موضوعنا السنوي على التوالي معرض الخريف2011 البحرين

BINT EL BAHRAIN;14348330:
اليوم رحت المعرض طلعت من البيت الساعة 2 الظهر ووصلنا في 10 دقايق
عند التذاكر ما كان زحمة بس وحده كانت جدامنه , شرينا أنا وأختي عطورات فرنسية من الدمشقي (في القاعة الأولى ,المحل في وسط القاعة ) خذينا 6 عطورات (صورت لكم 3 عطورات لأن أنا وأختي خذينا نفس الشي : كان يبي يقص علينا يقول 6 ب 13 دينار تذكرت كلام الأخت (تراجي ام الزين كله) فديتها كانت كاتبة 5 ب 10 دينار وقلت له لاء لازم 12 دينار ووافق (بس إذا بالحبة يقول دينارين ونص)
الشنطة (5دينار) والبوك (3دينار) : من نفس المحل خذيتهم المحل في الجناح الصيني (الجناح الصيني صاير في الممر بين القاعتين ) أول ماتدشين الجناح يصير المحل على أيدج اليسار تقريبا أول محل.
الخواتم (بدينار من محل سوريين كله يقولون على دينار على دينار :lol: أعتقد المحل في القاعة 2
ميدالية للموبايل (500 فلس ) وسويرة يد (500فلس ) محل فيه كل شي ب 500 فلس (أعتقد في القاعة 2 ما أتذكر أسم المحل بس في ورقة كاتبين only 500 fils ههههههه بس الي أعرفه المحل في الزاوية
الكحل بدينار من محل يبيعون مكياج ماك ما أتذكر أسم المحل يشتغل فيه واحد سوري

بليز لاتنسون الميزان

مشترياتك حلوه

تراي من زمان ميزانك كارهيني هههههه ما قدرت اقيمج :mad:

مشترياتي كلللللش بسيطه وان شاء الله بروح مره ثانيه حق اشتري لروحي اليوم مثل مايقولون تجيييك الوضع ومره ثانيه هجوووم على المشترى :08:

من الجسار معمول 2 بخمسه دينار عجبتني ريحته وعندهم بعد عود ثاني ريحته عجييييييييبه ب30 دينار مادري شسمه بالضبط




بهارات من عند المغربيين حسيتها احسن بهارات ريحتها قويه وفرش
اخدت كمون وفلفل حار واختي خدت زنجبيل



زعتر من القاعه الاولى قص علي ربع كيلو بدينار ونص
من القاعه الثانيه حسيته احسن وفرش اكثر الربع كيلو بدينار اخدت نص كيلو وجبنه انصميت فيها كلش مالحه غير عن اللي ضقتها



هذا شكل الجبنه كانه اسمها بالمكدوس حاااره سعرها دينارين ويقول شغل بيت



من عند الايرانيين
نعناع + شبنت بدينار للواحد




فوط تنظيف اخدت نوعين واحد درزن بدينار والثاني 24 بدينار يجوون اصغر




فناجيل من عند الاتراك ب9 دينار
اللعام اخدت من عندهم استكانات والفناجيل تكملت الطقم



وبس ولي زياره مره ثانيه

قيمووووووووووني


بنات
اللي تبيع لفوط في اي قاعه وين مكانها بالضبط
البيت السوري اللي يبيع الجبنه وين مكانه كل اللي شفته جبنه ولبنه مال البيت ومالحييييين

الفوط السحرية في القاعة العودة قريب من الحواج

والبيت السوري بعد في القعة العودة صاير تقريبا في الوسط عند هذا اكبر لاري ما ادري شسمه بالضبط اللي يبيعون بستوك وخرابيط خخخخخخخ

هالسنه فيه محلات واايد اجوف مايرضون ينزلون ولا فلس وااحد

انا اللي ماينزلون ماحب اتعامل معاهم مع ان جاكيت سبونج بوب مارضت ولا دينار ومشيت عنها ولا افتكرت بس بالنهايه خذيته لان عاجبني

دارين تتهنين بمشترياتج شجعتيني على المعمول والبهارات بسالج من وين خذتي الفوط ؟


تتتتتتتتتتتتم التقيييييييييييييييييييم

تتهنون بمشترياتكم

اففففففففففف تشجعون عدل على المعرض
ان شاء الله يوم الاثنين برووووووووووح

ام البتوله تتهنين بمشترياتج تم التقييم

يتصفح الموضوع حالياً: 116 (86 من الأعضاء و 30 من الزوار) ‏نــزيف الــورد*, ‏منار الروووح, ‏دلوعة لؤي, ‏catreen, ‏°• أم السآإدة •°, ‏Mrs P!nk!ya, ‏فديت قلبه أنا, ‏toomy.86, ‏اموووووووووونة, ‏كبرياء جرح, ‏Miss S.A, ‏سُكر زيادة, ‏قطرة مطر .., ‏honey baby, ‏همسة وجود, ‏داركنس كوين, ‏نبضة دلع, ‏ملاذ الفرح, ‏ليال القمر, ‏متروكية, ‏نوريه القاسم, ‏(شمعة فرح), ‏برعم النهار, ‏najmat " sama2, ‏شجون إمرأة, ‏انوار البحرين, ‏أجاصة, ‏الأمل..!, ‏fatamy_36, ‏بحرينيه ودلوعه, ‏سحر البراءه, ‏نور قلبي اولادي, ‏ام اميمه, ‏بنت ملوك الاض, ‏همسه قمر, ‏<<um malak, ‏نورسة, ‏عروس البحريين, ‏الـحـور, ‏بدر الملوك, ‏kamra, ‏- فراولة -, ‏جمر الحنين, ‏حيدرية الهوى, ‏عرفتوني, ‏عطــ الزهور ــر, ‏رمشـ «, ‏&#4326; هـ العيـون ـوى &#4326;, ‏ازميرالد, ‏Mona87, ‏ب123, ‏عـروسـه كـيـوت, ‏فتوش العسل, ‏&#381;&#7847;&#325;&#7899;&#7900;&#7901;&#946;, ‏أم فوفو+, ‏حـhazanـزن, ‏7abab, ‏أم ريمة, ‏M0Z00N, ‏زمردو, ‏رنين الوتر, ‏قًلْبـِـ&#1740;&#1747; حببُيــ&#1747;, ‏رحيل المشاعر, ‏بسمةشفاي, ‏ذبلان وردة, ‏حنونة 12, ‏Z&M, ‏تنهدات محامية

FreeSpirit;14348852:
السلام عليكم
أني متابعة من أول صفحة وأشكر صاحبة الموضوع
لكل البنات اللي راحوا المعرض: تتهنون في مشترياتكم:064:
وللبنات اللي ما راحوا : الله يودينا وياكم:083:

بس حبيت أسال أختي "منار الروح" شسم المحل اللي يبيع العسل اليمني اللي عن فقر الدم وفي أي قاعة بالضبط؟ ومشكورة مقدماً

هلا أختي

بالنسبة عن العسل يكون في القاعة رقم 1 القاعة العودة .. محلة مجابلة محل سوري يبيع قمصان نوم ..بتجوفين العسل مكتوب عليه لفقر الدم ..
والعفو حبيبتي مؤخرا ههه ما سويت شي ..
ويالله قيميني رديت عليج بسرعة ههه

عليكم بالعافيه:adore:

فتوش العسل;14349369:
اهلين صبايا..




ميني غريبة الكيلو ب5دينار خذينا نص كيلو

F:

حبوبه من وين تاخذين البستوك هذا واي قاعه دش خاطري

فتوش العسل عليج بالعافيه وتتهنين بمشترياتج
تم التقييم

دراين عليج بالعافيه تتهنين بمشترياتج تم التقييم

كل اللي حطوا تقاريرهم عليكم بألف عافية

عروس البحريين;14349724:
دارين تتهنين بمشترياتج شجعتيني على المعمول والبهارات بسالج من وين خذتي الفوط ؟


تتتتتتتتتتتتم التقيييييييييييييييييييم

الفوط من القاعه العوده من عند الباكستانيين محلهم كانه اول مادشين تمشيت سيده اتشوفينه على اليمين

البهارات القاعه الصغيره تبع المغربيين

بحرينيه ودلوعه;14349837:
دراين عليج بالعافيه تتهنين بمشترياتج تم التقييم

مشكوووره حبيبتي تسلمين

اي صج باسألكم عن الفوطة السحرية ..يعني هل مكتوب انها فوطة سحرية .. اقصد على المحل .. لو شلون اعرفها ..اخاف اخذ فوطة عادية تطلع مو اهية ..

منار الروووح;14349888:
اي صج باسألكم عن الفوطة السحرية ..يعني هل مكتوب انها فوطة سحرية .. اقصد على المحل .. لو شلون اعرفها ..اخاف اخذ فوطة عادية تطلع مو اهية ..

بتشوفين الفلبينيه تجرب على يدها بالماي والفوطه مكتوب عليها الفوطه السحريه جهه العلامه

عروس البحريين;14349925:
بتشوفين الفلبينيه تجرب على يدها بالماي والفوطه مكتوب عليها الفوطه السحريه جهه العلامه

مشكوورة حبيبتي عروس على الرد السريع ..وان شاء الله صج نجوفج احلى عروس ..