مشكلتي بين ايدكم ..

عمرك كلمتيه في الموضوع؟؟
لو ماكلمتيه.. كلميه يا اختي قولي له اللي في قلبك
كثير رجال محتاجين يفهموا
قولي له ليش ماتهديني ؟؟
الرسول عليه الصلاة والسلام قال ( تهادوا تحابوا )
هذا في العلاقات بين المسلمين بشكل عام .. تهدي جارك .. تهدي صديقك .. تهدي اخوك او اختك ..
مابالك بالازواج ..؟؟
انا احب انك تهديني .. احب انك تفاجئني بابسط الاشياء حتى لو وردة
كون انك توقف جنب محل للورد وتشتري لي وردة بعشرة ريال وتجيبها لي هذي تعني لي كثييييييير
انا انثى ولازم تفهم ان الانثى تحتاج اشياء زي كذا تروي قلبها زي الزرع
طول ما انت تسقي الزرعة غصنها يبقى اخضر .. اذا تركتني كذا روحي بتنشف
واذا نشفت انت بتتعب وانا بتعب .. وبتصير حياتنا جافة

اذا كلمتيه وحسيتي انه ما استجاب ولاتغير .. هنا عاد الله يعينك
لازم تغيري طريقتك مع نفسك .. غرقي نفسك بالهدايا ولاتبخلي على نفسك بشي
عارفة انها منه غير .. بس لو ما اخذتي منه اللي تبغيه تتدمري وتقعدي تفكري في همك ؟؟
لا طبعا ..
المفروض تحلي المشكلة بيدك و تلتفتي لنفسك
ولمن تفكري تهديه شي حولي اتجاه الهدية لنفسك .. خذي لك شي انتي تحبيه
بيجي يوم يقولك من زمان ماجبتي لي شي ... ليه؟
قولي له ما اسمها شي .. اسمها هدية ...
وانت ماتهديني
بالتالي وفرت فلوسي اللي اهاديك فيها وجبت لنفسي الــ(شي) اللي مفروض يجيني منك ..
لاتقهري نفسك وتحطي في قلبك وتتضايقي
والله كثير رجال كذا ولمن تكلميهم مايتغيروا وانا كنت وحدة من الناس اللي تعاني من هذا الموضوع
حليته بطريقتي و ارتحت ..
ولقيته من نفسه صار يهاديني
وبصراحة بيني وبينك ماصارت هذي الاشياء تعنيني كثير لانها جات بعد مافات اوانها ..
كانت تعني لي هدية وصارت تعني لي شي :037:

حبيبتي .. أكثر الرجال كذا .. خاصة الخليجيين . . !!

لأن بيئتهم وتربيتهم تلاقينها ما تعطي هدايا بين الأم والأب الا نادراً جداً .. فينشأ على التفكير هذا .. واذا تزوج صعب يغير طبعه ..!!

بس انتي حاولي تقولي له اللي في خاطرك .. يمكن يشوفك ساكته يتوقع انه عادي عندك جاب لك هدية أو لا .. !!

جربي كلميه .. مانتي خسرانه شي .. ولو ما تغير .. خلاص انتي تغيري عليه شوي من ناحية الهدايا يمكن يحس ويستغرب ,,!!

الله يهديه ويسخره لك ..

:)

انا وحدة تموت بالهدايا من صغري و متعودين نتهاديى في بيت ابوي حتى من كثر ما احب الهدايا كنت اي شي اشتريه اقول للمحل غلفوه على اساس هدية و ارجع البيت افتح الجلادة و استانس خخخخخخخ:lol:

بس انا زوجي بعد و لا مرة فاجئني بهدية مع انه مقتدر ماديا .. قبل عيد ميلادي بشهر اضل اردد له انه عيد ميلادي قريب و قبل زواجنا كنت اردد له ابي صباحية خخخخخ و احدد له شنو ابي.. كأني بجيب الهدية لروحي مو زوجي الي بيجيبها.. :o

و بفولج حاجة اهم شي زوجج يحبج و ما عليج من هاذي الاشياء و لا من كلام الناس لانه بالفعل مثل ما قالت ام علي هو يمكن مو متربي في بيئة يتهادون في المناسبات

انا امي وايد تسألني شنو جاب لج في عيد ميلادج؟في صباحيتج؟ و قاعدة تفكر اذا ولدتين شنو تتوقعين يجيب لج؟ بصراحة و الله و الله مو خاطري بشي اهم شي شي بسيط يتذكرني فيه لو وردة حمرة صدقيني بستانس و قلت له ابي حق البيبي بروش ذهب مكتوب عليه ماشالله خخخخ حددت على كيفي كالعادة.. ترى هذي الضغوطات الخاجية و ضغط الاهل و الصديقات ما وراه الا المشاكل:thumbs_down:

انتي فكري دايما فيها من هالناحية هو مو مقصر عليج بشي و اعتبري اي شي يجيبه لج هدية حتى لو هو ما قال هدية و حاولي شوي شوي تعلمينه على اسلوبج و صدقيني بيتغير تدريجيا

الله يوفقج مع زوجج:thumbs_up:

Dior Me;14384127:
عمرك كلمتيه في الموضوع؟؟
لو ماكلمتيه.. كلميه يا اختي قولي له اللي في قلبك
كثير رجال محتاجين يفهموا
قولي له ليش ماتهديني ؟؟
الرسول عليه الصلاة والسلام قال ( تهادوا تحابوا )
هذا في العلاقات بين المسلمين بشكل عام .. تهدي جارك .. تهدي صديقك .. تهدي اخوك او اختك ..
مابالك بالازواج ..؟؟
انا احب انك تهديني .. احب انك تفاجئني بابسط الاشياء حتى لو وردة
كون انك توقف جنب محل للورد وتشتري لي وردة بعشرة ريال وتجيبها لي هذي تعني لي كثييييييير
انا انثى ولازم تفهم ان الانثى تحتاج اشياء زي كذا تروي قلبها زي الزرع
طول ما انت تسقي الزرعة غصنها يبقى اخضر .. اذا تركتني كذا روحي بتنشف
واذا نشفت انت بتتعب وانا بتعب .. وبتصير حياتنا جافة

اذا كلمتيه وحسيتي انه ما استجاب ولاتغير .. هنا عاد الله يعينك
لازم تغيري طريقتك مع نفسك .. غرقي نفسك بالهدايا ولاتبخلي على نفسك بشي
عارفة انها منه غير .. بس لو ما اخذتي منه اللي تبغيه تتدمري وتقعدي تفكري في همك ؟؟
لا طبعا ..
المفروض تحلي المشكلة بيدك و تلتفتي لنفسك
ولمن تفكري تهديه شي حولي اتجاه الهدية لنفسك .. خذي لك شي انتي تحبيه
بيجي يوم يقولك من زمان ماجبتي لي شي ... ليه؟
قولي له ما اسمها شي .. اسمها هدية ...
وانت ماتهديني
بالتالي وفرت فلوسي اللي اهاديك فيها وجبت لنفسي الــ(شي) اللي مفروض يجيني منك ..
لاتقهري نفسك وتحطي في قلبك وتتضايقي
والله كثير رجال كذا ولمن تكلميهم مايتغيروا وانا كنت وحدة من الناس اللي تعاني من هذا الموضوع
حليته بطريقتي و ارتحت ..
ولقيته من نفسه صار يهاديني
وبصراحة بيني وبينك ماصارت هذي الاشياء تعنيني كثير لانها جات بعد مافات اوانها ..
كانت تعني لي هدية وصارت تعني لي شي :037:

يسعد الله مساج اختي الفاضله
انا عمري ماكلمته عن هالاشياء ماحب اقوله ابا وعطني وخذلي
انا مب جي تربيت فبيتنا

قبل ماتزوج ابويه الله يطول بعمره ماقصر علينا
الساعه توصلنا قبل نطلبها \ التلفون ياخذه يقبل مانقول فخاطرنا نغيره .... الله لا يحرمنا منه
ولين اليوم \ يوم حبيت اغير تلفوني قلت لزوجي تلفوني خربان صارله سنتين ماغيرته قالي باخذلج ان شاء الله وماخذلي لين ما ابويه حس فيني وخذلي اي فون

انا مب من طبعي اقوله ليش ماتوديني وليش ماتشتريلي
للعلم زوجي يهدي اهله [ امه وخواته وابويه داايما ]


من فتره كان مع صديقه فالمول وبعدين دخل محل للملابس وخذ حق خواته تيشيرتات وخذلي انا يعني ماميزني ابداّ ><


الله كرييم

.. أمــ عــلــيــ ..;14384234:
حبيبتي .. أكثر الرجال كذا .. خاصة الخليجيين . . !!

لأن بيئتهم وتربيتهم تلاقينها ما تعطي هدايا بين الأم والأب الا نادراً جداً .. فينشأ على التفكير هذا .. واذا تزوج صعب يغير طبعه ..!!

بس انتي حاولي تقولي له اللي في خاطرك .. يمكن يشوفك ساكته يتوقع انه عادي عندك جاب لك هدية أو لا .. !!

جربي كلميه .. مانتي خسرانه شي .. ولو ما تغير .. خلاص انتي تغيري عليه شوي من ناحية الهدايا يمكن يحس ويستغرب ,,!!

الله يهديه ويسخره لك ..

:)

اهلين اختي
يسعد الله مساج


الغاليه لو ماعرف ريلي كيف عايش بقول ..
قبل العرس كان يشتريلي وياخذي ولا يبالي

بس من تزوجنا ..... الله يصبرني
يعني اشوفه يهدي امه \ واخته \ وعمته .. وانا !!!

عمته ولدت بعدي بـ 20 يوم
تصدقين انه تعنالها لين بيتها ومر خذلها ساعه ماركه وغلفها وعطاها ..
والله اني حبست دمعتي وكلت قهري ومحد علم بس غير ربي
وهالشي اول مره اطلعه من قلبي


انا افكر اني اواجهه بالمسج او برساله
لني يوم اتكلم دمعتي تسبقني واحس بضعف قدامه

نيغار;14386091:
انا وحدة تموت بالهدايا من صغري و متعودين نتهاديى في بيت ابوي حتى من كثر ما احب الهدايا كنت اي شي اشتريه اقول للمحل غلفوه على اساس هدية و ارجع البيت افتح الجلادة و استانس خخخخخخخ:lol:

بس انا زوجي بعد و لا مرة فاجئني بهدية مع انه مقتدر ماديا .. قبل عيد ميلادي بشهر اضل اردد له انه عيد ميلادي قريب و قبل زواجنا كنت اردد له ابي صباحية خخخخخ و احدد له شنو ابي.. كأني بجيب الهدية لروحي مو زوجي الي بيجيبها.. :o

و بفولج حاجة اهم شي زوجج يحبج و ما عليج من هاذي الاشياء و لا من كلام الناس لانه بالفعل مثل ما قالت ام علي هو يمكن مو متربي في بيئة يتهادون في المناسبات

انا امي وايد تسألني شنو جاب لج في عيد ميلادج؟في صباحيتج؟ و قاعدة تفكر اذا ولدتين شنو تتوقعين يجيب لج؟ بصراحة و الله و الله مو خاطري بشي اهم شي شي بسيط يتذكرني فيه لو وردة حمرة صدقيني بستانس و قلت له ابي حق البيبي بروش ذهب مكتوب عليه ماشالله خخخخ حددت على كيفي كالعادة.. ترى هذي الضغوطات الخاجية و ضغط الاهل و الصديقات ما وراه الا المشاكل:thumbs_down:

انتي فكري دايما فيها من هالناحية هو مو مقصر عليج بشي و اعتبري اي شي يجيبه لج هدية حتى لو هو ما قال هدية و حاولي شوي شوي تعلمينه على اسلوبج و صدقيني بيتغير تدريجيا

الله يوفقج مع زوجج:thumbs_up:

انا نفسج الغاليه
اول شي يسعد الله مساج =)

انا من طلعت ع الدنيا اشوف الهدايا تيني من كل مكان
ولين اليوم توصلني الهدايا \ بس يوم تكون منشريك حياتي وحبيبي وريلي اكيد الهديه تكون غير

الحمدالله ريلي مقتدر \ عنده خير والله ناعم عليه
بس ماعرف ليش مايهديني

ولا يتذكرني باي مناسبه
الله يساامحه


انا مب مقصره وياه \ وماعرف اذا مقصره والا الصراحه بس الكل يثني عليه وحتى ريلي مايحسسني اني مقصره بشي
شالتنه ع راسي من فوق \ طلباته اوامر \ الله يهدييه بس



مشكورين وايد خوااتي

مش عارفة اقولك ايه بس هحاول امسك اعصابي

بجد حرام عليكم اللي بتعملوه في ازواجكم, هدايا ايه وطلعات ايه, زوجك ده هو روحك وحياتك وقلبك وعقلك, المفروض انك بتحبيه بغض النظر جابلك هدية او لأ , ليه حب التظاهر اللي فيكم ده؟

كل واحدة تسال التانية زوجك جابلك ايه , كل واحدة تلم لسانها وتخليها في حالها , وانتي ما عليكي منهم

حبي زوجك , وشيلي حب المظاهر من قلبك , لو زوجك كان بيجيبلك هدايا وبيخونك كانت هدايا الكون كله مش هتنفعك

اتقي الله في زوجك, نصيحة من اخت ليكي , انا ممكن اكون قاسية في كلامي بس عايزاكي تفوقي من غفلتك

د\امونة;14388540:
مش عارفة اقولك ايه بس هحاول امسك اعصابي

بجد حرام عليكم اللي بتعملوه في ازواجكم, هدايا ايه وطلعات ايه, زوجك ده هو روحك وحياتك وقلبك وعقلك, المفروض انك بتحبيه بغض النظر جابلك هدية او لأ , ليه حب التظاهر اللي فيكم ده؟

كل واحدة تسال التانية زوجك جابلك ايه , كل واحدة تلم لسانها وتخليها في حالها , وانتي ما عليكي منهم

حبي زوجك , وشيلي حب المظاهر من قلبك , لو زوجك كان بيجيبلك هدايا وبيخونك كانت هدايا الكون كله مش هتنفعك

اتقي الله في زوجك, نصيحة من اخت ليكي , انا ممكن اكون قاسية في كلامي بس عايزاكي تفوقي من غفلتك

تمسكين اعصابج ..؟
ليش الشيخه حد قالج [ اجباري تردين ع الموضوع ] والا يعني قليت ادبي ولازم تأدبيني

اسلووبج so bad
لو تردين تعدلين الرد وتردين باسلوب ارقى اقدر اتناقش وياج





للعلم لا اكثر
ريلي احبه حب جنوووني

د\امونة;14388540:
مش عارفة اقولك ايه بس هحاول امسك اعصابي

بجد حرام عليكم اللي بتعملوه في ازواجكم, هدايا ايه وطلعات ايه, زوجك ده هو روحك وحياتك وقلبك وعقلك, المفروض انك بتحبيه بغض النظر جابلك هدية او لأ , ليه حب التظاهر اللي فيكم ده؟

كل واحدة تسال التانية زوجك جابلك ايه , كل واحدة تلم لسانها وتخليها في حالها , وانتي ما عليكي منهم

حبي زوجك , وشيلي حب المظاهر من قلبك , لو زوجك كان بيجيبلك هدايا وبيخونك كانت هدايا الكون كله مش هتنفعك

اتقي الله في زوجك, نصيحة من اخت ليكي , انا ممكن اكون قاسية في كلامي بس عايزاكي تفوقي من غفلتك

؟؟؟؟؟؟؟؟؟؟؟؟؟؟؟؟؟

هذي نصيحة يعني والا ايش تطلع ابغى افهم؟؟؟
انتي فاهمة اسلوب العلاج بالصدمة غلط :037:
ياعمري ياحبيبتي حاولي تفهمي مشكلة البنت ..
البنت تقول انها تحب زوجها و تهديه و تقرب منه وتسوي اشياء تتمنى لو انها تجي منه
ماجابت سيرة المظاهر وان كانت قالت الناس سألوها ايش جاب لك بعد ولادتك فهذا سؤال عادي ..
مجتمعنا كذا اللي تخلص اربعينها بعد الولادة المفروض ان زوجها يهديها شي تقديرا لها على تعبها وآلامها بعد ما اهدته اجمل هدية وصار أب ..
والله يسعدها انها ماراحت قالت ماجب لي شي وطلعت منظره بايخ قدام الناس :039:
كل وحدة في الدنيا تحب زوجها تتمنى منه هدية حتى لو كانت وردة
هذي فطرة في المرأة لاتتفلسفي وتسوي فيها بطولات الله يسعدك :057:
صح كلامك في نقطة انه لو يجيب لها هدايا الدنيا ويخونها هذا كله مايبري الجرح في قلبها
بس ايش يمنع انه يجيب لها هدية وهو يحبها؟؟؟
يعني يا اما يهاديها ويخونها والا يطنشها ويعاملها بجفاف ومايخون ؟؟؟
ايش المنطق الغريب هذا !!

بجد حرام عليكم اللي بتعملوه في ازواجكم, هدايا ايه وطلعات ايه

ياشييييييييخة !!!
عيني في عينك اشوف :023:
يعني لو زوجك يحبسك وكاتم على نفسك ولا يعبرك ولايجيب لك ولا يعطيكي ولا سائل فيكي بتكوني مبسوطة وتحبي فيه ؟؟
اسمحي لي انتي تقولي كلام مو مايدخل المخ
حتى الطفل الصغير اذا اعطيتيه لعبة او شوكلاتة ..
يحس بالسعادة ويحس انك تحبيه ولو تطلبي منه اي شي يروح يجري ينفذ اللي طلبتيه عشان يرضيكي .. والا انا غلطانة ؟؟
الهدية بين الزوجين تعزز علاقتهم ببعض
تزيد المحبة
الهدية رمز للتقدير و الاحترام و الحب ...
دافع للمزيد من العطاء بين الزوجين
اذا انتي من النوع اللي ماتفرق معاه بلاش تهاجمي الاخرين وتنتقدي احتياجاتهم
واتعلمي تنصحي بطريقة احسن من كذا
وحاولي تقرأي كثير عن اسلوب العلاح بالصدمة ترى اللي سويتيه اسمه هبل مو نصيحة ...

ههههههههههههههههههههههههه

ههههههههههههههههههههههههههههه

حلو اوي كلامكم , الصراحة باين عليكم انكم بتحبو ازاوجكم !!!!!!!!!!!!!!

ربنا يسعدكم يا حلوين :)

ولا وحدة فينا تحب زوجها .. منتظرينك تعلمينا كيف :059:
يسعدك ربي ياقمر :025:

Dior Me;14389550:

؟؟؟؟؟؟؟؟؟؟؟؟؟؟؟؟؟

هذي نصيحة يعني والا ايش تطلع ابغى افهم؟؟؟
انتي فاهمة اسلوب العلاج بالصدمة غلط :037:
ياعمري ياحبيبتي حاولي تفهمي مشكلة البنت ..
البنت تقول انها تحب زوجها و تهديه و تقرب منه وتسوي اشياء تتمنى لو انها تجي منه
ماجابت سيرة المظاهر وان كانت قالت الناس سألوها ايش جاب لك بعد ولادتك فهذا سؤال عادي ..
مجتمعنا كذا اللي تخلص اربعينها بعد الولادة المفروض ان زوجها يهديها شي تقديرا لها على تعبها وآلامها بعد ما اهدته اجمل هدية وصار أب ..
والله يسعدها انها ماراحت قالت ماجب لي شي وطلعت منظره بايخ قدام الناس :039:
كل وحدة في الدنيا تحب زوجها تتمنى منه هدية حتى لو كانت وردة
هذي فطرة في المرأة لاتتفلسفي وتسوي فيها بطولات الله يسعدك :057:
صح كلامك في نقطة انه لو يجيب لها هدايا الدنيا ويخونها هذا كله مايبري الجرح في قلبها
بس ايش يمنع انه يجيب لها هدية وهو يحبها؟؟؟
يعني يا اما يهاديها ويخونها والا يطنشها ويعاملها بجفاف ومايخون ؟؟؟
ايش المنطق الغريب هذا !!

ياشييييييييخة !!!
عيني في عينك اشوف :023:
يعني لو زوجك يحبسك وكاتم على نفسك ولا يعبرك ولايجيب لك ولا يعطيكي ولا سائل فيكي بتكوني مبسوطة وتحبي فيه ؟؟
اسمحي لي انتي تقولي كلام مو مايدخل المخ
حتى الطفل الصغير اذا اعطيتيه لعبة او شوكلاتة ..
يحس بالسعادة ويحس انك تحبيه ولو تطلبي منه اي شي يروح يجري ينفذ اللي طلبتيه عشان يرضيكي .. والا انا غلطانة ؟؟
الهدية بين الزوجين تعزز علاقتهم ببعض
تزيد المحبة
الهدية رمز للتقدير و الاحترام و الحب ...
دافع للمزيد من العطاء بين الزوجين
اذا انتي من النوع اللي ماتفرق معاه بلاش تهاجمي الاخرين وتنتقدي احتياجاتهم
واتعلمي تنصحي بطريقة احسن من كذا
وحاولي تقرأي كثير عن اسلوب العلاح بالصدمة ترى اللي سويتيه اسمه هبل مو نصيحة ...

تسلم لي هالانامل الي طقطقت ع الكي بورت ونثرت حروفها الذهبيه

ياختي هالكلام الي يبرد ع اليوف مب .... بعض الناس
والله اني ماحب ارد على حد برد انا مارضاه على نفسي .. الله يسامحها ع الاسلوب البايخ

د\امونة;14389613:
ههههههههههههههههههههههههه

ههههههههههههههههههههههههههههه

حلو اوي كلامكم , الصراحة باين عليكم انكم بتحبو ازاوجكم !!!!!!!!!!!!!!

ربنا يسعدكم يا حلوين :)

ليش انتي عايشه فقلبي !!
مابا ارد عليج لن شكلج بعدج بيبي فالحياه


الحب فالقلب ياختي مايحتاي كل وحده تقول للعالم كيف تحب ريلها

Dior Me;14389654:
ولا وحدة فينا تحب زوجها .. منتظرينك تعلمينا كيف :059:
يسعدك ربي ياقمر :025:

:thumbs_up:
ياقلبي علييج انتي
والله منوره المشكله هههههه

الله يعيين

شكلكن دخلتن في مشكله ثانيه :!!:
هدّن الموضووع الله يرضى عليكن

حبيبتي .. مابززيد ع الخواات .. حااولي اتكلمين زووجج ابدلع وحسسيه إنج اتحبين يبااادلج بالهداايا مثل ما إنتي اتباادلينه

ربي يسخر قلبه وبيفهمج صح من أول ما تبدين اتررمسينه ... كل الحب لج :)

الله يسخرلج ريلج ..


عليج بالدعاء قبل كل شي





[ اللهم سخر لها زوجها كما سخرت البحر لـ موسى .. و ألن لها قلب زوجها كما ألنت الحديد لـ داود
اللهم اجعل زوجها قرة عينها وقلبها .. واجعلها قرة عين زوجها وقلبه
اللهم اجعل لها زوجها كما تحب .. واجعلها له كما يحب .. واجعلهم لك كما تحب وترضى يارب العالمين ]


..

الله يعينك

عزيزتي لا تكبري الموضوع انا زوجي متل زوجك يعني قبل الزواج كان يتذكر المناسبات ويهتم بالهدايا وحتى قبل ما اولد لحد ما صار عندنا اولاد ما عاد هداني ولا تذكر اي مناسبة ,يعني انا بذكره انه اليوم مثلا ذكرى زواجنا وهيك,,,,,,

وحتى صارحته بهذا الموضوع وقلت له بحب شي يوم تعملي مفاجأة وتشتريلي هدية لكن كمان ما في فايدة,,,,,يعني انا صراحة بحب هو يجيب من نفسه ,,,,لو يوم حابب يجيب لي شي يسألني شو بجبلك هدية مثلا ؟وهذا من النوادر,,,,,,,,فانا فهمت انو هو طبعه هيك وصعب يتغير يمكن بسبب المسؤوليات والاولاد والبيت ما بفكر بهالامور ,,,رغم انه ما عندو مشكلة اخد منو فلوس واشتري يلي بدي ياه,,,يعني الموضوع مش بخل,,,,,

فخلص لا تزعلي حالك طالما هو بحبك وبيهتم فيك

مرحبا ختي ..

عزيزتي البنت لمن تتزوج... تتوقع انها بتاخذ أبوها ...... اقصد مواصفات ابوها ..

وتنصدم بواقع ثاني...

عزيزتي بحاول اختصر لج .. والبنات كفو ووفو..

الغاليه.. الزوج والزوجه .. لازم يتكلمون ويتحاورون .. بكل شي مع بعض ... بالصغيره والكبيره.. عشان يفهمون بعض...

عدم الحوار يعني عدم التفاهم... وبعدين تصير لحظات صمت طويله ... وبعد الصمت الطويل يصير مشاكل ...واحيانا طلاق والعياذ بالله..

لا تقولين كل هذا عشان الهديه ..

انا اقولج .. البدايه .. هو ( الصمت ) .. والحرج وغيره..

بين الزوج والزوجه مافي حرج ... ولا في حواجز... بين الزوج والزوجه العلاقه مفتوحه .. اكثر من الاهل انفسهم ..

احنا الي انحط الحواجز...

اختي أكسري الحواجز .. بالكلام مع زوجك.... بالطريقه الناعمه المتفاهمه.. وصدقيني بما ان زوجك يحبك... راح يفهمك

وما تحتاجين حق استشاره اسريه ( عشان هديه )

تحياتي

ام جنى