.-~·*·~-. التجمع السادس لحوامل شهر فبراير 2011 .-~·*·~-.

هنوف المملكه;14327728:

واااايه عليج فتونوه
ما عليج شر حبيبتي :(
الله يعينج عالالم >>> حاسه فيج انه يزيد علي في الليل :sick:
امس اقول حق امي ليش يعني جذيه .. نتعذب :badly:
خل الالم يجينا مرة وحدة ونفتك ونولد
لازم يعني نتعذب

تقول صلي عالنبي .. ما تبين الاجر :)
صاجة والله .. كله اجر واحنا بس نتحندى :thumbs_down:

روحي ريحي وانشالله يخف عنج العوار

وريلج هذا .. آنه اللي بآرتكب فيه جناية مب انتي !!!

هنوف المملكه;14327788:

هلا بناااااااااااااااات

حملت الصور مرة ثانية>> اذا ما طلعو خبروني وعطوني رايكم
هذي صورة الصينية .. عمايل ايديه وحياة عينيه
طبعا هم 4 صواني ثنتين القش _ مادري شيسمونه .. العفسة اللي وسط الصينية - ثنتين القش ابيض
وثنتين ازرق

بس لانهم حاليا عند البنات اللي بيسوون لي الطلبيات .. احتمال اصورهم لكم لين ولدت على خير :)

وهاذيه صورته يم الستاند

وهذي صورة الستاند مال الكب كيك .. طبعا الستاند في داخل الكارتون :) >>>> حلفي عااااااااااااااد
ومثل ماهو مكتوب ... الستاند يشيل 23 حبة >> لا حوووول ترى يعرفون يقرون ... مو وقت استهبال :)

شرايكم في اغراضي ;)
بالعدال علي ... ترى يمكن ساعات استحي

واذا يعني ما فيها كلافة .. رفعو ميزاني بكبسة زر:)

أم مــــــلاك;14328465:
مساكم الله بالخير
شحوالكم ويش مسوين؟
مممم شكلي نسيت ويش قريت
دكتورة و فتون ما تشوفون شر إن شاء الله
هنوف, حلووووين أغراضش، من وين أقدر احصل في البحرين ورد حق الصواني؟؟؟
ضحكة و أم حواري الله يسهل عليكم يااااا رب، قلوبنا معاكم و لا تنسونا من صالح الدعاء
موجة, موووفقة ياااااا رب

هنوف المملكه;14328551:

متمللة شآسوي ؟؟؟

خل اقول لكم تقريري مال امس

امس كان عندي موعد في العسكري
وخبركم مواعيد العسكري تعل القلب و تطول

رحت من 7:30 وما دخلت عالوزن والطول والخرابيط الا 9:30

وعقبها بساعة دشيت عالدكتورة

مادري ليش دكاترتهم كلهم هنود وباكستانيات ؟؟؟

المهم .. قالت لي كل شي اوكي
وقلت لها صار لي فترة كله الم يجيني ويروح .. قالت لي روحي انسدحي

انسدحت .. خذت طول الدبة وسمعتني النبض
وقالت الراس نازل وكل شي اوكي

طبعا سألتني اذا ابغيها تفحصني من تحت (( اذا الرحم فاتح او لا ))

بصراحة كان خاطري اعرف اذا فاتح والا توه ... بس خفت يعور.. تذكرت ولادتي القبلية

قلت لها ... نو ثااانك يو

قالت عالعموم .. هذا مب الم ولادة .. لان الم الولادة ما تقدرين تقعدين منه :)

عطتني موعد عقب اسبوع ..
وقالت اذا شفتي دم ... او ماي ... او قلت حركة البيبي

دايركت تعالي

وطلبت منها اجازة مرضية حق امس
قالت ما تبين اسوي لج حق اكثر من يوم :)

للاسف قلت لها لاااا

يالله ... الموعد الياي انشالله بآخليها تعطيني بدل اليوم اسبوع :)

هذا تقرير باختصار

عقب رحت كفتيريا مشتنان .. كان خاطري في جبودهم

رديت البيت .. واستغليت فرصة ان ولدي ليلحين في الروضة ما جا

قمت عدلت شوي في البيت .. ونظفت الحمام الله يعزكم والبانكات

وفي الليل بديت المع المطبخ .. بس ما قدرت

حسيت عافيتي كلها متكسررة .. وخليت الباقي لليوم

وشكلي ما بآقدر اكملها ...

الله يعين :)

الفرقد 23;14329003:
الله يسهل عليش ام حواري \\ وتولدين بسرعه تفتكين !!

اني صار لي جم يوم كل احس بخفقان قوي في قلبي \\ يروح ويرد يرجع ما ادري من ويش ,,

عروس08;14329085:
الله يسهل عليكم


انة من امس فالليل الم في ظهري ومستمر للحين
واجوف من شوي الم خفيف في بطني لما مشيت وقف الآلم