22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

تسلم ايديكم يا بنات على الاكلات اللى كلها احلى من بعض بصراحه

الواحد مش عارف يقول ايه

لا فض فوكم بصراحه


يعنى عظمه على عظمه ياست

يعنى عظيمه يا مصر يا ارض النعم :D

مش عارفه يا نودي أظن مش حيحصل حاجة يعني و لما ترجعي بالسلامة ان شاء الله حأقولك اهم حاجة تجيبي سماق و زيت زيتون يا جميل

فاكرين يا بنات الأسبوع اللي فات عملت تورته العلم......... الخليط بتاع الكيك كان كتير علي القالب روحت حطيته في قالب الباوند كيك و خبزته و بعد كده قطعته شرايح و شيلتها في الفريزر النهارده طلعتها و رصتها في القالب و عملت كريم باتسيير بالموز صبيته عليها و كان عندي كريم شانتيه من باقي التورته برضه عملت علي الوش وردات و زينت بالفراوله شرايح فريش و بس طلعت فكرة حلوة قوي و خفيفه موووووووووووووووووت عجبت جوزي جدا ان شاء الله بكرة حأصورلكم صوره الحتة اللي فاضله ههههههههههههه اصل مفيش بطاريات في الكاميرا

محدش رد عليا على الحواوشي لييييييييييه واسويه ازاااي في ناس كانت بتقول في طاسه على البوتجاز من فوق هل ده ينفع ولا ايه؟

الحواوشي يا مشمش ممكن تعملي الحشو ني او مستوي
وتقليه في طاسة تيفال بشوية زيت صغيرين او تشويه في الفرن

مشمش ام محمد;14547402:
محدش رد عليا على الحواوشي لييييييييييه واسويه ازاااي في ناس كانت بتقول في طاسه على البوتجاز من فوق هل ده ينفع ولا ايه؟

انا هقوللك طريقتي
بصي النص كيلو مفروم بحط عليه بصلتين كبار تقريبا وفلفتين لو عندك وتوابل باة ملح فلفل اسود وروزماري وكده وحطي باة سمن وزيت شوية حلوين كده ع المفروم وهوا ني
ومكن تجيبي خلطة الحواوشي الجاهزة بتخلي طعمه حلو
وتبقي قاسمة الغريف نصين وتحشيه وتدهني وش وضهر الرغيف سمن او زبدة خفيف كده
وحطيهم في ورق فويل في الفرن
نص ساعة تقريبا لحد ما يتحروق بسيط كده

وطعمه بيبقى تحقة :thumbs_up:
وعندي ماما بتحط فيه اللي هوا الدهون اللي في الخروف دي مش فاكرة اسمها
بس انا ماليش فيييييييه

انا يا جماعه كلمت سوسى وهى كويسه الحمد لله

بس ادعولها ربنا يصبرهم ويرحم باباها

فراشه ياريت لو كلمتيها تانى تسلميلى على سوسى وتعزيها انا بصراحه لما عرفت اتصدمت ومبقتش عارفه حتى ابعتلها رساله تعزيه ربنا يصبرها ويقويها يارب ويرحم باباها

حلوة قووووووووووي الفكرة دي يا ام بودي
طيب الكريم باستري بالموز انتي ضاربة الموز في الخلاط ولا مقطعاه قطع؟؟

ولو حد كلم سوسي يعزيها برضه باسمي بالله عليكم
انا لحد دلوقتي مش عارفة ابعت رسالة
كل ما افتح الصفحة واحاول اكتب الاقي نفسي مش عارفة وافتكر امي الله يرحمها
مش عارفة ليه حاسة لساني زي المشلول ومش لاقية كلام اكتبهولها
واقول لنفسي يعني لما ترجع وتكون نفسيتها هدت افكرها برسالتي
لو انا غلط قولولي غلط عشان ابعتلها رسالة فعلا على المنتدى ومش اتاخر اكتر من كده

لالالا يا نور ده كيس جاهز من كارفور ب جنيه و نص بطعم الموز تحطيه علي نص كيلو لبن و سكر و تقلبيه علي النار لحد ما يتقل و بس

Bossy22;14541522:
الله الاكل تحفة ايمى البطاطس طريقتها ايه ؟؟؟؟
انا عايزة اعرف الكشرى العدس اصفر بيتعمل ازاى و اعمل ايه معاه

الكشري الاصفر
كوبايه رز على نص كوبايه عدس اصفر اخلطيهم على بعض واغسليهم كويس اغلى مقدار مايه وحطي عليه ملح وفلفل ومكعب ماجى وبعدين نزلى عليهم الرز بالعدس بس مايكونش مايه كتير عشان مايعجنش

بس كده بيستوى بسرعه وتعملى جمبه بيض مدحرج
يعنى تسلقي بيض ولما يستوى تقشريه وتحمريه في طاسه بزيت بس توطى عليه او تغطيه عشان بيفرقع جامد لحسن تتلسعي لاقدر الله

وتعملى جمبه دجوس (الصوص بتاعه)
طماطمتين كبار تقطعيهم وتحطيهم في الكبه وعليهم فصين توم صغار وعصير لمونه وملح وفلفل وتضربيهم كويس في الكبه ولو تحبي ممكن تحطى عليهم كمان فلفل رومي طعمه بيبقى وهمممممممممي وعلى ضمانتى وخفيف


[BACKGROUND="70 #660033"]
وبما اننا بنتكلم على العدس خدوا منى النصيحه دى لما تيجوا تعملوا كشري بجبه اسلقوا العدس البني لوحده في حله ولما يغلي تكبوا مايته وتحطوله مايه تانيه يستوى فيها

ليه بقى ؟؟
عشان لما تعملوا كده عمركم مايجيلكم انتفاااااخ من الكشري
الانتفاخ بيبقى من المايه بتاعت العدس عشان كده لازم تسووا العدس لوحده والرز لوحده وفي االاخر ابقوا اخلطوهم وادى نصيحه يميمية :biggrin::thumbs_up: لحبايبي الحلوين :L:
[/BACKGROUND]

DodyCat;14542090:
انت فين يا بنتى بتغيبى علينا ليه وحشانى مووت البنات عاملين ايه
قوليلى ليه بتحطى شوربة كنور ممكن نستبدلها ببشاميل؟؟

:L:

لا ماينفعش تحطى بيشاميل
انا بحط شوربه كنور عشان بتكون فيها كرفس وبصل مجفف وماجى هما دول اللى بيدوها الطعم الخرافي واللون الوهمي لانك مش بتكونى متبله الفراخ نهااااااااااائي
انت بتكونى غسلاها وحطاها من غير اى تتبيل والشوربه هى اللى بطعمها

جربيها وقوليلي رايك

شكرا يا بنات وتسلمولي سيلين وحشتنيني فينك بوسيلي ريتال
سوسي ربنا يصبرك ويدخل باباكي فسيح جناته اللهم امين فراق الاب صعب مجرباه ربنا يرحمهم جميعا ويتغمدهم برحمته لو حد كلمها يا جماعه يبعت لها تعازينا كلنا

السلام عليكم
ان لله وان اليه راجعون

البقاء لله يا سوسى يا حبيبتى ربنايصبرك

ازيكم يا بنات

انهارده عيد ميلاد يويو ان شاء الله

انا هعمله عيد ميلاده يوم الخميس ان شاء الله

هعمله تورتايه لسه بفكر اعملهاله على شكل ايه

بصوا انا هقلكم انا هعمل ايه فى عيد الميلاد اوك وللعلم انا عازمه هنا حماتى وحمايا واخت جوزى وجوزها وعيالها واخوه لصغير وبس

هعمل تورتايه ماشى وهعمل كور الكيك بالشيكولاته بتاعة كتكوته نايمه مش فاكره اسم الحلو ايه بالظبط وهعمل بيتزا سواريه كدا بحشوات مختلفه وهعمل شرايح توست كدا مقسومه نصين وهحشيها بسطرمه وجبنه رومى وهقليها بالبيض والبقسماط بتبقى حلوه اوى اوى

وهعمل بسبوسه شمو حبى

ياريت حد بقى يقولى طريقة البسبوسه

ها ايه رأيكو؟؟

ايمي ورشروش ايه الحاجات الجميلة دي انا قولت اكل سمك وبطاطس واحلي بالكريم كراميل والقراقيش بقى مع الشاي جوعتوني وطريقة السمك لو سمحتي يا روشي ام بودي حلوة الفكرة عايزين نشوف الصورة وكمان اسمه ايه الكيس السريع ده ومعلش يعني ايه سمك حبيب هارتيوخالص العزاء لسوسي وعليكم بالدعاء يا بنات لسوسي ولينا كلنا ده كان في واحد من السلف بيقول اني لادعو لخمسين رجلا من اصحابي اعدهم واحدا واحدا في صلاتي كلنا ندعي شعار الاسبوع ده الدعاء شيري عملت الكيكة وفعلا نفشت جامد ربنا يكرمك يارب ام ياسين افكار الاكل جميلة ربنا يوفقك وان كنت انا مش مع عيد الميلاد

Boody we zady;14546828:
مش عارفه يا نودي أظن مش حيحصل حاجة يعني و لما ترجعي بالسلامة ان شاء الله حأقولك اهم حاجة تجيبي سماق و زيت زيتون يا جميل

فاكرين يا بنات الأسبوع اللي فات عملت تورته العلم......... الخليط بتاع الكيك كان كتير علي القالب روحت حطيته في قالب الباوند كيك و خبزته و بعد كده قطعته شرايح و شيلتها في الفريزر النهارده طلعتها و رصتها في القالب و عملت كريم باتسيير بالموز صبيته عليها و كان عندي كريم شانتيه من باقي التورته برضه عملت علي الوش وردات و زينت بالفراوله شرايح فريش و بس طلعت فكرة حلوة قوي و خفيفه موووووووووووووووووت عجبت جوزي جدا ان شاء الله بكرة حأصورلكم صوره الحتة اللي فاضله ههههههههههههه اصل مفيش بطاريات في الكاميرا

من الوصف حساهـ لذييييييذ
مستنين الصورة

رووفة;14547466:
انا هقوللك طريقتي
بصي النص كيلو مفروم بحط عليه بصلتين كبار تقريبا وفلفتين لو عندك وتوابل باة ملح فلفل اسود وروزماري وكده وحطي باة سمن وزيت شوية حلوين كده ع المفروم وهوا ني
ومكن تجيبي خلطة الحواوشي الجاهزة بتخلي طعمه حلو
وتبقي قاسمة الغريف نصين وتحشيه وتدهني وش وضهر الرغيف سمن او زبدة خفيف كده
وحطيهم في ورق فويل في الفرن
نص ساعة تقريبا لحد ما يتحروق بسيط كده

وطعمه بيبقى تحقة :thumbs_up:
وعندي ماما بتحط فيه اللي هوا الدهون اللي في الخروف دي مش فاكرة اسمها
بس انا ماليش فيييييييه

يا معلم انت بس جميلة الطريقة
بس انا بحبها تبقى معمولة بالعجينة بتبقى اكتر حلاوة
والدهون بتاعت الخروف دي
اسمها ليه وبتخلي طعم الاكل تحفففففة

فراشه فى بيتها;14547666:
انا يا جماعه كلمت سوسى وهى كويسه الحمد لله

بس ادعولها ربنا يصبرهم ويرحم باباها

ربنا يصبرها ويغفر لوباباها

القطة توتو;14550973:
ايمي ورشروش ايه الحاجات الجميلة دي انا قولت اكل سمك وبطاطس واحلي بالكريم كراميل والقراقيش بقى مع الشاي جوعتوني وطريقة السمك لو سمحتي يا روشي ام بودي حلوة الفكرة عايزين نشوف الصورة وكمان اسمه ايه الكيس السريع ده ومعلش يعني ايه سمك حبيب هارتي وخالص العزاء لسوسي وعليكم بالدعاء يا بنات لسوسي ولينا كلنا ده كان في واحد من السلف بيقول اني لادعو لخمسين رجلا من اصحابي اعدهم واحدا واحدا في صلاتي كلنا ندعي شعار الاسبوع ده الدعاء شيري عملت الكيكة وفعلا نفشت جامد ربنا يكرمك يارب ام ياسين افكار الاكل جميلة ربنا يوفقك وان كنت انا مش مع عيد الميلاد

ازيك يا توتو رقم 2 :D
هذا والله اعلم حسب مافهمت
من الكلام
ان وحدة بتقولك ان السمك ده حبيب قلبي
بس بدل ما تقول حبيب قلبي قالت حبيب هارتي
وطبعا اكيد انتي عارفة ان قلب يعني هارت
فهي مصطلحات مش نوع سمك يعني
والله اعلم
:D:D:D

ام بودى الكيس اسمه اييييييييييه

بنات
عايزة اعمل باتية صغير كدة محشى اى حاجة عارفينة فكنت عايزة طريقة عجينة سهلة وبسيطة
انا سالت السوال دة قبل كدة ومحدش رد يارب تردوا المرادى
كان فى طريقة عجينة ام بودى قالت انها بتعمل بيها كل حاجة عايزة الطريقة بليييز وهل ينفع اعمل بيها الباتية دة ؟؟

مدام/اشرى;14551580:
بنات
عايزة اعمل باتية صغير كدة محشى اى حاجة عارفينة فكنت عايزة طريقة عجينة سهلة وبسيطة
انا سالت السوال دة قبل كدة ومحدش رد يارب تردوا المرادى
كان فى طريقة عجينة ام بودى قالت انها بتعمل بيها كل حاجة عايزة الطريقة بليييز وهل ينفع اعمل بيها الباتية دة ؟؟

اسهل حاجه هاتى عجينه ميل فاى من السوبر ماركت وقطعيها مثلثات او مربعات واحشيها ولفيها وعلى الفرن

سهله ومش متعبه ومش بتاخد وقت

شكرا يا بسبس
انتى عاملة اية بقا فينك مش باينة لية
وكل سنة ويويو بخير عقبال 1000 سنة يااارب
وبخصوص العيد ميلاد فكرى كدة فى العصاير عايزين عصاير جديدة هدورلك واقولك وممكن تعملى عصير موز بالفراولة بس بيق قطع ويتسقى بشربات مخفف
وبسبوسة شيمو اهى الطريقة
المقادير:
نص كيلو دقيق سميد + معلقة كبيرة بيكينج باودر
كباية سكر + كباية لبن + كباية الا ربع زبدة او سمن
هتحطي على النار (السكر + اللبن + السمن) ولما يغلي طفي عليه
وصبيه على (السميد + البيكينج باودر) وقلبي قلبي لحد ما يتجانس خااااالص وادهني صينية وحطي الخليط فيها وسويه في الفرن

هتعملي بقى الشربات ويكون سخن خلال ما لبسبوسة في الفرن
كبايتين الا ربع سكر + كباية مية (انا باحط كباية ونص سكر بس وكباية الا ربع مية) يغلي على النار حطي نص لمونة ونص معلقة فانيليا ياخدو غلوة دقيقتين كده وطفي عليه
نص ساعة البسبوسة تكون استوت وتاخد وش على النار تكون سخنتي الشربات تاني
طفي الفرن وصبي الشربات كلللللللله على البسبوسة متقوليش كتير ولا حاجة انتي هتلاقيه عايم على الوش ودخلي البسبوسة تاني الفرن وهو مطفي 5 دقايق كده او 10 دقايق طلعيه هتلاقيه شرب الشربات كللللللللله
بس يا جميل ودخليها التلاجة تبرد وكلي بعدها احلى بسبوسة

مش عارفه اعمل اكل ايه
راحت عليا نومه ومطلعتش لحوم مجمدة يفك الصبح

؟؟

رووفة;14547466:
انا هقوللك طريقتي
بصي النص كيلو مفروم بحط عليه بصلتين كبار تقريبا وفلفتين لو عندك وتوابل باة ملح فلفل اسود وروزماري وكده وحطي باة سمن وزيت شوية حلوين كده ع المفروم وهوا ني
ومكن تجيبي خلطة الحواوشي الجاهزة بتخلي طعمه حلو
وتبقي قاسمة الغريف نصين وتحشيه وتدهني وش وضهر الرغيف سمن او زبدة خفيف كده
وحطيهم في ورق فويل في الفرن
نص ساعة تقريبا لحد ما يتحروق بسيط كده

وطعمه بيبقى تحقة :thumbs_up:
وعندي ماما بتحط فيه اللي هوا الدهون اللي في الخروف دي مش فاكرة اسمها
بس انا ماليش فيييييييه