السلام عليكم
بنات من حملت وطلع هرمون الحمل ضعيف ونزل الجنين وبعدها حملت من غير علاج وتم الحمل على خير ..هل الي تتعرض الى ضعف الهرمون ممكن تحمل طبيعي من غير علاجات ويكتمل ؟والا الي حصل لها وصار ضعف في الحمل معناته ان عندها ضعف ؟بنات طمنوني انا حملت مرتين والهرمون نازل وللان ماحملت ..؟؟والدكتوره مو متحمسه تسوي لي شي تقولي طالما احمل ماعندي مشكله كبيره ؟؟
انا اجهضت مرتين بضعف هرمون الحمل والسبب كان عندي فيروس الحمل وتعالجت عنه لمده ثلاثه شهور والحمد لله الحين حامل ادعي لي بتسهيل ولادتي والله يسهل امورج
نصيحـــه
روحي سوي تحاليل , وخلي زوجج يسوي تحاليل وفحوصــات
ساعات يصير الحمل ضعيف وتتعرض الحامل للإجهــاض بسبب ضعف أو خلل عند الزوج .. وهذا طبعاً يأثـــر
اذا دكتورتج مو متحمسه انها تسوي لج فحوصات كامله , عذراً خليها تولي وغيريهــا
يعني تبيج تحملين مره ثالثه ورابعه وكل مره تطرحين وبعدين بتفكر تسوي تحاليل !!
الف شكر والله يعطيكم الف عافيه
جمال الزهره حبيبتي والله تعبت من هالاطباء وكل واحد اردئ من الثاني جربت دكتور والله شنو اقول عنه حرام يظل دكتور ..حبطني وقالي ان صعبه يستقر الجنين وظل يتفلسف طيب وين العلاج الي قالي في اول زياره انه بيعالجني ولا شي والله شكله مو دكتور مزيفه شهادته ..حسيته مو عارف شنو يسوي وحط فيني شي مو فيني بعد ماكررت التحليل الاجسام المضاده طلع سليم وهو يقولي مرتفع جدددددا ولا يروح من جسمي وعلاجه يسبب لي امراض ثانيه !طلعت وانا شوي وببكي من الاحباط وبعد مارحت لاشجان ظلت تضحك على كلامه حتى تقولي مازال موجود مافصلوه! وهي بعد نفس الحاله تقريبا ماتحمست تعطيني كاافة التحاليل ..تقولي شكلي مافيني شي !هذا وانا اجلس بالساعات انتظر واخرتها ادخل وتقولي مايستدعي ؟وغير فاطمة الزهراء في مواساة الدمام ماستفدت منها بشي ..وغير دكتور ثاني يقولي مارح تستفيدني من التحاليل لان ممكن مع التحاليل سليمه وبعدين لما احمل اتعرض لفيروس يسبب لي اجهاض !!
بنات اذا تعرفون دكتوره شاطره ومن تجربه وعندها ضمييير فيدوني
في دكتور استشاري في مواساة القطيف يعالج حالاا الاجهاض وتاخير الحملت
الوان حبيبتي اي دكتور ؟ لايكون تقصدين عاصم ؟ترى هذا ازفت دكتور شفته بحياااتي ..