سوالف حريم....

هلا حبايبي أشلونكم وحشتوني كلكم

الأخبار هذي الأيام ماتسر كلها ضيقة صدر

الله المستعان ....

و الأمتحانات لوعت كبودنا حتى اليهال ملوا !!!!:(

معاها حساسية أطفال ما تنام الليل ولا ترتاح النهار

ادعو لها ياربي يخفف عليها ويشفيها

غلقت عليكم سوالفكم .. بس والله حبيت أفضض شوي



سلامز F:

أهلين حبايبي الحلوين وحشتوني وايد

رورو أشلونج و بسومة و سكن زوجها حياكي الله

أم سلمان كلنا في الهوا سوا;)

ماعندنا سوالف غير التلفزيون و الأخبار حتى عيونا عورتنا

من كثر هالسوالف اللي تجيب الضغط8o|

هلا بالجوهرة تشوفين ألحين شي أيونس؟؟؟؟

كلشي يقهر !!!!

باسألج رحتي الكويت من قبل;)
لأني باروح أن شاءالله في العطلة و أبغي أسألج :adore:

ياهلا واالله بفهدونه وحشتيني يالحلوة

من زمان ماسالفت لكم سالفة

ألحين الزوج أذا توفت زوجتة على طول أيروح أيدور له

زوجة جديدة حتى سنة مايتم و أحنا ما ننكر أن حلال بس على الأقل

علشان مشاعر عيالة

المهم في السالفة أنا اللي يقهرني أن الزوجة أذا مات زوجها

طبعاً خلاص معناتها تموت بالحيا و أذا فكرت بالزوج علشان تصون نفسها

هي أولاً و أخيراً بشر و تحتاج لشخص أيشاركها المسؤلية و الحياة

حتى الصحابيات كانوا أذا خلصوا عدتهم على طول تتزوج بس أحنا

ماعرف ليش العادات طغت على الشرع

أقول لوحدة أن البنت صغيرة صج عندها أطفال بس بعد تحتاج

للزوج و كلنا نعرف أن لا الأخ و لا الأب يسد محل الزوج بالنسبة للمرأة

تقول لا عيب و تربي عيالها أبرك لها !!!! طب أنسانيتها و مشاعرها !!!!!

ماعرف أحس في شي غلط عندنا 8o|

أشرايكم:mad:

أهلين بالبتول الحلوة شوفي أبروحي مقتهره

ياويلج مني 8o|

أشرايج مب صج قهر;)

الا والله قهر ونص

من جهه تخاف من كلام الناس ومن جهه تخاف تتزوج وماايطلع زوجها كفو يربي عيالها لو عندها عيال

والله صعبه حيل وتقهر بس الاصعب انها تعيش من غير زوج

وتضل تحت رحمه اهلها والناس لان هالاوقات صايرين الاهل اقسى من الناس ومايراعوا مشاعرها

الله المستعان بس من حقها طبعا تتزوج وتستقر بحياتها

صاجة أنتي مش لازم يكونون الأهل ظلام

لا بالعكس في أهل ماشاءالله ماعليهم كلام

بس عموماً المرأة كلها مشاعر و أحاسيس

يعني تبغي الرجال و هذا الشي بالفطرة سبحان الله

ألحين اللي صاير أن لا عيشي و موتي أهم شي كلام الناس

الأنسان أذا بشوف كلام الناس بيتعب على كلشي أيتكلمون

عرست ولا حملت ولا ماتت ولا:lol: