التجمع الأول للحوامل اللواتي يلدن في اكتوبر 2011

قائمه امهات اكتوبرالنشطات باذن الله

nano0o
اكتوبر - ( بنوتة )

ريم 81
4-اكتوبر2011 (ولد)

انجلا44
4-اكتوبر-2011(ولد)

بيْلسان
8-اكتوبر-2011 - (ولد)

شمعة الدار
8 -اكتوبر(ولد)

لك الحمد
10 -اكتوبر(بنوتة)

صاحبة السموالملكي
15-اكتوبر

nooroo
تاريخ 16 - اكتوبر(ولد)

hebana
18 -اكتوبر

ShoBo
تاريخ 24 -اكتوبر

باغية الخير
27-اكتوبر

ريم مشكوره غناتو على النصيحه وكنت بسألش وبسأل باقي البنات اللي عندهم نونوات من قبل عن نصايحكم وتجاربكم في المشتريات يعني ويش نشتري ويش ما نشتري وين افضل المحلات

لك الحمد
ما تشوفين شر .. ويه اتساع البطن يصير ان الوحام يرجع لفترة وان شاء الله بيرد يروح..

كل الكروشات شخباركم فديتكم ؟ اليوم اني على طول مشغلولة الصبح رحت اشتري أغراض .. وبعدين الظهر طلعنا نتغذى ورجعنا العصر .. وصلت البيت وسويت مع بناتي واجباتهم ورديت طلعت رحت المستشفى عندي موعد في الخاص .. ( هالحمل شكلي بكمله كله في المستشفيات بسبب أتطمن عالبيبي )

تصدقون اجي أطل عليكم بين كل شغله وشغله .. ألحين بقوم أجهز للعشا قبل الأذان .

ريم

مشكوره غناتي على التفاعل السريع والإجابه المطوله
انا قلت لزوجي يوديني مذركير هالويك اند و هو وافق وبعد فتره ناويه ارجع حق ماماز وباباز اذا عرفت جنس النونو
وزي ما قلتي ناويه اني اجهز كل شهر شوي علشان ما اتعب وعلشان بخلي التأثيث لشهور الأخيره خصوصا ان عندي تأثيث المجلس ودورة المياه الله يعزكم

وبالنسبه لي احس اني بكمل التاسع كله وما عندي مشكله بس اهم شي ما اولد قبل ويتبهدل النونو
لأني سمعت ان اللي تاخذ مثبتات يكون حملها اطول وانا اعطتني الدكتوره المثبتات الى الأسبوع 14 والحمد لله خلصت وافتكيت منها والله يتمم لنا بخير اللهم اميين


لك الحمد

انا توني قبل امس مرجعه في سيارة رجلي حتى انحرجت مره
ما ادري بس اتوقع عادي
وما عليش شر يالغلا
وبالنسبه ويش نجهز للأم ما ادري اسألي بيلسان وريم تصدقي تفكيري كله في النونو ونسيت حالي هههههههههههههه

بيلسان
هههههههههههههه من جد جدولش مزحوم اليوم

صاحبة السمو

اي والله جدولي مزحوم اليوم وتوني فضيت شوي ..

بالنسبة لتجهيزاتي في ولادتي السابقة ( الاغراض الخاصة بالولادة ):
بيجامات وبدلات خفيفة للبيت والنوم وأهم شي أن فيها فتحة للرضاعة .
فوطة صغيرة وناعمة عشان وقت أجشأ بنتي أحطها على كتفي .
مناديل قطنية خاصة للصدر عشان الحليب لما يطلع من الثدي ما يبلل حمالة الصدر ولثياب .
فوط صحية
قطن وسافلون لتطهير المنطقة وزيت زيتون عشان سيم لخياط .
لحاف جديد .. عشان اذا طردوني بالليل من الغرفة أروح انام في مكان ثاني

مممممم اذا تذكرت شي بعد بخبركم .. وطبعاا هذي الاغراض أخذتها لتجهيزاتي ببناتي وهالمرة بعد باخذ لي نفس الشي ..

ريم81;15051192:
بقولكم نصيحه

في حملي الأول بديت اجهز متأخر لبنتي و مع اني مو مهووسه ماركات مثلا و لا يهمني انه كل شي غالي و من المحل الفلاني مثلا

اغلب اغراضها جبتهم من مذر كير

بس لأني جبت كل الأغراض دفعه وحده خلال شهر حسيت انه دفعنا مبلغ كبير الصراحه في شهر واحد خصوصا ترى تجهيز البيبي مو بس ملابس

في سريره و اللحافات و الكفرات و الذي منه
و في المراضع و الأشياء و اغراض الحمام

و في التوزيعات
و في ملابس الأم خلال النفاس و النجهيز للضيوف اللي بيباركون

فحيطنا مبلغ كبير زياده عن اللي توقعينه بصراحه

فهالمره افكر كل شهر اجيب شوي اغراض

يعني مثلا هالشهر اشري البجايم للبيبي

الشهر الجاي اغراض الحمام
اللي بعده شويه ملابس خارجيه

اللي بعده ابدي اجيب اغراضي و هكذا علشان ما احس بالمبلغ مره وحده

ريم

في الحمل الأول أني بعد تعرضت لهذا الموقف .. قررنا نبدأ بالتجهيزات للمولود في الشهر الثامن وحطينا مبلغ وااجد مو قليل ورحنا السوق على اساس ان احنا نشتري كل شي .. وأول شي وداني للدكتورة عشان تشوف فيني بنت او ولد ونشتري حسب اللون وقالت لي الدكتورة بنت ..
وطبعاا من العيادة على طول للسوق :018: ثياب ومراضع وحفاظات وسرير وفراشات وشنطات ووووووو...... وانصدمنا أن المبلغ خلص :thumbs_down: واحنا بعدنا نشحن تروليات ..
وغير هذا كنا نبي نجهز حلاوة الضيافة .. فوقفنا ننتظر نكمل باقي الاغراض للشهر اللي بعده والمشكلة أن الشهر اللي بعده التاسع يعني يمكن أولد في أي وقت ..

ولدت بالسلامة وأني ما كملت كل شي .. فزوجي راح مع اخته واشتروا مجسم حلاوة جاهز وراحوا اشتروا باقي لغراض على ذوقهم ..

من جذي في الحمل الثاني جهزت أغراضي قبل السابع .
وهالمرة أقول له خلنا نبتدي من ألحين يقول لي للسابع :thumbs_down: يا الله براحته ..

ريم81;15052763:
هههههههههههههههههههههه

شوفي حسب كل واحد و ظرفه بس الرجال طبعهم نساي ذكريه بالمبلغ اللي دفعتوه اول مره بيقولك خلص ابدي جهزي على خفيف

انا نفس الشي بس منتظره اتأكد من جنس البيبي و بروح ابدي اتشرى شوي شوي

تصدقين شكلي بتأكد من الجنس في الاشهر الجاية عشان أشتري الاغراض .. لأن لما قالوا لي ولد كنت توني 15 اسبوع يعني يمكن خطأ ..