22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

خلاص بجد ان لو طلعت اكتر هتشتموني بس انا يمكن عشان في قلب الحدث اوي فشايلة اوي
واديكي قولتي يارشروش في ناس ميجوش غير بالشدة فعلا
وع فكرة انا صاحبتي اتقلبت امبارح في نص الطريق اخدو شنطتها وضحكو يطلعو يجرو
اتصلت تقولي خلي باكل من شنطتك ومن نفسك والاحسن حطي فلوس في جيبك وبلاش شنطة وماتخديش اكتر من موبايل هههههههههههههه
بس قلبي اتوجع عليها اوي:'( وع مصر اكتر

دموع اشتياقي;14475676:
اصل خلاص لا بكاء علي اللبن المسكوب وللاسف بكره كل واحد زعل ان مبارك طلع بطريقه دي هيجي يفكركم بلي هنبقي فيه بكره وبعده وربنا يستر من الي جاي وربنا يخيب ظني

بس للاسف الاسيف ساعتها مش هتعرفي تحاسبي والا تلومي حد
ولو لمتي محدش هيحس بيكي
زي ما الناس فرحاة دلوقتي بالشهدا
واهاليهم بيتحسروووووووو عليهم في البيوت
وناس اتقتلو واتسرقو ظلم ومحدش افتكرهم اصلاااااااااا

@زهرة دبلانة@;14475647:
ايمى هههههههههههههههههه سخسختينى الله يسعدك
قصدى اخضر وازرق واحمر ههههههههههههههه
بس ياايمى شكلك عسل برده وانتى جبانه ومش عايزة تخوضى ف حوار ههههههههههههههههههه

هههههههههههههههههههههههههههههههههههه
لاااااااااااا يا رورو انا بتجنب الكلام ف المواضيع دي لاني مقتنعه انه كل واحد ليه وجهة نظر واختلاف الراي لا يفسد للود قضيه
فمش بحب ادخل في مشاحنات ممكن نخسر بعض او حد يزعل من التاني عشان خاطر حد مايستاهلش اصلا

بس كفايه انكو تعرفو انا سعيده جداااااااااااااااااا جدااااااااااااااااااااااااااااااااا جداااااااااااااااااااااااااااااااااااا باللي حصل لان من ايام بابا الله يرحمه وانا شفت حاجات وظلم ماحبش حد يشوفه ولا يعيشه ف البلد دي ورؤسائها

ماتفتحنيش ف الكلام بقى :lol:

كابتونى ربنا يسامحكو
والله صديتو نفسى عن التورتة
هههههههههههههههه(بحاول اتهرب من عمايلها )
لا بجد جبتولى كمية كابة لا تتخيلوها
مع انى خرجت النهاردة وامبارح
والمنصورة ما شاء الله ميت فل وعشرة
والناس اللى فى التلفزيون بيقولو كلام زى الفل
بس انتو اكيد عارفين اكتر
هههههه
ام بودى يا رب ما تكونى زعلتى منى
احنا يهمنا ايه اكتر من مصلحة البلد
خلاص اللى حصل حصل
المهم دلوقتى تعالو نعمل مسابقة احسن تورتة وطنية ونعملها موضوع خاص
خلونا نحسس الاخوة العرب اننا جامدين برضه
انا ان شاء الله لو الامور تمام هنا عندى حعمل تورتة بكرة او بعده
وحصورها وحنزلها
ورورو كمان وطبعا تورتة ايمى سبقت
ويا ريت يا رشروش متحرمناش من تورتاتك حتى لو انتى مش راضية عن الثورة بس اكيد بتحبى مصر
يا بنااااااات
عايزين نزلزل الزلازيل فى المنتدى
ورهف وام بودى وايمى (دموع) وشيمو وكل المحترفات يبدعو فى علم مصر
وكل اللى موجودين
يلا بقى متكسوفنيش

والله يابنتى انا مليش نفس اعمل حتى الاكل اليومى
بقالى اسبوعين مصدومه وخايفه
بس ححاول اطلع من الحاله ديه وحوريكم
هههههههههههههههههههههههههههههه

لا موعدكيش اعمل تورتة دلوقتي خالص :)
خطيبي جاي بكرة :adore:ومش فاضيالك ولو عملتله تورتة ممكن يطلقني:worn_out:
زعلان ع صاحبه اووووووووووووووووي مش قارد ينسى:'(:'(

وع فكرة انا كنت مع الثورة وكنت بهيص ساعات واخواتي كانو بايتين في التحرير
بس كنت برجع افوق ربنا يستررررررررررر

وان اسفة والله ماكنتش حابة اكئب ولا احبط حد وكان نفسي احتفظ بالكلام ده لنفسي
بس بجد خلو بالكو من نفسكو يا بنات وخصوصا بعد ما الجيش يدخل
والاحسن بلاش نزول بالليل لوحديكو
انا عن نفسي خلاص صدرت اوامر عليا ان اخري قبل المغرب
مش هعرف اروح سيتي ستارز يا نددى :lol::lol::lol::lol:

رشرووش;14475860:
والله يابنتى انا مليش نفس اعمل حتى الاكل اليومى
بقالى اسبوعين مصدومه وخايفه
بس ححاول اطلع من الحاله ديه وحوريكم
هههههههههههههههههههههههههههههه

:thumbs_up::thumbs_up::thumbs_up:
يلا يا رشروش فوقى
اصل احنا لو شلنا الهم مش حنستفاد ولا حنفيد
نسبها لله هوا اللى يدبرلنا امورنا

رووفة;14475873:
لا موعدكيش اعمل تورتة دلوقتي خالص :)
مش هعرف اروح سيتي ستارز يا نددى :lol::lol::lol::lol:

:lol::lol::lol::lol::lol:
صاحب خطيبو ماله
انا واحد قريبنا ظابط عنده 28 سنة اتضرب بالرصاص فى ايده هنا ى المنصورة وهوا امن مركزى واضرب فى مكان تانى كمان بس مش فاكرة
صعب عليا اوى
احنا هنا فى المنصورة اقريبنا الظباط كانو بيقلعو الميرى خايفين لا يتمسكو
:lol::lol::lol::lol::lol:
وانا الحمد لله عبارة عن خيمة سودا متحركة فى الشارع ومبخرجش من غير جوزى وجنى
يعنى جوزى يضرب وجنى تصرخ وانا اشجع اللعبة الحلوة
هههههههههههههههههههههههه
بس اخواتك رجالة والله يا رووفة
وسيتى ستارز دة كان قبل الثورة دلوقتى اتفسحى فى التحرير احسن
مكان كله شاعرية

لما تفوقى اعملى التورتة برضه مش حتنازل8o|

والله اليومين دول رفعو ناس كتير في نظري ونزلوناس كتير
ولسة هحكيلك مغامرات المحروس هتتبسطي اوي هههههههههههه


الجناش جيبيه من طريقة تورتة تاني
كان تقريبا 200 جرام شيكولاتة ونص كوباية كريمة خفق ومعلقة عسل تقريبا مش فاكرة اوي هههههههههه

حسبى الله ونعم الوكيل
دة بجد راجل ابن راجل والله ربنا يرحمه ويجعله من الشهداء
ويسترها مع اللى زيه


سؤال الحلقة
الجناش بيتعمل ازاى؟؟
محدش يغش ويعمل جناش فى التورتة بتاعته لو سمحت
ومعنديش كريمة لبانى ايه البديل؟؟
انا عندى شيكولاتة وكاكاو خام

شكرا لكل البنات اللى عجبتهم التورته وشجعونى ربنا يخليكم ليا ويخليلى ذوقكم

ام معاذ التورته جميييييييييييييله بس فين النسر ؟؟؟؟؟؟؟؟؟!!!!!!!!!!!!!!!1 ههههههههههههههههههههههههههههه

ام بودى انا مش عارفه اذا كان حرام ولا لأ لانى مقرتش ومعرفش بس انا صعبان عليا خروجه كده بس جوزى بيقولى مصعبش اللى ماتوا

وعيالهم اتيتموا وزوجاتهم اترملوا وهما لسه فى العشرينات بس برضو صعبان عليا وعلى فكره انا خرجت بعد الخطاب بتاعه فى المظاهرات
المؤيده لمبارك انا وجوزى وزيزو واخت جوزى

انا مكنتش عايزاه يحكمنا اكتر من كده بس انا كن مؤيده انه يكمل فترته ويخرج بكرامته لانه اكيد عمل كتير حلو مش كل حكمه فساد ولو ان اخر كام سنه البلد
خربت فيهم

يالا الكلام دلوقتى مش هايفيد ربنا يسامحه ويسامحنا ويتجاوز عن سيئاته مهما كان برضو زى جدى والسن له احترامه

يوم ماسمعت خبر التنحى كنت نصدومه ومخضوضه مش عارفه افرح ولا ازعل جسمى كله كان بيتنفض

ولو تعرفى قعدت اعيط اد اييييييييييييه ساعه الخطاب التانى بتاعه وصعب عليا زله كده وجوزى عينه دمعت

المشكله الواحد متلغبط ومش عارف ايييييييييييييييه اللى مزعله ماهو ده اللى كان الواحد عايزة بس يمكن الطريقه مهينه قوى

بس فى الاخر ده كان هايحصل هايحصل وكان هايجى غيره
اهم حاجه كلنا ندعى ربنا الفتره دى انه يولى علينا حاكم عااادل

lifedrop;14476142:
حسبى الله ونعم الوكيل
دة بجد راجل ابن راجل والله ربنا يرحمه ويجعله من الشهداء
ويسترها مع اللى زيه


سؤال الحلقة
الجناش بيتعمل ازاى؟؟
محدش يغش ويعمل جناش فى التورتة بتاعته لو سمحت
ومعنديش كريمة لبانى ايه البديل؟؟
انا عندى شيكولاتة وكاكاو خام

هاقوللك على اللى بعمله روووووووووووووووعه بشهاده كل اللى داقه

هاتى معلقتين كبار كاكاو وحطى عليهم معلقه سمنه مثلا اصل انا بعمل تقريبى

ويادوب السمنه تسيح وصبى اللبن وقلبى بسرعه بالمضرب السلك وافضلى قلبى هاتتقل لو تقيله قوى حطى لبن لغايه ماتوصلى للتقل اللى انتى عايزاه وخدى بالك بتتقل بعد مابتبرد يعنى خليها اخف من اللى انتى عايزاه وجيبى بقى عسل ابيض لو عندك وحطى عليها ودوقى لغايه ماتوصلى للطعم اللى يعجبك حسب تذوقك للسكر انا بحط عليها شربات الحلويات اللى هو بتاع البسبوسه والكنافه كده بس انا بقول عسل علشان لو مش عندك ده

وكل ده على نار هاديه وبعد كده اطفى عليها وافضلى قلبى كل شويه لغايه لماتبرد علشان مش تعمل قشره
ولو عندك شيكولاته ارمى حته فيها اول ماتطفى عليها ووانتى بتقلبى هاتسيح

بس بجد ش هاتعملى غيره لانه مش مكلف وبيدى الجناش نعومه لمعه طعم امممممممممممممم انا باكل الباقى بالمعلقه وانا عاملاه فى التورتتين اللى انا نزلتهم

انا طولت عليكى فى الشرح بس علشان اقدر اوصللك المعلومه:rolleyes:

تسلمو يا قمرات
ربنا يبارك لكو يارب


نفسي الموضوع يرجع زي زمان ويبقى كله اكل بس مش سياسه :D

فراشة الإيمان;14476414:
هاقوللك على اللى بعمله روووووووووووووووعه بشهاده كل اللى داقه

هاتى معلقتين كبار كاكاو وحطى عليهم معلقه سمنه مثلا اصل انا بعمل تقريبى

ويادوب السمنه تسيح وصبى اللبن وقلبى بسرعه بالمضرب السلك وافضلى قلبى هاتتقل لو تقيله قوى حطى لبن لغايه ماتوصلى للتقل اللى انتى عايزاه وخدى بالك بتتقل بعد مابتبرد يعنى خليها اخف من اللى انتى عايزاه وجيبى بقى عسل ابيض لو عندك وحطى عليها ودوقى لغايه ماتوصلى للطعم اللى يعجبك حسب تذوقك للسكر انا بحط عليها شربات الحلويات اللى هو بتاع البسبوسه والكنافه كده بس انا بقول عسل علشان لو مش عندك ده

وكل ده على نار هاديه وبعد كده اطفى عليها وافضلى قلبى كل شويه لغايه لماتبرد علشان مش تعمل قشره
ولو عندك شيكولاته ارمى حته فيها اول ماتطفى عليها ووانتى بتقلبى هاتسيح

بس بجد ش هاتعملى غيره لانه مش مكلف وبيدى الجناش نعومه لمعه طعم امممممممممممممم انا باكل الباقى بالمعلقه وانا عاملاه فى التورتتين اللى انا نزلتهم

انا طولت عليكى فى الشرح بس علشان اقدر اوصللك المعلومه:rolleyes:

ربنا يكرمك يا شيرى يا رب ويفرحك بزيزو
جيت اقيمك منفعش
بس معلقتين كاكاو يقضو التورتة؟؟

lifedrop;14476654:
ربنا يكرمك يا شيرى يا رب ويفرحك بزيزو
جيت اقيمك منفعش
بس معلقتين كاكاو يقضو التورتة؟؟

انا بعملها نصين نص فاكهه ونص شيكولاته فبتقضينى لو عايزة اكتر زودى الكميه واللى يفيض حطيه فى علبه فى التلاجه وبعد كده لما تيجى تستعمليه فكيه بشويه لبن على النار

والمعلقه الكبيره المليانه هى دى معيارنا معلقه دورين كده هههههههههههههههه:lol:

وشكرك على دعوتك واحنا برض بينا تقييمات وكلام من ده بس متنسيش الصوره;)

قوليلى ياشيرى
مش بتحطى نشا
امال بتجمد ازززززززززززززززاى

يااااااااااااااااااااه دا انا فتنى كتير اوى اوى بس انا لى راى مختلف شويه انا زعلانه على مبارك الانسان جداااااااااااااااااا لكن مبسوطه بالثوره ااااااااااوى وخايفه جدااااااااااااا من اللى جاى ربنا يستر
بس احب اقول ان فى كذا شيخ طلع وقال من حقنا نطلع على الحاكم الطاغيه الفساد وهو كمان كان بنشر الفساد فى الارض وطبعا الكل عارف بكده كان بحلل الحرام ويحرام الحلال للاسف يعنى ابسط حاجه لما يقفل معاظم القنوات الدينيه ولما قنوات الكليبات تتنشر جداااااااااااااااااا ولما واحد تطلع فى مجلس الشعب بتطالب بمنع الاذان وخطبه الجمعه والعيدين دا يبقى اسمه ايه تفتكروا كان ممكن يحص ايه تانى

وانا حاسه اوى بالناس وفرحتهم لان احنا اتظلمنا كتير من النظام يعنى ابسط حاجه اخويا المفروض جاله تاشيره التعين فى شركه الحاويات هنا فى بورسعيد وكنا مبسوطين جدا لانه له نسبه اعاقه 5% ولما يجى اللوء المسول فى الشركه والسكررتاريه يوقفا التاشيره
دى عشان عايزين فلوس فى المقابل وطبعا احنا رفضنا لانها رشوه وكدا تدخل فى الحلال ولاحرام

طيب اخويا زرع كلى من كام سنه وانا كنت بروح معه المركز غنيم فى المنصوره مش قادره اقول المناظر اللى كنت بشوفها هناك من شباب واطفال وناس مسنه وطبعا كله بسبب التلوث والمبيدات والكمياويات والميه الملوثه طبعا انا مومنه ان دا قضاء ربنا بس هما اديهم ملوثه بذنب الناس دى
حسبى الله ونعم الوكيل

انا اسفه ياجماعه انى قولت الكلام دا بس هقول ايه يمكن انا شفت حاجات محدش شفها فبكلم من هنا

وطبعا انا معاكم فى القلق والخوف وانعدام الامان وانا مرعوبه والله وللاسف غياب الشرطه اثر واثر كتييييييييييييير والاسلحه المسروقه بانت والبلد هنا متبهدله للاسف من 4 ايام ويوميا فى ضرب نار هنا وللاسف دول الناس السوابق عاميلن شكله والتاعامل بنهم بضرب النار وطبعا ناس كتير ماتوا فى الكام يوم دول بس فين الشرطه الله اعلم؟؟؟؟؟؟ القوات المسلحه تنزل وقت المشكله وتفضى الناس والكل يهرب زى الكتاكيت وخلاص تانى يوم يحصل نفس الموضوع واه احنا محبسوين خايفين ننزل والبلد هنا مقفله على الاخر ربنا يستر يارب ويعدى الايام دى على خير

تسلمي يا شيمو ربنا يخليكي يارب، انتي شطورة اوي بجد وطرقك جميلة


توتو بصراحة لسه مستقرتش، بس غالبا يا اما هعمل عجينة المعجنات عادي بتاعة سوسي مثلا واحشيها وازينها، وممكن كمان اجيب الباف باستري واقطعه صغير وبرده اظبطه زي الساليزون لأن اصلا بيكون فيه فعلا من ضمن الاشكال النوعيات دي، بس قلت قبل ما اعصر دماغي وكده اشوف الاول هاينفع الاقي الجبنة دي او حاجة شبهها ولا لأ.

بيرق أمل;14457115:
مهي ام بودي قالت امبارح انها رايحة يومين عند حماتها الافراج جالها وهتنزل من البيت
سلامة النظر يا ست الحاجة هههههههههههه :lol:

رشرووووووووووووش انا عايزة طريقة السدق بتاعك يا بنتي عشان هاعمله على العشا

اهي طريقة رشرووش:
هاتى فصين توم وشوحيهم فى السمنه وانزلى بالسدق وملح وفلفل وشوحى لحد مالونه يتغير
وقطعى قرنين ففل اخضر وقطعى طماطم ومعلقتين صلصه وانزلى عليهم وشويه شطه ومعلقه خل وسيبهم يتسبكو وبعدين اقلى بقى بطاطس بتنجان وفلفل وارمى عليهم السدق بالصلصه ده

أم ياسين العسل;14457175:

ايوه صح ابن منار فعلا معانا بس هو زمانه عمل عيد ميلاده خلاص لان يويو كمان اسبوع وهو قبل يويو باسبوع ههههههههه

انا بفكر اكتر السلزونات واعمل بسبوسه شيمو كدا صنينه كبيره اوى مقاس 40 اللى عندى دى واعملى تورتيتين بس لسه بفكر لانى بفكر اعملها على شكل عربيه كبيره او اى حاجه تانيه لسه مش عارفه

:lol::lol: ايوة صح فعلا خلاص هو سبق المرة دي مش مشكلة
كده نقدر نعمل العيد ميلاد بنفس ان شاء الله ومن غير ما حد يقول حاجة

miramiro;14465570:
كتكوته

الحمد لله ان الموضوع فى مصر اتحل علشان تعرفى تعملى عيد ميلاد جووووووووودى هههههههههههههههه كل سنه وهى طيبه وعقبال ملووووووووووووووووووون سنه

:lol::lol: بابا فعلا قاللي اعمليه بقي بقلب جامد وفرحان اوي

انتو لخبتتونى على فكرة 8o|8o|
اتفقوو على رايى و ابقوو قلوهولى
انا كان صعبان عليا الريس بس الشهداء و اهاليهم صعبانين عليا اكتر
دى صورهم تقطع القلب كل ده عشام متبت فى السلطة
انا كنت بقول ما احنا عايشين و مازنييش فى حاجة
بس لما نسمع عن كم المليارات دى المسرووقة
طب عارفين مستشفى ابو الريش بتاعة الاطفال عارفين جهاز صدمات القلب الكهربية اللى بييجى فى الافلام ده
انا ليا صحبتى كانت بتشتغل هناك بتقولى مفيش غير جهازين بس
بتقولى قلب الطفل يقف و تلاقى طوابير على الاجهزة دى و قالتلى بنحاول ننعش القلب بايدنا و يا يرجع يا ميرجعش طبعا هو عمر و كل حاجة بس بقول مكنش قادر يستغنى عن كام مليون من المليارات دى و يجهز المستشفيات؟؟؟؟
و للتوضيح اللى جاى برده هيصدر الغاز لاسرائيل للاسف لان دى فى اتفاقية السلام و لو مصدروش هتقوم حرب تانى
مفيش قدامنا غير الدعاء اللى جاى يكون افضل احنا بلد كبيرة و ممكن تبقى احسن بكتير وممكن ننافس بلاد مش هقولكو امريكا و بريطانيا لا ممكن ننافس ايطاليا مثلا لان عندنا شباب بيفكر و دماغهم نضيفة و ازكياء
انا مش هتكلم تانى لان افكارى متضاربة و مش عارفة مين الصح و مين الغلط بس لما بيكون عندى شوية مشاعر على مبارك بتفرج على صور الشهداء الشباب اللى زى الورد و الاطفال حسبى الله و نعم الوكيل ساعتها بتروح من قلبى اى زرة عطف تجاهه

رورو حبيبه قلبى تسلميلى على الدعوه الحلوة وعمر الحمد لله بقا احسن


تصدقى يا بوسى لما شفت الطياره بتاعته وهيه بتطير صعب عليا وبقول لجوزى بصلى بصه مش ولابد كده وقالى مصعبش عليكى الشهداء مصعبش عليكى الناس اللى مش لاقيه تاكل فى مصر بلاش مصعبش عليكى الناس اللى مش لاقيه تمن العلاج بعد ما لغوا العلاج على نفقه الدوله وقعد يقول فى حاجات كده يجى ربع ساعه وختمها وقالى انا مش صعبان عليكى لما كنت بنحت فى الصخر فى مصر نهار وليل ونبطشيات وبقعد باليومين مش بروح واخر الشهر بلم 1000جنيه بالعافيه نصهم مواصلات ولا حالى اللى واقف دلوقتى ومش عارف اكمل الماستر بتاعى عشان سافرت عشان اعرف اتجوز وافتح بيت ولا لما بننزل اجازه بقعد اسبوعين افضل اخلص فى اوراق اد كده وكل ورقه من حته شكل ده لو كان طلع من اول المظاهره وقال اى حاجه مفيده زى باقى الدول ما بيعملوا دلوقتى مكنش مشى بالطريقه دى

المهم ندى فكرتك حلوة جدا وان شاء الله هنزلى اجيب الوان واعمل واحده

فراشة الإيمان;14476698:
انا بعملها نصين نص فاكهه ونص شيكولاته فبتقضينى لو عايزة اكتر زودى الكميه واللى يفيض حطيه فى علبه فى التلاجه وبعد كده لما تيجى تستعمليه فكيه بشويه لبن على النار

والمعلقه الكبيره المليانه هى دى معيارنا معلقه دورين كده هههههههههههههههه:lol:

وشكرك على دعوتك واحنا برض بينا تقييمات وكلام من ده بس متنسيش الصوره;)

جزاك الله خيرا يا قمر
ان شاء الله حصورها
انا اصلا حعملها عشان اصورها :D

رشرووش;14476758:
قوليلى ياشيرى
مش بتحطى نشا
امال بتجمد ازززززززززززززززاى

سؤال بيطرح نفسه وبقوة:I:

nanoo99;14476868:
يااااااااااااااااااااه دا انا فتنى كتير اوى اوى بس انا لى راى مختلف شويه انا زعلانه على مبارك الانسان جداااااااااااااااااا لكن مبسوطه بالثوره ااااااااااوى وخايفه جدااااااااااااا من اللى جاى ربنا يستر
بس احب اقول ان فى كذا شيخ طلع وقال من حقنا نطلع على الحاكم الطاغيه الفساد وهو كمان كان بنشر الفساد فى الارض وطبعا الكل عارف بكده كان بحلل الحرام ويحرام الحلال للاسف يعنى ابسط حاجه لما يقفل معاظم القنوات الدينيه ولما قنوات الكليبات تتنشر جداااااااااااااااااا ولما واحد تطلع فى مجلس الشعب بتطالب بمنع الاذان وخطبه الجمعه والعيدين دا يبقى اسمه ايه تفتكروا كان ممكن يحص ايه تانى

وانا حاسه اوى بالناس وفرحتهم لان احنا اتظلمنا كتير من النظام يعنى ابسط حاجه اخويا المفروض جاله تاشيره التعين فى شركه الحاويات هنا فى بورسعيد وكنا مبسوطين جدا لانه له نسبه اعاقه 5% ولما يجى اللوء المسول فى الشركه والسكررتاريه يوقفا التاشيره
دى عشان عايزين فلوس فى المقابل وطبعا احنا رفضنا لانها رشوه وكدا تدخل فى الحلال ولاحرام

طيب اخويا زرع كلى من كام سنه وانا كنت بروح معه المركز غنيم فى المنصوره مش قادره اقول المناظر اللى كنت بشوفها هناك من شباب واطفال وناس مسنه وطبعا كله بسبب التلوث والمبيدات والكمياويات والميه الملوثه طبعا انا مومنه ان دا قضاء ربنا بس هما اديهم ملوثه بذنب الناس دى
حسبى الله ونعم الوكيل

انا اسفه ياجماعه انى قولت الكلام دا بس هقول ايه يمكن انا شفت حاجات محدش شفها فبكلم من هنا

وطبعا انا معاكم فى القلق والخوف وانعدام الامان وانا مرعوبه والله وللاسف غياب الشرطه اثر واثر كتييييييييييييير والاسلحه المسروقه بانت والبلد هنا متبهدله للاسف من 4 ايام ويوميا فى ضرب نار هنا وللاسف دول الناس السوابق عاميلن شكله والتاعامل بنهم بضرب النار وطبعا ناس كتير ماتوا فى الكام يوم دول بس فين الشرطه الله اعلم؟؟؟؟؟؟ القوات المسلحه تنزل وقت المشكله وتفضى الناس والكل يهرب زى الكتاكيت وخلاص تانى يوم يحصل نفس الموضوع واه احنا محبسوين خايفين ننزل والبلد هنا مقفله على الاخر ربنا يستر يارب ويعدى الايام دى على خير

الف سلامة على اخوكى يا نانو
وربنا يعدى الايام على خير واللى جاى يبقى احسن من اللى راح

Bossy22;14478034:
انتو لخبتتونى على فكرة 8o|8o|
اتفقوو على رايى و ابقوو قلوهولى
انا كان صعبان عليا الريس بس الشهداء و اهاليهم صعبانين عليا اكتر
دى صورهم تقطع القلب كل ده عشام متبت فى السلطة
انا كنت بقول ما احنا عايشين و مازنييش فى حاجة
بس لما نسمع عن كم المليارات دى المسرووقة
طب عارفين مستشفى ابو الريش بتاعة الاطفال عارفين جهاز صدمات القلب الكهربية اللى بييجى فى الافلام ده
انا ليا صحبتى كانت بتشتغل هناك بتقولى مفيش غير جهازين بس
بتقولى قلب الطفل يقف و تلاقى طوابير على الاجهزة دى و قالتلى بنحاول ننعش القلب بايدنا و يا يرجع يا ميرجعش طبعا هو عمر و كل حاجة بس بقول مكنش قادر يستغنى عن كام مليون من المليارات دى و يجهز المستشفيات؟؟؟؟
و للتوضيح اللى جاى برده هيصدر الغاز لاسرائيل للاسف لان دى فى اتفاقية السلام و لو مصدروش هتقوم حرب تانى
مفيش قدامنا غير الدعاء اللى جاى يكون افضل احنا بلد كبيرة و ممكن تبقى احسن بكتير وممكن ننافس بلاد مش هقولكو امريكا و بريطانيا لا ممكن ننافس ايطاليا مثلا لان عندنا شباب بيفكر و دماغهم نضيفة و ازكياء
انا مش هتكلم تانى لان افكارى متضاربة و مش عارفة مين الصح و مين الغلط بس لما بيكون عندى شوية مشاعر على مبارك بتفرج على صور الشهداء الشباب اللى زى الورد و الاطفال حسبى الله و نعم الوكيل ساعتها بتروح من قلبى اى زرة عطف تجاهه

كلنا هذا الرجل يا بوسى
انا برضه ساعات بحس ان افكارى متضاربة
بس ميالة ان اللى حصل دة اغلبه صح
الا قوليلى بشوفك كتير فى قسم شات الحوامل
ها نقول مبروووووك؟؟:p:lol:
عاد لينتقم

ام عمر افندى;14478115:
رورو حبيبه قلبى تسلميلى على الدعوه الحلوة وعمر الحمد لله بقا احسن


تصدقى يا بوسى لما شفت الطياره بتاعته وهيه بتطير صعب عليا وبقول لجوزى بصلى بصه مش ولابد كده وقالى مصعبش عليكى الشهداء مصعبش عليكى الناس اللى مش لاقيه تاكل فى مصر بلاش مصعبش عليكى الناس اللى مش لاقيه تمن العلاج بعد ما لغوا العلاج على نفقه الدوله وقعد يقول فى حاجات كده يجى ربع ساعه وختمها وقالى انا مش صعبان عليكى لما كنت بنحت فى الصخر فى مصر نهار وليل ونبطشيات وبقعد باليومين مش بروح واخر الشهر بلم 1000جنيه بالعافيه نصهم مواصلات ولا حالى اللى واقف دلوقتى ومش عارف اكمل الماستر بتاعى عشان سافرت عشان اعرف اتجوز وافتح بيت ولا لما بننزل اجازه بقعد اسبوعين افضل اخلص فى اوراق اد كده وكل ورقه من حته شكل ده لو كان طلع من اول المظاهره وقال اى حاجه مفيده زى باقى الدول ما بيعملوا دلوقتى مكنش مشى بالطريقه دى

المهم ندى فكرتك حلوة جدا وان شاء الله هنزلى اجيب الوان واعمل واحده

دة جوزك معبى اوى يا بوسى
وحشانى يا وحشة جوووووووووووى جوى والله
يلا اعمليها وصوريها
عايزين نزلزل الزلازيل يا معلم

سؤاااااااااااااااااال لنور
انتى كنتى قولتلى طريقة عمل صوص الشيكولاتة كدة كان سهل وحلو
ممكن تقوليه تانى
بتحطى فيه نشا تقريبا

رشرووش;14476758:
قوليلى ياشيرى
مش بتحطى نشا
امال بتجمد ازززززززززززززززاى

من غير نشا ياجميل وبتتقل وبتبقى امممممممممممممممممممم والتجربه خير برهان

جربى وشوفى:thumbs_up::thumbs_up::thumbs_up:

عازوة طريقة للكسكسي المالح
وعاوزةا عرف بيسوهوووه ازااااااااااااااي؟ ع البخار والا ايه