أخوات الزوووج؟؟؟

صباح النور
يشرفني اكون اول وحدة ترد
طبعا ما اقدر احكم
انا ما اعرف طبعهم
بس يعني لا تطيحي الميانه
علشان بعدين لا يخدلونك
خليكي طيبه معاهم
وفي نفس الوقت لك شخصيتك
وحدود منموع حد يتجاوزها
اما اذا كانوا مهم كويسين
حاولي تخلي علاقته بهم رسميه
وبعدين حتى لو بتسكني بعيد عن اهلك
لاتجلسي بي عليهم كوني صداقات
وتعرفي حتى لو بتسكني معاهم
سوي لك عالم خاص
موفقه ياعسل

الله يعينك ويسهل أمورك

حبيبتي .. شوفي أول طبعهم كيف .. هل هم راعين مشاكل وكلام ؟

اذا كانوا كذا عامليهم برسمية .. وقللي الاحتكاك فيهم قد ما تقدرين .. يعني سوي الواجب عليك تجاههم فقط لا غير ..!!

أما اذا كانوا من الناس الطيبة واللي تحب الخير .. حاولي تتقربين منهم بس طبعاً خلّي بينك وبينهم بعض الحدود والخصوصية .. علشان بكرى ما تندمين انك تركتي لهم الحبل على الغارب ........!!!!

يعني بالأول والأخير معاملتك لأخوات زوجك ترجع لطبيعة تعاملهم مع الناس .. وانتي ان شاءالله تقدرين تحددين كيف تتعاملين معاهم ..

:)

مشكوره اختي لودددددددي وأم علي .......

السلام عليكم ..
تخيلي اختي اول شي انج اخت زوج...شو رايج فى نفسج؟
الناس اجناس ..وكل واحد وطبيعته مع الناس ..فى ناس العيشه معاهم تزهق وفى ناس ماودج تفترقين عنهم..
يعني مايصير تقولين اخوااات الزوووج...شو يعني اخوات الزوج ؟كائن غريب؟؟
تراهن بنات مثلج بس في منهن الطيبات وفى العكس.
وانتي تعاملي مع كل حد حسب شخصيته..اذا حبوبات الحمدلله نعمه من الله واذا العكس خلى حدود بينج وبينهم.
والله يوفقج ختيه.

اولا اختي على حسب طبيعتهم هم
اذا كانوا طيبين صيري احسن منهم بس لاتغطين نفسك عليهم وخلي الميانه حدود
اما اذا كانوا عكس هالكلام العلاقه الرسميه وعلى قوله المثل ابعد عن الشر وغنيله ((ترى المثل اللي قال مو انا ههههههه))
ولازم انك تسوين لك صداقات علشان مايذلونك ويقولون مالك الا احنا ولا مردك لنا
الحياه تجارب وتعلمنا منها وحصلنا على درجه الامتياز مع مرتبه الشرف هههههههههههههههههه

كل انسان بالدنيا وله طبيعته بالتفكير والايجابيه
وانتي( كيف ناويه تكوني معهم هنا السؤال)
اذا انتي طيوبه مره وخايفه منهم انا اقول لك
امشي عدل يحتار عدوك فيك..;)
واذا انتي ناويه اي مشكله تشوفيها تتهاوشي
معهم ..انا اقول لك ارضاء الناس غايه لاتتدرك
كوني معهم كما انتي مع اهلك كما انتي مع صديقاتك كما انتي مع مجتمعك ....
ولا تتغيري لا اجل الناس ..................
وخلي تفكيرك في سعادتك مع اخوهم مو معاهم
لانوو هو اهم شئ بالدنيا مو اخواته .......
وانا اقولك نصيحه :
لا تتدخلي في امورهم واسرارهم ومشاكلهم
وانتي تكسبي .......
يقول الرسول صلى الله عليه وسلم من حسن اسلام المرء تركه مالا يعنيه ......:thumbs_up::thumbs_up:

وربي ان شاء الله يسعدك مع زوجك ويرزقك الذريه الصالحه الي يملون عليك حياتك .........F:F:F:
وموفقه والف 1000000000مليون الزواجF:

البنات ماقصروا والله

للاسف زوجي ماعنده خوااااااات

نصييييحه لوجه الله تعالى لاتطيحين الميانه بينك وبينهم حتى لو كانوا طيبين خذيها مني نصيحه ومابتندمين انا ياما نصحوني ومارديت وقلت لا بخلي علاقتي فيهم غير وطاحت على راسي والحين رجعت اسوي حدود بيني وبينهم, لأنه الميانه اذا طاحت بتسمعين كلام وبتشوفين تصرفات ومابتعجبك ومهما كانت علاقتك فيهم قويه وقلتي انهم نفس خواتك مستحيييل بصيرون خوات ولا انتي بتصير اخت لهم بس هذا مو معناته انك تروحي وتحاربيهم لأ بالعكس لاتقصرين معاهم كللش بالواجبات ولاتغلطين بحقهم واكثر من جذي انسي الموضوع يعني لاتذبحين نفسك عشان تسوين لهم شي زين او انك توقفي معاهم او تضغطي على نفسك عشانهم , فاهمه قصدي؟؟؟؟ بالمختصر لاتزودينها بالمحبه والطيبه ولا تصيرين جافه مرره وقليلة ذوق , خير الامور الوسط لو شنو كانت طبيعتهم والاهم انك لاتحسسين زوجك انك حاطه حدود وماتبينهم يتعدونها

كل الي ماشيين على هالطريقه من اول زواجهم مرتاحين وماصارت لهم مشاكل

المشكلة انا اخت زوجي كانت صحبتي بالمدرسة وهي الي عرفتني على اهلها والفضل يرجع لله ثم لها هي السبب في زواجي من اخوها وسترها علي واسال المولى عزوجل ان يرزقها الزوج الصالح الي يخاف الله فيها بس بعد الزواج بكم شهر قامت تسحب عليا وان شافت وحدة من سلايفي ماتصدق على الله مو تسحب عليا الاوتضارب معايا كمان وتكلمني من غير نفس وان مالقت احد تعاملني كاني اختها بس مادري ايش يقلبها علي بعدين بصراحة كرهت تصرفها معايا قدام الناس رغم ان قسم بالله سلايفي مايطيقوها وياكتر مايجاملوها وانا ما احب كدا مايعجبني النفاق والله انا صريحه بحبي لها واعاملها اكتر من اختي بس ...

خليها علاقة ودية و مبنية عالاحترام، لا تكثري المزح قدامهم و لا تدخليهم بامورك الخاصة

الله يبعدك عن المشاكل
والبنات ماقصروا

بصراحه الا اجوف في حياتنا ( البحرين ) وخاصه نسوان هالجيل

اني كلش ماتقرب من اهل زوجها حي الله سلام عليكم عليكم السلام وماتتختلط ابهم بتاتا والسبب الابتعاد عن المشاكل ..

بصراحه اني ماتعجبني هالنظريه ما احتك في اهل زوجي كلش ولا اجلس معاهم ولا ازورهم عشان ابتعد عن المشاكل ناس وايد اسمعهم جدي بصراحه انا ماتعجبني المره الا جدي ماقالوا لش زوريهم وسوي مشاكل وخرابيط بس كوني مؤدبه ومحترمه وارضي ام زوجك ولاتخليها تشيل عليكي هدا اهم شي وزوجك فوق دا كله
وخوات زوجك حاولي تجلسي معاهم وتحكييييييييين وتضحكين واعتبريهم كاصدقائك وجدي تصير حياتش حلوه ..

انا الا اعرفهم في هالزمن اغلبهم مايحتكون في اهل زوجهم مادري شلون يعرفون

انا عن نفسي لازم يوميا اروح اسلم على عمي وعمتي واجلس معاهم واساعد حمواتي وعمتي ادا بغت شي والحمد لله الحياة ماشيه كويسه

حتى انا اقولها لج .. خوات الزوج مهما كانو طيبات ما يحنون على زوجة اخوهم بقمة النذاله