أبي أصيح ودمعتي مو راضية تنزل

عروسة*;14356605:
واااااااااي أناااا مقهووووووووووورة ياااا عااالم ودي أبرد قلبي:mad::mad::mad:

أبوووووك !!! قاااال ها الكلااام وبعدين ربي ورااه وجااكي أحد وخذااك
زووووجك!!! عرف نقطة ضعفك ولقااها فرصة يقهرك بكل مرررررة

لاتخلينه يقرب منك لمااا يعرف قدرك واااااااااااو وييين نحن عاااايشييين!!!!!!!!

أبغى أشوووفك أبغى أشوووف كيف شكلك ليييييه كذا هم عليييك!!!!!!!!!!!

والله البناااات القبيحييين عااايشييين أهلهم يمووووتوا فيييهم ولا متزوجييين وأزواااجهم يحبووهم وأنا أعرفهم كثيييييييير

وااااااااااااي شيئ غريييييييب قصة عجيييييييييييييبة
ربي يعينك :L:
انتظريني ترى لسه قلبي ملياااااااااان ولازم أفضي الي فيييييه:mad::mad:

شكلي مو قبيح ابدااااا
لو كنت مو حلوة ما اصر ياخذني وانتظرني بس احسه تطلع الكلمة منه عفوية :(
الله يسامحه ويحفظه يبقى زوجي واحبه لكن يقهرني ويعقدني بكلامه:'(

شكرااا كلكم ما في مثلكم يا بنات عروس واسيتوني وخففتون علي

جروح الوله;14356634:
هلا فيج يا عسل
الظاهر نفسيتج مرة دآآون وهالشي اللي مضايقج
لا تهتمي لكلام أحد مافي انسان كامل ومافي شخص ما سمع كلام وجرحه
بس في ناس نشوف ابتساماتهم على طووول "معقوولة هذول ماحد جرهم" لا مجرووحين واكثر
بس قدروا يرموا كلام الناس ورا ظهورهم واهتموا بنفسهم

حبوبة البنات عطووج أروع الحلول وخصوصا رد ديور مي .. نفس اللي كنت ابي اقوله

"انا مو متزوجة بس بقوولج عن اللي قرآته كثير وخصوووصا من الأستاذة ناعمة الهاشمية استشارية ممتازة"


لكن ردج للبنات مبين عليج انج مو ناوية تغيرين شي !!
ماتقولي تكشخت ورحت له شرايك وماعطاني وجه !!

انتي ما بتروحي تكشخي الصالون عشانه طبعاااا..
انت بتكشخي لنفسك لأنك لما تشوفي نفسك حلوة وكشخة ونظيفة نفسيتك بترتاح
وتأكدي انه اللي تسوويه يناسبك .. مو أي قصة أو ميك اب تسووينه رح يكون مضبووط عليك.. لآآآ تأكدي قبل كل شي
وأدي واجبك اتجاااهه على أكمل وجه بس بدل لا تعطيه وقتك كله
حطي وقت لهواياتك ومواهبك ولعيالك ولبيتك ..
صيري مشغولة بنفسك أكثر ولازم تكونين كشخة لأن النفسية تكون مرررة آآآب
لما يدش البيت خلي نفسك مشغووولة بالانترنت او بعيالك .. ولا تنسي اهم شي البيت لازم دوم مبخر وريحته حلوووة
وضااااعفي اهتمامك لنفسك ,, خليه كلما يدش البيت يشووفك مستانسة وتضحكين وكشخة ..
ولا تقولي دووم اتعطر بأحلى العطور واحلى مدري شوو .. غيري عطووورك يمكن ذووقه تغير
خذيلك عطور فرنسية جديدة .. وغيري طريقة كشختك .. حاولي تعرفي هو اي من الانواع ... يحب البنوتة الهادئة والبسيطة والخجولة
ولا يحب البنت الجريئة ..! ووقتها ابدأي غيري نفسيك .. وحاولي أهم شي تعرفي نمط زوجك
اذا عرفتي نمطه انحلت مشكلتك ^^

اكيد بتحتاري احين كيف تبدأي وكيف وكيف وشو تسوي !!
ترسي البانيو بالماي الدافي وحطي عليه الزيوت العطرية المريحة وريحي جسمك فيييه وخذيلك نفس عميق
وابدأي فكري وخططي شلون تغيري من نفسك ومن كشختك بهداوة ومن غير اي ازعاج ..

اذا بغيتي معلومات اكثر وقصص واقعية عن بنات نفس حالتك وكيف تغيروا للأفضل تواصلي معي عالخاص !!
لأنك ما رح تتأثري بكلامي كثر ما انك تقرأي بنفسك هالكلام ..

وربي يعيييينكـ ..

اهتم في شكلي واااااااااجد وعطووووووووووور الدنيا عندي

عطور عربية وعطور فرنسية

وكان يستانس لما أهتم بشكلي لكن مرة وحدة يقط كلمة ويقول لي ما كنت أقصد..

لكن بغير نفسي وقررت انه خلااااااااااص اصير واااااثقة بنفسي واترك كلامه كله برررررره وما أحطه في قلبي

وفي اقرب فرصة بقص شعري وبصبغه

دم الوريد;14356807:

في قصه حبيت اني افيدج فيها و ما ادري اذا كنتي تعرفينها او لا؟؟ في طفل ما كان يحب مادة الرياضيات وكل مره يبدا بحل المسائل يفشل والمعلم يقول له انت فاشل و ما راح تنفع بشي فجلس بساحه المدرسه من غير ما يحتك بأي احد فشافه احد المعلمي و سأله عن العزله اللي هو فيها و خبره الولد بكلام معلم الرياضيات فقال له:( لاتجعل للفشل و الاحباط سبب لفشلك بالحياة )و احضر ورقه وضعها امامك وقل:( أنا عبقري بالرياضيات و أستطيع حل المسائل الصعبة) وكل مره حتشعر بالاحباط اقرأ الورقة و كرر الولد المحاوله الى ان اصبح عالم فيزياء
على فكره صديقتي من النوع اللي اذا تعصب تاكل و هي دبه وكل اللي يشوفها يقول لها ما شي فرق بينك و بين عرض الثلاجه وعرضت نفسها على دكتور وقال لها حطي هدف قدامك عشان تضعفي يعني هاتي صوره وحدة جسمها حلو وجذاب وحطيها قدامك فقامت صديقتي و لصقت الصوره على الثلاجه تخيلو انها كل ما فكرت تروح المطبخ للثلاجه تشوف جسم البنت وترجع كان وزنها 159 و الحين 65 ؟؟؟
خلاصه الكلام يا حبيبتي دامج واثقه من عمرج ماعليج من حد صح ان صعبة عالحرمه اذا سمعت كلمه من زوجها تتضايق بس لاتسكتين و قولي له انج تضايقتي من الكلام اللي قاله لج واذا انتي مش عاجبته فهو اللي اختارك و انتضرك 3سنوات؟؟ وعادي اذا في شي يبغيه يتغير في جسمج الجئي لعمليات التجميل ما فيها شي العكس والسموحه عالاطالة

بس خلاص من يوم ورايح بوووووووووووووووووثق بنفسي وما يهمني شي..

بتعدل وبهتم في شكلي بخليه يغااااااااااااااااااااااار من نفسه علي>>>> ياااااااا لهوي

هو يغار علي من الناس وإذا نطلع مكان وأسئله ليش تغار إذا اني مو حلوة..يسكت وما يجاوبني!!!!

عطيتوني الدافع القوي

شكرررررررا على النصيحة

دانة المنامة;14356872:
حبيبتي علاجك بسيط و سهل. الان انتوا متخاصمين انه ما يقربج و ... طيب لا تدقي عليه و لا تخليه كل اهتمامج. البنات يقولوا الجمال جمال الروح و الاخلاق و .... هذا كلام فاضي, لانهم قالوا بعد زيني نفسك واهتمي بشكلك, يعني الشكل له دور. انت اهتمي بكل شئ كنت تحبينه قبل زواجك و خلي زوجك جزء من حياتك, مو كل حياتك. و تعلمي فن الاستغفال, لا تحاولي تردي او تبيني اي تاثير من اي تعليق يقوله, مع الوقت هو بيتوب. بصراحة هو تمادى لانج عطيتيه فرصة و تنازلتي كثير, الان اهتمي بطموحاتك و الاشياء اللي تحبيها. و اذا قالج انت مو جميلة قولي له كفاية اني اجمل الجميلات في عيونك حبيبي و انت اخترتني من بين الالاف. بس لا تدلعيه و لا تعطينه اكثر مما يستحق, هو بيلاحظ كل هذا و بيتغير اكيد. صح اللبنانيات و السوريات جميلات و كلامهم حلو مررررة, بس احنا نقدر نصير زيهم و الكلام ببلاش, خلينا ما نبعد الكلام الحلو عن لسانا و للكل.

استغربت انه يقارن بينج و بين الممثلات, اكيد الغلبة لهم من ناحية الشكل, بس هو ما يعرف ان هذا مؤلم!! و شلون يقارنج ببنت خالج؟ هذا ما يستحي يناظرها عديم الاحساس. لو جلستي معاه مرة او رحتوا مجمع, قولي له هذا الرجال حلو او زوج صديقتي حلو و ذكي و وظيفته ممتازة, بتشوفي شلون بيعصب و بينقهر. بعدها قولي له شفت شلون الموضوع يجرح, اتمنى انك ما تستمر في المقارنات. و اي شئ تبين اني حاضرة, احنا بنات ديرة و حاضرين لج.

اصلا يوم جفته يقول لي هالكلام رحت وقلت اخوووك وااااااجد حليو حسيته انقهرررررررررر وقلت له يعني كلامكم ما يحر بس كلامي!!

تربة القمر;14356983:
حبيبتي اني واثقة انش حلوة وخفيفة دم مو يقولون السمر خفة دم :) وزوجش لو ياخذ وحده بيضة وحلوةةةةة بعد بيعيب عليها تدرين ليييييييش .....



شفتين الكلام اللي زوجش يقولة يدل على انه عيونة زايغة لانة مافي زوج محترم ويخاف الله وعاف نفسه بحلالة يقعد يطالع برة والله اعطاه زوجة بصحه وعافية ومافيها شي .. وهذا يدل على انة زوجش مو من النوع القنوع بعني العيب مو منش العيب في زوجش صدقيني يعني زوجش اللي لازم يصلح نفسه مو انتين ان الله لايغير مابقوم حتى يغيرو ما بانفسهم وهشي مبين من كلامش من ناحية اهتمامش وهو مو هامنه انتين حاولي تصلحين نفسه مو تغيرين شكلش والله يعينش صراحه حبيبتي اني متزوجة واعرف المتزوجين يااما ياماااا ولله ماجذب عليش شفت ازواج وسييييييييييم وزوجته مو بذاك الجمال بس يشوفها مثل الامييرة لان الحب في الحياة الزوجيه مو بس شكل ويكفي زوجش ان يشوفش نعمة وامانة من عند رب العالمين لازم يصونها ويحفظها وياليت تناقشين زوجش وتقولين ليه هلكلام انه بهالطريقة قاعد يطغى على رب العالمين لانة تارك حلالة وينظر للحرام مايدري ان النظرة الحرام هي تعتبر عند رب العالمين مثل الزنا ليش والله اعطاه زوجه كاملة وبصحه وعافيه وصالحه .. قولي ليه ان اله انعم عليه بزوجه او ولد وهذي من عند الله لازم يفكر يوم اللي يعيب عليش ان قاعد يرفس نعمة رب العالمين .. ولاتزعلين نفسش لانة من وصفش احسش امورة ومايعيبش شي بس زوجش خلاش تفقدين هالثقة في نفسش والله يصلح اموركم

والله احسكم واسيتوني واجد

شكرا حبيبتي على النصيحة

الله كريم وان شاء الله تتعدل الأمور

بحاول أهتم في شكلي اكثر وان شاء الله يحس بقيمة زوجته شوي والله يهديه ويسخره لي

حساسه حيييييل;14360716:
الشيخة ما عندي شئ اقولة غير الله يعينج وبصراحة البنات ما قصرنا.خليج واثقة من نفسج وما عليج منة .الممثلات ما فيهن ولا ذرة جمال خليهن يشلن المكياج وبيبين القبح كلة الله يهدي الرجال عيونهم ما تكتفي بحريمهم .لو تتعري وتبينى مفاتنج بيرضي خبرية هذا كلة حقة.خبرية العين تمل ما هو مكشوف.بالعكس الكل يتمنى يحصل نفس جسمج الكل يتمنى الرشاقة .بس ريلج ما عندة نظر .

الممثلات خرابين بيوت..
يخلون الرجال غصصصصصصب تزيغ عيونهم

life is dream;14361295:
حبيتي القناعة كنز لا يفنى

اللون ما عاد مشكلة هالايام ...الله ما كثر الا الوصفات والكريمات والخلطات وتلقينها هنا بالمنتدى
الضعف او المتن بعد مومشكلة المهم الصحة

كل اللي تحتاجينة تزيدين ثقتك بنفسك وما تخلين احد يقلل منك او يقول لك انت شينة ولا قصيرة ولا ضعيفة ولا غيره

اهم شي شخصيتك ....وبالنسبة لزوجك ما ادري اصبري عليه الله يهديه اهتمي بنفسك واثبتي للكل انك احلى بجمال روحك وزيدي جمال يوم عن يوم وانت ساكتة عنهم


اذا حبيتي وصفات اوخلطات طبيعية دوري عليها بالمنتدى وبتلاقين وممكن تروحين لطبيبة تساعدك في كل امورك



يعني ما شفتي بيونسيه .... سمرة والكل متخبل عليها ليش لانها مليانة انوثة .... جمالك في روحك وانوثتك

الله كريم
شكرا عطيتوني الثقة بنفسي وهذا اللي أحتاجه

اسمحي الي العيب في زوجش هو اللي يطالع مني ومناك واذا موعاجبنه شكلش محد جبره يتزوجش

مااشك فيش ولا في جمالش ولااهتمامش ولالبسش لكن اللي بقوله الله يساعدش عليه اذا من اولها جدي!!

انزين ماقلتين كم صار لكم متزوجين عشان سيده مل منش؟؟

Aseel 82;14361483:

البنات ما قصروا كفوا ووفوا وصدقيني انت حلوة وما فيه احد قبيح لان الله هو الي خلقنا فكل احد بيه نقاط جمال ركزي عليها وابرزيها وما عليك من زوجك طنشيه واهتمي بنفسك وبجمالك اكثر وتثقفي اكثر وتزيني بالدين والتقرب الى الله , وخلي لك اهتماماتك وكلام زوجك ارمية وراء ظهرك , هذول الناس الي مو عندهم ذوق , صدقيني اذا طنشتية وعشتي لنفسك ولاهتماماتك هو راح يلتفتلك ويبدا يحس بك وبجمالك , اهم شي خلك واثقة من نفسك ولا يهزك ريح يا عسل , جمال روحك واضحة في كتاباتك وانا متأكدة انك جميلة ايضا شكليا بس ارمي الكلام المحبط بالبحر واثبتي للكل انك مو هامك كلامهم ولا فاضية تلتفتي له , طنش تعش تنتعش , تعلمي فن التطنيش يا حلوة , والدنيا يومين ما تسوى نعيشها بحزن وضيق , والله يوفقك , يالله خلك بنت جديدة اليوم , غيري حياتك غيري الوانك وقبل كل هذا غيري افكارك وانت تشوفي الدنيا حللللللللللللللوة مثلك يا عسل والله يوفقك ويفرح قلبك ومثل ما قلتلك خلي عندك اهتمامات ومشاغل وخلي لك اهداف انشغلي بحاجات تفيدك بدل لا تنشغلي بكلام جهله مو عندهم ذوق وعقلهم صغير واسمحيلي ع هالكلام بس اعتبر كلامهم جهل , بس انت تألقي بفكرك وتسامي بعقليتك ولا تنظري للاسفل وتنسطي لهم بل انظري للاعلى الى ربك وتسامي بروحك , اهتمي بنفسك وبابنك وببيتك وغيري كل شي ومثل ما قالت جروح الوله اهتمي بكل شي حوالينك الا الكلمات المحبطة لا تدعيها تعشعش براسك , الدنيا يومين , يالله اطمحي لتغيير فكرك اولا واخيرا , الانسان من صنع افكارة , والله يسعدك دنيا واخره يا رب يا رب يا رب يا رب قوليييييييييييييي امييييييييييييييييين

:o آآآآآآآآآآآآآآآآآآآآآمييييييييين

خلاص ان شاء الله بصير وحدة ثانية من اليوم

الحين هو في الشغل أول ما يرجع بحسسه اني وحدة ثانية نفسيا وجسديا:thumbs_up:

همــسات;14361575:
لا تتوقعين كل اللي في المنتدى بيضان في الاسمر الفاتح والغامق
لا تتوقعين كل البنات ضعاف اومتان اومتناسقين
بالعكس منوع مثل الحلاوه
والحلا مو شرط شكله حلو واسمه حلا اصير طعمه حلو
يمكن العكس
لا يحبطش احيانا زوجي لين انطالع التلفزيون اقول لي شوفيها شكلها فن حلوه وووووو
اقول ليه جان رحت اليهم او خلقت مثلهم
لا تحبطين ولا اتقللين من عزيمتش بالعكس لا تهتمين الا لروحش عشان ما تنقلبين على نعمة ربش
وانتين بداخلش تحسين انش حلوه واصلي على ها الطريق ولا تكرهين روحش

الله يساعدنه عليهم..

يقهرون لما زوجته قاعده وياه وكافيه خيرها شرها يجي ويمدح في ممثلة ساقطة 8o|

رسيل الورد εïз;14363056:
اسمحي الي العيب في زوجش هو اللي يطالع مني ومناك واذا موعاجبنه شكلش محد جبره يتزوجش

مااشك فيش ولا في جمالش ولااهتمامش ولالبسش لكن اللي بقوله الله يساعدش عليه اذا من اولها جدي!!

انزين ماقلتين كم صار لكم متزوجين عشان سيده مل منش؟؟

تونه سنتين بس

ما رديتي على كلامي خخخ
المهم مثل ما قلت لج بصراحه
واذا اهو قالج هذي الممثله احلى منج انتي بعد قولي له هذاك الممثل شحلاته ليش يسوي فيج جذي!!


الله يهديه يارب

أيسكريم لايقاوم;14363473:
ما رديتي على كلامي خخخ
المهم مثل ما قلت لج بصراحه
واذا اهو قالج هذي الممثله احلى منج انتي بعد قولي له هذاك الممثل شحلاته ليش يسوي فيج جذي!!


الله يهديه يارب

لالا

اذا قال شوفي هالبنت شحلاتها
قولي وبكل ثقة انا احلى منها وروحي عنه
واذا بالسيارة .. شوفي عليه نظرة ثقة وابتسامة خفيفة وناعمة وقولي نفس الشي
انا احلى منها وما يهمني رأي اي حد , أهم شي واثقة من نفسي :)


>> كذا انت بتبرمجي عقله الباطني تدريجيا ان فعلا انت احلا منها
خصوصا اذا دوم تعيدي وتزيدي بهالكلام "أهم شي تكوني مرتبة ونظيفة لما تقولي كذا"


.. وطمنينا عليج حبيبتي .. وانا اقولج لا تطبقين ردود البنات لمدة يوم ويومين
خليها فيج للأبد من ثقة وكشخة واهتمام وغيروووهـ ..

F:

حبيبتي لا تزعلين نفسج ولا تقهرين عمرج الرياييل كلهم جي مايعجبهم العجب وليش نروح بعيد
انا الحمدالله بيضا وشقرا وصدري واردافي مليانين ماشاء الله وزوجي موعاجبة يناديني الدبة مع ان والله العظيم اني لما اروح عرس يجون الحريم يخطبوني من عمتي وتقعد تضحك وتقولهم هادي مرت ولدي ولما تقوله يقعد يظحك ويقول لها كان زوجتيها
فاقولج خلي تقتك بنفسج قوية متل ماقالو الاخوات

الله يعينش ويهدي زوجك رجاال آخر زمن

بـــصراحة احسه اختبار من رب العالمين ان صاير لج فيه ناس يعايرونج على شنو؟؟

على الشكل !!!!!!!!!!!!! رغم انه ما فيج شي قبيح ... وين وصل الزمن انقلب رأساً على عقب

بس صبري لان ربي يبتليج و الصبر فررررج كبير لج

أنه اجوف من السالفة بنضري انج ما فيج شي و يمكن اهم افقدوج الثقة بالنفس و ابوج كان اهو السبب الرئيسي

الله يحفظه لج ويسخره لج لكن لان الاب اكثر نقطة تأثير بحياة الابنة فتفقد الثقة بقوة مهما كان جمالها

و السبب الثاني زوجج و اختيارج له : يا ليت دققتي رغم انه نصيبج يعني و صار الشي
بس لان شخصيته مهزوزة و مو واثق من نفسه مو انتي الا مو واثقة لالالالالالالالالالالالالالا اهو

لانه اهو ما كان انسان طبيعي يتعايش مع جو فيه جنس الاناث
و لما استانس ترى استانس كأنه انه حصل بنت تبيه او بنت قدر ينضر ليها و يطلع من هالشي
بس اهو غلطان لان ما جاف الزاوية الاخرى الا اهو انه يعشق الجمال

بصراااحة اهو كان مكتوم ولما طلع عالحياة بان على حقيقته
و انتي لو شخص غيره ويناسبج مستحيل بيقولج هالكلام بيطالع الجانب الايجابي و بيكون مقتنع فيج وفي جمالج
لانه فيه تناسب بينج وبينه بيكون

ما علينه

بنضري الحل للهمشكلة انج

تتخذين خطوة جديدة و تركيه زوجج على تفكيره وحطي ببالج اهو مو مهم اهمشي اقتناعج بنفسج
و لما تحطين هالفكرة براسج يمكن يستمر فترة شوي طويلة
ليما يعتدل و يجوف ثقتج القوية بنفسج و اشلون انج عاطية اقنووووووووووووور و حقررراان و آذان صمخة للناس السطحيين
اللي يعتبرون الشكل اساس
مو الاخلاق ولا الدراسة والتربية
وانتي ما ناقصج شي
بس يقولون

الصبر مفتاح الفررج مع الإرادة والثقة بالمفس و هذا اكبرررررر حل ممكن تهدمين هالحاجز الا بين زوجج و بينج
و متأكدة مليون بالمية انه يا يرجع مثل قبل يا راح تتطورين لحلول اكبر المهم قيمتج تضهر و ما تنزل

و انتي قيمتج اكبر من جدي ولا تزعلين

الله يوفقج الهي

من صدقك انتي متضايقه علشانهم مايقولون انتي حلوه عمرهم ماقالو انتي حلوه غصب عنهم يكفي انك رشيييييييقه وسمرا السمار كامل الجمال وعمري ماشفت سمراالا تصير تقطلر ملح بعدين مدري ليه احسك كيوووووت ومملوووووحه واذا على الشعر الله يخلي الاستشوارات واذا كلش خشن مايمشي مع الاستشوار الفرد الحين الشعور الخشنه صارت احلى من الناعمه ياقلبي انتي ماعليك منهم

انتي مو ضعيفة وزنج مناسب الطولج


والله اخر زمن صاروا يقارنون بالشكل !!

مثل ماكالت الاخت رسيل الورد زوجج يحب يطالع

الله يهدي