح فيا وف هدومي
وهي عماله تخلص الي بتعمله كاننا جايين عشان هي الي تشوف
وف الاخر طلعت قبلنا وناولت الورق لعامل قالتله طلعهم وابقى اديهم ده

معاملة زفت الحقيقة كنت طالعة من هناك هاين عليا اعيط او اخنق محمد لانه هو الي كان مصمم ننزل نروح نعمله


بمناسبة الاسامي
احنا ينفع نعمل امبراطورية ميم بس المشكلة احنا الاتنين مخنوقين من حرف الميم
عشان ف الكليات العملية بيمتحن الشفوي والعملي ف الاخر خالص ههههههههههه
فبنقول نسمي حاجه ف الاول
وانا بقول نسمي ميم عادي وماندخلوش كليات اساسا ههههههههههه

ياعيني ياكيتي برضه الموقف اللي حصلك ده رخم اوي:mad: بيحسسونا اننا رايحين صدقه ولا بنشحت منهم مع اننا بنبقى دافعين دم قلبنا ومش رايحين نتفسح ولا نغير جو !!!! حاجه تفرس بجد

بالنسبه للاسامي وعلى مبدأ الكليات بتعك ده يبقى خليهم بحروف في النص بقى علشان مش يمتحنوا الاول للان اللي في الاول دول بياخدوا لخضه كلها ههههههه واللي في الاخر بتطلع روحهم من الانتظار ,,,,نظريه برضه

صباح الخيير
معلش يا نور حاسة بيكى والله مش فاهمة لو كنا رايحين ببلاش كانوا علموا اية معانا
كيتى
موقف فعلا زبالة ولو منك بصراحة مكنتش سكتلهاا بس الواحد ساعات من الضيق وعدم التوقع ميعرفش يتكلم

مدام/اشرى;14619358:
صباح الخيير
معلش يا نور حاسة بيكى والله مش فاهمة لو كنا رايحين ببلاش كانوا علموا اية معانا
كيتى
موقف فعلا زبالة ولو منك بصراحة مكنتش سكتلهاا بس الواحد ساعات من الضيق وعدم التوقع ميعرفش يتكلم

المشكله يااشري اننا مؤدبين للاننا لو ماكناش كده كنا عرفنا نرد عليهم وناخد حقنا لكن حاقول ايه حسبي الله ونعم الوكيل فيهم

انا الدكترو الاولانى بتاعى دة دكتور كبير والله ولول تفتكروا كنت بدخل اسالكوا على اسعارة لانة غالى واستشارى بقا وبتاع قولت مش مشكلة كشفة كان ب80 ج والسونار ب50 ج والمتابعة عندة ب600 ج وكمااااان من اول الشهر الرابع فكنت ما ااسال حد يقولى غالى ورغم كدة كملت معاة شوية لحد التالت وكلامة كان قليل اووووى يعنى مقليش اكل اية ومااكلش اية ولا العلاقة مضرة ولا لا ولا الهوااااااااااااا
المهم فى التالت بقا اتصلت بية سالتة على ان عندى حرقان وهرش وكدة قالى استخدمى كريم كينا كومب طب استغربت بقولوا معقولة يا دكتور كينا كومب مش مضر يعنى
قالى لو مضر مكنتش قولتة يعنى اية يعنى ها ازاى تسالى سوال زى دة طبعا ردة افحمنى بجد رحت قفلت السكة فى خلقتة ومن ساعتها مروحتش تانى وكملت مع واحد تانى جمب ماما والله اخلاااق وقالى نصايح كتييير واستشارى بردو واسعارة ارخص من الاولانى بكتييييير وتحسية بيتقى ربنا كدة حتى لما كتبلى فوار للصديد قالى هتلاقى فى الروشتة ممنوع للحوامل ولا يهمك وطلعى لسان وخدية بردو فاهمة بيطمن الواحد ة يعنى

ايوه صح عندك حق يااشري ,,,هو الدكتور لازم يكون كده فعلا خصوصا دكتور النساء والولاده والاطفال,,,,انا عندي اهم حاجه الراحه النفسيه حتى لو كان مين

معلش ممكن سؤال رخم شويه,,,هو كل البنات هنا مقرره حتولد ازاي؟؟؟طبيعي ولا قيصري؟؟ ولا الدكتور هو اللي بيحدد؟؟ اصل انا قرات موضوع عن الولاده الطبيعيه والقيصريه وصدقوني مانمتش من امبارح بسبب الموضوع ده للاني بالرغم من ان الكل بيشكر في الولاده الطبيعيه وان الست بترجع لطبيعتها وصحتها وجسمها بسرعه بعد الولاده بس كل ده كوم والالم كوم تاني خالص,,,,ولا ايه رايكم؟؟؟

nourelamar999;14618824:
صباح الخير يابنات,,, امبارح روحت لدكتوره جديده للاني كنت بتابع مع دكتور في مصر وحاليا انا في قطر,,,هي دكتوره مصريه وكبيره في السن واضح انها خبره,,,بس بتتعامل بمنتهى الآليه بدون اي تعاطف كده ولا قلب!!!!! دي حتى ماكانتش بتبص في وشي ولو شافتني تاني مش حتعرفني والله .......... وبعدين حصل موقف رخم ,,كانت طالبه مني صورة دم وسونار وبعملهم في المستشفى بس في دور تاني ,المهم روحت عملت تحليل الدم وحيطلع نتيجته بكره والسونار كان زحمه موووووووووت والفني مارضاش وبرضه قالي بكره ,,,وانا اصلا علشان ادخل لدكتوره فضلت قاعده 5 ساعات :confused:8o| !!!ولحد ماخلصت حوار الدم والسونار بقيت 6 ساعات ,,فرجعتاها علشان اقولها اللي حصل واستأذنها اني لما اجيب التحاليل ادخلها على طول ومش استنى مع الكشوفات بالساعات ,,تقوم تقولي : وانا اعملك ايه ؟؟هو ده اللي عندي وابقي اعملي اللي يريحك !!!!!!!!! بطريقه قمه في قلة الذوق بجد واحرجتني جدااااااااااااااااا:o:o....فسكت وخرجت وكان جوزي مستنيني روحت معيطه:'(:(:'( وقالي مش حنروح ليها تاني وحنشوف دكتوره تانيه ,,,,,بجد بعد الانتظار لمدة 6 ساعات والاهاق رجعت البيت بدون اي نتيجه ولا اي جديد وكان نفسي اوي اشوف البيبي على السونار :'(:'( حسبي الله ونعم الوكيل

نور فكرتيني انا بردو في الكويت واول مره اروح المستشفي الي هنا طلعت معيطه لجوزي بردو تقريبا موقف زي بتعاهك كده ووقتها كرهت الغربه علي الي فيها :(

nourelamar999;14619591:
معلش ممكن سؤال رخم شويه,,,هو كل البنات هنا مقرره حتولد ازاي؟؟؟طبيعي ولا قيصري؟؟ ولا الدكتور هو اللي بيحدد؟؟ اصل انا قرات موضوع عن الولاده الطبيعيه والقيصريه وصدقوني مانمتش من امبارح بسبب الموضوع ده للاني بالرغم من ان الكل بيشكر في الولاده الطبيعيه وان الست بترجع لطبيعتها وصحتها وجسمها بسرعه بعد الولاده بس كل ده كوم والالم كوم تاني خالص,,,,ولا ايه رايكم؟؟؟

اقولك حاجه انا جارتي لسه والده قيصري النظام هنا في الكويت ان الوالده بتفضل 5 ايام في المستشفي وماشاء الله رجعت الشقه ولا كانها ولدت اصلا ماشاء الله وعادي خالص وكانت متبنجه بنج جزئي

اكيد يا نور محدش عارف هيولد ازااى يا بنتى دى حاجة كدة بتاعت ربنا وتبع التساهيل وكلة متهيالى بيتحدد فى الشهرو الاخيرة
ومتفكريش فى الولادة من دلوقتى انا كل ما تيجى لعى بالى بشيل الفكرة دى دلوقتى خلينى فى الى انا فية بقااا عيشى كل مرحلة بوقتها فهمانى واكيد الولادة مش صعبة اووى كدة كلة بيعدى الا مكنش كل الملاييييييين دول جم الدنيا والست بنفسها بتفكر تخلف تانى وتالت ورابع فهمانى
طبيعى بقا قيصرى دة نصيب وربنا ادرى بحالتك ومدى تحملك يعنى مثلا بنت خالتى كانت بتدعى دعا انها تولد طبيعى وفعلا ولدت طبيعى بس الخياطة الى من تحت دى تعبتها جدااااااااااااااااا فوق ما تتخيلى معرفش لية انا مشفتش حد اشتكى منها الشكوى دى لدرجة انها بعد الولادة بشهرين مكنتش تعرف تقعد فسبحان الله بقا رجعت تقول القيصرى ارحم
كلة نصيب بقاااا

نور
هو انتى متجوزة بقالك اد اية ؟؟
منى
ازيك يا موزة عاملة اية بتغيبى كتير انتى اووى

هو انتى يا منى هتولدى عندك ولا هتنزلى مصر ؟؟؟؟؟؟ جمب مامتك يعنى

مدام/اشرى;14619358:
صباح الخيير
معلش يا نور حاسة بيكى والله مش فاهمة لو كنا رايحين ببلاش كانوا علموا اية معانا
كيتى
موقف فعلا زبالة ولو منك بصراحة مكنتش سكتلهاا بس الواحد ساعات من الضيق وعدم التوقع ميعرفش يتكلم

صباح النور يااشري ايه الاخبار ؟ ؟ بقولك ايه سمعت ان البنت لما بتتحرك في البطن بتنقر كده
اما الولد بيسحب فاهمه حاجه :D هو دا صح ولا اي كلام:confused:
المهم من اول الحمل لحد امبارح وانا حاسه انه ولد جيت بقي امبارح باليل دخلت انام لقيت حاجه نقرت كده في بطني قلت يالهوي دي باين بنت :D الصراحه نمت والمزاج مش اد كده انا نفسي في ولد اوي :( اروح اعمل السونار امتي ؟؟ انا دلوقتي في الاسبوع 14

mona sh;14619607:
نور فكرتيني انا بردو في الكويت واول مره اروح المستشفي الي هنا طلعت معيطه لجوزي بردو تقريبا موقف زي بتعاهك كده ووقتها كرهت الغربه علي الي فيها :(

معلش ياحبيتي كلنا نفس الاحساس الرخم ده:(:(

mona sh;14619620:
اقولك حاجه انا جارتي لسه والده قيصري النظام هنا في الكويت ان الوالده بتفضل 5 ايام في المستشفي وماشاء الله رجعت الشقه ولا كانها ولدت اصلا ماشاء الله وعادي خالص وكانت متبنجه بنج جزئي

يالهوي قيصري وبنج جزئي آه ياني ده انا جسمي قشعر يابنتي:hysterical::|:confused: ازاي قدرت تستحمل!!!!!!!! ابقي اسأليها وقولي لينا على التفاصيل الله يكرمك لعل وعسى نستفيد

مدام/اشرى;14619651:
هو انتى يا منى هتولدى عندك ولا هتنزلى مصر ؟؟؟؟؟؟ جمب مامتك يعنى

لا ياختي هاولد عند امي :D مع ان الاهتمام هنا بالوالده فوق العادي والطبيعي والله وسلفتي هنا وممكن كمان اجيب امي هنا او حماتي بس لا والف لا هاروح عند امي :D