قريبا سوف افتح محل نسائي سااااعدوني بخبراتكم

هلا والله فيج يا اختي و الف الف مبرووك على افتتاح المحل بالتوووفيق ياارب سعدت بالهشي والله

و انا حبيت افيدج ببعض النقاط ..

1- قسمي المحل دام انه كبير قسم للملابس الداخليه و قسم مثلا للاكسسورات و قسم للفساتين و كذا علشان اللي يدش يدور عن شي معين يروح للقسم على طول ...

2- انا يعني انصحج كبدايه لج لا تسعرين الملابس يعني تحطين عليهم لصقة السعر .. بس حظي لج مدونة و اكتبي كل شي بسعره مع الفايدة اللي تبينها لان سبحان الله الكثير يجي بميزانية معينة و عقب يوم يشترون ما بيردونه على اساس انه مسعر و غالي عليهم خلج ذكية .. انتي عطيهم بسعر حلو و اللي حابينه مع الفايده طبعاا .. و قد ما تقدرين خلي الاسعار لا هي رخيصه و لا غاليه متوسطة علشان تكسبين زبااين كثاار .. و كل شي حسب قيمته ..

3- سوي بوسترات حلوة و فيها عبارات حلوة و تشجع على التسووق من محلج ..

4- كل موسم له الوان معينه و تجذب لازم تراعين المواسم يعني الحين صيف الحريم يبون القطن يعني بدي القطنيات من الملابس الداخليه على غيرها و حطي الوان الصيف و الالوان المرغوبه عند البنات .. البيج - الفوشي - الاورنج - البنفسج - الازرق الهادي ..

5- حاولي توفرين جميع المقاسات لتكسبي زباين مختلفين ..

6- حطي لهم باكياس حلوة و مرتبه و فيها الوان جذابه ..


ان شاء الله يكون افتدج يا اختي العزيزة و ربي يوفقج يا الغالية ..... و اذا احتجتي اي شي تامرين امر

بتوفيــــــــق ياآإآإرب

بالتوفيق لك ..,’