22 مرة نقول يا تري بتعملي الأكله دي ازاي ؟ ( مبدعات مصر ) شهر ربيع الأول 1432

أعلن الدكتور هانى هلال وزير التعليم العالى والدولة للبحث العلمى المشرف على وزارة التربية والتعليم مد إجازة نصف العام للمدارس والجامعات لمدة أسبوع آخر لتجهيز المدارس التى أضيرت والانتهاء من أعمال التصحيح للامتحانات التى تمت قبل الأحداث الأخيرة.

وأوضح الدكتور هلال حسب بيان إعلامى اليوم الأربعاء، أن القرار جاء بعد فحص كافة التقارير الواردة من مختلف المديريات التعليمية بالمحافظات والتوصيات التى عرضت فى اجتماعات المجلس الأعلى للجامعات ومجلس الجامعات الخاصة والأهلية ومجلس المعاهد العليا.

يا قمرات ماما كانت مجهزة سمك للقلى يعنى فك من التجميد واتحشى وكده
وجبنا سمك مشوى يعنى المقلى مش اتعمل

السؤال بقى : ايه الحل فى السمك المحشى حاليا مع العلم انه كان فى الفريزر قبل كده
وهيتعمل بكرة ان شاء الله

امة الله عادى حطيه ف التلاجه واعمليه بكره مافيش اى مشكلة

@زهرة دبلانة@;14446265:
ليه يارووفتى كده ؟؟ماانتى ممكن تاخدى بعلك وتتجوزى هناك حتى هيحبوه اوى ويغيروا فكرتهم عنه:p:p بهزر معاكى ههههه
ياروفتى حبيبتى طبيعى ف الدنيا دى تلاقى حد فكره غير فكره ده لازم والا الدنيا ماتمشيش ؟؟هياشافت وهوا شاف انهم هيبقوا مبسوطين لو عقدوا القران ف ظل الاجواء دى وتبقى حاجه من الذكريات الحلوة ف حياتهم فراحوا ؟؟بس هوده كل الامر بغض النظر عن انه صح او غلط ؟؟



لاانا معاكى ياابوسى انك تفرحى وتسعدى نفسك وتهيسى كمان ومعلش زى مابقول لروفه كل واحد ليه فكره وليه اختلاجاته اللى جوه بيعبر عنها ازاى ؟ مش كل الناس بنفس فكرك وانا برده ضد ان اى ست تنزل المظاهرات بغض النظر عن انه حرام ولا حلال لو بنتى كبرت وقالتلى انزل معاهم اقطع رقبتها 8o|لكن جوزى ممكن:D:D
ومحدش قالك عيطى يابوسى وان قالك ولا كانك سمعتى حاجه ابسطى نفسك وهيصى ف حياتك بس بشرط ان احنا نشيل هم الامة بمعنى ان احنا ندعى ونعرف الاخبار وندعى للمسلمين ف صلاتنا وقيامنا
وانتى عايزة اللى جاى يبقى مافيش خير ؟؟؟لا طبعا فعلا احساسك صح بس بفضل الله ثم هما ؟؟؟اه وواثقة انهم سبب الخير اللى هيهل علينا ؟وكل بنى ادم ف الدنيا عارف انهم فعلا اثبتوا انهم رجالة وانا بقولها بعلو صوتى انهم فخر ليا ونيشان بالنسبه لاى حد مصرى
يابوسى انا كنت بصدق ضد اى حاجه او متعاطفه حبتين بس دورت وسمعت ولقيت وشفت حقائق عرفت اد ايه الشعب ده هوده اللى فاهم ؟لان فعلا الثورة دى والتغييرات اللى حصلت بينت حقائق شنيعة بالنسبه لينا وطبعا ف كل مكان ف الجرايد ف منى الشاذلى ف عمرو اديب ف المجلات الاجنبيه والامريكية ؟
يكفى ان زى ماحد قال معرفش مين بقيت فخوره انى مصرية ف الجواز السفر؟؟

وماتسمعيش لاى حد بيضايقك او بيكلمك بمنطلق الثورة وينرفزك سواء من فتكوته او عروسه انتى ليكى فكرك وعلى يقين انه صح افرحى بيه وماتسمعيش لاى حد بقى تانى او اسمعى واسكتى ماتشغليش بالك بيه ولا تتعبى نفسك


اللهم ولى امورنا خيارها ولاتولى امورنا شرارها
اللهم ارفع مقتك وغضبك عنا وانصر الاسلام والمسلمين




طيب ياحبيبة قلبى شكلك مشغوله ربنا يطمنا عنكم كلكم ومانشوف شر ابدا فيكم :adore:
لالالالا مش مشغوله والله يارورو بس كنت داخله من الموبايل وحلف مايكتب غير كده بس
عامله ايه انت وجوجو
يارب تكونوا بخير
وعامله ايه فى الحمل
ربنا يكملك حملك على خير


انتى فين ؟مختفية كده ليه؟وحشتينا انتى كمان لعل المانع خير F:


كوتى بالنسبة للملوخيه والسبانخ انا عمرى ماعملت بالمرقه ولا هعملها بعمل بالشوربه بس والله ساعات مش بيبقى عندى واعمل بالميه وبتطلع حلوة والله
بصى بالنسبه للملوخيه ؟حطى كوبايتين ميه وورق لورا وفلفل اسود واغليهم ممكن مكعب مرقه اللى عندك عليهم وحطى الملوخيه وهيا مجمده وسبيها على نار هاديه تفك مع نفسها ولو لسه فيه كلاكيع اضغطى عليها بالمعلقة لغايه ماتبقى سايله وفله ولو قوامها تقيل زودى معلقه ميه كده يعنى
واعملى بقى طشتك ونفسك ياايمى ههههه والله هتطلع حلوة جدا
اما بالنسبه للسبانخ
اعملى بصله ودبليها وحطى عصير الطماطم على اد كميه السبانخ ولما تتسبك حلو انزلى بشوية كزبره مفرومين وبعد كده انزلى بالسبانخ وسبيها ف الحله لحد ماتفك ويختلطوا ببعض وتبقى حلوة وتاخد من ريحة الطماطم وبهاراتها بعد كده زودى كوب مية بحيث تبقى قوامها حلو وممكن ف الاخر بقى تعملى طشه توم برده هتبقى تحفه والله او ممكن مع البصل تحطى فصين توم ف الاول خالص وقرن فلفل ف تسبيكة الطماطم هتديلها نكهه حلوة
وحطى لو عايزة مكعب مرقه ف عصير الطماطم
والله سمى وبنفسك انتى اصلا نفسك حلو هتطلع جميله :thumbs_up:

وفعلا انا مندهشه على اللى متضجر من ميدان التحرير هما ف التحرير موقفين عيشة الناس ليه8o|8o|
بس انا متابعه ان كل حاجه مشت ف القاهره حتى البنوك والبورصة وكله بقى تمام :D
حلوة متابعه البورصه دى :D
واعملى يوم ميلاد بنتك لازم تفرحى بيه بدل حابه الاحساس حتى لو حصل ايه ؟افرحى وفرحيها وفرحى جوزك بيه
ويارب عقبال المليون سنة ويحميهالك :adore:
ازيك ياحاجه
وحشانى اوىىىىىى
ياسو عامل ايه كل سنه وهو طيب

و

ام بودى
حبيبتشىىىىى
عايزه طريقة الاكلييييير

@زهرة دبلانة@;14446265:
ليه يارووفتى كده ؟؟ماانتى ممكن تاخدى بعلك وتتجوزى هناك حتى هيحبوه اوى ويغيروا فكرتهم عنه:p:p بهزر معاكى ههههه
ياروفتى حبيبتى طبيعى ف الدنيا دى تلاقى حد فكره غير فكره ده لازم والا الدنيا ماتمشيش ؟؟هياشافت وهوا شاف انهم هيبقوا مبسوطين لو عقدوا القران ف ظل الاجواء دى وتبقى حاجه من الذكريات الحلوة ف حياتهم فراحوا ؟؟بس هوده كل الامر بغض النظر عن انه صح او غلط ؟؟

لا يا رورو خطيبي محدش يعرفه هناك عشان ياخدو عنه فكرة والا يغيرو رأيهم ولا حتى يقولو رايهم فيه:rolleyes::)
وهوا الحمد لله كفاية عليه اوي ان اهل المكان اللي بيشتغل فيه بيدافعو عنو وبيحبوه
مش محتاج انزله التحرير عشاااان اعمل عليه استفتاء;)

.* اميرة *.;14447048:
رووفة حبيبتى اللى اتجوزت فى الميدان قالت مالقيتش ناس اتمنى وافتخر تشهد على عقد جوازى غير الثوار .......... وجهة نظر
الاعتصام غير التظاهر
الاعتصام يعنى تقيمى فى المكان انتى ومجموعة من الرافضين والمحتجين على امور معينه والاقامة الكاملة تمنحك حق تاكلى وتشربى وتغنى زى الجيش ماكان بيغنى على الجبهة
ده حق دستورى

هيا وجة نظر طبعا
واللي عاوز يتظاهر حقه واللي عاوز يعمل فرح حقه
وانا حقي كمان اقول انه مش عاجبني
ديموقراطية باة ههههههههه
وانا عارفة الاعتصام والتظاهر ومش بقول ماياكلوش بس المفروض ان ده كله تعبير عن الغضب والغضب ماظنش يمشي ابدا مع الافراح والكلام ده:!!:
اللي موصل لكتير احساس ان الناس دي قاعدة وخلاص
واللي خلى رئيس الوزرا يقول خلاص سيبهم ونوزع عليهم اكل وتوفي ونعمللهم التحرير بارك
لانهم مش باين اوي ان دي مشاعر محتجين غضبانين
ده رأيي الشخصي
وانا مش ضد اللي في التحرير انا اخواتي مع الشباب كل يوم سايبين شغلهم وقاعدين هناك
ربنا يحفظهم ويحفظ خطيي وكل المسلمين يارب



عاوزة ظريقة المولتن كيك يا بنات؟؟

@زهرة دبلانة@;14449684:
امة الله عادى حطيه ف التلاجه واعمليه بكره مافيش اى مشكلة

اشكرك على ردك
ماما حطيته فى الفريز تانى

ازيكوا يااقمرااات بقاالي كتيييييييييييييير مدخلتش و حشتوووونى اوى اوى الوااحد ملوووش نفس يتكلم في الاكل عشااان اللي بيحصل في مصر الواحد نفسه اتسدت وللله ياااارب يحفظ مصر يارب ولله مصر دى احلى بلد في الدنيااا يااحبيبتى ياااامصر منهم لله كل الظلمه اللي بيخدوا خيرها ومنه لله كل مسئول ظالم فاسد امثال احمد عز ووزير الاسكان ووزير السيااحه وحبيب العادلى وصفوت الشريف وغيره وغيره
المهم بقى انا عملت النهارده كباب حله بالطريقه الشربينيه ولله كنت هصوره الكاميرا كانت عايزة تتشحن شفتوا الحظ يوم ما اجى اصور حااجه متتصورش يلا المرة الجاايه بقى ,, اسياخ الشيش عشان ماتتحرقش بنحطها في مياه وبعدين ندهنها زيت صح؟؟

شوشو انا وجوجو فى نعمة بفضل الله ياحبيبتى بس الحمل بجد تعبانة وهبطانة موت عن الحمل الاولانى ربنا يسهلها وييسرها دعواتك ويارب تكونى انتى كمان بخير :adore::adore:

Amt-allah;14452453:
اشكرك على ردك
ماما حطيته فى الفريز تانى

كانت حطيته ف التلاجه احسن لان عمليه تجميده وفكه وتجميده تانى بتهيالى مش صح بس متبل خلاص مش مشكله يلا بالف هنا ياقمر F:

بنت من الزمن ده;14453283:
ازيكوا يااقمرااات بقاالي كتيييييييييييييير مدخلتش و حشتوووونى اوى اوى الوااحد ملوووش نفس يتكلم في الاكل عشااان اللي بيحصل في مصر الواحد نفسه اتسدت وللله ياااارب يحفظ مصر يارب ولله مصر دى احلى بلد في الدنيااا يااحبيبتى ياااامصر منهم لله كل الظلمه اللي بيخدوا خيرها ومنه لله كل مسئول ظالم فاسد امثال احمد عز ووزير الاسكان ووزير السيااحه وحبيب العادلى وصفوت الشريف وغيره وغيره
المهم بقى انا عملت النهارده كباب حله بالطريقه الشربينيه ولله كنت هصوره الكاميرا كانت عايزة تتشحن شفتوا الحظ يوم ما اجى اصور حااجه متتصورش يلا المرة الجاايه بقى ,, اسياخ الشيش عشان ماتتحرقش بنحطها في مياه وبعدين ندهنها زيت صح؟؟

تسلم ايديكى ياجميل وصح طريقة الاسياخ زى مابتقولى صح باذن الله وفيه ناس بتحط عليها ورق سلوفان وتدخلها الفرن:thumbs_up:

روفة
ههههههههههههههههههه:lol::lol:سكر وانتى بتتكلمى نفسى اشوف وشك :D:D
ربنا يحبب فيكم خلقه ويحميلك اهلك ورايك سكر زيك وعلى راسى ياباشا:adore::adore::adore:

bonbona we bas;14448019:
ميرسي لكل البنات اللي دعولي الحمد لله يا بنات التعب صحي مش نفسي
ولو ان طبعا النفسيه برضه مش تمام
ربنا يعوضني خير بقي لاني كنت حامل وربنا ما ارادش انه يكمل

ربنا يعوضك يارب قريب ان شاء الله خير يارب

@زهرة دبلانة@;14448438:
ايمى تصدقى بالله دعوتك جميلة ههههههه اصلى عيوطة اوى ياايمى زيك ههههههههههه يارب نجمد كده ونبقى رجالة:lol:
وبعدين انتى بصراحة بترد على اى حد ان كان واى سؤال من يوم مادخلت المنتدى خدووومة بشكل ملحوظ ربنا يجبر خاطرك انتى كمان

F:F:F:F: ايوة ما انا قصدت ادعيلك عشان كده :lol::lol:
تسلمي ربنا يخليكي يارب بجد علي كلامك الحو ده انا اتكسفت اوي بجد
عملت الملوخية بالمرقة وكانت حلوة مووووووت الحمدلله واتظبطت من اول مرة

هند الف سلامة عليكي يا حبيبة قلبي ربنا يعوضك خير ان شاء الله

شيمووووو وحشاني اووي اووووي ربنا يصلحلك الحال يارب

وكل سنة وياسين وجوجو طيبين عقبال مليون سنة يارب

واحشني كلكوا اوي

حد يعرف الجبنة الطرية الكريمة دي اللي بتبقي موجود في حشو الساليزون بتبقي نوعها ايه وجاهزة ولا بتتعمل من كذا حاجة وكمان هما كذا نوع بس طعمهم قريب من بعض، فيه لونها ابيض عادي وفي بتبقي زي روز كده، بس انا عايزاها بس مش عايزة حاجة غالية بليز، لو موجودة جاهزة وكمية قوليلي اسمها ايه ولو بتتعمل في البيت قوليلي ازي ياريت مش تتأخروا عليا

sosiii-cat;14453557:
هند الف سلامة عليكي يا حبيبة قلبي ربنا يعوضك خير ان شاء الله

شيمووووو وحشاني اووي اووووي ربنا يصلحلك الحال يارب

وكل سنة وياسين وجوجو طيبين عقبال مليون سنة يارب

واحشني كلكوا اوي

F:F:F: وانتي طيبة يا سوسي ربنا يخليكي بجد التورتة تجنن الاتنين احلي من بعض بس التانية عجبتني اكتر





شفتوا نيرمين في ولا بالأحلام صحيح لما عملت الاناناس الست دي بتعقدني ما شاء الله علي دماغها فظيعة

سوسى انت كمان وحشانى اوى
اخبارك ايه انت
طمنينا عليكى

للمخالفه
حد جرب الرز بالمستكه؟؟؟؟؟؟؟؟؟؟؟؟؟؟؟؟؟

أم مازن*;14453627:
سوسى انت كمان وحشانى اوى
اخبارك ايه انت
طمنينا عليكى

للمخالفه
حد جرب الرز بالمستكه؟؟؟؟؟؟؟؟؟؟؟؟؟؟؟؟؟

شييييييمووووووو ازيك وحشانى فينك يا قمر مش بتفتحى الياهو خالص:(
انا بعمل الرز بسمتى بالمسكتة بيبقى حلو اوى

CuTie KaTkOoTa;14453623:
حد يعرف الجبنة الطرية الكريمة دي اللي بتبقي موجود في حشو الساليزون بتبقي نوعها ايه وجاهزة ولا بتتعمل من كذا حاجة وكمان هما كذا نوع بس طعمهم قريب من بعض، فيه لونها ابيض عادي وفي بتبقي زي روز كده، بس انا عايزاها بس مش عايزة حاجة غالية بليز، لو موجودة جاهزة وكمية قوليلي اسمها ايه ولو بتتعمل في البيت قوليلي ازي ياريت مش تتأخروا عليا

متهيالى بتبقى جبه دوبل كريم ياايمى

F:F:F: وانتي طيبة يا سوسي ربنا يخليكي بجد التورتة تجنن الاتنين احلي من بعض بس التانية عجبتني اكتر





شفتوا نيرمين في ولا بالأحلام صحيح لما عملت الاناناس الست دي بتعقدني ما شاء الله علي دماغها فظيعة

Bird amore;14453642:
شييييييمووووووو ازيك وحشانى فينك يا قمر مش بتفتحى الياهو خالص:(
انا بعمل الرز بسمتى بالمسكتة بيبقى حلو اوى

شاااااااااااااااااااااااهى انت كمان وحشانى موووووت
طمنينى عليكى
اخبارك ايه فى الاجواء دى
بتعملى الرز ازاى؟؟؟؟؟

شيمو عاملة ايه يا جميلة، تسلمي بس تفتكري كده هاتبقي شبه الجاهزة، اصلي بفكر اوي عشان اعلمها في عيد ميلاد وجو بإذن الله لو عملته وعايزة طعمها يبقي حلو وزي الجاهز، طيب احط معاها اضافات واضربهم سوا مثلا ولا هي بس؟

بس حاسة انها نوع مختلف بردو محتارة اوي

CuTie KaTkOoTa;14453688:
شيمو عاملة ايه يا جميلة، تسلمي بس تفتكري كده هاتبقي شبه الجاهزة، اصلي بفكر اوي عشان اعلمها في عيد ميلاد وجو بإذن الله لو عملته وعايزة طعمها يبقي حلو وزي الجاهز، طيب احط معاها اضافات واضربهم سوا مثلا ولا هي بس؟

بس حاسة انها نوع مختلف بردو محتارة اوي

ممكن تحطى معاها مايونيز وجبنة سايله او بريزدن مثلثات وتضيفى عليها سماق ونعناع او زعتر
ولو عايزه لونها بينك
حطى معاها معلقتين بنجر بيوريه
هايديكى لون حلو اوىىىىىىىىى
وكل سنه وجوجو طيبه ربنا يخليهالك وتشوفيها عروسه ان شاء الله

CuTie KaTkOoTa;14453623:
حد يعرف الجبنة الطرية الكريمة دي اللي بتبقي موجود في حشو الساليزون بتبقي نوعها ايه وجاهزة ولا بتتعمل من كذا حاجة وكمان هما كذا نوع بس طعمهم قريب من بعض، فيه لونها ابيض عادي وفي بتبقي زي روز كده، بس انا عايزاها بس مش عايزة حاجة غالية بليز، لو موجودة جاهزة وكمية قوليلي اسمها ايه ولو بتتعمل في البيت قوليلي ازي ياريت مش تتأخروا عليا



F:F:F: وانتي طيبة يا سوسي ربنا يخليكي بجد التورتة تجنن الاتنين احلي من بعض بس التانية عجبتني اكتر





شفتوا نيرمين في ولا بالأحلام صحيح لما عملت الاناناس الست دي بتعقدني ما شاء الله علي دماغها فظيعة

ايمى ازيك يا قمر ممكن تقوليلى طريقة الساليزون بتاعتك؟؟؟

ازيكم يا بنات يارب كلكم كويسين

بوسي ام عمر افندي كويسة الحمد لله كلمتها امبارح
بس ادعو لابنها تعبان قوي عنده نازلة معوية ودور انفنوزا قاتل ادوله الله يشفيه
وقالتلي ابلغكم سلامها وبتسلم عليكم كلكم

بنات ادعولي ارجع بكرة سليمة ان شاء الله
واحكيلكم كل تفاصيل الوضع الراهن على ارض المظاهرات
باحبكم في الله F:

بيرق أمل;14455616:
ازيكم يا بنات يارب كلكم كويسين

بوسي ام عمر افندي كويسة الحمد لله كلمتها امبارح
بس ادعو لابنها تعبان قوي عنده نازلة معوية ودور انفنوزا قاتل ادوله الله يشفيه
وقالتلي ابلغكم سلامها وبتسلم عليكم كلكم

بنات ادعولي ارجع بكرة سليمة ان شاء الله
واحكيلكم كل تفاصيل الوضع الراهن على ارض المظاهرات
باحبكم في الله F:

ربنا يشفيه ويعفو عنه يارب

نووور انتى نازله المظاهرات:I:

ربنا يجيبك بالسلامه وابقى طمنينا عليكى



يا جماعه دودى كات مش بتدخل ليييه بقالها فره