صباااااااااااااااااااااااااااااح الخير..
ياليت تنصحوني شو اعطيه .. لان من اسبوع عطيته زبادي وعصير برتقال شوي مع ماء
وحسس جسمه وويهه وصار جسمه احمر ووجهه وعالجته ..
والحين احس اني اريد ابتدي اعطيه اكل .. ياليت تعلموني كيف ارتب جدول اكله ومواقيتهاااا
ويسلموووووووووووووو;)
حبيبتي ما يصير تعطينه زبادي الحين ولا شي من منتجات الحليب الا في السابع
ابتدي معاه برز مسلوق ومهروس و يفضل تستخدمين المعلب لأن ينضاف له كل احتياجات الطفل الغذائيه
بسكويت مذوب في حليب الأطفال
بعدها دخلي خضروات(بطاطس، بطاطا حلوة، بوبر، كوسا .....الخ) كل مره جربي نوع جديد علشان تتأكدين ان ما يسبب له حساسيه ع الأقل 3 ايام بين كل نوع
و الحين تقدرين تخلطين انواع الخضروات مع بعضها او مع الرز
بعد الخضروات دخلي الفواكه لأن اذا تعود ع طعم الحلو في الفواكه يمكن ما يتقبل الخضرات
(كمثرى، تفاح) مسلوق ومهروس و ممكن مبشور ، موز....الخ بس انتبهي في فواكه ما نعطيها البيبي من البداية مثل المانجو و الفراوله
و تقدرين تخلطين انواع فواكه مع بعض او مع بسكويت و حليب اطفال
القمح مو متأكده من متى نقدر نعطيه الطفل اذا جا الوقت عطيه سيريلاك ، مكرونه مسلوقه و مهروسه وممكن تخلطينها مع خضروات
و في الشهر السابع تقدرين تدخلين منتجات الحليب
فتقدرين تخلطين زبادي مع فواكه ، زبادي مع رز
و تفنني في خلط الأكل
في الثامن تدخلين الدجاج
تخلطين دجاج مسلوق مع رز مثلاً او خضار او كلهم مع بعض
و عوافي على قلب العسول
مسكين بعده صغير على الأكل صبري لما يكمل يدخل الشهر الخامس او خمس ونص لان كثير دكاترة ينصحوا لما يكمل الشهر السادس
بقولك عن تجربتي مع بنتي لما صارت خمس شهور اول شي بسكوت فارليز مع ماي مذوب لمدة اسبوع غده وعشاء بعدين الأسبوع الثاني فواكه مسلوقه مثل كمثرى وتفاح لمده اسبوع غده وعشاء وبعدين لما تتعود معده الياهل على الأكل سويت عيش عادي بدون ملح وخضار بسيطة مفيوحه مثل الكوسه والفندال اللي هو بطاطس حلوة عشان الطفل يستسيغ الطعم وبوبر بس والجزر ممنوع لما يكمل سنه اوكي
والفواكة تواصلين عليها كوجبه خفيفه العصر او المغرب
تقدرين تستبدلين الأرز بالمعكرونه المفيوحة او كويكر القمح
العصير البرتقال لازم مخفف بالماء واذا تحسس منه خلص لاتعطيه
السيريلاك بعد اوكي بس بنتي ماحبته تقدرين تأكلين البيبي بس احسن شي الطبيعي
مسامحة اختي طولت عليج بس حبيت اوضح وبالتوفيق
الاخوات كفوا ووفوا جزاهم الله خير ... وربي يحفظلك الامور
وابتدي معه بكميات قليلة جدا ويوم عن يوم زيدي الكمية شي بسيط حتى تتعود معدته على الاكل وانواعه
*
**ام عبادي القمر**
عروس ماسية
17-01-2011 | 02:02 PM
حبابة
مثل ماقالوا الاخوات مايصير تعطينها منتجات الحليب الحين
ولاتعطينها نوعين مع بعض
لانة توها صغنونة المفروض كل مرة تعطينها نوع علشان تعرفين جسمها يتحسس منها او لا
مسااااااااااااء الحب ...
تسلمولي فديتكم .. ربي مايحرمني من نصايحكم ......
ان شاء الله امشي على النصايح تعرفون بجر هههههههههههههه واحس متوهقه وابا اتعلم ... ومعاكم ان شاء الله مابحس بخووووف ولا بتردد
كل الشكر لكل من خطت ايدها في موضووعي
تحياااااااااااااااتي