الطفل و المرأة العاملة

الله يفرجها لش ان شاء الله

لازم نفكر في الجهال مدام احنا بعيدن عنهم ونرجع هلكانين من الشغل

بس شنسوي الحياة صعبة فلازم نضحي

في وضعش اعتقد فشلة بتودينه لخالش وعمتش اكيد بتزعل وفي نفس الوقت وضع عمتش نفس ماقلتي لا يحتمل !!!<< الامر محير

والله يااختي حبيت الموضوع منها فضفضة ومنها نواسي بعض ونعطي حلوول..انه اختي اول بيبي بي ودوامي ماشالله 8 ساعات الحين بس ساعة رضاعة وحدة طبعا قطاع خاص يصيؤ 7 ساعات..

طبعا وضع ام زوجي الله يهديها نفس اجوف بعيني بنت حمااي مسكينة الحفاظة تظل بالساعات عليها لي درجة صادها التهاب شديد دم يطلع منها ..والمرضعة حدث ولا حرج الحليب يتم 5 ساعات تقريبا وقت اللي اكون معاهم ولامرة جفتهم قامو غسلو المرضعة وسوو حليب جديد والبنية مسكينة دايما اطلع لعاب وريري احنه نسميه بالبحريني والله ماينشفونه ولايلبسونها ص\رية ثيابها دايما مبلولة..

عقب اللي جفته وزوجي جافة قررت اني اخليها عند امي بس والدتي مرة عودة ومافيها شدة فشنو سويت اتفقنة ان اييب خدامة تسوي كل شغل البيت عن الوالدة وامي تقضي هالوقت برعاية بنتي ..وطبعا امي غير اذا قلت لها ماحب جدي ولاتعليمنها حدي عكس ام الزوج اللي يتدخلين نفسك في نقاشات عقيمة لان اهي مقتنعة وبتقول ربيت اولادي كلهم جذي وبتحس انج مو حابة تربيتها..

وغير كل ذي دايما اتخيل ان بنتي تصيح وماحد يبدل حفاظتها او حليبها قديم وانه في الشغل احس بموووووووووووت ماقدر اركز في اي شي..

بحاول افكر لج في حلول وفي طريقة اهم شي ماتدخلين في مشاكل مع زوجج واهله

الله يساعدج حبيبتي ويساعد الجميع ان شاء الله

ان شاء الله لما يجي البيبي بالسلامة لو تخلينه عند ايا كان استودعيه الله هو الي راح يحفظه

بقولج عن تجاربي ويى ولدي لما كان اصغر من جذي الحين ما شاء الله كبر صار عمره سنتين

انا اداوم بالجامعة وللحين باقيلي مدة ع التخرج كنت اخليه لما كان عمره شهرين ويى امي

واقولها كللللللللشي تسويه لولدي بالتفصيل

يعني مثلا كل جم ساعة تعطيه المرضعه وجم ملي ومتى تبدل حفاضته

حتى ساعات اكتب لها في ورقة واحطها مع اغراضه :lol:

تقريبا اي شي يخطر على بالي اقوله لها حتى في النظافة و طريقة نومه

مع انها ما تقصر وتحبه وتخاف عليه مثلي واكثر بس بعد قلب الام اكيد يخاف وجذي

ولما امي ما تقدر اخليه ويى عمتي وبعد اقولها كل شي

بس مرة استحيت منها وكنت مستعجلة وحطيت مع اغراضه سيريلاك

قامت حطته في المرضعه نفس طريقة الحليب هههههه

فشووفي انتي حتى لو بتخلينه مع عمتج قولي لها اي شي تبينها تسويه لاتستحين بس اكيد بطريقة حلوة

و ادواته مثل الرضاعه او اغراضه الباقية كلهم عقميهم باستمرار

وترى اصعب شي لما يكون البيبي صغير في الشهور تحاتينه اكثر

بس يالله كلها ايام وبتعدي وان شاء الله يكبر وتودينه الروضة

لا تشغلين تفكريج وايد في هالسالفة مو زين لج وايد لمحاتاه عشان البيبي الي فبطنج

والله هو الحافظ

مشكورين يا بنات الي ردوا على موضوعي و بالفعل كنت محتاجة هالموضوع عشان نفضفض و نواسي بعض و نعطي حلول..
لانه كلش صعب تتركين البيبي و تروحين عنه الدوام و خصوصا في مثل حالتي من 8 الصبح الى 5 العصر.. فلازم اخليه في مكان ارتاح له و ما اقعد احاتيه..
و الحضانة مو حل مناسب لانه الحضانه للساعة 1 او 2 و بعدين من بياخذ البيبي مثلا!!:(

مرحبا
صراحة لما قرات موضوعك اتشجعت ارد عليه
حبيبتي نيغار براي انتي لازم تكوني صريحة مع زوجك يعني بما انه انتي و زوجك بتعرفوا انه الحياة التزمات و مصاريف و المساعد
بهاي الحياة هو شغلك
لازم تعرفوا انه الي في وسط هاي الحياة طفل جديد مو ذنبه ابدا يكون في بيئة غلط (( الي هي طبعا تعامل عمتك لانه الطفل من قلة النظافة راح يمرض و يتعلم تصرفات غلط و غلط لانه الي بتعلمه انسان بحبه بس للاسف اتعود ع استهتار بامور مهمة متل النظافة و طريقة اكل الطفل الصح بالعمر الصح............))
ازا براي انه لازم تفهمي زوجك انه انتي بتحترمي عمتك و بتحبيها بس الفتي نظره انه يلاحظ كيف انه بتتعامل مع الاطفال و قتها راح يعرف الغلط لانه شافه
و راح تفهمي انه مو ضريبة شغلك هو ابنك لانه مضطر يكون عند امه
و من ناحية تانية انتي الي بالموضوع يعني بما انها خالته قريبة منك هدا اريح الك يعني فوق تعبك بالشغل كمان توصلي ل بيت اهله و هدا راح يعطلك و يتعبك ساعة من الموصلات و تعبها و قرفها كمان عشان الزحمه
يعني الي بالمشكلة ابنك و انتي سسسسسسسسسسسسسسو لازم تحكي مع زوجك بطريقة حلوة و تفهمي هاي الامور عشان مصلحتك انتي و ابنك
و موفقة

مشكورة شمس حبي و الله اني قاعدة احس مثل ما قلتي كأنه ضريبة شغلي

و اخر اختراعاتها تقول امس اي ولدكم اذا يه بأكله بصل عشان تقوى مناعته و انا عيونه مبققة:-o

و الله مت من الخوف .. و اقول لزوجي سمعت بأذونك .. الياهل بأكلونه بصل :'(

ادعولي انه الله يهدي زوجي و يغير رايه:'(

انا بالنسبه لي اخلي ولدي عند امي ومرتاحه اروح الدوام وارجع وماحاتي شي

كان ريلي يقولي خليه مع امي في البيت انا ساككنه معاهم بنفس البيت بس رفضت

لاني اول شي بستحي اتصل لها كل شوي كل ولا لا تسبح نام وووو

وغير ان عمتي ماتقدر تمشي ف بيكون عند الخدامه بس جدام عمتي ف ماحب الخدامه تأكل ولدي ولا تسبحه اخاف عليه

مادري احس امي غير

شوفي حبيبتي زوجك ممكن يتغير رأيه اول ما يشوف البابي ويحس فيه وبهذه الطريقه بيكون اقناعه اسهل هو الأن كل الي شايفه انك ماشيه منفوخه في البيت بس لما يشوف ضناه احساس تاني على فكره هذا الكلام قاله لي زوجي بعد ما ولدت بنوتي الله يحفظها
انتي بعد ما تولدي بالسلامه كلميه وبكل هدوء وصارحيه بكل مخاوفك قولي له ان امك صح خبره بس زمان كان الزمن غير والحياة انضف يعني تطبيق افكار زمان صعب الأن
كمان قولي له انها عزيزه عليكي جدا وخايفه تخسريها بسبب طفلك واذا اقتنع اشركيه معاكي في فكره يقولها لأمه عن سبب وجود البابي عند خالته
موفقه باذن الله

مشكورة اخت روبي على رأيك بس و الله انا قاعدة استشير كل من حولي من هالناحية و كلهم شاروا علي انه اخلي البيبي عن شخص بيهتم فيه بحيث اني ما احاتيه و انا بالدوام و خصوصا انه وقت دوامي طويل.. بس اذا قمت احاتيه في الدوام وايد هالشي بيأثر على نفسيتي:-#

و الاخت زوزو انشالله زوجي لما يشوف البيبي و يشوف طريقة اهتمامي فيه يحس و يغير رايه..:rolleyes:

على العموم انا شنو قالت لي ماما .. قالت ما يمنع انج تحطينه عند امه يومين ثلاث و تشوفين الوضع عشان ما تزعلين زوجج و اذا عجبج الوضع خليه بس اذا ما عجبج تكلمي مع زوجج و قولي له و بعد خليه يعرف ان المسافة بعيدة فحرام تضيعين وقتج على المسافة و بعدين تخلين البيبي عند شخص و انتي تحاتين طول اليوم.:thumbs_down: