22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

@زهرة دبلانة@;14489550:


:adore::adore::adore:
تسلميلى ياايمى طيب الباتسيرى يعنى ايه ؟
طب بصى كده اللى هعرف اعمله اقطع القطعه نصفين واحطها ف الفرن ربع ساعه واحمرها واخرمها زى ماقلتى وادهن وشها حليب وبين بقى القطعتين احشى صح ؟؟ كده ولالا

صح كده والكريم باتسيير ده طريقته اهي بتاعة سوسي:
كوبايتين لبن وبيضتين ومعلقتين كبار سكر ومعلقتين كبار نشا وفانيليا
هاتحطي كوباية لبن واحدة وعليها معلقتين السكر علي النار وتقلبي لغاية ما يغلي وعلي ما يغلي تكوني في الخلاط حطيتي لكوباية التانية مع البيض والنشا والفانيليا وتضربي وبعد ما تغلي كوباية اللبن اللي علي النار تنزلي الخليط اللي في الخلاط دة عليها بالراحة زي مابتعملي مايونيز كدة مع التقليب المستمر طبعا لغاية ما قوامه يتماسك وبس

lifedrop;14490824:


لا بجد
دى تورتى اللى عملتها فى حب مصر حبيبتى:086::086:

نودي شطورة بجد ما شاء الله حلوة اوووووي

دموع اشتياقي;14499447:
معرفش ليه مركز رفع الملفات مش موجود
دي كيكه موز بصوص الموز اللذيييييييييييييييييييذ

وده ترافل

الترافيل تحفة يا ايمي بجد، بس نفسي بقي فيه ويكون الاحمر ده بطعم الفراولة مش شوكولاتة :adore::adore:

انا فكرت في فكرة بردو للساليزون، ممكن اعمل عجينة الاكلير عادي بس بدل ما احشيها حلو احشيها الجبنة الطرية دي.

هي الدوبل كريم دي هاينفع احطها في قمع واحشي بيها ولا هاتبقي تقيلة او جامدة شوية علي القمع، انا عايزة حاجة سلسة وفي نفس الوقت متكونش سايبة تسيح يعني

CuTie KaTkOoTa;14504763:
انا فكرت في فكرة بردو للساليزون، ممكن اعمل عجينة الاكلير عادي بس بدل ما احشيها حلو احشيها الجبنة الطرية دي.

هي الدوبل كريم دي هاينفع احطها في قمع واحشي بيها ولا هاتبقي تقيلة او جامدة شوية علي القمع، انا عايزة حاجة سلسة وفي نفس الوقت متكونش سايبة تسيح يعني

الجبنه اللى هتنفع للموضوع ده هيه الجبنه اللى فى كوبيات ايا كان نوعها سواء بتاعت كيرى او لا فاش كيرى او المراعى وطعم القشطه اللى هيه غطاها ازرق بحبه اكتر من الشيدر

او ممكن تعملى ايه هتجيبى الدوبل كريم وتحاولى تخففى قوامها شويه س بايه بقا مش عارفه ويا ترى هتنفع ولا لا برضوا مش عارفه

استنى جاتلى فكره بس مش عارفه برضوا طعمها هيبقا ايه انت ممكن تخففى الدوبل كريم بكريمه بتاعت جهينه او المراعى

ولو عاوزة راى الباف باسترى اسهل بكتير هاتيها جاهزه واحشى وعلى الفرن علطوول والنتايج مضمووونه

ولو دخلتى موقع فتافيت حريه المطبخ كانت عملت الباف باسترى قبل كده على اشكال وقطعته وحطيت عليه تقريبا روز مارى وتوابل اكيد هتلاقى الوصفه هناك

انا كل ده مجربتوش مجرد تخمينات

ام عمر افندى;14504806:
الجبنه اللى هتنفع للموضوع ده هيه الجبنه اللى فى كوبيات ايا كان نوعها سواء بتاعت كيرى او لا فاش كيرى او المراعى وطعم القشطه اللى هيه غطاها ازرق بحبه اكتر من الشيدر

او ممكن تعملى ايه هتجيبى الدوبل كريم وتحاولى تخففى قوامها شويه س بايه بقا مش عارفه ويا ترى هتنفع ولا لا برضوا مش عارفه

استنى جاتلى فكره بس مش عارفه برضوا طعمها هيبقا ايه انت ممكن تخففى الدوبل كريم بكريمه بتاعت جهينه او المراعى

ولو عاوزة راى الباف باسترى اسهل بكتير هاتيها جاهزه واحشى وعلى الفرن علطوول والنتايج مضمووونه

ولو دخلتى موقع فتافيت حريه المطبخ كانت عملت الباف باسترى قبل كده على اشكال وقطعته وحطيت عليه تقريبا روز مارى وتوابل اكيد هتلاقى الوصفه هناك

انا كل ده مجربتوش مجرد تخمينات

F:F:F:F: تسلمي يا بوسي يارب
انا فكرت بردو في الجبنة الكوبيات بس حسيتها سايلة او طرية اكتر من اللازم بس من الناحية دي ممكن تتظبط عادي لكن الطعم هايبقي مختلف انا نفسي اعملهم يبقوا زي الجاهز هموت واعرف نوعها ايه الجبنة اللي بيستعملوها.

بس فكرتك حلوة بردو ، انا كنت فعلا بفكر في الباف بستري، هدخل ابص عند حورية اهو واشوف وممكن اعمل شوية كده وشوية كده عشان يبقي تنويع في الاشكال زي الجاهز

CuTie KaTkOoTa;14504763:
انا فكرت في فكرة بردو للساليزون، ممكن اعمل عجينة الاكلير عادي بس بدل ما احشيها حلو احشيها الجبنة الطرية دي.

هي الدوبل كريم دي هاينفع احطها في قمع واحشي بيها ولا هاتبقي تقيلة او جامدة شوية علي القمع، انا عايزة حاجة سلسة وفي نفس الوقت متكونش سايبة تسيح يعني

أنا فكرت فى نفس الفكرة واعتقد الدبل كريم كويسه او ممكن كيرى وحشانى قوى على فكرة

CuTie KaTkOoTa;14504763:
انا فكرت في فكرة بردو للساليزون، ممكن اعمل عجينة الاكلير عادي بس بدل ما احشيها حلو احشيها الجبنة الطرية دي.

هي الدوبل كريم دي هاينفع احطها في قمع واحشي بيها ولا هاتبقي تقيلة او جامدة شوية علي القمع، انا عايزة حاجة سلسة وفي نفس الوقت متكونش سايبة تسيح يعني

DodyCat;14505282:
أنا فكرت فى نفس الفكرة واعتقد الدبل كريم كويسه او ممكن كيرى وحشانى قوى على فكرة

لسا كنت حقولك زي دودي جبنه كيري او فيلادلفيا

السلام عليكن ورحمة الله

اولا انا بجد متاسفة انى علقت على نور بجد عندكم كلكم حق ان نقفل موضوع ده بس بجد حسيت اوى بنور يمكن انا عشان انا اتكلمت معاها كتير وعرفت شخصيتها وكمان لقيت ان ايمان برده عايزة الاحاديث عشان كمان تتعب هيا كمان ؟؟؟؟فكان لازم ارد واقفل الموضوع ده ؟لكن اوعدكم لن يكرر باذن الله
ده كان ردى الاخير على نور حتى لو كنت اتخيل انها تسالنى حاجه تانيه واناقشها _فيها لان انا مش مفتى انا زيى زيها بس بحاول اهديها من قلقها الزايد اللى ممكن يسبب للجسم مرض وهزال _ماكنتش هرد وكنت هقفل الحوار عشان كنت كده هدخل ف زوايا تانيه وبرده مش هتتقفل
والرد كان اهو
بصى يانور
الحديث ده ياحبيبتى ف الخروج بالسيف على ولى الامر بدليل برده الحديث اللى بعتتهولى ام بودى قبل كده واحنا مخرجناش بالسيف دى كانت سلمية 100 ف المية واللى طلعهم من السجون هم اللى عملو العنف ؟؟مش شباب الثورة؟؟
ودعينى اطرح كل الادلة الشرعية والاحاديث جانبا وهنتكلم بالعقل ؟
لو ان الخروج على الحاكم حرام شرعا سواء كان سلميا او غير ذلك فمن ذا الذى يوقف ظلم واستبداد الحاكم
اذا لاستبدت كل حكام الارض ومن يوقفهم حينئذ؟؟
لما تولى عبد الملك بن مروان الحكم فاجتمع له رؤساء القبائل ليبايعوه وقالو له نريدك كماكان جدك فقال لهم كونو كما كان الناس فى عهد جدى ود دليل على وجوب مناصحة الحاكم ف الشرع ؟
ولما عمر بن الخطاب تولى الخلافة قال للناس ان رايتمونى على كتاب الله وسنة رسوله فاذرونى يعنى شجعونى وان خالفت ذلك فقومونى بالسيف "يعنى حاربونى "فقام له رجل واشهر سيفه قال له والله لو اخطات لاقومك بسيفى هذا ؟؟؟؟
وماانكر عليه احد من الصحابه اللى جالسين جانبه زى على وبعض من المبشرين بالجنة
وعمر ذات نفسه لم يتكلم ولم يعترض وهو فاروق الامة واقر بالامر
وفتوى اتحاد علماء المسلمين انهم شهداء؟؟؟دى تطمنك وتخليكى تنامى وانتى مرتاحة؟؟ده جمهور علماء مش واحد بس ؟؟؟؟
نامى وريحى بالك وادعى ربنا يولينا من يقيم فينا شرعه ويحكم فينا بامره

ام بودى انا عارفه انك مقتنعه برايك وده مش عيب ده مبدا بالنسبالك بس انا برده مش بقرا برايى زى ماقلتى ومش عايزة اغيره قلت كل الحكايه ان عقلى لازم اشغله وانا بقرا مش اقرا وخلاص لكن وربى انا مااتعمدت انى اتسلط على رايى بدليل انى بحثت وقرات وسمعت ومازلت بفضل الله مقتنعه برايى لكن انا مش بلومك لان ده حقك وجهة نظرك مااقدرش اهاجمها بدل انتى مقتنعه بيها ووالله انا مش زعلانه ولا متضايقه منك لازم تعرفى كده ؟؟

وبوسى احنا بفضل الله مااتناقشناش بزعل ابدا والله ماحسيتها يمكن انتى حستيها لكن انا ماحسيتهاش ام بودى عارفه انى بعزها اد ايه انا اصلا اختها او ممكن كمان بنتها بحبها جدا وهيا برده نفس المعزة وهيا عارفه ان ليا وجهه وهيا وجهه لكن مش تاثر على علاقتنا
فماتزعليش احنا بالعكس مازلنا بنحب بعض ومافيش اى حاجه والله وربنا يتقبل منك عمرتك ودعواتك للمصريين كلهم

بالنسبة لروفة انتى بتقولى مابتحبيش انك تساللى مفتى والله انتى بتحب واحد معين وتثقى ف فتواه خلى والدك يكلمه او اخوكى ويقوله كل اللى جواكى وهيرد عليكى باللى يريحك وخلاص اقتنعى بوجهته ف نفسك وريحى مزاجك
مش انتى بس ؟اى واحده مش متطمنه وقلوقه خلى والدك اخوكى جوزك يكلمه واقفلى على وجهته ووجهتك وريحى بالك
لكن مش كل حد يدخل ويقول انا تعبانه وماليش نفس ف الدنياوووووووو مش بنام ومعكننه على جوزى ووووووو وتذبذب فكر حد تانى وتخليه برده ماينامش ويتعب وممكن يتجنن ؟؟؟؟؟؟ يبقى ايه الاستفاده؟؟؟؟؟

برده كلمه للجوزها ظابط للى خطيبها ظابط للى اخوها ظابط ؟؟؟معلش برده عشان دى اخر ف الكلام ف الموضوع ليا
احنا عارفين ان زى مافيه الوحش فيه الحلو ؟؟لا عارفين كده فعلا ؟؟ومتاكدين من كده
ان ليا ناس ظباط مقربين وناس زى الفل ومحترمين جدا وخطيب روفه كويس جدا وووو كويسين جدا بس تعرفى حاجه ان للاسف قلة هما اللى كويسين ؟؟وتسااليهم هما ذات نفسهم هيقولولك كده ان قله منهم كويسين ؟؟؟عشان كده الشعب زعلان لكن مش زعلان من الكويسين واذا كان بيعمم يبقى الكل يعتب عليه مش انتى بس ؟؟
معلش تعالى معايا كده مين اللى خلى البلطجيه تمشى ف الناس تسرق وتنهب ؟ الشرطه
مين اللى خرجوهم من السجون ؟الشرطة
مين اللى ادوهم السلاح والبلاوى دى ؟ الشرطه برده ؟ امال ايه ؟ عشان كده الشعب متضايق من دول ولازم يتحاكموا ؟؟
اغلبيه الاقسام بتاعت الشرطه الشرطه بتاعتهم وحشه ؟؟؟نكذب ليه؟؟ ده اللى شفناه ؟؟يبقى لازم يتغيروا عشان الشعب يفرح باللى موجود وتبقى الاغلبيه كويسه واقليه فاسدين ؟؟
انا بكلمكبالعقل والله عشان اريح قلبك انتى كمان ؟؟لانى حاسه ف كلامكم ف المواضيع بيعبر عن كده

طيب الثورة خلصت والحمد لله فيه بيقول غيروا بقى ايه ان شاء الله ماغيروش حاجه ؟؟؟الثورة خلاص اتعملت لكن ان المطالب تتحقق سنه سنتين خمس سنين ؟اه خمسه دى تغيير حكومات ومؤسسات وووووبتاخد مده ؟؟بس الثورة ذات نفسها حاجة كبيره عندنا خلاص ماعادش فيه سكوت على الظلم ؟؟؟دى اهم حاجه؟؟؟اكتسبناها ؟علماء المسلمين والشيوخ كلهم مبهورين بشباب الثورة
طيب انا شايفه ان فيه ناس عندها فوضى وهبل يعنى واحد عشان الثوره بقى عامل مظاهره عشان مرتبه 30000 اه والله عشان مرتبه يبقى 80000؟؟؟؟؟ ايه الفوضى دى ومحدش ينكلر انها فوضى ولازم تتوقف ؟؟

حاجة برده انا ورب الكعبه مابقولش ان الرئيس حاشا لله كافر ؟ ؟؟؟مش لحاجه غير انا مين وانتى مين ؟ عشان تكفريه ؟؟؟؟؟لكن انا بقول كان فيه ظلم واستبداد وقتل ونهب وفجور كمان ؟؟؟ومش خايفه من كلامى ده ؟ اسال الله ان يغفرله ويعفو عنه ويتوب عليه
كمان انا مااقبلش ان اى حد يشمت ف اى حد او يهتك عرضه او كلمات او قول فاحش ضده اوضد اى حد ان كان ؟؟؟؟دى صفات المسلمين؟؟

بس اظن اللى قدر كلامى يوصله هيفهم الكل صح ومش هيظلم حد ف رايه او يزعل منه
رجاااااااااء بقى اخير انا قلت ان الحديث ف الموضوع لن يغلق الا بالجدال وكثلرة الاختلاف ودخول الشيطان بقى يقفل تماما ؟؟؟ونفضل زى ماكنا كلامنا ف حياتنا اليوميه زى مابوسى بتقول ونكيد الشيطان ونقفل ونرجع زى ماكنا
فيه ناس بتسال اسئله هنا وبتبقى مستعجله ومابنردش عليها ؟؟ليه؟؟فنرجع زى الاول
ووالله ياام بودى ولا نور ولا اى حد خالص حاكك ف صدرى حاجه منه ابدا والله انا بحبكم كلكم فى الله

وفيه بنت ف عروس ع الفيس اسمها كلاسيك انجل بععتت جملتين حلوين اوى عجبونى عنوانهاكلمه خليها حلقة ف ودانك
من إستطاع أن يحاور نفسه ، إستطاع أن يحاور غيره

و الحوار كسب قلوب و ليس كسب مواقف

و لا يجب أن نلغي الحوار إلا إذا كان لا يرضي الله أو إذا تحول إلى جدال

و الحوار الموزون هو الذي لا يشعر المتراجع فيه بالذل

و لا المتقدم فيه بالغرور...


محاضرة لد. علي أبو الحسن



اه يابنات نسيت اقولكم انا جالى هاتف مش عارفه ف المنام ولا فين ؟ ان نانى فيبس حامل ؟؟؟؟؟حقه يابنات ؟؟؟اللى يعرف يقولنا


ايمى كتكت تسلميلى على ردك باذن الله ابقى اعملها على فكره عملت البطاطا زيك كانت زبده جميله اوى خفت اجرب بتاعت نووور

بوسى تسلمى طب ممكن طريقة ورق العنب المحشى بالمره لانى عمرى ماعملته معلش معرفش موقع ام بودى مش بيفتح عندى خالص ؟؟؟
وابقى حاولى ادخلى على موقع ابن عثيمين وادخلى قسم العمره كده وشوفى لان احاديثه كلها صحيحة باذن الله حتى الدعاء هوده الى ورد عن الرسول صلى الله عليه وسلم

وعشان المخالفه هههههههههه حلوة المخالفه الطويله دى انا هطبخ باذن الله كشرى مصرى نفسى فيه اووى مش عارفه نفسى ف كل حاجه الوقت كده ليه ؟
انا هسيبكم كام يوم الجايين كده ادعولى مااولدش بدرى

عالم سمسم;14504180:
بنات في مقادير بسبوسه شيمو سميد ناعم ده اجيبه منين
مش هو كيس البسبوسه العادي اللي ه حلو الشام مثلا ولا نوع تاني

زي ما رشروش قالتلك بالضبط
لو عايزة الكيس الجاهز يبقى مش هتعملي سكر ولا تحطي بيكينج
لو عايزة سميد ناعم ده من عند العطار اللي بيبيع دقيق ومكرونة والكلام ده هتلاقي عنده السميد

@زهرة دبلانة@;14505976:
السلام عليكن ورحمة الله

اولا انا بجد متاسفة انى علقت على نور بجد عندكم كلكم حق ان نقفل موضوع ده بس بجد حسيت اوى بنور يمكن انا عشان انا اتكلمت معاها كتير وعرفت شخصيتها وكمان لقيت ان ايمان برده عايزة الاحاديث عشان كمان تتعب هيا كمان ؟؟؟؟فكان لازم ارد واقفل الموضوع ده ؟لكن اوعدكم لن يكرر باذن الله
ده كان ردى الاخير على نور حتى لو كنت اتخيل انها تسالنى حاجه تانيه واناقشها _فيها لان انا مش مفتى انا زيى زيها بس بحاول اهديها من قلقها الزايد اللى ممكن يسبب للجسم مرض وهزال _ماكنتش هرد وكنت هقفل الحوار عشان كنت كده هدخل ف زوايا تانيه وبرده مش هتتقفل


بوسى تسلمى طب ممكن طريقة ورق العنب المحشى بالمره لانى عمرى ماعملته معلش معرفش موقع ام بودى مش بيفتح عندى خالص ؟؟؟

وعشان المخالفه هههههههههه حلوة المخالفه الطويله دى انا هطبخ باذن الله كشرى مصرى نفسى فيه اووى مش عارفه نفسى ف كل حاجه الوقت كده ليه ؟
انا هسيبكم كام يوم الجايين كده ادعولى مااولدش بدرى

اه يا اوختي ده انا هزلت هزلان فظيع ههههههههههههههههه والله خسيت خالص
شكلي رجعت تاني 54 كيلو :'(

بصي يا رورو انتي عملتي محشي كرنب طيب قبل كده؟؟ بتعرفي يعني تلفي الورق؟؟
اعملي خلطة المحشي عادي خااااالص واحشي ورق العنب وسويه عادي زي محشي الكرنب
بس في ناس بتحط في المية بتاعة سوا ورق العنب لمون عشان يمزز اكتر
بصراحة احنا كفاية علينا مزازة الورق نفسه بابا بيضايق من المزازة الزيادة

انتي تعرفي خلطة المحشي ازاي؟؟ لو عايزة اقولهالك

وبصي دي طريقة حماة اخو بسبس بتقول جميلة قوووووووووووي انا مجربتهاش بس بيتهيألي روعة فعلا
هتجيبي بصل عادي تسوحيه ومعاه قد كبشة الايد لحمة مفرومة وعصجيه ونزلي عليه بالطماطم بتاعة المحشي بتاعك وسبكي عادي الطماطم وطفي النار
هاتي بقى حلة تانية وبصلة نونو وشوحيها ونزلي الرز عليها شوحي كتير وتحطي سمنة حلو كده وطفي النار واعملي حفرة في نص الرز وطفي فيها فحمة كده من غير فويل ولا حاجة وغطي الحلة كويس قوي لمدة 10 دقايق كده
بعدين شيلي الفحمة وحطي الرز على الصلصة والخضرة وقلبي ودخليها التلاجة 10 دقايق كده عشان السمنة تشد نفسها شوية عشان لما تحشي الورق يكون في نسبة دهن متساوية في كل ورقة
وبس يا جميل اسقيها شوربة او مية متدوب فيها ماجي واضبطي الملح وسوي ورق العنب ;)

بنات اسكندرية ندااااااااااااء
عايزة اقرب فرع للشناوى بتاع الكاميرات لشارع سابا باشا
معلش اصل انا بطيخة كبيرة اوى فى اسكندرية
وحد اشترى من عنده كاميرات قبل كدة؟؟ ويا ترى بيبقى عليها ضمان ولا لأ؟؟
انا عارفة ان دة مش مكانة بس مش لاقية حد اساله تانى

نوووور
انتى هتقوليلى ؟كان نفسى ابعتلهم الرد بتاعك عشان يضحكوا:lol::lol::lol:
بسكوتة خالص ؟؟
ووالله يانور الكل عندى مش مدعم موضوع انى اعمل محشى باعتبار ان حماتى نمبر ون ف المحشى فعملت مره محشى كرنب مش فاكره بطريقه مين مسبك مش نلى ف نى وكان مش اوى تقريبا الكرنب ماكانش مستوى فمن يومها بيقولى بلاش:(
بس بجد بقى انا هموت على محشى ورق عنب فياريت الطريقة كلها لانى ماعملتوش ولا مره ومش بحبه مززاوى
وماعنديش لحمه مفرومه عشان اعمل بتاع بسبس وكمان الكل ضد اى فحم فى الاكل

ومعلش ممكن طريقة الدقه بتاعت الكشرى كوبايتين بس المقادير بتاعت التوم والملح ههههه واللمون والخل اد ايه لو تعرفى

رورو كلامك في الحديث مقنع جداااااا
انا مكنتش بقول اني مكسوفة اكلم شيخ يعني:):lol:
لا انا مش بحب شيوخ اليومين دول صراحة كده
وقلة منهم اللي اقتنع برايه
ومع ذلك انا مطلبتش الاحدايث من ام بودي مش عاوزة احرق دمي هههههههههه
وع موضوع الشرطة انا خطيبي بعيد كل البعد عن الاحداث اللي حصلت لان خطيبي حتى مفيش في ايده حجز واحد يفتحه ع الناس لانه شغال في نقطة والمساجين بيترحلو كل يوم
وانا مش زعلانة ع حال الشرطة الدنيا باذن الله ترجع زي ماهيا هيا يعني الحكومة هتعد من غير شرطة
واللي بيهاجم في الشرطة انا مش برد غير رد واحد عليه
انا عايشة جوة الحدث وشوفت بعنينا محدددش قاللي يا رورو
ولو حد زعلان خلاص خليهم زعلانين جهاز الشرطة فاسد ووحشين محدش يكلمهم باة وخاصموهم:lol: ولو حصل مشكلة محدش يروجلهم القسم
انما قلة ادب في الشوارع دي تبقى اخلااااااق الناس باة وكل واحد واخلاقه
وللعلم انا خطيبي البلطجية والمساجين هجمو عليهم في البلد واهل البلد هما اللي ساعدوه قالوللو هيموتووك يا بياشا :lol:
قلعوه الميري وخرجوه من البلدوخرجوه وخبوله حاجته وصلحوله الاستراحة اللي بيعد فيها كمان لما البلطجية كسروها عشان خاطر يرجع عشان هوا مكانشي عاوز يرجع يبات في نفس البلد تاني
واتحايلو عليه كمان انه مايطلبشي يتنقل لان كل ظابط كان عاوز يغير مكانه
انا مشكش فيه لحطة انه فاسد او وحش كان زمان الناس عنده هما اللي اذوه كمان
لا دول طلعو بيحبوه اوي احترمتهم اوي واحترمته اكترررررررر بصراحة لما لقيت الناس بتحبه كده ولما لقيته مش راضي يسيب مكان شغله وياريت اللي زيه كتير
فالعقل كل العقل بالنسبالي بيقول ماكنشي ينفع خطيبي هوا اللي يطلع المساجين دول
لان كان هدفهم الاول قبل اي حاجة انه يقتول الظباط وياخدوا بتارهم الشرطة لما المساجين طلعو الشرطة كان ليهم شعار جديد
انفد بجلدك ههههههه

لكن اما محدش هيحس باحساسي باة كل واحدة مطمنة ع جوزها
وانا خطيبي والله زيه هيبداو من الاول يلمو في مساجين وبطلجية وناس معاها اسلحة وربنا يستر عليهم كانت غلطة مين دي مش مشكلتي
فاما تحسي ان الموضوع ده جه باذى لحد يهمك هتتعبي اوي وخصوصا اما تعرفي انك هتعدي في وجع القلب ده كتير اووووي وياعالم اد ايه
انا لو كنت اعرف ان كل ده هيحصل ماكنتش هبقى مع الثورة لا انا ولا اخواتي لكن انا دلوقتي حزينة ع حال مصررر ونفسي يارب يعني يخيب ظني وتيجي بفايدة

فراشه كيكه الموز اهي يا جميل 3 بيضات وتلت تربع ك سكر ونص كبايه زيت وفانليا ونص ك لبن و2 موزه مهروسه وواحده للتزيين بتضربي زي اي كيك عادي البيض والسكر والفانليا وبعدين الزيت واللبن وبعدين الموز المهروس والدقيق معرفش اد ايه انا بعمله بنظر لغايت ما يبقي قوام الكيك كويس وتسويها وتكوني بقي عامله علي الناص الصوص الذيذ ده 4 معالق نيدوا كبيره يدوبك بس يبقي لونهم اشقر تروحي رفعاه من النار وتحطي معلقتين سكر وحبه ميه نونو لغايت ما يبقي الخليط مش سايل اوي ولا مكلكع وتسيبيهم يقلب قلبه كده وتقطعي موزه وتحطيها تقلبيها وتطفي وبسسسسسسس

بنات انا عملت امبارح فراخ محشية رز بس حاسة ان الرز مش مستوى قوى بس خلاص طلعتها من الشوربة وعملت بالشورة ملوخية اعمل اية فى الفراخ علشان الرز يستوى شوية انا لسة مش حمرتها

ممكن تحطيها في صنيه وتلفيها بفويل وفلفرن مع حبه ميه نونو خالص عشان تعمل بخار وتسوي الرز

بنات انا عملت الكشرى طلع جامد بجد وعجب الكل اووووى وتغيير حلو بس متعب شويه بس والله ماحسيتش بتعبه اوووى

روووفتى انا فاهمه احساسك جدا وحاسه بيه اوووى عشان كده طول عمرى بقول متجوزتش ظابط ابدا لان قلبى ضعيف ;):D
ربنا يصرف اى شر عن خطيبك ويعينه ويحميه هوا وكل زملاؤه
متخافيش ربنا كرريييييييم اوى عليكى بالدعاء ربنا يطمنك عليه

الف هنا يا رورو عليكي وعلكل قوليلي حاجات كده اعملها غدا الاسبوع الجاي ان شاء الله

نودي يا قمر اللي اعرفه ان فيه في جرين بلازا و فيه في سيدي بشر بس اللي في سيدي بشر معرفش فين و اللي في جرين بلازا انا شاريه منه الكاميرا بتاعتي

رورو انتي ليه مش راضي يفتح عندك الموقغ ؟ اصله فيه تفصيل للورق عنب ... أنا عملته امبارح و عملت كرنب طلعوا ما شاء الله واو بجد و كان الكرنب صغير افتكرت ايمي ام معاذ ههههههههههههه لما سألتني انتي بتعمليه صغير كده ازاي شويه كده ان شاء الله و أصورلكم التورته

@زهرة دبلانة@;14506840:
نوووور
انتى هتقوليلى ؟كان نفسى ابعتلهم الرد بتاعك عشان يضحكوا:lol::lol::lol:
بسكوتة خالص ؟؟
ووالله يانور الكل عندى مش مدعم موضوع انى اعمل محشى باعتبار ان حماتى نمبر ون ف المحشى فعملت مره محشى كرنب مش فاكره بطريقه مين مسبك مش نلى ف نى وكان مش اوى تقريبا الكرنب ماكانش مستوى فمن يومها بيقولى بلاش:(
بس بجد بقى انا هموت على محشى ورق عنب فياريت الطريقة كلها لانى ماعملتوش ولا مره ومش بحبه مززاوى
وماعنديش لحمه مفرومه عشان اعمل بتاع بسبس وكمان الكل ضد اى فحم فى الاكل

ومعلش ممكن طريقة الدقه بتاعت الكشرى كوبايتين بس المقادير بتاعت التوم والملح ههههه واللمون والخل اد ايه لو تعرفى

بصي بقى اعملي المحشي بالطريقة التانية بقى العادية
سبكي الطماطم وحطي معاه قرن فلفل اخضر حااامي ويتسبك كويس قووووووي روحي حطي الخضرة وقلبي تقليبتين واطفي عليه
تكوني عاسلة الرز ومصفايه حطيه على الصلصة وتحطي شطة وفلفل اسمر تاني غير الفلفل الاسمر اللي حطيتيه في التسبيكة واضبطي الملح بتاعك وممكن لو بتحطو نعناع في المحشي حطيه قد معلقة صغيرة وافركيه فيه والمهم الايدام او السمنة او الزبدة تكون كويسة وزيت برضه
ورصي في الحلة عادي
واغلي الشوربة او المية بمرقة بملح وفلفل اسمر واسقي بيه ورق العنب ورجي الحلة لحلحيها كده واسقي تاني لحد اما تغطي اول صف يكون قد عقلة الصوبع بس
وعلى النار لما يغلي ويتشرب حطيه على نار هاااادية
ان شاء الله كده يضبط معاكي ويبقى تمام
بس خليكي شاطرة في الخضرة كده كتريها مش تختسري
بقدونس وشبت اهم حاجة، واحنا مش بنحبو الكزبرة فمش بنحطها اصلا

رووفة;14507006:

لكن اما محدش هيحس باحساسي باة كل واحدة مطمنة ع جوزها
وانا خطيبي والله زيه هيبداو من الاول يلمو في مساجين وبطلجية وناس معاها اسلحة وربنا يستر عليهم كانت غلطة مين دي مش مشكلتي
فاما تحسي ان الموضوع ده جه باذى لحد يهمك هتتعبي اوي وخصوصا اما تعرفي انك هتعدي في وجع القلب ده كتير اووووي وياعالم اد ايه
انا لو كنت اعرف ان كل ده هيحصل ماكنتش هبقى مع الثورة لا انا ولا اخواتي لكن انا دلوقتي حزينة ع حال مصررر ونفسي يارب يعني يخيب ظني وتيجي بفايدة

انتي تفتخرييييييي يا حبيبتي ان خطيبك بيحمي الأمن يا بنتي
وبعدين احنا لما الناس بتغلط في الشركة مهو اللي عملو المصايب في البلد
طيب ما احنا بنشتمو على الدكاترة وبندعي عليهم، بس بصي الي حصل منهم وفي ناس عندها ضمير وساعدو المصابين

طيب اقري كده التقرير بتاعي يا روفا ازاي الشرطة والامن كانو مع العيال المتظاهرين من يوم جمعة الغضب انا كاتباها ازاي بتاع الامن رمى سلاحه في العربية وشاورلهم امشو انطلقو في مسريتكم
بصي من الاخر ارجعي للتقرير واقري كلامي
عشان بعد عمر طويل لما اكتب مذكراتي وتقريها تقولي دي نور بقت مشهورة قوووي :lol:

بنات انا عايزة طريقة البروفيترول
هو اسمه كده ولا بقوله غلط :o
على فكرة انا عمري ما دوقته بس شوفت صورته شبه الاكلير؟؟ هو اكلير وبيدلعوه؟؟؟

نور ورشروش تسلمولي يا قمرات علي الرد
نور هو مممكن احط الصور اللي في توقيعك دي في الصوره الرمزيه بتاعتي ولا هتبقي مخالفه ؟؟
وبتدعو ليه علي الدكاتره دول غلبانين ( بهزرمعاكي ) متزعليش
روفه ربنا يحمي خطيبك يارب هو واللي زيه يارب

نووووور متحرمش منك بس شكلى مش هعمله لانى مسافرة ابقى اعمله لما اجى بقى

Boody we zady;14507886:
نودي يا قمر اللي اعرفه ان فيه في جرين بلازا و فيه في سيدي بشر بس اللي في سيدي بشر معرفش فين و اللي في جرين بلازا انا شاريه منه الكاميرا بتاعتي

رورو انتي ليه مش راضي يفتح عندك الموقغ ؟ اصله فيه تفصيل للورق عنب ... أنا عملته امبارح و عملت كرنب طلعوا ما شاء الله واو بجد و كان الكرنب صغير افتكرت ايمي ام معاذ ههههههههههههه لما سألتني انتي بتعمليه صغير كده ازاي شويه كده ان شاء الله و أصورلكم التورته

معرفش يابوسى والله شغلته كزا مره الكل بيقولى تلاقيه ايام ماالنت انقطع كان عندى ف الفافوريت بيقولى تبعتيه تانى معلش ابعتهولى تانى يابوسى قرفاكى بيه:lol::lol: اخر مرة:o
ووالله انا فرحانة اوى انك عملتى محشى وتورتة مش عارفه ليه ؟ياريت تورينى الصور وياسلام لو حطيتى طرقهم ف الموقع :thumbs_up:

دموع اشتياقي;14507686:
الف هنا يا رورو عليكي وعلكل قوليلي حاجات كده اعملها غدا الاسبوع الجاي ان شاء الله

الله يهنيكى ويصلح لك الحال ويريح بالك ياايمى بصى اعملى محشى مرةمش شرط كرنب او عنب لو تعبانه ممكن كوسه او فلفل لو بتحبيه مع فراخ او مكرونة بشاميل بحبها اوى هههههه او كوسه بشاميل او بفتيك مع اسباجيتى او مسقعه باللحمه المفرومه مع رز ابيض او كباب حله مع رز بشعريه حلو اوى او كبده اسكندرانى مع مكرونه او رز ابيض بس بصوص شويه ممكن كفنة لحمه او كفتة فراخ مع مكرونة
ممكن ملوخيه وفراخ كنتاكى بموت ف الاكله دى مع رز ابيض
ممكن سمك مقلى ورز ابيض وبصل اخضر :rolleyes:
ممكن رز بالجمبرى وكفته جمبرى .ممكن بسله وجزر وبطاطس تورلى يعنى ورز ابيض
ايه رايك؟؟
ممكن كشرى اصفر وبطاطس متوسطه مش رفيعه محمره بس تسلقيها الاول وبتنجان مخلل وطماطم مخللة
ممكن شوربة عدس

عالم سمسم;14508054:
نور ورشروش تسلمولي يا قمرات علي الرد
نور هو مممكن احط الصور اللي في توقيعك دي في الصوره الرمزيه بتاعتي ولا هتبقي مخالفه ؟؟
وبتدعو ليه علي الدكاتره دول غلبانين ( بهزرمعاكي ) متزعليش
روفه ربنا يحمي خطيبك يارب هو واللي زيه يارب

:lol::lol: ماهو مش كلهم برده ياهوبا هيا تقصد دكاترة الاسنان :D:D عشان جزارين شوية
انا عمرى مادعيت على حد وبصراحه الدكاتره بحبهم ههههههههههه