الرضاعه الطبيعية - منتديات عروس

م

محرقيه سوفتي

عروس مشرقة

30-01-2011 | 01:40 AM

يا هلا فيكم بنات

انه بجر وناوية باذن الله اني ارضع طبيعي بس بنات خالي قالولي كلمه ولحين ترن في اذوني((انتي مستعده ؟!) يعني قالوها لي وكان الشي صعب!!
قالولي ان يبيلج كل نص ساعه ترضعينه ومجهده وجذي واذا مرضت او توترت ياثر على بنتي
ولابد لابد من الحليب الصناعي ونه مابي ارضع صناعي مو مقتنعه منه اخاف يصيد بنتي تسمم!!!!
وعن الشفاطه مو حافظه اسمها عدل ماديلا شي جذي يعني مته باستفيد منها
ياريت بنات الي عندها خبره بالرضاعه تخبرني شحتاج له

z

zumerdah

عروس برونزية

30-01-2011 | 04:01 AM

حبيبتي

هذا سؤال مايبي له اجابة ,, شي طبيعي الرضاعة الطبيعية افضل واحسن بوااااااايد من الحليب الصناعي للطفل بالاخص في الاشهر الاولى وابدا مانصحج انج تستخدمي الحليب الصناعي للبيبي في بداية الاشهر ..

البيبي يحتاج الحليب الطبيعي وايد واحسن وافود له من الصناعي باالخص بداية الاشهر لانه يقويه ويعطيه مناعة ضد الامراض وضد كل شي و الدكاترة ينصحون انج ترضعين طفلج رضاعة طبيعية متواصلة على الاقل اول 6 اشهر من غير ماتدخلي الحليب الصناعي ..

ماعليج من كلام الغير واذا تبين الافضل و الاحسن وتحمين ولدج رضعيه طبيعي قد ماتقدري شبعيه من حليبج على الاقل لمدة ستة شهور من غير ماتدخلي الحليب الصناعي وبعد ال 6 شهور تقدري تنوعي بين الحليب الصناعي و الرضاعة الطبيعية ..

ا

ام راشد الجابري

عروس جديدة

30-01-2011 | 04:24 AM

الرضاعه الطبيعيه تعطي الياهل منااعه واحسن لج ولليهال بعد

لا تسمعين كلام الناس سوي الي يريحج

R

ROSE3ROOS

مشرفة سابقة

30-01-2011 | 11:08 AM

اختي الرضاعه الطبيعيه صدقيني زينه موبس للياهل حتى لج انتي تعطي الياهل مناعه ويكون الحليب فرش ومعقم ونظيف وبعد تساعد الرحم انه يرجع لوظعه السابق وان تبين رضي بس سة شهور وربي يوفقك يارب

م

محرقيه سوفتي

عروس مشرقة

31-01-2011 | 01:40 AM

مشكورات حبايبي عالردود
اي انه مقرره اني ارضع طبيعي باذن الله
المراضع اخذ لي بيجون وتنصحوني بشفاطه ماديلا؟!
يعني حق طلعه وجذي وبالنسسبه لمعقم المراضع بحتاج له؟

ا

الشيخة ~

عروس برونزية

31-01-2011 | 04:34 PM

محرقية تحملي تسمعين كلام بنات خالج .. الله يهداهم هذي مب حجي ينقال ! يعني بدال مايشجعونج

اول شي الرضاعة الطبيعية لها فوائد للام والطفل

تعطي البيبي مناعة وترد للام رحمها حق وضعه الطبيعي وترد جسم الام نفس قبل

انا اول ماولدت ياتني مرشدة الرضاعة الطبيعية وعلمتني شاسوي وشلون ارضع بتني صح

وقالت لي تحملي تعطين بنتج للسسترات لان بيعطوها صناعي وبتتعود عليه

اول 3 ايام اهي المتعبة بس بعدين بتنتظم رضعات البيبي ونومه يعني تقريبا كل 3 ساعات بيرضع

وعن الشفاطة انا ماخذتها وحمدت ربي ان ماخذتها عشان ماتييني لحضة ضعف واشفط لها

وشريت المراضع وجهاز التعقييم لكن ماستفدت منهم لحد اللحين غير حق الماي اعطيها شوي مع ان مالت الرضاعة الطبيعية قالت لي 6 شهور ماتعطينها غير حليبج

انتي بس حطي في بالج ان تبين الافضل حق بنتج و ان هالبيبي النتوفة اللي لاحول لها ولا قوة معتمدة عليج

على قولة امي الصناعي بس ينفخ في هاليهال ويسبب لهم المغص ..

والله يسهل عليج وتولدين بالسلامة ..

ا

الشيخة ~

عروس برونزية

31-01-2011 | 04:36 PM

محرقيه سوفتي;14368069:
مشكورات حبايبي عالردود
اي انه مقرره اني ارضع طبيعي باذن الله
المراضع اخذ لي بيجون وتنصحوني بشفاطه ماديلا؟!
يعني حق طلعه وجذي وبالنسسبه لمعقم المراضع بحتاج له؟

انتي مابتطلعين بالبيبي الا بعد 3 شهور حزتها انتي بتشوفين شنو تحتاجين له مانصحج تاخذين اللحين بس اذا احتجتي الصيدليات ماتخلى تطرشين احد اييب لج