صاحبات ((الوجه الدهني)) ومعاناة حب الشباب

السلام عليكم يابنات عروس

الوجه الدهني له مميزات وله عيوب .. فلاتزعلوا ولا ازعل

المميزات بشرتنا تكون ناعمة وماتعجز بسرعة

لكن ..العيوب 8o| حب الشباب كل يوم يسلم بحبة جديدة في وجهنا او حبتين او ثلاث

تروح حبة تجي حبة تروح حبة وتجي حبة .. ليين متى ؟؟

والمشكلة انو الوجه الدهني يمسك الاوساخ بسرعة ويأثر فيه

طيب كيف نكتشف دي الحبوب ايش سببها عشان نكافحها ؟؟

طبعن اول شي نشووف ايش احنا بناكل من الاكلات الي من المحتمل تطلعلنا حبوب ( السبب الاول شوكليت او مقالي او زيوت او فصفص او مكسرات في اشياء كتير معروف تطلعلنا حبوب ) يعني انتو اكتبو عندكم في الورقة ايش الاشياء الي كل يوم تاكلوها !؟

مثلاً انا عندي الشوكليت كل يوم مااقدر استغني عنه ..


طيب وفي حاجات تانية من المحتمل تكون مسببه ..

اولاً: المخدة الي تنامو عليها ..دي تحطو عليها خط احمر لأنو طلعت هي السبب عندي ..يعني البنت الي تنام وتصحى وتلاقي حبة جديدة تصبح عليها تحطها من الاحتمالات لأن المخدة لمن ننام عليها يمكن تكون فيها مكربوات والوجه الدهني يحب يستقبل دي المكروبات الي تطلعلنا حبوب .


تانياً: الصابون .. لكن واللهي ماعندي خبرة في اختيار الصابونات .. انا استخدم باوندز منااسبني لونو بينك ..وانا حابة استخدم منضف يومي للوجه عشان ما اغسل وجهي بالصابون كل شوية ويكون من جونسون .. لكن ممكن اسأل هل هناك فرق بين الغسول والصابون ولا هي نفسها ؟؟


ثالثاً :الجو الخارجي للي تحب تطلع كتير من البيت لازم تحط واقي للبشرة الدهنية مو اي واقي كمان .

رابعاً : التوتر ..خليكم ريلاكس .



ودي الاسباب الي محتمل تكون مسببة .. والي عليكم تسووه تتركو حاجة وحدة بس مو اتنين
يعني يا تبعدو عن الشوكليت
او تغيرو الصابون وتستمرو على الشوكليت
او تاكلو شوكليت وتسيبو مخدتكم وسخة زي ماهي

يعني تغيرو حاجة وحدة من دي الاسباب .. عشان تشوفو ازا وقف الحبوب مابتطلعلكم حبة جديدة معانتها السبب مثلا من (الشوكليت) لكن لو لازال بيطلع حبوب .. ارجعو للشوكليت عادي وغيرو سبب تاني مثلن (المخدة والبطانية يبالها تغسيل )


زي انا اكتشفت انو المخدة والبطانية هي الي بتطلعلي حبووب كل مااصحى من النوم الاقي حبة كبيرا طلعتلي دحين بطل يطلعلي ..وبالنسبة للشوكليت مااكلو الا وقت الضرورة وازا اكلت اغسل وجهي واشرب 3 كاسات موية ..
وخلاص دحين مابقيلي الا اني اعالج حب الشباب الي فوجهي .. يعني بعد كل شهر بروح صالون تنضيف بشرة ..
اترك البشرة من غير كريمات ولا خلطات هي حتروح من حالها ..بس اغسل وجهي اول بأول مرتين في اليوم بالصابون .. وللآن ماعندي خبرة

ايش احسن للوجه الدهني صابون ولا غسول ؟؟


وانشالله اكون قدرت افيدكم بحاجة

تحياتي F: