معناتي مع سديم بنتي الله يحفضها .....بصور

ماشاء الله ..
الله يشافيها وتشوفينها تمشي

ماشاءالله تبارك الله ربنا يحفظها لك ..

وان شاءالله تشوفيها تمشي وتشوفيها عروس وربنا يطمنك الله عليها ..

بسم الله الرحمن الرحيم .. السلام عليكم و رحمة الله و بركاته

يالبّـــي ماشاء الله تبارك الرحمن يارب .. تجنن يا طعامتها تأسر القلب سبحانه

ماشاء الله عليها .. يارب يارب يارب انك تحفظها

اللهم رب الناس ، مذهب البأس، اشف أنت الشافي، لا شافي إلا أنت، شفاء لا يغادر سقماً

يارب تشفيها و تقر عينج فيها يارب ..

و ان شاء الله باجر تجينا تقولين ( بنتي نشيطه تركض تركض تركض شنو الهيها فيه :p ? )

ياااااااااااااااااااارب آمين ..

اهم شي الصبر و جزاج عند اللي خلقج فوق ما يضيع ..

اصبري عليها و غالبيتهم جذي يتأخرون بالمشي و التسنين <
محسوبتج ما سننت الا قريب السنتين :d ..

ادعيلها بالثلث الأخير من الليل .. و تصدقي

بنيه دفع الضر عنج و عن عايلتج و الحلوه بنوتج ..

و ارقيها ارقيها داااااااايما ..

بالله عليج بوسيلي اياها ..

يارب احفظ سديم و اختها ضفاف يارب ..
دُستور ..

ياااااااااااااااااااااااااااااااااااااااااارب
احفظها وحميهااااااااااا
وشااافيهااااااااااااااااااااااااا
ربي يخليها لكم يارب ويشافيها وتكون بحال احسن من هالحال
والله اني دمعت عيووني ماشاءالله تهبل ربي يشافيها

العفو يا اختي ما سوينا شي كلنا خوات و نتشارك هم واحد ..

اللي يصيرلج يصير لنا .. كلنا مرينا باللي مريتي فيها .. و كلنا نعرف ناس

واجهوا مثل اللي انتي واجهتيه ..

يمكن هالبنت تكون شفيع لج يوم القيامــه ؟ .. يا بختج يارب ..

في كلمه قالها الشيخ سليمان الجبيلان لآمي مره في الحرم لما سألته في مسأله ..

قالها ( دائما خلي اعتقادك في نفسك )

لا تظنين ان المستشفى بينجيها .. لو الله مو كاتب لها تعيش

و الله يا اختي لو ربج مو كاتبها لج ..

جان و اهي الحين سمالله عليها بين ايدج خذاها

بس رب العباد كاتب لها الحياة .. كاتب لها تلون عيشتكم و تفرحكم ..

عاشت رغما عن انف الدكتور اللي قال ما بتعيش !! ..

انتي لا تيأسين

و حاولي تنمين حواسها و لو انها ما مشت ( مثل اللمس .. النظر .. الشم الخ )

في كثير من الالعاب لهالسن تساعدهم ..

عندج مركز التعليم المبكر < مدري عنكم في السعوديه و لا لا .. لكن جدا جدا مفيد

في عندهم العاب مفيده ..

شوفي اي اي اي اي محل فيه العاب او اي شي ..

حتى لو بو ريالين < ترا مفيد حيييييييييييــــــــــــل ..

تلقين عنده اشياء حلوه .. و محلات دايسو حلوه .. و رخيصه اذا تبين

يعني مثلا .. الحين .. قصي لها فاكــهه ( تفاح مثلا .. مشمش .. موز .. الخ ) قطع صغيره ..

و عطيها بيدها .. خلها تكتشفها .. لو ما تاكلها .. لو بس تحطها بحلجها

و تردها ..

ملعقه ( و في يجونج على اشكال و الوان في كل السوبرماركتات < جمع سوبر ماركت خخ )

دامها عين تشوف فيها حاولي تخلين طاقه التركيز اللي فقدتها

بالعين اليمنى

تتضاعف بالعين اليسرى شلوون ؟

شفتي الملاعق هذي ؟ .. مثلا مثلا .. سوي اي طعام تحبه بنتج و خلي الملعقه

بيدها .. بتشوف انه في اشياء على الملعقه تحاول تكتشفها

تحاول تشوف شنو الرسومات اللي موجوده

حطي لها على قنوات الاطفال و قولي

الله دادا منو هذا ؟ و لو تعرفين اسمه يفضل

الطفل يحفظ بهالسن .. حفظيها الاسماء

علميها شلون تحاول تنطق لو شي مو مفهوم ..

اخوي الصغير ما كان ينادي باسمي

حاولت معاه لي ما طلع عيني سمالله عليه

و اخيرا نطق و قال أودي < سياره مو دستور مع انه اسمي غلط بس

يالله العوض و لا القطيعه خخخ

.. و هكذا ..

مثلا لو كان ابوها موجود أسالي ( وين بابا ؟ ) او نادي ابوها ..

خلي اختها تلعب وياها .. امسكي اختها

و قولي هذا ضفوفه تبي تلعب معاج ..

في العاب عندنا مثل الطاوله صغنونه

و كراسي صغار .. اقعدي معاهم العبوا ..

سوو جاي الضحى مثلا :p .. بالعاب ..

اهي ما تفهم بس راح تحاول تركز معاكم ..

ضفاف راح تستانس احد يلعب معاها و انتي

تاخذين وقت تتعرفين على بناتج اكثر و تستانسين و تطورين سديم ..

اخذيلها عرايس صغار و خليها في ايدها مثل الدباديب .. الخ

خلها تلعب فيهم ..

حتى بالمشي .. شفتي الدراجه ؟ .. اللي ينحط فيها الطفل ؟ ..

حطيها فيها و اسندي ظهرها .. و خلها لو ما تحركت ..

او ما قدرت تحرك رجولها ع الاقل اطلقتيهم .. و عطيتيها فرصه

تمرجح رجلينها ( لو ما مشت عليها )

ترى هالطريقه

تساعد على تحريك رجل الطفل .. شوي شوي .. و ان شاء الله بتتحرك ..

و بتمشي .. او وانتي قاعده في الصاله مثلا ..

امسكيها و اسنديها ع القنفات ( كنبات ) و اقعدي انتي يمها

و خليها تمسك القنفات و توقف لو ما مشت عادي ..

و بالليل لا نامت حاولي تمسحين رجولها بزيت زيتون و تقرين عليها

( بس مو تصدقين و تكثرين الزيت بهالبرد تجمدين البنوته هههه .. شوي بس ) :o

الزيتون شجره مباركه ..

اكليها ملعقه شكر صغييره .. عسل .. تراه مفيد

يقوي العقل و الذاكره و يعطي الجسم طاقه و حيويه كبيره ! ..

و يزيد الوزن وكريات الدم الحمرا و الهيموجلوبين في الدم و يحسن نمو العظام

والاسنان و يقوي العقل والذاكره

مرت ولد خالي تعطي ولدها بطاطا مفيوحه مهروس مع

شووووويه روب

و هو اصغر من بنتج ( ادري بتقولين ثقيله عليه بس شووي كانت تغير و كانت صحته ماشاء الله ميه ميه الله يحفظه .. )

او ساعات تغير .. قرع ( يقطين ) مفيوح و مهروس

او حليب مذوب فيه ملعقه صغيييييييره عسل

و تكسر داخله خبز رقاق ( اللي يجي كانه كورن فليكس )

و تخليه ذاااااااااااااااااااااااااااااااااايب لدرجه الطفل على طول يبلعه

و تراه كان اصغر من بنتج .. حول 10 شهور ..

العصاري .. اشتري لها هي و ضفاف

بفك .. عصاير .. الخ ..

و افتحيه .. و حطي بفكه وحدة بايدها و تركيها

لو ما كلتها خلها بيدها تلعب فيها تحطها مره بحلجها

تهرسها بيدها ( هالطريقه راح تستعملها عشان تعرف شنو هالشي

و تخلي تركيزها على شنو بايدي ؟ .. ليش ماما عطتني ترى الطفل ذكي )

و كل ماخلصت من وحدة عطيها بفكه ثانيه ( و الله يعينج ع التنظيف ههه )

العصاير نوعي فرش .. او جاهز ..

و عندج انواع كثييييير لذيذه و حلوه .. و انتوا في السعوديه

عندكم انواع لذيييييييذه و خيارات حلوه خاصه الانتاج السعودي منها

لما اروح السوبر ماركت هني .. صح ما القى كل الانواع اللي عندكم

بس احرص الانواع السعوديه عندي

خاصه المراعي عندج نكهات منهم حلوه ..

حاولي لما تشترين العصاير .. اقري الليبل اللي مكتوب عليه عصير

اخذيه لا تاخذين اللي مكتوب شراب .. نكتار .. الخ ..

او انتي سويه بالبيت و حطيه بننه و عطيها بيدها

و يا حبذا لو كانت الننه عليها رسومات و الوان ..

عطيها روب بالفواكه .. دانينو .. حطي بصحن صغيرون

و خليها تكتشفه و الباجي انتي لقميها ..

و ادعي ادعي .. قد ما اقولج ادعي ..

دعاء الام مستجاب

لا تيأسين ..

عليج مهمة كبيره نمي حواسها .. طوريها .. لا تقولين ماقدر او هذي مو

مهمتي .. مهتمج انتي تراها بالدرجه الاولى

خليها لي كبرت تفخر بنفسها و امها ..

يارب يخليلج اياها ..

و اي شي تبينه من مساعده او شي .. انا حاضره ..

لا يردج الا العم كيبورد .. :p

ارفسي باب الرسايل الخاصه عندي و دشي :d

دُستور ..

رب الناس أذهب الباس وأشفي اللهم أنت الشافي

اللهم بحق هذا الساعه وبحق كل من قام ليلك ودعاك ان تشفيها
والمسلمين وتسعد قلب والديها ياقادر على كل شي يااااااااااااارب

الله يجزاكم الجنه وهذي نعمه من رب العالمين ربي يجعلكم والدين صالحين
وتدارونها وتربونها وتكون سبيلكم للجنه ..

وبالنسبه للمشي واصلي على العلاج الطبيعي ولاتتركينه أبد حتى بعد ماتمشي ان شاءالله
لانه مفيد ويحرك الدوره الدمويه وسوي لها مساج يومي عشان يقوى جسمها ويشد واهتمي
بتغذيتها وصحتها وراجعي طبيب تغذيه مختص لان التغذيه لها دور كبير في بناء الخلايا والعظام والنمو

هذي بركه يا أختي وربي يعوضكم خير وماشاءالله عليها عسوله وتدخل القلب
ولاتنسين طمنينا عليها .. واهنيج على صبرج وحرصج عليها ربي يحفظكم ياارب