التجمع الثاني لحوامل شهر ابريل ...*4* 2011 ...

ام علي حسين هلا و الله حياك خيتو
نورتي تجمعنا F:

فيض الحب;14360888:
روز ماشاء الله عليك تقولين حر
احنا بردانين و يوم اشوف المزاج عندك حرانه اتذكر الصيف واحن له
بناتي الحين لهم شهر تقوم وحدة و تطيح الثانية التهاب وارتفاع حرارة بجد وحشني الحرررررر<<هههههه
و الله هالتوزيعات حوسة
لي فترة و انا افرفر ادور حد يسوي لي شي واختي عندها موهبة ما شاء الله وشغلها الخاص بس استحيت اقولها لانها اكيد ما بتاخد مني حقها فكرت اني اجيب لها الهدايا وهي تشرعها و
ويوم الاربعاء قالت خلاص توزيعاتك علي بس مافي هدية <<شوي و احب راسها ريحتني و خلصت من التوزيعات
وهذي صورة لقيتها وحدة تسويها بس باقي لها تغليف و تصير مية مية
سله صغيورة فيها شوكلاته و تعليقة مفاتيح


و الضيافه كلمت وحدة ماشاء الله عليها فنانه شغلها نظيف و ثقة اعرفها باقي اودي لها الصواني و تعبيها لي طبعا عندها ميني تشيز كيك و حلويات اهي تسويها
وهذي صور من شغلها
كب كيك









باقي علي الحين
اكمل شنطة البيبي و اغراض النظافة الشخصية
و المفرش شريته من اسبوعين وملابس خبركم زاهبة هذا اللي يحضرني الحين

اي والله حرررر مووووت سحنااااا حر مووطبيعي استغفر الله ...

مااطلعت الصوره الاوله عفيه حمليها ثاني مره شوقتيني اشوفها

الكيك روووعه ماشاء الله فكرتهم حلوه الله يتمم عليك يارب وربي يخليلك اختك يارب

وعلى طاري المفرش انا بعدني ماشريت المفرش بحيل الله بحاول هالاسبوع والي بعده اخلص كل شي وارتاح واتفظى لتوزيعات وترتيب الصاله للاستقبال وربي يتمم علينا ويطمنا على الغاليه اميره يارب

rose2006;14361040:
وعلى طاري المفرش انا بعدني ماشريت المفرش بحيل الله بحاول هالاسبوع والي بعده اخلص كل شي وارتاح واتفظى لتوزيعات وترتيب الصاله للاستقبال وربي يتمم علينا ويطمنا على الغاليه اميره يارب

اللهم امين

ان شاء الله بس ارفعها على عروس و انزلها دقايق بس

تفضلي يالغلا

اي طلعت روووعه ماشاء الله فكره حلوه بتسوينها؟ نفس فكرتي بس انا مابحط تعليق المفاتيح قلت بسوي مطويات ادعيه وشوكلت والتغليف تكون بشيفون لامع ازرق

لاما باسويها
الى الان ما ادري خلاص اختي تكفلت انا مو شغاي الحين ههههههه
بس فكرة الاذكار حلوة
من فتره هبوا الحريم بميداليات الاذكار شفتيها
بس ما ادري تحصلينها
و لا تسوينها انتي اذا كنتي فاضية
تحتاج بس لورق و طابعة و تغليف حراري

اييييييي هاااااذا الي بسووويه عاااد اقوووول حبيبتي فيض الحب حياتي خخخخ خليني شوي احط ديباااجات ومقدماات خخخ ماعندك صور لهم علشان اسيفهم او الاذكار الي تنكتب فيهم وتوفرين على اخيتك بعضون من الوقتيييي خخخخ
بس اذا موووبجهاازك خلاص انسيهم انا بحاول ادورهم

لحظة روز ما شاء الله بين معك جنس البيبي؟
كني اشوف ازرق يارب ياكريم انا و انتي وكل من تتمنى الولد ربي يرزقها الولد السليم الصالح تام الخلقة من غير زيادة و لا نقصان
انا عندي 3 بنوتات و عن نفسي ما همني لوجبت العاشرة بس خبرك الخليجين يموتون ع الولد ولما جبت بنتي الثالثة ما سلمت من كلام الناس<<هم فاضين ماعندهم غير خلق الله كنه بكيفي
وحملت بدون تخطيط للحمل والكل اتفاجأ لان بنتي صغيرة
ومن طبعي انا لما اسوي السونار مستحيل اسأل الدكتورة
وهالمرة ما سألت بعد لكن هي من حالها قالت انه ولد بس ما قلت لاحد من العيله لانه ما يعلم بالارحام الا الله و الله يتمم لنا حملنا على خير ان شاء لله و يفرحنا بشوفتهم بين ايادينا

هوووووووو
اشلون الا بانزلهم لك ياعيوني تفضلي







اما الاذكار حطي اللي خاطرك فيه خخخخخخخخ متكيسلة

ايييي انا قلت بتجمعنا الاول ان قالت لي فيني ولد خخخ انا بعد حملي من غير تخطيط بس كنت محتاطه الى ذيك اليله قلت خلاص بعد يله بتجي الحلوه بعد اربع ايام ماكو مجال للحمل سبحان الله صار النصيب والحمدالله على كل حال .وبنسبه لناس والله قلت الي طلعلي بالسونار والي يجي من الله حياه الله بعد كله خير وبركه وربي يرزق كل محرومه يارب



روعه ماشاء الله تسلمين ياقلبي على الصور يبيلي الحين حق هشغله ورق ملون وجهز التغليف الحراري وحلقات وكم اككسوار وبعد في خرامه مع تركيب الحديد او الحلق وييييي صج يبيلي ووووقت خخخخ وانا ماخذه راااحتي اقول على الشهر الثامن اظبط لاااا مايبيله من باجر ابلش خخخخ

ايه شدي حيلك من الحين اكتبي الاذكار مدري نسخ و لصق من اي موقع
عدلي الالوان بكيفك
غلفي حراري و خليها جاهزة
اما القص و التربيط و الاكسسوار براحتك
لكن الظاهر انها كلها كم يوم و تدخلين الثامن بعني كلش كلش ما في وقت
الهمة ياامرأة فلم يعد هناك متسع من الوقت <<خرفت بتنام هههه

اي والله ماافي متسع من الوقت ....

باذن الله باجر ببلش بكم شغله ...

تسلمين فيض الحب حياتي ماقصرتي والله دوختك معاااي

لا ولو ابد مو تعب و لا شي كله ع الجهاز ما رحت و لا جيت خخخخخخخخ
بس الله الله بالتصوير اول ما تجهز صورة حصرية للتجمع
وانا ان شاء الله احاول اضفط ع الحلوة اختي اخليها تستعجل و انزلها
ونراكم قريبا

ياااقلبي لا والله ليش ماقصرتي ياعمري
ايييييييي اكيد مايبيله بس يارب اني اخلص باقرب وقت

رؤية حلم شلوونك ياعمري ايييي اكيد محتاره يبي محير يعني ابيض او لون بيج بس لزم تجهزين
بنسبه للوزن اييييييي خليني ساكته بس يله يرووح بس خليناااا نولد بسلامه يارب والله كريم

اراجع كلامي مخرببببببببط هههههه خلاص خلصت البطااريات الساعه 1 التقيكم باجر باذن الله تعالى ناويه بحيل الله باجر اروح السوق اخلص بعض المشتريات

لما قررت انزل السوق صار الجو عندنا مطر ... شكلي ما بخلص مشترياتي الا لما اقرب اولد ..... ضربات ولدي صايرة قوية جدا لدرجة اتالم و اصرخ احيانا منها الله يكون بعوننا و يقيمنا سالمين احنا و بيبياتنا

قشطة و عسل
الله يكون بالعون
انا اخاف من الضربات السفلية
لان الالم اللي احسة من الحركة يذكرني بايام ولاداتي الماضية
نفس الالم يصحيني من النوم
الاولى الساعه 7 الصبح صحتني خبطة قوية كنت موية نزلت علي و نفسها الثانية بس 12 الليل
اماالاشد الم الاخيرة نفس الضربات بس معاها نزيف لان المشيمة انفصلت
وكل ما حسيت بالضربة والله اخاف وبسرعة اخلص شغلي اخاف اولدههههههه