22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

طب قوليلي كده عجينه القرص

لاء مش فاكرها لان ايمان ام معاذ كانت قايلهالى تقريبا
حدورلك عليها

ايه الحجات الجامده دى رووفة عايزة طريقة الكيك احسن شكله يجنن ما شاء الله

ازيكم يابنات
جوزي جاب سمك بلطي وعايزه صنيه بلورق الفويل وطماطم وفلفل والكلام ده
انا مش بحب السمك ولا رحته ولا بقبله اساساااا وكمان مع الحمل فالالموضوع ضاااااايع
عايزه طريقه اعمله بيه في صنيه بفويل ويبقا مستوي ومش مهررري ولا ني وممكن احط بطاطس فيهااا فاياريت طريقه حلوه انا اعرف كام طريقه من ماما بس انا بحب اعرف اكتررر وخصوصااا لما بيبقا فيها ابتكار ومتجربه

روفه ممكن طريقة التشيز كيك

السلام عليكم
ازيكم ياحللويين عاملين ايه وحشتونى
معلش مش بقدر اقعد قدام النت كتير
بس بجد عايزه انتظم معاكم انا بحبكم كلكم واله وبحب ابداعتكم وببقى مبسوطه وانا معاكم اوى
ربنا يطمنى عليكم جميعا

و ازاى ام بودى و ايمان دموع اشتياقى و رورو و فراشه الايمان و شيكو و بيرق الامل و فراشه فى بيتها و سوسى و نانى و رشروش و شيمو و وندى كلكم كلكم يارب مكونش نسيت حد

بس انتم ليه مش رغيتوا كتير ده انا قلت هلاقيكم فى الصفحه 100 و وكنت مكسله ادخل لاقيتكم لسه مكملتوش 75 صفحه
غريبه هو فى اييييييييييييه؟

البقاء لله يا سوسي ربنا يرحمه و يجعل قبره روضة من رياض الجنة.. بنات حد هنا من دمنهور؟؟

البقاء والداوم لله لوالد سوسى
ربنا يرحمه ويسكنه فسيح جناته يااااارب
وربنا يرحم كل اموات المسلمين يااااااااااااااااارب

البقاء لله يا سوسي...ربنا يرحم والدك و يسكنه فسيح جناته و يغفرله................:(

دودي كالت ودندن توتا كانوا بيسألوا سوسي قبل كده تقريبا علي محل الحلويات والمستلزمات بتاع مدينة عند النادي الاهلي، بالصدفة لقيت فرع لمحل في ميدان الجامع هناك مكتوب في العنواين بتاعته فاكيد هو والمحل ده بجد جامد جدا كنت لسه فيه من كام يوم وجبت حاجات منه، اسمه درب البر ابرة لو عايوزين عنواه بالظبط او تليفوناته او باقي الفروع قولولي

@زهرة دبلانة@;14515092:


ايمى كتكت الله يكرمك تقصدى اللغه العربيه ف البطاطا ولا فين ؟:D

:lol::lol: لا لما بتتكلمي بجد كده في الحوارات اللي فاتت دي سواء دين او سياسة بتبقي عسولة موووووت

دموع اشتياقي;14515419:
بنات معلش موضوع كده بره الاكل خالص لو حد فيكم مركب لوب يبعتلي علي الخاص ليه هديه ههههههههههههههههه لا بجد عايزه استفسر عن حاجه

اسئلي يا ايمي متتكسفيش :lol::lol:

رووفة;14518149:


جبتلكو معايا تشيز كيك اخيييييييييييرا
من انتاجي

كيكة بصوص الفراولة والموز من اختراعي

بس طعمها حلووو اوي

حلوين اووووي وعايزة حتة تسلم ايديكي

دموع اشتياقي;14519162:

بنات بصوا بقي انا اكلت من مخبز زي القراقيش بس مش نشفا دي بتدوب في البق وبطعم الجبنه وصغننه ومدوره وعليها حبه البركه خفيف عايزه اعرف اعملها ازاااااااااااي

اسمه بوريك وبحبه اوي بس معرفش عجينة بس فعلا ممكن زي ما رشرووش قالت تعمليه بعجينة القرص الطرية، بس شيمو كانت كاتبة طريقتها اهي:
هاقوللك مقدار 4 كوبايات دقيق
يعنى حوالى نص كيلو
وكوباية سمنه
ومعلقة كبيره خميره
ورشة ملح بسيطه
وربع معلقة محلب مطحون
ورشة سكر
ولبن رايب دافى للعجن حسب العجينه متاخد وتبقى حلوه معاكى
هانحط الدقيق مع الخميره والمحلب
مع الملح والسكر
ونخلطهم ونحط السمنه وندعك كويس اوى
وبعدين نعجن باللبن الرايب
لغاية ماتبقى عجينه حلوه وطريه ومابتمسكش فى الايد
سيبيها بقى تخمر بتاع ساعه كده
وتكونى بتجهزى العجوه مع حتة سمنه وشوية لبن صغيرين عالنار
لغاية ماتسيحة وتبقى طريه خالص
تجيبى بقى العجينه تقطعيها كور قد بعد
وتحشيى الكور بالعجوه
وتفرديها تخليها مدوره
وترصى فى صينيه مش مدهونه
بس تكون جافه جداااا
وبعد كده تغطيها وتحطيها تحت بطانه مثلا وسيبيها تخمر كويس اوىىىىىىىىىىىىىى
ودخليها الفرن تستوى
واما تستوى وتهدى شويه من السخونيه
حطيها فى علبه بلاستيك واقفلى عليها
عشان تفضل زى الطازه

انتي بقي احشيها جبنة بدل العجوة

بنات حد يعرف طريقة الطحينة بليز؟ الطحينة شخصيا يعني مش سلطة الطحينة ههههههه

~OM-ADAM~;14526606:
بنات حد يعرف طريقة الطحينة بليز؟ الطحينة شخصيا يعني مش سلطة الطحينة ههههههه

~OM-ADAM~;14522942:
البقاء لله يا سوسي ربنا يرحمه و يجعل قبره روضة من رياض الجنة.. بنات حد هنا من دمنهور؟؟

اعرف ناس من دمنهور في حاجه؟؟؟؟؟؟؟؟
يابنات هوا محدش عبرني ليه في موضوع السمك ما انه كان في حد كاتبه طريقه او منزل بس انا مش فاكرها فين

~OM-ADAM~;14526606:
بنات حد يعرف طريقة الطحينة بليز؟ الطحينة شخصيا يعني مش سلطة الطحينة ههههههه

اه الطحينة الخام تقصدي صح
بصي ام بودي كانت قالتلي عليها قبل كده وعملتها جمييييييييييييييلة
بتجيبي السمسم الابيض مش المتحمص، عشان تبقى الطحينة فاتحة
كباية سمسم ونص كباية زيت ونص كباية دقيق
ولا بقولك ايه استني لما اروح مش فاكرة ههههههههههههههه

ساره افندي;14528012:
اعرف ناس من دمنهور في حاجه؟؟؟؟؟؟؟؟
يابنات هوا محدش عبرني ليه في موضوع السمك ما انه كان في حد كاتبه طريقه او منزل بس انا مش فاكرها فين

معلش يا سارة انا كتن فاكرة احط الطريقة بس نيسيت يا جميل
بصي لو عايزاه صينية اعملي الطريقة دي بتاعتي ان شاء الله تحفة

البوري او البلاميطا لما تحبي تعمليها كده متشيليش القشر من عليها نضفي بطنها بس وتشيلي النخشوش
وتقطعي ما يلي كله صغير
(بصل + طماطم + فلفل أخضر + حزمة بقدونس + حزمة كرفس)
وتخلطيهم مع الدقة دي
(ثوم + كمون + قرن فلفل اخضر + شوية شطة+ ملح)
وقلبي كله مع بعضه واضبطي الملح بتاعك واعصري لمونتين تلاتة كده
ولما تقلبي اضغطي بقى باديكي كده وانتي بتقلبي علشان الطماطم تطرى وتنزل شوية مية بس مش قوي علشان متتعصرش خالص
احشي بيها السمك
هاتي صينية ادهنيا شوية زيت وقطعي بطاطس حلقات رصيها في الصينية
ورصي فوقها السمك وحطي باقي الخلطة بتاعتك بين السمك كده وقطعي لمون حلقات رصيهم فوق السمك تلات حلقات كده ورشي ربع كباية مية وحطي زيت وغطي الصينية بورق فويل
واديها غلوة على النار من فوق وبعدين دخليها الفرن حامي وتستوي على نار متوسطة كده بعد ربع ساعة كده شوفي البطاطس استوت ولا لسه وتخلي المية تنشف منها يكون في صوص بيسيط اديها لون دهبي من الشواية والف هنا على كده ;)

بصي بقى يا سارة بما انه بلطي
يبقى هتشيلي القشر مش هتسيبيه ماشي
او بقى انك تقليه وتعمليه في صلصة

انا بمضي حضور بس

~OM-ADAM~;14526606:
بنات حد يعرف طريقة الطحينة بليز؟ الطحينة شخصيا يعني مش سلطة الطحينة ههههههه

تعالوا شوفوا الطحينه السائله وتصنيعها بالصور بمطبخى مع فراشة الايمان وبس

:thumbs_up::thumbs_up::thumbs_up:

والكريم كراميل للى سألونى عليه

7 بيضات
1.1/2 سكر
كيلو لبن
معلقه فانيليا
ونص كوب سكر للكرمله



بتغلى اللبن وهو سخن قلبى فيه الكوب ونص سكر وتسيبيه يبرد

وفى الخلاط تحطى البيض والفانيليا وعليهم مقدار من اللبن لغايه ما الخلاط ياخد يعنى نص الكميه مثلا
ودررررررررررررررررررررررررررررررررررررررررررررررررر ونفصل ودررررررررررررررررررررررررررررررررررررررررررررررررررررر

وفى وعاء كبير تحطى الخليط اللى فى الخلاط مع باقى اللبن وقلب قلب قلب لحد مايتخلطوا كويس

وتجيبى بقى نص كوب السكر وتحطيه على النار مع رشه مع شويه ميه نونو ونقطتين لمون وقلب قلب قلب لحد مايبقى كراميل حطيه بسرعه وهو سخن فى القالب اللى هاتعملى فيه ولما يبرد والسكر يجمد صبى الخليط اللى جهزناه

وحطى القالب ده فى صينيه اكبر منه وفيها ميه لانه هايستوى فى حمام مائى


وعلى الفرن بياخد ساعه وشويه بتعرفى انه استوى بتشوفيه بالسكينه زى الكيكه كده بتكلع مفيهاش ساااااااائل منه يبقى تماموز

ولما يهدى حطيه فى التلاجه

وبعدين تقلبيه فى طبق زى الجيلى كده وطعمه امممممممممممممممم حماتى واخوات جوزى بيقولولى انتى استاذه كراميل وكل اللى يدوقه يقولى رهييييييييييييييييييب

البقاء لله ياسوسى

مين قالك يا اميره ان مفيش معاكاسات ولا سرقات ما لسه كانت انوس وروفه بيقوله ان في بنات بتتشد منها الشنط وفي قطاع طرق ربنا يستر عليكي يا مصر بجددددددددددددد

دموع اشتياقي;14528589:
مين قالك يا اميره ان مفيش معاكاسات ولا سرقات ما لسه كانت انوس وروفه بيقوله ان في بنات بتتشد منها الشنط وفي قطاع طرق ربنا يستر عليكي يا مصر بجددددددددددددد

بصي يا جميل
في فرق لما تبقى نسبة السرقات العادية اللي كانت بتحصل كل يوم بشكل طبيعي
وفي فرق لما تبقى في جرائم معدلاتها بتزيد
يعني كان المتوقع مع هروب السجناء دول معدل الجرائم تزيد ومعدل السرقات ويبقى في همجية فعلا وحالة رعب وذعر
لكن اللي بيحصل من سرقات عادية دي كانت بتحصل في اي وقت ومن ناس برة السجون
عرفتو يا بنات :)