شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

اللي عايز يعرف مين عصام شرف.. المقال ده مكتوب بتاريخ 10 يناير 2010
لرجل المحترم الذي قال لا في وجه من يقولون «نعم وحاضر يا فندم، أوامرك»، وقدَّم استقالته قبل ثلاث سنوات، تاركاً مكتبه الفخم بوزارة النقل، لأنه أدرك أنه لا توجد إرادة سياسية لحل أزمات النقل بعد حادث قطار قليوب، وهو نفسه الرجل الذي أطلق مفاجأته الثانية الآن، وكشف أمس الأول عن أنه سيترك منصبه كرئيس للجنة التسيير بنقابة المهندسين، إذا لم تكن لدي الدولة والحراسة القضائية وأطراف الأزمة إرادة حاسمة لحل أزمة الحراسة القضائية، خاصة بعد صدور الحكم الأخير ببطلان شرعيتها. إنه الدكتور المهندس عصام شرف- وزير النقل الأسبق- الذي ترك منصبه كوزير للنقل لأنه رفض التستر علي الإهمال الحكومي بحق الناس. هذا المهندس الذي يعد من أكبر خبراء النقل في مصر والعالم العربي، لم يكن غريباً عليه أن يهدد بالانسحاب من دوره بنقابة المهندسين، لأنه ببساطة «معندوش حسابات مع حد، ما عدا وازع الضمير الذي ينتاب المواطن والمهندس الغيور علي بلده. «شرف» الذي أمهل نفسه فترة الستة أشهر كحد أقصي لتنفيذ قراره بالانسحاب لم يخف سعادته الشديدة بحكم إنهاء الحراسة علي نقابة المهندسين، بل إنه قال إنه يطلب من الحراس القضائيين ألا يستأنفوا ضد الحكم الأخير الذي أنهي بحسم شرعية الحراسة القضائية، حرصاً علي مصلحة المهندسين والمهنة رئيس لجنة التسيير أكد أن الأمور، رغم كل ما يحدث، باتجاه الحل وأن الانتخابات إن شاء الله ستجري عبر اتفاق لجنة التسيير مع أطراف الأزمة بما فيها حركة «مهندسون ضد الحراسة» علي عدة بدائل وحلول توفيقية سيتم الإعلان عنها قريباً، رافضاً تحميل لجنته أكثر من طاقتها «سيبونا يا جماعة نشتغل شوية، وكل شيء سيعلن وأنا متفائل بأن المهندسين بكل أطيافهم هيقدموا المصلحة العامة علي أي شيء آخر، وأنا دور لجنتي هينتهي بانتهاء الحراسة، وتحقق مطالب المهندسين، بس»!

منايا

البرنامج بيتعاد حاليا افتحى بسرعة الحقى
والله برنامج فى منتهى الاستفزاز وقلة الزوق
والراجل بيطلع ببلوفر راجل متواضع وقال قبل كدة بيضايق من البدل

فجر1975;14620303:

انتى ما سمعتيش اللقاء امبارح مستفز لاقصى درجه

من اللى اسمه علاء الاسوانى ده
ولا المذيعه بتقوله فى اساله جايه كتير على التويتر
بتقول يارتى ليه الدكتور احمد شفيق مش لابس البلوفر النهارده
بصراحه استفزنتى اوى
انا مش معترضه على رئيس الوزراء الجديد
لا انا بقول عليهم هم ممكن يقولوا لا ده ما ينفعش غيروه
اصل ده كان وكان وكان
انا نفسى البلد تستقر شويه والناس تبدا تنتج بقى

خلينا نطلع لقدام شويه

والله كلامك صح يا فجر

فجر1975;14620303:

انتى ما سمعتيش اللقاء امبارح مستفز لاقصى درجه
من اللى اسمه علاء الاسوانى ده
ولا المذيعه بتقوله فى اساله جايه كتير على التويتر
بتقول يارتى ليه الدكتور احمد شفيق مش لابس البلوفر النهارده
بصراحه استفزنتى اوى
انا مش معترضه على رئيس الوزراء الجديد
لا انا بقول عليهم هم ممكن يقولوا لا ده ما ينفعش غيروه
اصل ده كان وكان وكان
انا نفسى البلد تستقر شويه والناس تبدا تنتج بقى
خلينا نطلع لقدام شويه

لا ماسمعتش.. بس دي قلة ذوق يعني... و المذيعة مهما كان ماينفعش تقول كدا.. لازم الاحترام و اوصل وجهة نظري بأدب..
انا عايزة أعرف انتوا ليه زعلانين ان شفيق و حكومته مشي.. ماهي مطالب الثورة من الأول خالص هي سقوط النظام بالكامل.. مش سقوط مبارك بس... هم بقى اللي بيستجيبوا للمطالب بالقطارة...الأول مبارك و سايبين بقايا النظام ... طب احنا ماطلبناش كدا .. احنا بنقول النظام كاااااملا...و معتقدش ان حد ممكن يقول لأ على رئيس الوزراء الجديد على الأقل لانه له مواقف مشرفة و انه ماقبلش الفساد و قال لأ ...و استقال...
و على فكرة البلد مش حتستقر قبل ما أمن الدولة ده يتعدل او يتلغي.. و الشرطة تحترم نفسها و تنزل الشارع.. و ده مش حينفع يتم قبل ما يتحاكموا الفاسدين اللي فيهم و يتحط ناس نظيفة محترمة ....انا سمعت ان ضابط شرطة قال ايه خايف ينزل الشارع من البلطجية.. طيب ده كلام يا جماعة؟؟ هم لو ينزلوا و يبطلوا يتعاملوا مع الناس بقلة ذوق محدش حيكلمهم... و لو السبب ورا قتل الشهداء اتحاسبوا الناس حتثق في جهاز الأمن و الشرطة و مش حيعملوالهم حاجة..
كلنا نفسنا البلد تستقر... بس انا مش قادرة افهم ازاي مش عارفين يسيطروا على أمن البلد..؟؟؟!!!!!!
شفيق قد يكون شخص محترم الله أعلم.. ما شفتوش بس انا اللي لقطة اللي شفته فيها لقيته بيتكلم باستخفاف و استهزاء على شباب الثورة و عايز يجيبلهم بونبوني.. طيب ازاي أثق في واحد بيستهزأ بينا و مش مقتنع بشرعية مطالبنا اللي الجيش معترف بيها.. ازاي أثق انه حينفذ بقيت المطالب.. اللي كان بيعملوا هي انه بيدينا مسكنات عشان الناس تهدى و بس..

حبيبة امها 4;14620298:
فرحانة قوى لية كدة يا مونيا
ربنا يستر بقا على مصر
والله انا بقيت خايفة على مصر
ما هما الشباب وبتوع الثورة مش هيعجبكهم حد
بصراحة هما زودوها قوووووووووووووووى

انتوا قلقانين ليه.. ادوني أسباب مقنعة.. على فكرة انا مش بحب أهاجم الرأي الآخر... و لا بحب انتقدهم.. بس بزعل اوي لما اسمع كلام احباط و اتهام للثورة و لشبابها ...لكن انا عايزة نقنع بعض..و نتناقش...

manyaa;14620377:
انتوا قلقانين ليه.. ادوني أسباب مقنعة.. على فكرة انا مش بحب أهاجم الرأي الآخر... و لا بحب انتقدهم.. بس بزعل اوي لما اسمع كلام احباط و اتهام للثورة و لشبابها ...لكن انا عايزة نقنع بعض..و نتناقش...

البنبونى دا اتقال على اى قناة

يا جماعة.. هو ده كلام برضه.. يعني كلنا متفقين ان وزير العدل ده عليه اتهامات قد كدا و عايزينه يتحاكم يقوم شفيق يقول قد نكون محتاجينه في الوقت ده عشان الاصلاحات اللي بنعملها.. طب ما هو ده فعلا سبب أدعى لعدم الثقة..........!!!!!!!!!!! المشكلة انه ماشي باللي شايفه هو حتى و ان تعارض مع مصلحة الشعب...

حبيبة امها 4;14620398:
البنبونى دا اتقال على اى قناة

أيام الثورة نفسها أول ما مبارك عينه .. كانت جاية على البي بي سي و الجزيرة.. و كان بيقول كدا لما بيقولوله ليه تضربوا الناس اللي في التحرير باين.. فقال لأ .. هم يعدوا و محدش حيتعرضلهم و مفيش داعي نضربهم و نسيبهم و نجيبلهم بونبوني و مش عارف ايه... يعني حسيت من كلامه كإنه بيقول اتظاهروا زي ما انتوا عايزين و اضربوا دماغكم في الحيط و اللي احنا عايزينه حنعمله برده..

قد يكون هو كشخص كويس على المستوى الشخصي.. انا ما قلتش انه مش محترم.. بس أنا شايفاه برده مبيفيدناش بحاجة.. او ماينفعش يبقى رئيس الوزراء..بيقولك الرئيس لما سلمني الوزارة كان فيه 3 او 4 عايزهم يفضلوا موجودين و انت اتصرف في الباقي... طيب و هو ده اللي احنا كنا عايزينه؟؟؟ احنا مش عايزين حد كان في النظام القديم و شاف الظلم و الغلط و الفساد القديم و سكت عليه لانه مش حيكون محل ثقة

manyaa;14620420:
يا جماعة.. هو ده كلام برضه.. يعني كلنا متفقين ان وزير العدل ده عليه اتهامات قد كدا و عايزينه يتحاكم يقوم شفيق يقول قد نكون محتاجينه في الوقت ده عشان الاصلاحات اللي بنعملها.. طب ما هو ده فعلا سبب أدعى لعدم الثقة..........!!!!!!!!!!! المشكلة انه ماشي باللي شايفه هو حتى و ان تعارض مع مصلحة الشعب...

مزيد من المعلومات عن عصام شرف..



أقسم «ممدوح إسماعيل» مالك العبارة السلام 98 التي غرقت في فبراير 2006 وراح ضحيتها 1033 مواطناً مصرياً، أن يطيح بعصام شرف من الوزارة في أكتوبر 2005 وذلك عندما رفض تدخله وتدخل زكريا عزمي رئيس ديوان رئيس الجمهورية في طمس حقيقة إصطدام العبارة السلام 95 بسفينة بترول قبرصية في السويس، وأراد أن يغير دفة التحقيقات حتى يهرب من التعويض ويحمل السفينة القبرصية التعويض، وطلب من اللواء حسين الهرميل الذي كان يرأس هيئة السلامة البحرية إستمرار التحقيقات ورفض الاستجابة لتدخلات زكريا عزمي.
وتحقق ما أقسم عليه ممدوح إسماعيل، وخرج عصام شرف فى ديسمبر 2005 بعد شهرين فقط التشكيل الوزاري الثاني للدكتور أحمد نظيف، وبعد 6 سنوات يعود وزير النقل الأسبق ليقود الحكومة فى أحرج فترات تمر بها مصر في مرحلة انتقالية تأتي بعد ثورة أطاحت بالرئيس السابق «مبارك» وجميع رجالاته.
شارك عصام شرف، الذي تخرج من كلية الهندسة بجامعة القاهرة وحصل على درجتي الماجيستير والدكتوراه من الولايات المتحدة الأمريكية، بعد تركه لمنصب وزير النقل، في تخطيط الطرق في إمارة «أبو ظبي» بدعوة من الحكومة الإماراتية.
حصل عصام شرف على جائزة الدولة التشجيعية ثلاث مرات، بعد أن قدم نحو أكثر من 140 بحثاً في مجال الطرق، كما حصل على جائزة رفيق الحريري عن أبحاثه في المجال ذاته.
أسس مع أعضاء آخرين جمعية «عصر العلم» التي يشارك في عضويتها الدكتور أحمد زويل، الحائز على جائزة نوبل، والدكتور محمد البرادعي، الرئيس السابق للوطالة الدولية للطاقة الذرية.
ويحسب لشرف، وزير النقل الأسبق، أنه كان من المساهمين في رفع الحراسة القضائية عن نقابة المهندسين.
جاء شرف رئيساً للحكومة المصرية في فترة هي بالفعل أحرج فترات التاريخ المصري الحديث، ليرأس حكومة تسيير أعمال انتقالية تواجه اختباراً صعباً، خاصة وأنها جاءت بعد ثورة 25 يناير التي أطاحت بنظام الرئيس السابق مبارك، وستشرف على انتخابات رئاسية وبرلمانية، ربما هي أول انتخابات حقيقية تشهدها مصر منذ عقود.

فجر1975;14620490:

انتى بردوا مش فهمانى
انا مش زعلانه على حكومة شفيق
انا زعلانه من اسلوب الشباب الثوار
مالهومش سقف للطلبات
بمعنى الاول لازم حسنى يمشى ومش هانمشى الا لما يمشى
وبعدين سكتوا شويه وقالو لا لازم شفيق وحكومته يمشوا
طيبوبعدين هم عاوزين ايه دول عاملين زى الطفل اللى بيشبط
فى حاجه هاتجيب الحاجه دى ولا اعمل واعمل و و و
فهمانى لازم نكون عقلانيين وعمليين شويه
الراجل اللى جاى ده نيبه بقى يحط الوزراء ونسيبهم يشتغلوا
واحنا من ناحيه تانى نبدا نبنى نبدا نعلن عن انفسنا
وعن مبادىء الاحزاب بتاعتنا.........
زى ما عملنا الثوره لازم نرسخ اخلاق الثوره فى انفسنا
الالتزام تجاه انفسنا .ززمسؤليتنا تجاه الوطن وتجاه انفسنا
واولادنا مش نبقى بنفس الهمجيه
واذا كانوا هم فاهمين اللى بيعملوه فى ناس بتقلد ده
لمجرد التقليد وتمتنع عن العمل والانتاج فهمتينى

يا فجر انا كنت فاكرة زيك كدا.. بما اني بعيدة عن الأحداث و مش متوفرلي مشاهدة تلفزيون... بس لما رجعت للمطالب الأساسية من قبل مبارك ما يمشي.. كان أول مطلب سقووووووووووووووط النظاااااااااااااام و على رأسه مبارك.. يعني سقف مطالبهم ماتغيرش..ولا حاجة..

الفترة اللي احنا فيها حرجة أوي.. و صعبة و أكيد فيها خساير.. و أي ثورة لازم أكيد حيكون فيها قلق كدا بس بعدها لما كل حد صح يمسك منصبه و مكانه... بس المكاسب تستاهل اللي بيحصل... أنا شايفة ان الشباب مش همجي ولا حاجة.. هما بيعملوا المظاهرة المليونية يوم الجمعة و بقيت الأسبوع في الشغل.. كون وجود عناصر همجية و مهمتها نشر الفوضى في البلد ده بسبب الحزب الوطني و البقايا بتوعهم..
ليه مش بنبص على المكاسب اللي بناخدها و كل يوم في فساد جديد بيتكشف و يتحاسب اصحابهم..

لما طلبنا سقوط النظام هم وقعولنا جزء منه مش كله.. يعني هم اللي بيوقعوه بالقطارة..

manyaa;14620526:
يا فجر انا كنت فاكرة زيك كدا.. بما اني بعيدة عن الأحداث و مش متوفرلي مشاهدة تلفزيون... بس لما رجعت للمطالب الأساسية من قبل مبارك ما يمشي.. كان أول مطلب سقووووووووووووووط النظاااااااااااااام و على رأسه مبارك.. يعني سقف مطالبهم ماتغيرش..ولا حاجة..

فجر1975;14620490:

انتى بردوا مش فهمانى

انا مش زعلانه على حكومة شفيق
انا زعلانه من اسلوب الشباب الثوار
مالهومش سقف للطلبات
بمعنى الاول لازم حسنى يمشى ومش هانمشى الا لما يمشى
وبعدين سكتوا شويه وقالو لا لازم شفيق وحكومته يمشوا
طيبوبعدين هم عاوزين ايه دول عاملين زى الطفل اللى بيشبط
فى حاجه هاتجيب الحاجه دى ولا اعمل واعمل و و و
فهمانى لازم نكون عقلانيين وعمليين شويه
الراجل اللى جاى ده نيبه بقى يحط الوزراء ونسيبهم يشتغلوا
واحنا من ناحيه تانى نبدا نبنى نبدا نعلن عن انفسنا
وعن مبادىء الاحزاب بتاعتنا.........
زى ما عملنا الثوره لازم نرسخ اخلاق الثوره فى انفسنا
الالتزام تجاه انفسنا .ززمسؤليتنا تجاه الوطن وتجاه انفسنا
واولادنا مش نبقى بنفس الهمجيه
واذا كانوا هم فاهمين اللى بيعملوه فى ناس بتقلد ده

لمجرد التقليد وتمتنع عن العمل والانتاج فهمتينى

انا من رايك ومؤيدة لرايك هما الشباب مش هيبطلوا طلبات
شكلهم عاوزين بنبونى فعلا

فجر1975;14620563:

والله الواحد يتمنى ان الموضوع يعدى على خير


الواحد نفسه يشوف البلد دى مستقره وكويسه

ياريت نفسى يكوف فى امان شوية
وياريت البلد تستقر

كلنا عايزين الأمن و الأمان و الاستقرار للبلد .. و دي دعوتي في صلاة الفجر يوميا.. انا نفسي فعلا الأمور كلها تهدى انهاردة قبل بكرة.. بس في نفس الوقت سعيدة بالتغييرات اللي بتحصل..

السلام عليكم

انا جيت نورت البيت و انا اؤيد استقالة شفيق لانها الصح في الحالتين لو هو وحش يبقى لازم يمشي عشان البلد تنضف لو هو حلو يمشي عشان الناس مش عايزاه و يحافظ على شكله

و عليكم السلام و رحمة الله و بركاته يا هدى...
قشطة عليكي يا هدى.. بس الفكرة اني شايفاه سلبي .. او الاحساس اللي وصلني منه انه ممكن يشوف الغلط و يسكت زي اللي قبله عشان الدنيا حالها يمشي و خلاص...

شوشو
ازيك يا جميل عاملة ايه


هدى
وانا كمان مع الاستقالة

هوكده خرج بكرامته وما هزقش نفسه