شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

فيروس؟ وكل الوقت ده الدكاترة في الاردن مش عارفين يكتشفوه؟

ربنا يشفيها يارب ويفرح قلبها قريب

ازيكم يا بنات اخباركم ايه ؟
ليكم وحشة كبييييييييييييييرة بس يا ترى لسه فاكرينى ولا لا

يارب تكونوا كلكم بخير


ميرا
الف الف مليييييوووووووووووووووووون مبروووك يا جميل على الحمل وربنا يتمملك على خير ان شاء الله
معلش سامحينى باركتلك متاخر بس والله لسه عارفة

وربنا يكرمنى انا وباقى البنات ان شاء الله

ازيكم يا حلوين
انا خلصت اجزائى الحمد لله ربنا يتقبل منا جميعا

امبارح بقى مراسلتكم من شات عروس كانت فى ميدان التحرير انا اول مرة اروح بنفسى كنت بسمع من الناس اللى بتروح و اصحابى اللى بيروحوا و زوجى العزيز بس الى يشوف بعينه غير السمع خاااااالص على فكرة
الصورة على ارض الواقع مختلفة تماما عن كل اللى بيتقال اولا هناك كل المستويات و الاشكال و الاعمار و مفيش سيطرة لاى اتجاه من اى نوع زى ما بيقولوا و لا حتى الاخوان فى ناس من كل المستويات من اول ناس على اد حالهم خالص لحد ناس هاااى كلاس جدا المنظر هناك مؤثر جدا انا اول ما رحت حسيت انى عاوزة اعيط حاجة الواحد عمره ما كان يتخيلها انه يشوف منظر زى ده بصراحة و اعلام مصر كده شكلها يفرح الناس هناك مسالمة جدا حتى كتير منهم عاملين يفط كوميدية اوووى
الوضع هناك امان جدا الشباب عاملين مجموعات بتفتش اللى داخل و تشوف بطاقته و كده جزء للرجالة و جزء للستات و عاملين مجموعات كده واقفين على الجنبين بيستقبلوا اللى داخل و رافعين اعلام شكلهم حلو اوووى بس اكتر حاجة قطعت قلب الواحد صور الشهداء اللى حطينها حوالين الميدان بجد حرااااام اوى الناس اللى ماتت من غير اى ذنب دى
قعدت بقى استنى وجبة الكنتاكى قلت بقى مش اقل من دينر بوكس حلو كده و استنى و استنى مفيش يرضيكوا كده بس
انا نفسى الازمة دى تخلص على خير و الموضوع ده يخلص عشان الواحد اعصابه تعبت اووووى من كل اللى بيحصل ده الموضوع ده ناثر على الناس كلها و ماثر على كل حاجة حوالينا غير المشاكل الاقتصادية اللى الناس بتعانى و هتعانى منها

كانت معهم ميوية من ميدان التحرير

ازيك يا اوني

ممكن نتعرف :)

انا امونة صيدلانية 27 سنة ولسه مش مبقللة :)
من المنصورة ومتجوزة في كايرو

ازيكم يابنات
انا كنت داخلة عشان اسالكم علي الختمة
ومش عارفة اطلعها من المشاركات ماشاء الله كتيييييييييييييير
لو ليا فيها يتريت تقولوهالي عشان الحق اقراها
شوشو
الحمد لله ان الكيس راح ربنا يكرمك قريب

فعلا يا ميوي في ناس هناك حالهم يصعب على الكافر واكتر حاجة بتقطع قلبي اهل الشهداء , بجد تحسي ان مصر كان فيها شياطين, ناس مش ادمية , ناس بتقتل بدم بارد, حسبي الله ونعم الوكيل في اللي قتلو الشهداء

تميمة

اخبار الهسهس ايه؟ :) اشتريتي الاختبار المنزلي ولا لسه هههههههههههههه

د\امونة;14447995:
ازيك يا اوني

ممكن نتعرف :)

انا امونة صيدلانية 27 سنة ولسه مش مبقللة :)
من المنصورة ومتجوزة في كايرو

اهلا بيكى د/ امونة سعيدة بمعرفتك
انا منى من القاهرة عندى 26 سنة ومتزوجة من 3 سنين ونصف

وان شاء الله يارب يارب نبقلل كلنا مع بعض قريب هههههههههه

هو لسة فى ناس فى ميدان التحرير لحد دلوقتى ؟؟ مش بيروحو اشغالهم
اموونة انا ياستى كنت فى مصر و جوزى جينا الصين جوزى بيدرس ماستر منحة من الحكومة الصينية فجينا بقى و قاعدين هنا 3 سنين باذن الله عدى منهم نص سنة اهوو هى الصين حلوة و كل حاجة بس مشكلتها اللغة الناس هنا بتتكلم صينى بس معظم الناس حتى اللى بيعرفو انجليزى مبيحبوش يتكلمو انجليش و جوزى بقى حصلله حتت فصل كرهنى فى الصين كلها كان الدكتور المشرف على الرسالة بيتكلم اجليش و كله تماااام راح الدكتور الندل جاله عقد عمل فى اليابان فى نص السنة قام طبعاا ساب اللى بيدرسو معاه و هج و احنا طب اسنان و جوزى كان فى تخصص معين و كل الدكاترة فى التخصص ده مبيتكلموش انجليش و الوحيد اللى بيتكلم سافر خلاص فجوزى اتضطر انه يتخصص حاجة تانية غير اللى هو عايزها ياللا الحمد لله ربنا يعوضه وده يا ستى كتاب حياتى ياعين اااااه

بنات انا لاقياكم بتتكلموا عن اجزاء بس مش فاهمة انتوا بتختموا القران وماشيين بنظام يومى معين ولا ايه

عايزة اتابع معاكم

سمعت عن شعوب نجحت ثوراتها وشعوب فشلت ثوراتها و شعوب غيرت و شعوب اتغيرت و شعوب تقدمت و شعوب فضلت عالم ثالث لكن عمري ما شوفت شعب عايز ينهي ثورته عشان عنده شغل الصبح والعيال عندها مدارس والمرتب مانزلش!!!!!!!**المرة الجاية ان شاء الله نعملهالكوا في الصيف وفي اول الشهر

اهلا بيكي يا منى وان شاء الله نبقلل قريب

انتي ايه سبب تاخير الحمل عندك؟

بوسي 22

ياعيني يا بنتي , يعني المنحة دي مكنش ينفع تيجي من بريطانيا مثلا :)

حكاية اللغة دي صعبة اوي , بس والله جوزك جريء انه يوافق على المنحة دي وخصوصا ان البلد مش مغرية اوي ان الواحد يروحها , ان شاء الله التخصص الجديد ده يكون خير عليه اكتر من اللي كان مختاره

هو مفيش اجازة ممكن تنزليها مصر ولا لازم ال 3 سنين ورا بعض

قوليلي بئة بتاكلو سوشي هههههههههههههههه؟

مانيا ولواحظ

اخبار النفسية ايه؟ يارب تكونو متفائلين النهارده

بكرة يوم الخميس يا بنات, عارفين ده معناه ايه؟؟؟؟؟؟؟؟؟




بطلو قلة ادب مش ده اللي بفكر فيه ههههههههههههههههههه

معناه ان بكرة الساعة 12 بالليل مثلا هبدا اليوم الفري وهاكل واكل واكل لحد ما افرقع ههههههههههههه, هبدأ بداية قوية زي الغيلان هههههه , يا لهوي يا جدعان على اللي هيحصل بكرة, احتمال اكل حتة من دراع جوزو

عندي فطير هسخنه واكله مع عسل ابيض , دي متعتي , ودا طبعا يوم الخميس

الجمعة بئة هفطر فطير برده ههههههههه وفول, وطعمية اذا امكن,

والغدا تررررررررررررررررررررااا

كبدة بالبصل في الحلة ومعاها شوربة العدس اللي مقدرتش اعملها الاسبوع اللي فات هههههههههههههههههههههههههه او مكرونة

وطبعا هعمل كيكة جديدة وهخلي جوزي يتحسر عليها :)

ازيييييييييييييييييييييييييييييكم يابناااااااااااات


انا خلصت الجزئين بتوعى الحمدلله

ربنا يتقبل منا ويجعله فى ميزان حسناتنا يارب

د\امونة;14448205:
اهلا بيكي يا منى وان شاء الله نبقلل قريب

انتي ايه سبب تاخير الحمل عندك؟

والله يا امونة مش عارفة بالظبط عموما هقولك وانتى اختارى السبب
كان عندى ضعف تبويض وطبعا الدكاترة ماشاء الله ما صدقوا وهاتك يا منشطات والحمد لله التتبويض كان بيبقى كويس بالمتابعة
وبعدها اكتشفت تكيس على المبايض وباخد اموفاج وبقالى عليه فترة وطبعا فى النص كنت عاملة اشاعة صبغة والحمد لله كانت كويسة

وفى الاخر وصلت مع الدكاترة الى ان كل حاجة كده متظبطة ومفيش موانع ظبطنا التبويض وبناخد علاج للتكيس والحمد لله

وبالصدفة البحتة قرر زوجى يعيد تحليله ويروح بيه لاخصائى امراض ذكورة وعقم والحمد لله طلع عنده دوالى والتحليل لقيناه ادهور واضطرينا للعملية واتعملت خلاص من 3 شهور
وعاد التحليل بتاعه من اسبوعين وكان الحمد لله فيه تحسن ملحوظ جدا

لسه بقى هروح لدكتور تانى علشان اخد منه المفيد واشوف ايه الاتجاه اللى همشى فيه بعد كده

طولت عليكى معلش بس مش عارفة اقولك المختص لانى حاسة ان انا تايهة من كتر الدكاترة

د\امونة;14448262:
مانيا ولواحظ

اخبار النفسية ايه؟ يارب تكونو متفائلين النهارده

بكرة يوم الخميس يا بنات, عارفين ده معناه ايه؟؟؟؟؟؟؟؟؟




بطلو قلة ادب مش ده اللي بفكر فيه ههههههههههههههههههه

معناه ان بكرة الساعة 12 بالليل مثلا هبدا اليوم الفري وهاكل واكل واكل لحد ما افرقع ههههههههههههه, هبدأ بداية قوية زي الغيلان هههههه , يا لهوي يا جدعان على اللي هيحصل بكرة, احتمال اكل حتة من دراع جوزو

عندي فطير هسخنه واكله مع عسل ابيض , دي متعتي , ودا طبعا يوم الخميس

الجمعة بئة هفطر فطير برده ههههههههه وفول, وطعمية اذا امكن,

والغدا تررررررررررررررررررررااا

كبدة بالبصل في الحلة ومعاها شوربة العدس اللي مقدرتش اعملها الاسبوع اللي فات هههههههههههههههههههههههههه او مكرونة

وطبعا هعمل كيكة جديدة وهخلي جوزي يتحسر عليها :)

ههههههههههههههههه والله انتى عسل
بس خللى بالك فى الاكل علشان شكلك نوياها على الاخر وبالف هنا يا قمر بس اعملى حسابى معاكى فى الفطير

السلام عليكم ورحمة الله وبركاتة

Dr.Flowers;14448312:
ازيييييييييييييييييييييييييييييكم يابناااااااااااات


انا خلصت الجزئين بتوعى الحمدلله

ربنا يتقبل منا ويجعله فى ميزان حسناتنا يارب

امييييييييييين يارب العالمين وربنا يقومك بالسلامة ان شاء الله
بس بلييييييييييييز عرفونى خطة القراءة ايه انا اخر حاجة وصلتلها معاكم كان الاستغفار

[BACKGROUND="70 #666666"]اونى ...........اهلا بيكى معانا ومنوره وان شاء الله يبقى مفيش موانع للحمل باذن الله
بس هو يعنى ايه تبويض ضعيف؟؟؟؟

امونتى.........لا ياستى لسه الهسهس بدرى عليه هى كلها بكره وتشرف ياست هانم انتى:D:'(

ميرا............مش كان زمانى قريت وخلصت اجزائى ينفع كده زعلانه جدااااااااااااااااااا8o|:'(:'(:'(:'(:'(

ودعه ........نورتى التجمع من تانى فينك يا قمر[/BACKGROUND]

L O L Y;14448386:
السلام عليكم ورحمة الله وبركاتة

عليكم السلام ورحمة الله وبركاته ازيك يا لولى اخبارك ايه ؟

يتصفح الموضوع حالياً: 10 (10 من الأعضاء و 0 من الزوار) ‏لحظةحب, ‏ra_tamima, ‏L O L Y, ‏edta, ‏onny, ‏shoshet*himo, ‏طموح 2005, ‏د\امونة+, ‏RAINBOW2000

منورين يا بنات

انا خلصت اجزائي خلاص