اتزاعلتوا... OK من اللي لازم يراضي الثاني وكيف؟

اهم شي التسامح ...(طالع منو يرمس ؟؟والله اني اقعد احاسبه عالغلطه كم شهر؟؟لين ماتلوع جبده؟؟)..

لا جد...الحياه جذي يبالها تسامح..وخاصة الزوجيه...بعد الحوار المصارحه....كل شي يصفا...ويتجدد الحب...صدقيني...
لو انتي مثلا مره اتنازلتي بطريقه معينه..يعني ورده وعليها الله يسامحك...

او احبك رغم كل شي...

صدقيني كأنه جليد وذاب...يعني لو شد ارخي.

وعلى فكره مرات المشاكل اللي بيني وبين ريلي تكون واااايد كبيره ومب هينه...لكن والله متقيدين بالإتفاق...

والله يسعد ايامج كلها ان شالله

عروس قديمه

والله أدري بس يوم نحن نغلط على طول بيسير يدور الحرمه الثانيه و لا بيسأل عنا لا بالعكس بيتم يدور مليون سبب حتى لو كان تافه بيضخمه وممكن يبتدع أسباب مب موجودة أحياناً

:down:

ياليتهم يسامحون :eek2:

السلام عليكم

اليكه

تبين الصراحه ريلج شايف له شوفه ويمكن يبي يعرس على وحده ثانيه ولا مادري وش سالفته
بس الصراحه تنقال لج عشان تأخذي بالج منه قبل لايغلط ويسويها انه ما ابي اكدر خاطرج بكلامي لكن الله يعلم اشلون قلبي زعل عليج ........ لان الرجال الي على طول بره بيته ويبي يسافر ابروحه وكلا هايت ويا ربعه ماليه امان ....... والرجاجيل اصلا كلهم مالهم امان اتلاقينه هو معك بالبيت ويطالع التلفزيون ويبحلق بهالممثلات والمغنيات ........ ولا مثلا اتلاقينه عنده مكلمات ويا وحده مادري شتقول له ويقول لها انه ما ابي ازرع الشكوك حولج بس ابي منج تأخذين حذرج وتعاملينه بكل طيبه وحنيه وقدر الامكان ما تتزاعلين وياه عشان ما يغيب عن البيت لوقت متأخر ما تدرين عنه في وين ؟؟؟؟؟؟؟؟

لانه لو شاف طيبتج ومعاملتج الحلوه والرائعه له راح يخجل من حاله ويستحي من فعايله .....واذا انتي مو مقصره معاه زيدي الجيله حبتين في كل مره تعدلي له ريحيه من الناحيه الجنسيه وبادليه كلام الحب والغزل انتي بادري بكل شئ حتى في الجنس انتي اطلبيه للفراش لا تخلينه يطلب منج اهوا ؟؟؟ هيئ الجو المناسب له واذا عندج عيال حاولي اترقديهم من مغرب عشان يفضى الجو ليه ؟؟

يمكن بتستغربين من كلامي بس لاني عارفه هالشئ وسمعته من صديقتي كانت تحس في زوجها برود اتجاهها وما يحب يجامعها ويتغزل فيها مثل الاول وعلى طول بره البيت وهي كانت راقده في العسل بس بعدين اكتشفت ان زوجها متزوج وحده بالمتعه ولما صارحته كان السبب الكبير انه ما كان يرتاح في الجماع معها بسبب أطفالها الي ما ينامون وبعضهم الصغار يرقدون وياهم بالغرفه وملابسها في البيت على طول جلابيات بيت عاديين وحتى لما يجامعها تلبس له ملابس عاااااااديه جدا حتى انه قال لها مره وهو عاطنها ظهرها وهي راقده يمه يقول لها تبيني أجامعش شوفي شمسويه في حالج على طول مع العيال والمطبخ بس شوفي اثيابج الي لابستهم كأنهم ثياب طباخ ؟؟؟؟؟
انه اسفه اذا دخلت خشمي بحياتج بس يمكن هالشئ يفيدج واذا انه غلطانه وحياتج مع زوجك مو مثل ما توقعت فأنا اسفه واعذريني لسوء الفهم بس يمكن غيرج عنده نفس المشكله

يلا الهدف ان الكل يستفيد
صح

اما عن نفسي فأنا وخطيبي كنا في بداية خطوبتنا سمن على عسل تقولين كناري لكن ؟؟؟ بس عدا الشهرين الاوليين ابتأ التصادم وبدأ الصراع كل واحد فينا بدأ في اثبات شخصيته وعناده انه ابغي ابين له اني مره بس مو ضعيفه وهو يبي يبين لي انه رجل وكلامه هو الي يمشي ؟؟؟

لكن مع مرور سنه من خطوبتنا احسست بأن العلاقه الي بيني وبينه ليست كأي علاقه ولكني احسست بأنها علاقة روح تلتصق بروح أخرى سبحان الله على حكمته
بدأت تتقارب الاراء والافكار فيما بينا هو من رجولته وشهامته وانا من انوثتي وحكمتي قدرنا نحل ربع المشاكل الي بينا كنا بالاول نتزاعل كل يوم بس الحين كل يومين او 3 او 4 ونتصالح بنفس اليوم
بس الزعل مطلوب لانه ملح الحياة الزوجيه ومدام احنا نختلف اكيد احنا قاعدين نحاول نفهم بعض

وللأسف خلافاتنا الحين زادت بسبب نفسيتي التعبانه من تأجيل الزواج لان الخطوبه الطويله برأيي وعدم الاستقرار هو سبب كل الاضطرابات الي في علاقتنا

بس بنات ادعوا لي الله ييسر لي اموري وما يتأجل زواجي مره ثانيه ارجوكم بنات محتاجه دعاء الجميع

الله يجمع ويوفق كل المخطوبين في بيت الزوجيه الصالح السعيد

ان شااااااااااااااااء الله

اسفه على الاطاله

الله ييسر زواجج ياأخت ايوت

ايوت

زواج ثاني ما أعتقد يسويها لأنه الزواج مسؤلية ثانية وهو مب قد المسؤليه اللي عليه تبينه يبلي عمره بدبل لوووووول بينتحر

بس هذا ما يعني انه ما عنده علاقات .... عنده وحده يعرفها من قبل ما يتزوجني بس مستحيل يتزوجها

وأسعدني التوافق السريع اللي وصلتوله الله يهنيكم ان شا الله

الله ييسر لج امورج وما يتأجل زواجج مره ثانيه

حبيتي اليكه انابقولك اهم شي تتركين العناد لأن العناد مايجيب نتجيه بعكس الكلمه الحلوه عودي زوجك ع الكلمه الحلوه واللبس الخلو والأبتسامه الحلوه ولاتشدين معاه بأشياء ماتضرك واذا طلع اليوم مع ربعه لاتسوينها قضيه ونصيحه خاصه لاتزعلين من كل شي حتى مايمل الرجل ويعتبرك نكديه انا اول ماتزوجت كنت من كشي ازعل وابكي بس مل الرجال وماستفيد شي بس جربت هذي الطريقه اعطيه من كل شي احلى شي الكلام والحركات حتى العلاقه الخاصه علشان اذا زعلت يفقد هذي الأشياء مو معناتها اقصر معه بس بالعلاقه الخاصه اعطيه الي يبي من غير نفس ولاأتكلم معاه واجد اذا سأل اجاوب اقدمله اكله وشربه واهتم فيه بس احسسه انه فيه فرق وانا زعلانه وانا راضيه وحاولي تدورين الي يعجبه ويرضيه وسويه ولاتشدين معاه الا اذا كان هو الي غلطان معك واستغلي هالفرص ه وقولي الي بخاطرك لأن الريجيل دائما يستغلون اي كلمه للمراه علشان يحطون الغلط عليها فعلشان كذا اقولك اذاصار اي خلاف امتصي غضبه ولاتراددينه وصدقيني قد ماتعطينه راح يعطيك واذ اعجبك كلامي ماراح اقصر معاك بلنصائح وباااااي

بيبي روز

العناد !!!
أنا أقتنع بس باللي يقبله المنطق وأرضى بللي يريحني و أعرف انه بيحفظلي بيتي وزوجي لكن اني أخليله الحبل عالغارب!!!

صعبة


بس ما قلتي أسباب الزعل؟

و أتمنى لج حياة سعيدة وهانئة مع زوجج والله يبعد عنكم الزعل :up:

حبيبتي اليكه .....انا ماقلتاك

خليله الحبل ع الغارب بس مو تحسسينه انه بسجن وانت

السجان عطيه حريه بشرط هالحريه ماتكون ع حسابك .....وانا

بصراحه من النوع الي اكبر دماغي ...ع قولت اخوانا المصرييين

واعدبعض المواقف بس لايمكن اعدي اي موقف فيه ظلم لي

او اهانه .....بقولك حادثه مره كان يمزح مع شخص وكانو

يتكامون عن فنانه وكان زوجي يمدحها ....مع العلم اني ماغار

من الفنانات ومعطي زوجي حريته لأني واثقه منه ومن حبه

لي المهم هذا الشخص قال لو احصل زيها راح اتزوج قاله

زوجي تحصل قاله الشخص لزوجي وانت لو تحصل زيها تطلق

الي عندك قال زوجي اكيد واقطها عند اهلها .......انا ادري

ومتأكده ان زيمزح بس ماهانت علي نفسي اني اكون موضوع

يتطرقون له بهاأستخفاف ولو كان مزح .......قلبت الدنيا عليه

ومديت البوز ولا كلمته يومين الااذا سال .....خليته يفقد الكلام

الحلو والدلال ....وبالليل البس بجامه واعطيه ضهري واذ بغى

مني حقه الشرعي اعطيه بس من غير نفس وببرود علشان

ربي مايغضب علي ...........وهو مسكين يومين يراضيني وانا معطيته ابو لباس........طلعتهامن عينه .........هذا موقف من

المواقف واقولك ياختي المفروظ الوحده تعرف متى تزعل بحيث تكون بموقف القوه ..........

:D2
:D2
:D2


يستااااهل

شو عيل!!
قلّت السوالف ألحين مالقوا إلا الممثلات والحريم يسولفون عنهم
:cool2:

أنا عاطتنه حريته والله ولا أسأله عن شي ولا أقوله وين ساير ووين ياي لكن
يباني أخليه يسافر برع ولا أحاسبه.... لا ويباني أفرح بعد !!! وهذا مايجوز شرعاً إلا إذا كنت راضيه... والله أنا كنت برضى لو كنت واثقة فيه بس لأني أعرف كل بلاويه ماأقدر أقبل بهالمصخرة اللي يبا يعيشها ....
يباني أخليه يبات برع البيت بالأسابيع !!! يعني أشياء غريبه ما يسويها ريال محترم يحب بيته ويهتم في عياله ... ما خلى شي حق العزابيه :eek2:

اختى اليكـــــــة..
صدقينى ما في زوجين ما تخلا حياتهم من المشاكل..
واحيانا المشاكل هي تـكون ملح الحياة الزوجية..:D2
بالنسبـــــة لي انا لما يصير بينى وبين زوجي زعل..
ما يطول يومين بس..وصدقينى في اليومين هذة ما اكلمــه
ولا اقعد معاة..:mad2: ..وشوي شوي..
يجي ويسألنى عن اغراضـه..يعنى يحاول يكلمنى..
ويقول نكت عشان يضحكنى..:D2 ..وبصراحة ما يطاوعنى قلبى
ونتصالح..(r) ..
بالنسبة لاسباب الزعل.. غالبا تكون عشان ولدي..لان بصراحة
كل واحد عنده اسلوب معين في التربية..
ومرات يكون مزحـــــة قوي ..ويكون ما لي خلق وما اتحمل..
وبصراحة اللع يهدي زوجك ويحس بقيمتك ان شاء الله..
ولا تنسين الدعاء..

مي الحلوة

أوووه بعدها يايه الإختلافات بسبب تربية الولد ،،،،، ولدي بعده صغير 3 شهور بس لازم أثقف زوجي و أعلمه أصول التربية ولا الولد بيروح فيها :down:

على العموم هذه أسباب تكاد لا تذكر واالحمدلله .... ولا حتى تستاهل الزعل لأنج ممكن تقنعينه بوجهة نظرج الصحيحة مدعمة بالحقائق العلمية ومن القرآن والسنة بتكون حجتج أقوى

و أتمنى لج حياة سعيدة وهانئة مع زوجج والله يبعد عنكم الزعل :up:

تعال اصير لك شاطئ ............. اذا حزنك يصير امواج
تعال و خذ فرح قلبي .............. اذا قلبك بدا يعانــــي

لازم تطبقين معاه هالكلام عشان اتكونين انتي الملجئ له فالنهاية هب ربعه او انه يظهر عشان ينسى .خليه يشتكي لج منج ..........صح قلبج بيعورج لكن بترتاحون فالنهاية.....

والله مثل ما قالوا الاخوات انه مهما يكون الزوج ما يعترف بغلطته الا نادرا مثلا انا ما استحمل لما اشوف شي غلط واقول على طول في الوجه وهو يزعل عشان ج>ي احاول اغيره بطريقة محببة مثل حبيبي ليش تسوي جي او بدلع زيادة عن اللزوم:cool2:

حاولي تخلين بيتج جنه وحاولي قبل ما تعصبين انج تعدين لين العشرة او اطلعي من الغرفة اللي انتوا فيها لما تهدين


ونصيحة اخت لا تتركين زوجج يسافر لوحدة او حتى يبات برع البيت :shy: سوي حركات ودلع كل ليلة وطرق بتحصلينها في المنتدى تخلي ريلج الساعة 9 او 10 بالكثير هو في البيت وناطر المفاجاة والحركات :D2 عوديه وبتشوفين:up:

الله يوفقج ويهدي ازواجنا جميعا

لاتركزين على موضوع الخيانة ....لانه بيوديك بداهية واان اشتغل بهالمجال واشوف اشكال والوان وصدقيني الصراخ والصياح مايحل المشكلة
الرجل اللي فيه امل انه ينصلح حاله المحاولة فيه مو خسارة يعني انت لازم تقيمين حالة زوجك
يستحق المحاولة وممكن ينصلح واللله مابيتغير
يعني مثلا لو كان الاجابة ايه ممكن ينصلح فانت من واجبك توفري له كل الجو اللي يساعده يعني لما يبي يطلع لاتخليه بس بطريقة رومانسية وبهدوء لان الصراخ ما يؤدي الا لتفاقم المشكلة
ثانيا لو صار زعل كبير بينكم لازم كل واحد يراجع نفسه يعني مو معقولة كل واحد يقول اوكي انا ريحت اعصابي وبرجع بعد 20 يوم
تراكم المشكلة يؤدي الى مشكلة كبيرة بالنهاية ناقشوا مشاكلكم بهدوء لاتقولون ما نقدر نملك اعصابنا اختاروا وقت هديت اعصابكم فيه وتناقشوا والغلطان يعبر عن اسفه وحتى اللي مو غلطان يشارك الانسان هذا شعوره
الاساس في حل المشكلة هو اما تجنب وقوعها او انك تحليها بحل نهائي وتحسمين الموضوع من البداية يعني ليش ازعل واصارخ بس اتلف اعصابي وتفكيري ولما ازعل لازم يكون سبب يستاهل يعين مو بيطلع او بيروح وبيجي لازم اكون بموقف قوة والزعل يكون باسلوب هادىء مو بالصراخ
يعني الحقران التدلل والتغلي
الا لو كانت المشكلة تمس كرامة الانسان فهذي فيها كلام ثاني

والله يوفقكم

:up: انا مخطوبه بستفيد منكم:up:

الله يسخر لك زوجك يارب

ادا تزاعلت مع زوجي اني اللي ابدي بمراضاته

بس احيانأ ماراضيه على طول

اخليه يتأدب اول
ويوم ثاني زي الحلاوة ولا كأن شي صاير


لانه من النوع اللي يرضى على طووووووووول

صدق والله اللي يشوف مصيبه غيرة تهون عليه مصيبته :(
الخلاافات لا د منها وانا عن بو الشباب تصير بينا خلاااافات وكلها بسبت ربعه يعني يوم يكون بعيد عنهم انا والخير رباعه لكن من يجاربهم تبدا الخلاااااافات خصه انه هو الوحيد اللي معرس من بينهم هذا اولا
ثانيا انا اللي عندي يجذب ويسويلج فلم هندي يعني اذا كان شرق بيقولج انا غرب و فيه طبع خايس انه يخشش اشيا وانا لازم ادور جني العب في مجله ماجد وادور فضولي
والادهى والامر
انه كان يشوف افلام خايسه بس الحمدلله الحين ودر بس يوم يطلع يا ربعه يراووونه سوالف البلوتوثات وبلاااااويهم احسه يتغير
وصدق توني ذكرت يوم نطلع برع شو عيونه تشرق وتغرب


شو انسوي يود مينونك لا ايييك اخس عنه وانا اليوم ما ارمسه اصلا واول الايام كان زعلنا ما يكول لكن ها الفترة يتم يومين مش اكثر لانه بو الشباب اتعود اني انا اراضيه اقول مب زين يرقد وهو محرج الملايكه بتلعني لكنه اتعود حتى ولا يكلف على عمرة يراضيني الا اذا هددته وقتله بسير عند هلي يتخبل
هو يحبني ولكن هاي سنه الحياة الله يعينا عليهم

صدق توني ذكرت والقهر الحين يوم يشوفني متعدله ما يعبل على عمرة بكلمه حلوة طاف ولا جني مسويه شي
يقهرون والله

الحمدلله على كل حال

وعندي نصيحة صغيرة اخذتها من برنامج سيرة الحب وهي
كل وحدة تزعل مع زوجها وتحس نفسها موطايقه حتى تشوفه انها تمسك ورقه وتقسمها نصفين في اليمين تحاول تكتب كل الحسنا ت اللي تخطر على بالها ويتصف ابها زوجها وفي المقابل على اليسار تكتب السيئات
طبعا الوحدة مهما كثرت سيئات زوجها راح تكتشف انها ولا شي تحت الحسنات وهذا راح يخلي حبها له يزيد و بشتوف نفسها تتغاضى عن كل اخطأه

والله يهدي النفوس بين كل زوجين ان شاء الله