سا عدووني يا ناس ذبحني القمل

السلام عليكم ورحمة الله وبركاته
اختي الحل الوحيد هو انك تروحي للصيدليه و تسالي عن الدواء المناسبantiparasitaire و عندك انواع مختلفه من كريمات او لوسيون او شامبو مثلا:
Eurax,Lencid,Prioderm,Paracid
و لعلاج فعال لازم كل الاسره تستعمل العلاج وطبعا النظافه هي الاساس وطولي بالك و اصبري و ان شاء الله راح تتخلصي منه باذن الله
نصيحه مني المبيدات الحشريه مثل بيف باف و غيرها خطره جدا لاتنسي انك تتعاملين مع فروة الراس منطقه حساسه جدا
بالتوفيق اختي

والله حاسه فيك اختي انا كان فيني لما كنت صغيرة بأيان المدرسة
واخبرك امي ايش كانت تسوي لنا :::
كل يوم خميس تدهن شعرنا بزيت نارجيل وتخليه في شعرنا بكثرة
وبعدبن تاخذ المشط اللي اسنانه متقاربة وتلف على اسنان المشط مرة قدام ومرة من ورا (( لا حظي على اسنان المشط )) بالخيط

وتمشط شعرنا
لكن تعالي شوف يالبلاوي اللي تطلع

اي ي ي ي ي


وفي خلال اسبوع استمرت على هالحال مع الغسيل المستمر والبف باف راح كل القمل وبعدها قمت اتحجب بالمدرسة علشان ما تنتقل لي العدوى

ودايما دهني شعرك لا تخليه جاف ابدا لأنه لما تكون فروة الراس جافة يتكاثر القمل اكثر

وممكن انك تغسلي شعرك بماء البحر لأنه يقتل القمل ايضا والصئبان (( بيوض القمل ))
والله يريحك حبيبتي

بنات المبيدات الحشريه مثل بف باف ورايد مضره بالبيئه و البشر.....ارجوكم لا تستخدمون هالاشياء لان فيها مواد بالفعل مضره......اختي روحي طبيب جلدي او الصيدله واستخدمي بخاخ خاص لهالمشكله و شامبو.....والله يشفيج و يعافيج

السلام عليكم ورحمة الله وبركاته...انا ارشح البف باف...وماشي مثله جربيه وما راح تخسرين....وانتي راح تستخدمينه مره وحده بس...يعني ما راح يأثر عليج لكنه راح يقتل القمل ...جربيه بسرعه

روحي للدكتور يوصف لك شامبو و بخاخ يكافحه

الله يشفيك


اما البف باف فشيلي فكرته من راسك مبيد هذا مو لعبه

اختــــــــي في الله كلام البنات صحيح وانا بذكر لك الصح

1- هو استخدام شامبو القمل متوفر بالصيدليات وفيه تعليمات اتبعيها.. واستخدميه حتى تنتهي مشكلتك .

2- من جهه اخرى الاهتمام بالنظافه الجسم والشعر.. لانه يوجد كذلك قمل الجسم وقمل العانه وقمل الشعر.

3- اذا كنتِ بمكان فيه فتيات مصابات بهذا الشيء فعلاجك ماراح ينفعك لازم تبعدين عنهم قد ماتقدرين مثل انك الكرسي بالفصل مايكون جن بنت مصابه غيري مكانك

4- بعد غسل الشعر جففيه جيداً واستخدمي بعد ماتنتهي مشكله القمل عندك شطف شعرك بكاس موية دافيه مضاف لها ملعقه خل تفاح ويكون شطف نهائي .

5- انك ماتغسليين شعرك وتحطين كريم مباشرة فيكون مويه وكريم هذا اكثر مايتكاثر به القمل.

6- تزييت شعرك موبشكل دائم كثرة الكريمات والزيوت وعدم تنظيفها من الشعر جيداً تكون مخباء لتكاثر القمل والسيبان ( بيض القمل )

7- كما قالت احدى الاخوات فبعض ممن حباهن الله بنعمة الشعر اصبن بالعين بقدرة الله يكون بالشعر كالقمل والحكه والبثور وغيرة فماعليك الا الصبر على هذا البلاء والعمل يااخيتي بما ذكرن الاخوات سالفاً وماانا ايدته هنا


وفقهن الله جميعاً واياك وشفاك الله وعافاك ممااابتلاك

كلمة للاخوات اي موضوع يااخوات احمدن الله وقلن الحمدلله الذي عافانا مما ابتلاهم وفضلن على كثير من خلقه تفضيلا

فهذا ليس منها حتى نتطرق للسخريه او الاستهزاء فكله بيد الله
( ولاتشمت باخيك المسلم لعل الله ان يشفيه ويبتليك ) هذا معنى للحديث وليس بنصه


والسلام عليكم ورحمة الله وبركاته

من فترة بنتي ياااها قمل والسبب انا تختلط باخوات ريلي ولما مرة كنت اشوووف شهرها الا واشووف القمل صرت امشطها بالمشط اللي اسناانه قريبة وهو خااص بالقمل وما كنت استخدم عااها الشامبو لانها صغيرة وخفت يضرها وعدين لانها تنام بحضني انتقلت العدوى حقي واستخدت شامبو باراوالحمدالله افتكينا من القمل وصدقيني انا كنت واايد اهتم بنظافة بنتي وكنت اغسل شعرها كل يوووم مرة لكن بعد اللي شفته صرت اغسله في اليوو مرتين خاااصة اذا قضت النهااار باللعب .

عندددددددددددددددددددددددي لك الحل ام القملان وان اختك ......انتي شكل شعرك من النوع الكثيف عشان كذا يكثر القمل ....وواضح انك ماستخدمتى صبغات الشعرررررررررررر لكن الحل الوحيدددد انك تصبغين شعرررررررررررررررررررك بأي لون تبينه عشان الصبغه فيها مواد كيميائيه تقتله .......والله والله وحده من قرايبي كان فيها القمل كثيررر بس بعد ماصبغت شعرها القمل اختفىىىىىىىىىىىىى نهائياااااا
وبعددددددين على فكرررررررره انا سمعت انه القمل سببها عين حاااااااسده يعني جايتك عين
وانشالله اكون قدرت افيدك

الله يكون بعونك وسوي الي قالوا البنات واستمري عليه

لا الغالية ما انصحج بالبف باف ولا البارا ..
لانها مركبات قوية واذا نسيتيها شوي تتهيج الجلدة ..
انا بقولج شو الحل ..

بنتي انعدت من القمل وهي بعدها ما كملت سنة ..
وراح زوجي للصيدلية وطلب علاج لها على اساس انها طفلة ..
فعطاه الصيدلي لوشن اسمه prioderm .. لونه شفاف وسائل ..
وقريت المنشور اللي وياه مكتوب عليه ان القمل يفضل البيئة النظيفة يعني ماله دخل بالنظافة .. وما ينتقل بالطيران .. ينتقل بتقارب الرؤوس .. وما يعيش الا في شعر الانسان ..

وعادي ينحط طول الليل ما يضر .. أهم شي ما تلمسه بيدها ..
الا بعد ما ينشف عالشعر ..
ولما حطيته لها شوي ولا اشوف القمل طلع برا يتحرك بطريقة جنونية .. حتى قعدت فوق راسها والقط واذبح ..
وخليتها فيه لين الصبح وعقب سبحتها ومشط شعرها بمشط القمل وهو فيه شامبو .. وقام يطيح القمل ميت .. والحمدلله نظف على طول ..
لكني استمريت في تمشيطها بمشط القمل كل ما اسبحها واحط شامبو .. احتياط يعني ..
وفيه منه شامبو لكن الصيدلاني قال اللوشن فعال أكثر ..
العلبة اللي خذتها صغيرة وراسها مثل القطارة ولونها أبيض ومكتوب عليها بالازرق أعتقد .. وسعرها 22 درهم ..
أتمنى أكون أفدتج ..

اختي اهم شي .. اتغسلين ثيابك بروحها مش معا باقي اهلك .. وبعدين فراشك وثيابك يومياً ترشين عليهم البخاخ مال القمل او البفباف ويتمن ساعتين وبعدين تغسلينهم بماي ساخن جداً .. وتبدين بالقمل الي فراسك يومياً تستخدمين البخاخ وتمشطينة .. وبعدها تغسلينة بشامبو القمل .. وبتلاحظين الن القمل راح .. بس لا ترتاحين .. اكيد مخلي صيبان (( او البيض مال القمل)) حاولي تمسلين الصيبان يومين .. وانتبهي انك ما تكونين عاديتي احد علشان القمل يجدد مرة ثانية .. و الله يشفيكي ياختي ..

مرحبا اختي ,,, الله يعينك والله يمكن تكون هذي عين حاسده
اقرى اول شي على نفسك المعوذات وبعدين اقري سوره الفاتحه على نفسك سبع مرات وبعدين اقري على نفسك هذا الدعاء ( أسأل الله العظيم رب العرش العظيم انه يشفين ) وهذا طبعا انشاء الله بيفيدك بأمر الله

واستخدمي الادويه الي نصحوكي فيها البنات
انه صادتني هالمشكله يوم كنت بصف الاول امي كانت تضربني :cry: مع كل قمله ,,, والقهر بعد ما ينظف اروح ارجع اجيب لها قمل تاني تصورو حالتي كل اسبوعين ضرب ,,,,,,, <<<< مسكينه

المهم اختي جربي هذا والله يشفيك انشاء الله
على فكره امي جربت كل شي البف باف وغيرو ,, وكله جاب نتيجه
بس اذا كنتي محسوده عليكي بالرقيه الي كتبتها لك فوق :up:

نسيت اقول الدعاء تقريه بعد 7 مرات ,, اختي

السلام عليكم ورحمة الله وبركاته

انصحك بالمعوذات اختي

ونصائح الاخوات

النزين
يقال انه ممتاز
وعليك بالدعاء والله يفرج همك

السلام عليكم ورحمة الله وبركاته
غاليتي عليج بالعسل
ادهني راسج وهو مبلول بالعسل لفيه ونامي ادري بتنامي بصعوبه ثاني يوم غسله ومشطيه بمشط خاص للقمل وباذن الله بتشوفينهم ميتين وحتى بيضهم طايح
الله يشفيج من القمل
تحياتي

والله اني استغربت يوم شفت العنوان توقعت ان البنيه تتغشمر او العنوان مخالف للموضوع معقوله لحد الحين في ناس يصيدهم قمل انا قلت المشكله لامي واكاهي قاعده يمي جان تقول قولي لها اول شي النظااااافه وبعدين قالت لي شي استغربت عبالي تتغشمر


اقول لها يمه من صجج تقول اي والله اشوفها تسكت اشوي وتضحك عبالي اتقص علي بس بعدين حلفت لي ان من صجها

تدرون شنو قالت لي؟

تقول

















































اول شي حطي في شعرج غاز بس تحملي يدش في عيونج وابتعدي عن الناار والله من صجي امي تقول وثاني شي قصري شعرج اشوي يعني قصيه عشان يسهل عليج تنظيفه وثالث شي استحمي كل يوم وترك بشامبو خاص للقمل

وي اكو امي تقول بعد خل تقط كل حجابتها وماسدتها تغيرها

والسمووووحه بنات

سلااااام

تقول بعد لاتنسين المشط الفلاي الخاص بالقمل وتقولج بعد لاتقعدين يم احد تعادينه والله والله مالي شغل امي تقول هههههههههههههههه

تره امي تتغشمر تقول هذي بعد ام القملان لاتصادقينها قولي لها لادشين على المسنجر مره ثانيه

مسكينه امي مو راضيه تفرق بين المنتدى والمسنجر تعبت وانا افهمها هههههههههههههههههههههههههه



تره اتغشمر مو تزعليييييييين حبيبتي بس ذذبحتني من الضحك امي ههههههههههههههههههه

روحي عند دكتور جلدي وان شا اللة خير