كريز;14545070:
ماشاء الله جمال قوى بس قوليلي المشمع ده ل ايه
ده بتحطيه تحت البيبي وانتي بتغيريله البامبرز عشان مش يبهدل الدنيا تحته، انا عندي بردو شنطتي فيها زي ده مخلياه للخروج وجايبة واحد تانية اكبر شوية للبيت بقي
kitty_kity;14545072:
ربنا يقدم لك الي فيه الخير ياكتكوته يارب ويخليلك جوجو
مش هتورينا صورتها بقى ههههههههه كرنفال الصور
حاضر هوريهالكم
kitty_kity;14545084:
كتكت البشكير وفوط القشط بكام لو سمحتي
والشنطة
الشنطة ب 82 وبتاعتي كانت زيها ب 85، وفوط القشط الاتنين ب 17 والبشكير ب 40 بس بقي ب 36 بعد الخصم والفوط مش فاكرة بقوا بكام
*Om Mo3az*;14545076:
ما شاء الله يا ايمي حلوين اوىىىىىىى بجد ما شاء الله
تسلمي يا ايمي ربنا يخليكي
*Om Mo3az*;14545092:
ايمي انتي لسه هنا ؟؟؟؟؟؟؟؟؟؟
بقول لك هو كوتشي اللي هو من 3 - 6
حلو ولا وحش
انا جوزي جابه لي دلوقتي وبيقول لي صاحب المحل اللي جاب منه صاحبه يعني وقال له مش حلو
بس البنات هنا كلهم قالو عليه حلو
انا مش جربته قبل كده بس جبته عشان البنات قالو عليه حلو
لا مش هقدر افيدك في المقاس ده لأني جربته قريب بس لجوجو مقاس 4 يعني، وجربت نوعين بس كوتشي لنه فيه انواع كتيرة اوي منه ومش كلهم حلو بس اغلبهم يعني، جربت كوتشي سليبي وكوتشي بيبيكو وحاليا جبت بقي نوع مش عارفة تركي ولا الماني كوتشي كادليز زي البانتي فطبعا اريح في اللبس بكتير وحلو اوي
انا اللي جربتهم ككل مع جوجو فايني وكونفي التركي وبامبرز والكوتشيهات التلاتة دول وبيبي جوي تقريبا مجرتش حاجة تانية غيرهم
ضياء الجنه;14545094:
ممكن تقوليلى على اسعار حاجات يا ام جودى زى الكوفرته والبشكير والشربات والدبابيس اقولك قوليلى اسعار كل الحاجات
الكوفرتة ب 29 والبشكير ب 36 بعد ما كان ب 40 علي فكرة في ارخص طبعا من كده بس ده خامته حلوة اوي وبينشف حلو مليان كده، والشراب العادي ب 2ز25 واللكلوك اللي زيه ده ب 4.95 والدبابيس ب 15
انا بتوعي بقي كانوا اربع اشكال مختلفة فواكه والوان مختلفة وصاحبتي كانت جابتلي بردو دبابيس زي دول بقي 6 مع بعض باين راس دبة بردو كده بينك لون واحد كلهم
*Om Mo3az*;14545243:
منى انا مش عارفه الدبابيس بتاعة ايمي دي لايه
انا اعرف اللي هي بتبقى بسلسله دي عشان التيتينه
بس مش عارفه دي بصراحه
دي عشان البافتة يا ايمي او اللفة او الكوفرتة كده يعني، بصراحة مكنتش بستغني عنها مع البافتات، وبتاعة التيتنة دي بردو مهمة طبعا، بس وقت لما كنت بديها التيتنة كنت بشبك بالدبوس بتاعها وبس طبعا كفاية، لكن لما بطلتهلها بقيت احط بقي الدبابيس دي
كريز;14545489:
هههههههه ايعنى البامبرز ال حايشه دانا ع كده مجبوش دلوقتى لحسن البت تشبط وتنزل
معنى كلامك 3-6 ده او مقاس ماشي بكام بقي الباكته وفيها كام واحد وبتقضي قد ايه
لا في انواع بتبدأ من 2 ل 5 كيلو بس الاغلبية من 3 ل 6
والباكت فيه قدامك كذا حجم، في 10 وفيه حاجة وعشرين وفيه بيوصل ل 60 كده يعني حسب بقي مش تظبطيها انتي، بس البيبي يعني تقريبا بيغير حوالي 5 او 6 مرات في اليوم مثلا في الحدود دي
اما شنطة المستشفي اومال انتي فاكرة ايه، انا اخدت شنطة سفر بس اللي هي الحجم الوسط دي اللي بعجل ده بس عشان انا كنت بايتة كمان عشان قيصري فبحتاج حاجات اكتر من الطبيعي