تجربتي مع الكلوميد

السلام عليكم ورحمه الله وبركاته


بنات حبايبي حبيت اقولكم تجربتي مع الكلوميد وبالتفصيل الممل هههه

انا طبعا لي سنه و5 شهور متزوجة ومن يوم مرت سنه ع زواجي ترجيت زوجي

نروح لطبيب ونشوف سبب تاخر الحمل طبعا هو مرة يصرف مرة يقول ما ابي عيال

وهو كذاب اغلب اللي تزوجوا معنا ما شاء الله تبارك الله كلهم جابوا عيال ويقوم يعايرني

المهم مرة اخذت تحليل هرمونات وعند طبيب استشاري ومستشفى حكومي موعدي الثاني رفض يوديني :'(

وقالي والله واديك لمستشفى خاص وعند دكتورة المهم وداني عقب طلعة الروح ويتحجج بالفلوس

وانا غبية حجزت عند دكتورة استشارية طبعا يكون فتح الملف دبل السعر

واثاري دكتورتهم بس تجلس 4 ايام وتروح المهم قالت لي الممرضة اعذرينا اختي تعالي يوم ثاني

لان اذان الظهر قريب وما فيه وقت قلت لزوجي قال خلاص بكرة الصبح اوديك لهم فرحت ويافرحة ما تمت هههه

ما وداني الا باخر يوم لدكتورة دخلت لقيتها ياهندية او باكستانية ومعاها ثانية وريحه الثوم ملي الغرفة هههههههه

قلت دكتورة عادي اكشف قالت شايفة رجال ههههههههههههههههه وياريت ما كشفت ذبحتني ريحة الثووم

المهم اسالتني ليش جاية قلت لنا سنه وكم شهر ولسا ما الله كتب حمل

وسالت عن عمري وعمر زوجي وكم مرة يصير بينا وعن الدورة وهالسوالف

وسالتني سويت فحوصات قبل قلت لا وقالت وهو قلت لا

قالت اوكي روحي مع النيرس لغرفة الفحص رحت سوت سونار داخلي واخذت مسحة من الرحم

طبعا قالت لي واضح انو فية ضعف بالتبويض واكتبت لي كلوميد قالت استخدمية لمدة 3 شهور

اذا ما صار حمل لازم تسوين تحليل هرمونات وزوجك يحلل

*****

طبعا رحت قلت لزوجي الا بستخدم الكلوميد واستخدمته الشهر اللي طاف حبتين من 2 يوم دورة
لمدة خمسة ايام

طبعا بعد منهت الدورة بيومين حسيت بالم فضيع بظهري وقلت اكيد من الكلوميد ومن خلال بحثي

بالنت اشوف بنات كاتبات هذا دليل ان الكلوميد جاب مفعول وان التبويض جيد

المهم استانست انا وطبعا اول ما غسلت من الدورة صار جماع وفي اليوم 11 من الدورة

واليوم 13 من الدورة هم صار جماع وهم يوم 16 ما ادري 17 من الدورة صار جماع

طبعا شنو يقهرني يابنات زوجي رفع ضغطي قسم بالله كنت اترجاه يصير بينا قلت ان شاء الله العلاج يجيب مفعول وترى هو مو عادتي هالشيء صراحة احسه ما اخذ الدعوة عناد

لان هو ما يبي نروح لطبيب طبعا مو عشان هو خايف انه يكون السبب لا لان ما يبي رجل يفحصني ودايم افهمة انو حتى الفحص مو بالطريقة الي هو متصورة بس ماكو فههمم :'(

المهم يوم 18 من الدورة قالي انه بيوديني عند اهلي لان هو عند شغل بعيد لمدة 10 ايام

قلت اوك حتى انا كنت طفشانه من تصرفاته قلت ابعد احسن رحت عند اهلي

طبعا كنت احس بالم بظهري والم بصدري وهذا الالم اول مرة احس فية مثل الكهرب بصدري

طبعا الم الظهر يخف 4 ايام بعدين يرجع واحيانا احس بالم باسفل البطن

غير الافرازات كانت كثيرة وبيضاء وكريمية قلت ياارب ياارب اكون حامل وفرحت لان حتى الدورة ماشرفت

وبس اقول يارب يكون حمل وصراحة كنت اقول خل ارسل اخوي يجيب من الصيدلية تحليل الحمل

بعدين افكر اقول لا لحد ما تتاخر الدورة يكون افضل عن 28 يوم

وطبعا انا دورتي مو منتظمة احيانا 26 او 25 او 29 او 27 او 28

المهم يوم جاء زوجي ياخذني قلت بقلبي خلوني افرحة واقولة ان الدورة ما جت وقلت له

قال الحين تركبين جيب الربع وتنزلها ههههههههههههههههههههههه

وكلام طلع صحيح للاسف يوم وصلت لقيت افرازات بنية وخبرت زوجي قال ادري لوووول

بعدة بيوم نزلت الدورة صريحة وشرفت العمة :'(

بس قلت ما راح استخدم كلوميد هالشهر بستخدم اشيا طبيعية افضل

وسلامتكم دعواتكم لي بالحمل السليم المعافا ترى والله مليت من اللي حوالي

واسئلتهم البايخة


واسئلتي انا بعد ما طهرت بيومين حسيت بالم في ظهري وكان فية افرازات وشفت افرازات التبويض وصار جماع

يوم كنت اهلي حسيت بنفس الالم شنوو معناته هذاا؟ وكان فية افرازات بعد

الافرازات تقل بعد يومين

وحسيت بالالم ثالث مرة وكان هم فية افرازات ويوم عن يوم تقل شنوو معناته هالشيء ؟

ليش حسيت بالم اكثر شي بظهري جهه اليسار ؟

شلون اتاكد ان الكلوميد ما سبب لي تكيس لان وحدة تقول لازم تكون هي متابعة معاك التبويض

وشكراااا