هالشي ممكن يحول حياتج إلى جحيم او نعيم

كلام الاخوات عجبني و اشووف انه الاغلبية مع السكن المستقل واانا اؤيد السكن البعيد عن اهل الزوج لانك كل ما بعدتي كل ما ريحتي دماغك من المشاكل ومراقبة اهل زوجك الك عالطلعة و النازلة اي حيااة هذي ان ما حس الانسان بحريته و استقلاله و لا ايش رآآآيكم؟؟؟

بالنسبة لي الحين ساكنة بشقة لحالي ومع ذلك مو مرتاحة من نغزاتهم خخخخ;) بس بعد كم شهر مضطرين ننتقل على بيتنا و ابصراحة حيل خايفة من المشاكل :(لانه منزلنا مجابل بيتهم و ماودي اصير مراقبة8o|مع انه زوجي بيوعدني ا ن شاء الله انه راح تكون عندنا خصوصية و لازم يتعودوا على هيك شي

الله يستر بس :)

هي اراء و تعتمد على قدرة الزوج اللي المفروض عليه يوفر السكن. بس كل حسب طاقته. يعني الزوجة لازم تاخذ في الاعتبار ظروف الزوج. بس اذا هو مقتدر, يعيشوا مستقلين افضل, ياخذوا راحتهم مرررة و تقل المشاكل و الغيرة و الحسد و .... و احيانا يكون بيت العائلة حل ممتاز خصوصا اذا محد ساكن مع امه و ابوه و هم وحيدين. يعني بيفيدون في تربية العيال خاصة اذا الزوجة تشتغل. اجمالا الموضوع اتفاق بدون محد يفرض على الثاني. يعني هو مو حق للزوجة ابدا, حقها هو سكن مناسب بغض النظر عن اذا كان مستقل او لا.

شكرا على مشاركاتكم حبيبات قلبي

مستغربة وايد مشاهدات وقليل من المشاركات؟؟

اب

موضوع حلو وكل وحدة تجربتها تختلف عن الثانية .... انا بقول لكم عن نفسي


انا قبل ما اتزوج تناقشت مع زوجي عن الموضوع ... وهو من نفسه كان حابب ان نحنا نسكن بروحنا ... وقبل ما نتزوج بسنة انتقل هو للمكان اللي انا عايشة فيه وبعد عن اهله ... لما تزوجنا نزلنا في شقة في نفس المكان اللي اهله فيه ولما حجزنا عشان نرجع الامارات كان عقد الايجار في الشقة بينتهي قبل 3 ايام من موعد سفرنا فقال لي نروح بيت اهلي عشان هو اصلا من سنة كاملة ما قعد معاهم ولاشافهم فوافقت ....
ورحنا من اول يوم الصبح ما قدرت لا افطر ولا اكل ولا اشرب عاداتهم كلها غير ... هم مثلا يشربون عصير الصبح وانا اشرب شاي حليب قلت مومشكلة 3 ايام ما بموت اذا ما شربت شاي حليب العصير بعد مفيد ... اخذت رشفة منه وما قدرت ابلعها سكرررررررررررررر

حطيت الجلاس وقعدت اسولف معاهم وزوجي لاحظ اني ماقدرت اشرب او اكل ... فقال نروح مشوار لبست عباتي وطلعنا اكلنا برا وهكذا كل الوجبات


الحين قبل فترة سافرنا لهم وقعدنا عندهم شهر كان اليوم جدا غريب الفطور يكون الساعة 1 الظهر والغدا المغرب او بعد صلاة المغرب ومرات في عشا ومرات لاء

كنا ماخذين غرفة عندهم مع صالة استقبل فيها ضيوفي وماكان في اي خصوصية .... لو ابدل ثيابي القاهم داخلين الغرفة ...ما اقدر اكلم زوجي الا برى البيت او اخر الليل لما ننام لوحدنا



كل ما اتفق مع زوجي على شي يتدخلون فينا .... مع ان هم طيوبين وقلبهم ابيض بس في اشياء ما اقدر استحملها


المهم خلص الشهر ورجعت وانا مستانسة اني افتكيت .... وكنت ساكتة فقام زوجي قالي اخيرررررا الواحد يرجع لبيته الخاص
قلت الحمدلله هو من نفسه يحب الخصوصية



والحين اخته جاتنا زيارة وقاعدة معاناو بتسافر بعد شهر ..... ما اقدر البس لبسي اللي كنت البسه ... ولا اسوي شعري وميك اب وحركات لما زوجي يرجع من شغله يلاقيني متعدلة حتى الكلام صعب نتكلم ... فشنو يصير لما انا اجي الدوام وهو يكون في الدوام نتكلم ونسولف مع بعض كان نحنا مخطوبين ونشوف بعض ونتناقش ونقرر وكذا




الحياة مع اهل الزوج فيها نوع من الصعوبة مهما كانت معاملتهم طيبه
ما تقدرين تاخذين راحتك في كل شي ... لبس وطلعات وحتى ما تقدرين تاكلين وتشربين وتشترين كل اللي خاطرك فيه

صح حبيبتي انه بعد اخت زوجي يات عندنا اسبوع لان بيتهم كلهم سافرو
شسوت فينا لكن صج كان اتعب واطول اسبوع .. طيبة بس مادري وايد تقيدت وكانت على طول في وسطنا
مافي فجة وماتخليني اطلع لانها اهي قاعدة في البيت مايصير اهدها واطلع .. كانت المفروض تقعد اسبوعين
بس زوجي وداها بيت عمتهم لان هو بعد ماقدر حس بضيجه ماكان على راحته .. مثل ماقلتي ماقدر اقول شي
مافي مجال .. لما قلت حق رفيجتي زفتني وقالتلي انتي تصعبين الامور.. في ناس عادي عندهم حتى يبسطون يسوون
قعدة في حجرة النوم والله.. ماحب احد يدش حجرة نومي بالذات ماله داعي احس