شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

البت ميرا دخلت وخرجت تاني يظهر هتقعد تقرا في اللي فات لمدة شهر :) اصل احنا رغينا كتير اوي في غيابها, بس انا ممكن اعملها ملخص وخلاص

د\امونة;14616198:
انا كمان رأيي زي رأي مي يا هدى, خففي الحمل من عليكي شوية, وبطلي اكل شيكولاتة يا بت هتضيعي تعب الاسبوع هههههههههههه


جوجو

يخرب عقلك يا بنتي كيلو واحد بس , ليه يا بنتي انتي حامل في زيتونة هههههههههههه

كلي كويس يا جوجو , ياعيني على البنت اللي جوا اللي زمانها ياعيني ميتة من الجوع, هتطلع مسلوعة زيك ههههههههههههههه

لازم البت تطلع موووووزة وسمباتيك كده اومال يعنى تتعذب فى الدايت زى ناس :p:p

RAINBOW2000;14616228:
ههههههههههه:lol: زمانها عمالة تعيط و تقول جعااانة يا ناس خلوها تاكل شوية
صحيح خدى بالك من نفسك شوية كده عشان خاطر النونة تصدقى بقى انا اول مرة اكتشف ان انتى جوجو كنت دايما اتسائل مين جوجو دى مركبتش الاسم على الشخصية غير دلوقتى

هههههههههههه

والله باكل بس مشكلتى انى لسه برجع واقرف من الاكل لحد دلوقتى فعشان كده بخس

بس الدكتور ادانى كلمتين المرة اللى فاتت وماما كانت معايا فمتوصيه بيا بقى اليومين دول

ده انا لو قلت آي او اشتكيت من اي حاجة واجعاني يقوللي سلامتك يا امينة رزق

ما الذي تحتاجه عند مشاهدتك خطاب للقذافى: ا
.
.
.
.
..........
.
| 1 |
قاموس عربى/ قذافي
| 2 |
أطلس للكرة الأرضية لمعرفة علاقة ليبيا بأمريكا الاتينية
| 3 |
جلوكوز عند شعورك بالغثيان و الدوار
| 4 |
دواء ضغط
| 5 |
يجب أن يتم تقييد المستمع لتحاشي الإنتحار أو تدمير التلفاز
| 6 |
مسبحة ومصحف لتحاشي السبّ و الشّتيمة

يا هدى اكيد في حاجة تانية مدايقاه تخليه يقول كده, انا مش متخيلة انه يكون قاعد هادي كده ويقولك يا فاشلة, اصبري للصبح واتكلمي معاه قوليله كلامك جرحني اوي وانت عارف اني مش مقصرة في البيت

ومش معنى ان في اختلاف بينا في طريقة تربية البنت انك تجرحني كده

انا هقوم اصحيه عشان يتعشى و ياخد الدوا عشان رجله بتوجعه و بياخد دوا بعد العشا باينه عجز ولا ايه؟

د\امونة;14616274:
ايه ده يا ميوي انتي طلعتي من سيدات الاعمال ههههههه, يا ماشاء الله يا ما شاء الله وانا اللي كنتي فاكراكي ست بيت :)

وبالنسبة للدراسة اهي متلخبطة عند كل الناس , اصبري وبكرة ربنا يفرجها , الدراسة هتروح فين يعني

بالنسبة لمديرك اذا دايقك في حاجة , قوليلي بس وانا اجي اكل زمارة رقبته لاني مخنوقة من كل المديرين , وعندي عقدة من ايام ما كنت بشتغل
انتي اعملي شغلك اللي عليكي واتكلمي معاه بذوق ولو زودها معاكي خدي حقك بالذوق, ايوة خلاص البلد بئة فيها ثورة ومش هنسكت :)

حلوين البوقين دول؟

احم احم سيدات اعمال طبعا:cool:ايه رايك بقى
و لو الراجل ضايقنى هبعتهولك تاكلى دراعه فى اليوم الفرى بتاعك هو مش مزودها بس الفكرة ان دماغه ضاربة شويتين مش اكتر و الواحد بقى مفيهوش خلق

shoshet*himo;14613168:
انا بقا عاوزة اخد رايكم في حاجه دلوقتي جوزي هينقل شغل جديد باذن الله اول شهر 4 في مكان تاني خالص فلما يستلم شغله باذن الله مش هينفع ياخد اجازة قبل سنه لانه لسه جديد واحنا بقالنا هنا اصلا بعد اخر مره نزلنا مصر حوالي 5 شهور فبيقولي الوقت اللي الشغل الجديد يعملوله الفيزا الجديده حوالي 15 يوم ننزل مصر بدل قعدتنا هنا من غير داعي يعني واني لو نزلنا هيرجع لوحده الاول عشان يعملي فيزتي عشان اعرف ارجع هنا اساسا اكيد اللي مسافرين فاهمين القصص دي المهم كل ده انا عارفه ررغي بس عشان تفهموني ههههههههههههه المهم انا كنت ناويه ابدا المنشط الشهر ده اول ما الدورة تيجي و4 دورات متتاليه لاني عندي العلاج اوريدي جيباه من مصر ممكن اخد الشهر ده وهنكون سوا لكن لو نزلنا مصر بخ كده خلاص مش هينفع اكمل لانه هيسافر ويسيبني وانا عايزة اكمل الاربع شهور ورا بعض عشان نسبه حدوث الحمل بتكون اعلي لو المنشط متفرق يعني لان الجسم بيكون نشيط لما المنشط بيكون ورا بعضه اكيد فاهمين دلوقتي انا اتناقشت معاه قالي خلاص متاخديش الشهر ده واستني لما نستقر وترجعي طبعا انا اتضايقت جدا هضيع وووووووقت تاني وقولتله لا انا عايزة اخلي الاربع الشهور تنشط دول بفارغ الصبر حصل حمل الحمدلله محصلش كده كده هنزل اعمل المنظار في مصر دلوقتي انا محتاره اعمل ايه بقا كده فهمتوني صح ؟؟؟؟

مممممم..اه فهمتك يا قمر... طيب ما انا عندي فكرة... فكك من مصر دلوقتي.. و ال 15 يوم دول سافروا فيهم اتفسحوا في أي حتة تانية تغيير جو... .. متهيألي ممكن تنقلوا الفيزا عادي و مش حيحتاج يرجع لوحده ولا حاجة طالما مش حتكونوا في مصر... .. قضولكم اجازة سعيدة و اهو كمان عشان ترعفوا تركزوا في الهوم وورك.. و بعد ال 4 شهور لا قدر الله لو مفيش حمل ابقي انزلي انت مصر اعملي المنظار و خلاص...انا لو مكانك حعمل كدا

ايه ده جوجو بتلقح عليا كلام ههههههههههههه

انا بقيت سمباتيك يا بت يا جوجو وخسيت 7 كيلو , بقيت 73 وطولي 170

هدى

استهدي بالله , الشيطان بيفكرك دلوقتي بكل حاجة دايقتك منه زمان , والله الشيطان عايز يشعللها الليلة دي , اهدي خالص وروقي معانا وسيبي الكلام ده للصبح

هقومه يا امونة عشان ورانا هوم ورك

هههههههههههههههه هوم وورك يا هدى يا مستغلة هههههههه

اصيلة يا دودو , شاطرة كيدي الشيطان وعشي جوزك واتصالحو قبل ما تنامي

أجمل ايام العمر;14616288:
اخفف الحمل ؟ اذا كنت انا كدة و بيقوللي فاشلة امال لو معملتش حاجة هيقووول ايه؟

ما هى نفس المشكلة الازلية ان هما مقدرين ان دى حاجة كبيرة هما شايفينها سهلة بس انت ايه نظريتك فى كوى الغيارات و الملايات و الحجات دى يا هدى اصل ده بالنسبالى خيال علمى يعنى انا معترفة انى ست بيت فاشلة انا بطبخ اه و بعمل اكل حلو بس شغل البيت ده بقى بالنسبالى كارثة بكرهه جدا
عارفة كمان جزء من المشكلة ان انت عودتيه على كده طبقا لنظرية جوزك على ما تعودية يعنى هو اتعود على ان كل حاجة على سنجة عشرين مش عشرة فحتى لو هى عشرة هيبقى شايف ان فى تقصير منك

ايوة صحيح يا هدى , ايه نظريتك في كوي الغيارات والملايات وهدوم بيلا, انا مش ممكن اعمل ولا هعمل كده ابدا, ده مجهود فوق الوصف بصراحة

انا برده يا مي مش بحب شغل البيت ابدا,وحاسة اني مقصرة اوي في تنضيف البيت

بت يا مانيا يا رايقة يا بتاعة سوريا انتي ههههههههههه

تسدئي انا كمان نفسي اروح سوريا , نفسي اشوف صحباتي بتوع المدرسة وحشوني اوي, منهم بنت اتجوزت مصري وعاشت في الكويت , بس بت سورية مزة ههههههههه

السلام عليكم

ازيكم ياحبايب قلبى
وحشتووووووووووووووووووووووووووووووووووووونى اوى اوى اوى


ازيكم اخيرا دخلت من الكمبيوتر
انا دخلت مرتين قبل كده من الموبيل وكتبت رد وموصلش مش عارفه ليه
بس كنت بدحل اطمئن عليكم فى السريع

المهم انتم احباركم ايه نفر نفررررررررررررررررررررر

هههههههه حلوه يا هدي ورانا هوم ورك معليش يا بنتي هما الرجاله كده حاسين ان تعب البيت عادي مفيهوش حاجه ونفروض نحمد ربنا اننا مش بنشتغل وقاعدين في البيت

مي
علي فكره انا جوزي زي جوز هدي الهدوم الداخليه والبيجامات وهدوم البيت عموماوالملايات لازم نكون مكوايه انا مره قلت له ي في اول جوازي كنا بنتكلم علي المكواه قلتلها جوزي لو يطول يكوي المايه قبل ما يشربها هيكويها هههههههه في رجاله زي اجوزنااا كتير ررر الحمد لله

ميرا وحشتيني اوي اوي والله , ازيك يا عسولة

انتي فين دلوقتي , في القاهرة وليه سافرتي فجاة , وهتيجي امتى, وجوزك هييجي ولا لأ؟

رحتي للدكتورة اميمة ولا لسه؟

عايزة تقرير مفصل

انا جيت صحيت جوزي و كلمته عادي و ضحكنا على بيللا و هو قام يتفرج على التلفزيون و انا دخلت انام مع بيللا .. بصي انا حماتي كانت بتكوي كل حاجة و انا لما اتجوزت جوزي هو طلب مني كدة و انا كنت بكوي في الاول عشان ارضيه دلوقتي بقى ادمان معرفش اطبق الغسيل من غير ما اكويه اتعودت انا تشوفي فانلات بيللا في دولابها تقولي دي جديدة متلبستش بحب قوي الاحساس ده

يتصفح الموضوع حالياً: 8 (8 من الأعضاء و 0 من الزوار) ‏miramiro, ‏د\امونة+, ‏محبة_الرسول+, ‏لحظةحب+, ‏RAINBOW2000+, ‏manyaa, ‏bosy82, ‏أجمل ايام العمر+ يتصفح الموضوع حالياً: 8 (8 من الأعضاء و 0 من الزوار) ‏miramiro, ‏د\امونة+, ‏محبة_الرسول+, ‏لحظةحب+, ‏RAINBOW2000+, ‏manyaa, ‏bosy82, ‏أجمل ايام العمر+

ما شاء الله متجمعين عند النبى ان شاء الله

امونه ازيك اخبار اليوم الفرى ايه بكره ان شاء الله زمانك فرحانه ههههههه

محبتى
ازيك ياحبيبتى عامله ايهوالف حمد لله على سلامه ايمى واياد
سلميلى عليها اووووووووى
و فين نصيبى من السبوع من اولها كده بقى هههههههههههههه

لواحظ
ازيك ياحبيبتى عامله ايه
او ار يوووووو يارب تكونى بخير يارب

ميويه
ازيك ياحبيبتى عامله ايه واخبار الحياه معاكى ايه يارب كله يبقى تمام يارب

منمن
ازيك اخبارك
اخيرا شيفاكى داخله بالليل اين زوجك يا فتاه
وبدائتى الرجيم لا لسه ؟؟؟؟ هههههههههههه


بوسى
ازيك ياحبيبتى اخبارك ايه انتى وملوكه
ما شاء الله صورتها جميله اوووى الله اكبر


هدهد
ازيك يا مس هدهد ياحبيبتى ههههههههههه
وازاى بيلا
ياترى مفتجله عينها كده كويس ولا كسفانا هههههههههههههههه

يا لهوي يا لواحظ, حتى جوزك ؟ ههههههههههه

طيب ايه الحكمة في اني اكوي الملابس الداخلية وهيا محدش بيشوفها هههههههههههه وكمان بتتفرد على الواحد ههههههههه