التجمع الأول للحوامل اللواتي يلدن في اكتوبر 2011

انجلا44;14966293:
سلامتك عزيزتي صاحبة السمو الملكي وما تشوفي شر هههههههه ضحكتيني الله يعينا دخلنا الرابع وبعدنا يجينا اللوعه و الترجيع ...

اليوم صديقتي قالت لي شكلك بتجيبي بنوته قلتها الله يسمع منك بس اذا ولد عادي عندي خبرتها كرشتي شكلها دائري ....

ايه والله عاد اللوعه قاطعتني اسبوع وانا اتوقعت انو خلاص يعني :(
بس كله في سبيل النونو يهون :L:

انا اختي شافت صورة الاشعه وقالت شكلها بنوته ومدري حتى انا حسيت انها بنوته وتعلق قلبي فيها اكثر واكثر فديتها :L:

مساء الخير انا ولادتي تاريخ 4اكتوبر 2011 واخر دوره 27 12 2010 انا في نص الرابع وخف عني الوحام بس عندي صداع فظيع الله يبعده عنكم منو مثلي وهل يضر اشرب حبوب مثل بنادول عشان اخفف الالم لان عيوني احسها بتطلع من الالم وايد تعبانه موعدي بعيد 10 5 عشان اسال الدكتوره الي تعرف تفيدني ويزاكم الله خير

خوله الشحي;14967931:
مساء الخير انا ولادتي تاريخ 4اكتوبر 2011 واخر دوره 27 12 2010 انا في نص الرابع وخف عني الوحام بس عندي صداع فظيع الله يبعده عنكم منو مثلي وهل يضر اشرب حبوب مثل بنادول عشان اخفف الالم لان عيوني احسها بتطلع من الالم وايد تعبانه موعدي بعيد 10 5 عشان اسال الدكتوره الي تعرف تفيدني ويزاكم الله خير

يا مرحبا اختي خوله

اختي بالنسبه للبنادول عادي إذا اخذتي البنادول الأزرق فقط و اسألي الصيدلي عن الجرعه المناسبه للحامل

لكن بالنسبه لأم الرأس اختي انصحك تشوفي طبيبه لأنه في حالات يكون بسبب الم الراس هو الضغط العالي تطمني انه ما فيه ضغط و الطبيبه بتقولك شو تاخذي

خوله الشحي;14967931:
مساء الخير انا ولادتي تاريخ 4اكتوبر 2011 واخر دوره 27 12 2010 انا في نص الرابع وخف عني الوحام بس عندي صداع فظيع الله يبعده عنكم منو مثلي وهل يضر اشرب حبوب مثل بنادول عشان اخفف الالم لان عيوني احسها بتطلع من الالم وايد تعبانه موعدي بعيد 10 5 عشان اسال الدكتوره الي تعرف تفيدني ويزاكم الله خير

السلام عليكم هلا فيج معانا الله يتبت حملج وحملنا أنا كنت متلج يعورني رأسي وااايد ومااقدر اتحرك من العوار وطلع السبب من الضغط انصحك تقيسين الضغط وتتأكدين وتحاولي ترتاحين وماتعصبي روحتج وخري عن كل. شيء يعصبج وارتاحي كل ماتحسين بالتعب وجدي الضغط بيرجع عادي حتى من غير أدوية لا تهملين حالتج وان شاء الله نظمن عليج وغالبيبي

خوله هلا ومرحبا فيش بينا مبروك الحمل يالغلا والف سلامه عليش

بيلسان ننتظر تحدثي اللسته

صاحبة السمو الملكي;14966063:

بيلسان
طلع لي بنوته وانبسطي في الغذا وسلمي لي على خواتش (ترى السلام امانه ):)

سلااام كرووشات شخباركم اليوم

*شمعة الدار*
انه رحت عند دكتوره فهيمه صراحه وايد زينه وشاطره قالت لي عن كل شي في البيبي
يمكن قعدت تقريبا 20 دقيقه تراويني ووفحصت كل شي
اهي الحين غيرت مكانها موجوده في الزنج تاخذ 35 دينار من الشهر الرابع لي التاسع
بس مو ملون اعنقد الملون 50 دينار

ريم
ماتشوفين شر حبيبتي الله يساعدج الامساك مو سهل
بس اعتقد ان التمر مو زين في بداية الحمل لاني اشوف يعطونه اللي تطلق بتولد حق يسهل عليها
و ماادري بعد السلطه زينه احس

خوله الشحي
انه بعد من يومين صدااع مو طبيعي لدرجة مااقدر انام
يمكن لاني مزكمه او الضغط مرتفع الله يستر
بالنسبه الى البندول اخذي مال المستشفى احسن شي لانه اكسترا وايد قوي مو زين
و ماتشوفين شر حبيبتي

بيلسان
شلونج حبابه اليوم توني قاعده على النت مالي بارض من الصداع
الحين قلت بدخل اشوف الاخبار

بالنسبه الى الجدول الصيني يطلع لي صبي بس انه قالت لي بنت
انه قاعده اشتري اغراض حق بنوته الله يستر جان ما يطلع لي بووي
بلبسه فستان بعدين خخخخخ

صباح الخير يا بنات :)

صباااح الخيرات بنات
اليوم العصر بروح لدكتورة فهيمة =)
وانشالله خير يا رب


انزين وش نصايحكم بنات قبل السونار عشان يبان عدل
جنه سمعت نشرب ماي واجد وناكل كاكو عشان البيبي يتحرك

اني بدايه الاسبوع ال 15 اعتقد يبين جنسه الحين صح ؟؟؟

وووينكم ردوا عليي قبل 12 ونص =)

صباح الورد

هلا شمعة

ايوة ان شالله اكيد يبان الجنس

وعلى حسب وضعية الجنين

اللي اعرفه كلي شوكليت حلوة عشان تعجب النونو ويتحرك

والله يطمن قلبك عليه ياارب

وخبرينا شو صار معك؟؟انتي نفسك فجنس معين؟

صباح الخيرات كروشات

شمعة الدار
ان شاء الله يبان معك وتجي تخبرينا
وتوني ادري الكاكاو يخلي النونو يتحرك

لك الحمد

هلا بك يا عمري

ان شالله ماننحرم من طلتنا كلنا الحلوة على بعض


صاحبة السمو الملكي

الله يبشرك بالخيــر

يعني موشرط حتى البنوتة تبان

الله يكتب اللي فيه الخير ويرزقنا أجمعين الذرية الصالحة

بنــات باركولي اليــوم دخلت الرابـع يارب لك الحمد

السلام عليكم صباح الخير أحلى كرووشات ماشاء الله صاحيين مبجر أنا توني أصحى صرت أنام وااايد
صاحبة السمو ريم بيلسان نانو انجلاوباغية الخير وكل البنات صباحكم سكر
شمعة الدار الله يطمنك عالبيبي
شوبو مبرووك لأنج دشيتي الرابع الله يتبت حملج وحملنا

الله يبارك فحياتك يالغالية
انا بنتي الله يهديها تصحيني بدري وماتخليني انام الصباح
مع اني الايام هذي ما اشبع من النوم

كلنا سبحان الله فينا نوم و نعس مو طبيعي

الحمد لله على كل حال

ننتظر رجعه شمعه من عند الدكتوره و البشاره