طلبتكم بالله عليكم لا تردوني

بنات انا عندي مشكل كبير وهو انو وزني زاد وايد بعد الولادة وزوجي من النوع اللي مايداني شي اسمه متن وزني قبل الحمل كان 60 والحين صار 78 يعني زيادة 18 كيلو :'( وزوجي حتى لما يتغشمر معاي يقولي يا دبة وانا هالكلمة وايد تعور قلبي لاني عارفة انه قاصد يقولها
المهم جربت اسوي ريجيم بس الطامة الكبرى ان بنتي ماشاء الله عليها من النوع اللي ما ينام
يعني من وهي صغيرة وهي تنام ساعة وتقوم ساعة لين الحين عمرها 9 شهور ولا الحين نومها ماعتدل المهم انا تعودت على الوضع وصرت اسهر معاها طول الليل لين الساعة 7 الصبح واعطيها لجدتها وارد انام انا لين 12 . المهم لما اسوي ريجيم اسيطر على نفسي طول اليوم
لين الليل الساعة 1 او2 بحكم اني سهرانة خلاص احس نفسي بموت من الجوع اكل تفاح او سلطة ولافي فايدة فاقوم واكل وهاي اللي مخربني
فالله يخليكم يابنات عطوني حل ابي شي ينزل وزني بسرعة او شي يسد الشهية
والله يجازيها بالجنة اللي تنقدني:'(