موضوعنا السنوي على التوالي معرض الخريف2011 البحرين

تتهنون يا بنات في مشترياتكم


انا بعد رحت المعرض بس ما صورت لان اشياء عادية ومتكررة

اخذت عطر البخور الملكي للعطور من البخور الملكي ب 5 دينار

اخذت عطر اريان من مملكة البخور ومعمول القرين اثنينهم صار ب 9 دينار

ما اذكر من قالت عنه حلو وفعلا جربته هالمعمول راقي عجبني

اخذت اكسسوارات من محل موجود في البحرين بس ما اذكر شسمه بس صاير صوب الجسار بس كل شئ عنده ب 500 فلس

اخذت من حلويات الرونق السوري حلو اللي عنده الربع كيلو ب دينار ونص

واخذت من عند المصري شئ مثل الفول السوداني بس على جبن لذيذ حده

واخذت لبنة ولبنة بالزعتر من غيداء هذا سورييييييين كل سنة اخذ من عندهم عجيبة لبنتهم العلبة بدينارين بالنسبة لي احلى من كنتاكي وبيتزا لان مالحين والوالدة ما تقدر فيها الضغط

واخذت خواتم من السوريين على دينار الواحد اخذت 3

واول مرة اجرب اخذ من الدمشقي الله يستر ههههههههه اخذت عطر سلفر رين وكوكو مدموزيل وجوليت هاز اكن ميد نايت عود

اختي بعد اخذت اغراض وايد بس نسيت هههههههه بس اذكر عطر اجوان من الرميم وانا العام اخذت من عندهم سحيم



مها البحرين تتهنين في الاغراض وعطر مناسبات انا اخذت منه العام وصدق عجيب

ام ليال
تتهنين بمشترياتج
وتم التقيم
زين سويتي خذتي الفير الصراحه استخدامه حلوووووووووووو

بخصوص عطر معاريس
رفيجتي متصله لي تقولي باقي 6 وحدات هههههههه
اخاف استخف واخذ وحده وتعمر عندي

اللي ابيهم حاليا

صندوق للاكسسوارات

عود سوبر ماليزي

فوط سحريه

سويرات وتراجي
ان شاءلله القى شي باسمي كله يحبطوني
العام تراجيهم احلى وارخص من هالسنه

بنات شنو السحلب؟؟اسمعه يقول هلون وحده تقول نحطه بالشاي ليكون ذي اللي يتنفخ ؟؟جنه سم سم؟؟

رفيجتي مدحت دهن عود تولته ب 80 د عند الجسار احد جربه؟؟

وبارجع اخذ من عطر ايف سان لوران باريسيني اختي عجبها واااايد وتبي تعتمده للمدرسه ههه

ويمكن اخذ اخر يوم من الميني جلابيه اللي مومتنازل عن سعرهم الله يهديه قاهرني

وصووووووووووف
تتهنين حبيبه قلبي
معمول القرين
الصراحه حلووو ورااااقي العام خذته وريحته ثابته

الفول السوداني بالجبنه صج صج صج يميييي هاي اللي عجبني وبارجع اخذ منه

وعطر اجوان صج عطر يستاهل التجربه احبه وااااااااااايد

تتهنين انتي واخويتج

وتعودونه السننه اليايه
ان شاءلله يرضى يقيم

فتوش العسل;14349369:
اهلين صبايا..






فوطة من الفوط السحرية سايز لارج ب 3 ونص






فستان بيت ب 3 ونص



F:

عليج بالعافيه الاغراض بس ترى قصوا عليج الفوطه حجم لارج امي خذتها امس ب بدينارين ونص و الفستان خذيت نفسه بالضبببط من لاقاعه العوده ب 3 دينار

تراجي شميت العود الطبيعي مال الجسار؟؟

تراجي
السحلب شراب جدا حلو
تاخدين لكل كوب حليب 2 ملعقه من
السحلب على النار يصير مثل الكسترد السائل
ولما يغلظ تصبينه في كوب وتحلينه بالسكر
ومفيد جدا جدا في حالات الأسهال بعد
جربوه بنات وايد حلو

مشاعر
جربت بس السوبر ماليزي هاي العود الخشب
صج رهيبه ريحته
بس لاتتسرعين قبل مانشوف جم اخر شي بيعطينه

ومهوي
خذت بعد الهندي تولته ب 5 د

وانه خذت من رميم
مادري قص علي لو لا
ب 7 د
بس ريحته عجيبه

همســ شوق ــة;14362420:
عليج بالعافيه الاغراض بس ترى قصوا عليج الفوطه حجم لارج امي خذتها امس ب بدينارين ونص و الفستان خذيت نفسه بالضبببط من لاقاعه العوده ب 3 دينار

:(:(:(

دريت عقب ان قصو علينا لان يوم ثاني خذيناهم اقل.. يلا شنسوي ..

واجد السنه متضاربين باسعار الميني جلابيه

معمول و بخور عماني


معطر ارضيات لاباس طبعا مال الفودري احلى


قطاعه خضره


جلابيات مصريه


كفر


جبنه



جوكلت


وعسل وقمصان نوم ماصورتهم

اخيرا بنات رحت المعرض وتوني راجعة في اشياء وايد بس ما اماداني افتر على كل شئ شريت لي مفرش وميني جلابية وبيجامة سبونج بوب , بنات اللي شروا ميني جلابية بكم احس شريتها غالية ب 20

تراجي ام الزين كله;14362465:
مشاعر
جربت بس السوبر ماليزي هاي العود الخشب
صج رهيبه ريحته
بس لاتتسرعين قبل مانشوف جم اخر شي بيعطينه

ومهوي
خذت بعد الهندي تولته ب 5 د

وانه خذت من رميم
مادري قص علي لو لا
ب 7 د
بس ريحته عجيبه

انا ينيت عليه بس ياني شي قالي لاتشترينه:p

سلام بنات


الصراحه مو لاحقه اقرى الموضوع قاعد يمشي بسرررررررررررررررعه

على كل حال انا رحت المعرض امس والحمدلله فلست ورجعت هههههههه وماتم عندي مصروف لأخر الشهر :( بس شريت اشيه حلوه , موجودين في بيت امي ليه يبتهم بليل او باجر بحط الصور انشالله
والي وصلت لتقاريرهم قيمتهم كلهم والي ماقيمتها ميزانها مناحس وعليكم بالعافيه كلكم


بس بنات بنبهكم عالأسعار لأني انقرصت منهم حطوا بالكم ولاتشترون سيده من اول محل افتروا كل المعرض وبعدين اشتروا من الارخص

فيه واحد سوري حسبي يالله عليه واحنا ماشين امي شافت عنده اسواره حلوه كلها خرز صغار وكوروشيه سألته بكم قال لها 3 قالتله خفض شوي الا يقول لها خلاص يبي دينارين مادري دينارين ونص مب متأكده خذتها ومشت مسكينه يوم رحنا القاعه الصغيره الا متروسيييييييييييييييييييييين عن الصينيين اول ماسألته بكم قاللي 500 فلس تخيلوا الفرق؟؟؟؟؟؟؟؟؟؟؟؟؟؟؟ الحرامي قص علينا حسبي يالله عليه متنا قهر وقلنا مب شاريين الا عقب مانفتر كل المعرض

بعدين تذكرون اللوشن الي قلت لكم عنه؟؟ ماعرف المحل شسمه ولا اللوشن شسمه؟ طلع محل الملكي لهم 6 محلات بالمعرض فيه واحد منهم سألته بكم قالي سيده دينارين بدون لا اقاصص ولا شي بس ماخذيت ومشيت عنه الا شفت محل ثاني صوب الايرانيين وسألته بكم توقعت يقصرلي ويقولي دينار ونص الا يقولي ب 3.5 تخيلوا؟؟؟ قلتله لااااا شدعوه هذي بدينارين يقولي لا هذي سعر المصنع ومانقدر اذا تبين بعطيج ب 3 قمت قتله الملتحي الي بالمحل الثاني قاللي دينارين قام ماصدقني يقولي السعر ثابت انا هني انقهرت قلتله انا ماقاعده اقاصص انا اقولج السعر الي قالولي والله العظيم وبعدين خلاص مابي اشتري منك بروح بشتري منه احسنلي ومشيت الا يناديني ويقولي دامج حلفتي خلاص مابخليج تروحين زعلانه بس ارجوج لاتقولين حق احد عن السعر :-o بنااات تراهم عياريييين حد امهم وابوهم


و الفوطه السحريه امي خذت مقاس لارج ب دينارين ونص وانتوا ماخذينهم ب 4 وثلاث نص



وخذيتلي شنطه قالتلي 13 تميت اقاصصها اخر شي قلت 8 الا سيده تقولي اوكي اوكي فور يو

مرت اخوي بعد شافت شي عند السوريين وقالولها 18 تم يخفض لها تخيلوا اخر شي وصل ليه 7 دينار!!!!!!!!! من زود الققهر هدته ومشت عنه زين سوت فيه هالخايس



بس حبيييت احذر الي ليحين ماراحوا حطوا بالكم عدل

بنات صح وين اللي يبيعون الفوط السحريه؟؟

صاااادني فضوووول
وش سلافة هالفوط السحريه خخخ
والشي الثاني آنه ولا مره خذيت عطوور من الدمشقي
ابي تعطوني رايكم وهل الريحه تكوون ثابته ولو سااعات وتروح الريحه

تتهنون بشترياتكم


وتم التقييم :adore:

رحت المعرض اليوم

واشتريت لي من عند الجسار عطر معاريس بـ 10 دينار

رووووووووووووعه

واخذت لي من الملكي

مناسبات + أمير القلوب + العطر الملكي

عذااااااااااااااااااااااب على قولت مهووووي

واخذت لي 3 قطع حرير من عند التايلندينين

الوحده بـ 500 فلس

واخذت لي شنطة ترولي للسفر وللتسوق

بـ 4 دينار

مريت الحواج

اخذت لزوجي عطرين

عندهم تخفيض حلوو

وعجزت ادور الفوط السحرية وجواتي البنات ما حصلتهم !!

يمكن ليي روحة ثالثه

وسوري ما قدرت اصور لاني حدي تعبانه

و وايد كان زحمة وما تقدرين تحطين ارجولج

ما شاءالله والله يزيدهم بنات ونسوان البحرين كلهم في المعرض

وبث

واذا استاهل التقييم قيموناااا :)

مشااااااااااعر
ياربي ههههههههههه
والله احلى عووود شميته
مو بقصد التشهير فيه بنات
الحمدلله مالي مصلحه من وراه
بس صج صج صج لكل عروس تدور عود راقي لعرسها وعلى مستوى بالريحه
تجرب هالنوعيه
بس ارجع اقول
لاتتسرعون
عني بانطر لي اخر يوم وباروح له عشان اخذه يمكن يعطيني ب 12 شي من هالقبيل ههههه

مانجو
حبيبه قلبي مشكوره ع الرد
فدتيني وايد
لان صج ماكنت عارفه واشوف الناس مطيحه فيه

همسه شوق
تتهنين انتي واهلج وعليج العوض ههههه