زوجي تغير وانا خايفة

السلام عليكم يا عروسات

اذا تذكروني وتذكرون مشاكلي مع زوجي ... والضرب ويحرمني من ولدي ....المهم اللي تتذكر انا جاية اكتب اخر التطورات اللي خوفتني



طبعا بعد اخر مشكلة وضربني واخذت ولدي ورحت بيت ابوي ... رجعنا وحاولنا نتصالح بس انا غيرت اسلوبي بالمرة صرت ما اعطيه ويه بالمرة


واهتم بنفسي وبولدي وكل ما يهددني بشي اقول له انك مجرد تهدد بس ما تقدر تسوي شي


بعد ما تعب معاي صار يعاملني احسن ويحترمني و انا بس اسوي الواجبات اللي علي


المهم شاء الله وحملت مرة ثانية وكنت مستاءة جدا اولا لان ولدي يادوب مكمل سنة وثانيا لان توني اشتغلت وبديت استعيد حياتي وثالثا لان بعدني افكر انفصل عن زوجي


المهم قعدت اسبوع اراقب تصرفاته معاي ومع ولدي واهتمامه فينا ومعاملته وحسيت ان هو مهمشني على الاخر بعد ما جات اخته من السفر ....يعني كانه اخته حلت مكاني صار ياكل بس من ايدها وهكذا المهم


قلت له بالتليفون اريدك في موضوع بس تكون فاضي وتكلمت معاه عن تعاملنا وحياتنا ولوين رايحين في علاقتنا وسبحان الله تهاوشنا بالتلفون وفي الاخر قال لي نحنا ما بنتصالح قلت له اوكي بس ما تبي تعرف شنو الموضوع اللي كنت بكلمك عنه قال شنو قلت له انا حامل



سالني متى صار وكيف عرفتي ووريته المهم قال لي مبروك


بعدها قال لي انا بجي اخذك من الدوام صدفة كنت متاخرة وقلت له بتاخر
قال لي اوكي انا بروح البيت



لما خلصت دوامي ورحت البيت شكيت انه بيتي غير ديزاين البيت كله يعني حرك الفرش والكراسي وكل شي تغير من مكانه صار البيت احسن

ودخلت على طول اجهز الغدا وجا اتكلم معاي كان كانه خطيبي اللي كنت احبه ويحبني وتكلم معاي زين وصحت اثناء ما انا اتكلم معاه فحضني وباسني على راسي

المهم زوجي بعدها صار يتعامل معاي غير مررررررررررة وجاب لي موبايل C3 هدية وعطر ريتشي ريتشي وخاتم ذهب ولبسني اياه وقال لي نفتح صفحة جديدة


وزاد وايد اهتمامه حتى بولده اللي ما كان يصرف عليه قام يشتري له ويهتم فيه اكثر وبعد يلعبه ويعلمه اشياء ( بالضبط مثل علاقة الولد بابوه اللي كان المفروض تكون من زمان )
صار يساعدني في شغل البيت ويعفيني من وايد شغلات

وياخذ الملابس يوديها اللاندري واليوم قرر ان نحنا بننتقل شقة واسعة مثل ما وعدني قبل ما تبدا المشاكل وفعلا طرش لي ارقام مكاتب عقارات عشان اتفق معاهم على الوقت ونروح انا وهو العصر



وغير هذا كله بياخذنا بعد ما اكمل ال3 شهور ماليزيا .... اشترى التذاكر خلاص


والمفاجاة الكبيرة صار يعطيني فلوس راتب خاص فيني وراتب لاغراض البيت



وبوسة قبل النوم وبوسة قبل ما يطلع الشغل



بتقولون وين المشكلة ... المشكلة اخاف بعد ما اولد يرجع اسواء من الاول ... بنات والله مشكلتي موقادرة اثق فيه ... اخاف منه اخاف اخلي ولدي معاه من غير ما اكون انا موجودة


قولو لي شنو الحل ....هو حاسس اني بعدني خايفة منه ويحاول يثبت لي انه تغير بس انا اقول الطبع يغلب على التطبع ... اتمنى من ربي اللي بطني ينزل تعرفون ليش ... اهون على اشوفه بطبعه الحقيقي من التصنع اذا كان يتصنع وارجع واستغفر ربي واقول ان الله انقذني من وايد اشياء ومواقف ويمكن هالبيبي يكون رحمة ومكافاة لي عشان صبرت وفي كل مشكلة كنت الجا لربي
واليوم والمطر ينزل دعيت ربي انه يهديني ويهدي زوجي ويفتح علينا ويزيل عنا المشاكل



على فكرة انا نسيت اقول لكم اني كنت لفترة كل ما اسوي اكل او شي في البيت اقرى على وبعدين اعطيه لزوجي سبحان الله هذاك اليوم ما يتهاوش معاي بالمرة


انصحوني كيف اتصرف


اختكم
الحياة حلم
LIFE IS DREAM