عاملتلكم اليوم رز بالحليب من مطبخي تاااااااااااااازة تفضلوا
المقادير كاستين صغار رز مصري
18 ملعقة حليب بودرة
6كاسات ماء ماصورتها
6 ملاعق اكل نشاء مذوبة بنص كاسة ماء
كاسة سكر بس ممكن زيادتها او التنقيص منها على حسب الرغبة
ملعقتين كبار ماء زهر
علبة قشطة لونا
هلق بنجي لطريقة
بنحط الرز بقدرعلى الغاز وبنغمره بالمي حتى ينسلق سلق تام
بندوب الحليب بالماء وبنحطه على الغاز حتى يغلي
بس يغلي الحليب بنضيف السكر والرز بعدين النشا المذوب بالماء والقشطة والماء زهر وبنحرك حتى يتكثف المزيج
ماصورت هي المراحل لانه كله لونه ابيض فمارح يبين شي :D
نترك الرز بالحليب على الغاز بس على نار هادئة حتى يتكثف تمام وتروح نكهة النشا منه
بعدين بنسكب الرز بالحليب بزبادي صغيرة وبنقدمه بارد
ممكن نزينه بجوز الهند والمكسرات والزبيب حسب الرغبة
انا بحبه بطريقة مختلفة وهي اني اسكبه بالبايركس وبعدين دخله الفرن واشعل عليه النار من فوق حتى يترقد ويتحمر من الوجه
بتمنى يعجبكم وما بحلل النقل بدون ذكر المصدر
ولا تنسوني من دعائكم