التجمع الاول لبنات مصر القمرات للتفصيل والأعمال اليدويه لشهر صفر

*Om Mo3az*;14211777:
انا معايا دبلوم قسم ملابس جاهزه يا ايمي
واه بعرف ارسم باترون واخد مقاسات واقص الباترون ع القماش وكل حاجه الحمدلله

ماشاء الله

كل دا ومشوفناش منك قصقوصة قماش يا موكوس يا موكوس :lol:

أنتو فين يا حلوين

أم ياسين العسل;14209999:

مش قولنا دى عايزه يتعملها شغل فى الوسط يدل ماهى بهتانه كدا :mad:

منا نزلت الشغل من بعدها مش فايقة استحمى حتى :(
ان شاء الله هاكمله واوريهولك اول واحدة زي ما كنتي معايا من اول خطوة لاخر خطوة :adore:

على فكرة يا بنات انا اللي شجعتني على الموضوع ده بسبسسسسسسسسس الفضل لله ثم ليها والله وناني فيبس كمان شجعوني قوي
لدرجة اني عملت تلات ترابيع ووقف ههههههههههههههههههههه

OM SIMO;14214076:
تسلمى يا دودى ربنا يخليكى

بنات انا جبتلكو طريقه الشوز للى كان عايزها

جمييييييييييييييييييييييييييييييييييل انا ان شاء الله هاجيب خيط صوف اليومين دول واطبق واوريكم شغلي

طيب بما اننا هنبدأ ان شاء الله بالتطريز هانزل تطريز الساتان دلوقتي اوك؟؟؟

لو مش هتبدأو بتطريز الساتان عادي يا دودي امسحي المشاركة وشوفو هتبدأو ازاي
بس انا مستغلية الفرصة علشان في البيت واقدر ارفع الصور :D
بس لو مسحتي خدي الداتا كوبي عندك وتبقي تنزليها في وقت تاني لما يجي وقتها F:

أدوات التطريز بشرائط الساتان

الادوات المستعملة بتكون قماش وشرائط وأبرة وطارة وقت اللزوم وبس كده
غالبا القماش بيكون نسيجة واسع شوية يعني الفتلاية عريضة علشان الابرة اللي بيستعمل بيها بتكون راسها مدببة

وده شكل النسيج



ممكن كمان الاوراجانزا



بس بشرط ان الاوراجانزا هتتثبت على قماش تاني ونشغل الحتتين على بعض اوك
انا بقول كده بناء عن تجربتي الشخصية يعني

ودي الابرة اللي راسها مدببة



بصو بقى بالنسبة لي انا كان عندي قماش تيل اشتغلت عليه وعلى قماش الملايات
طبعا النسيج بيكون ضيق جدا
فاستعملت ابرة التنجيد اللي سنها حامي علشان اقدر ادخلها في القماش من غير ما يتخرم مني جامد



شرائط ساتان زي دي



وممكن شرائط اوراجانزا زي دي



وفي بقى اشكال كتييييييييييير واحجام العريض والرفيع واللميع وهيييييييصة بصراحة :D
انا باجيب من العصافرة عندي في محل متخصص بس لشرائط الساتان والخرز بتاع الاكسسوارات
بقف بحتااااااااااااار اجيب ايه ولا ايه
وفي منه اللفة بـ 2 جنيه وفي بـ 7 جنيه
حسب بقى ساتان عادي ولا اوراجانزا ولا فيه خيط دهبي
وشكلي بقى ونسقي براحتك

ملاحظة يا بنات
قبل ما تبدأي التدريب في بعض الغرز ممكن انتي تشتغلي بخيط عادي
حتى لو خيط صوف او خيط كتومبرليه
عشان حرام متدهدروش الشرائط الساتان
الا بقى لو في وردات الابرة تدخل جوه الشريط نفسه زي ما هتشوفو ده حاجة تانية
بس انا من زمان قوي يمكن من 7 شهور بدأت الموضوع ده لمدة اسبوع مع نفسي
بقيت باشتغل بخيط صوف قديم عندي على القماش بابرة التنجيد عادي عشان اتعلم

ودي يا بنات الغرز اللي انا بدأت بيها اصلا
وعملت بيها البرواز اللي في الطارة اللي نزلت صورته في كام صفحة اللي فاتو




دي بيتعمل بيها الفرع والورق نفسه
او البتلة اللي جوه الوردة نفسها



دي اشكال ممكن يتعمل بيها ورود
واللي باللون الاخضر ممكن يتعمل بيها الورق الخضرة، وده شكل تاني غير الصورة اللي فوق



دي بقى اشكال كده تانية بتفيد في الرسومات يعني

+

ودي النتيجة



دي غرزة تانية

+

ودي النتيجة



ده اللي قدرت عليه انهرده ان شاء الله اذا قدرت اكلم هاكمل F:;)

رووووعه ماشاء الله يا جميل بنات انا كنت قلت اني هنزل الباترون هنا بس للاسف وقتي ديق جدا بس اعرف منتدي بتاع خياطه بيعلم كل شئ من الالف للياء والبنات هناك متعاونين جدا جدا بيعلموكي كويس وصبورين خالص وكمان في كروشيه الي حابب المنتدي يقولي علخاص ابعتهوله بس بعتزر بجد لاني مشغوله جداااااااااااااا

نور جزاكى الله خيرا يا قمر ممتاز جدا بس ممكن سؤال انتى بتلضمى الشريط فى الأبرة ولا بتشبكيه ولا ايه بالظبط مش فاهمه من الصور حاجه
أيمان ولا يهمك يا قمر لما تفضى ابقى تعالى وانا عارفه المنتدى اللى تقصديه بس احنا عاملين الموضوع ده عشان نتناقش مع بعض فاهمانى المصادر كتير والنت مليان بس احنا هنا مع بعض بنتناقش عموما جزاكى الله خيرا ربنا معاكى

دة شال لاروتى





ودى كوفية ليا








ودى كوفرتة لتوتو








ودة لكوك ليا



ودى بلوز ليا بس مسخرة شوية هههههههه








انا صورتلكو الحاجة اللى حماتى واختى عاملينها

اختى عاملة الكلوك والبلوزة والباقى حماتى

نور
ماشاء الله جميل قوي الدرس


مها
تحفه الحاجات بجد
حماتك واختك شطرين قوي
اتعلمي بقي من هنا واعمللهم انتي

DodyCat;14243230:
نور جزاكى الله خيرا يا قمر ممتاز جدا بس ممكن سؤال انتى بتلضمى الشريط فى الأبرة ولا بتشبكيه ولا ايه بالظبط مش فاهمه من الصور حاجه
أيمان ولا يهمك يا قمر لما تفضى ابقى تعالى وانا عارفه المنتدى اللى تقصديه بس احنا عاملين الموضوع ده عشان نتناقش مع بعض فاهمانى المصادر كتير والنت مليان بس احنا هنا مع بعض بنتناقش عموما جزاكى الله خيرا ربنا معاكى

اه صح يا جميل فكرتيني طريقة لضم الأبرة
بصي هتعملي على الصور زي دي
هتدخلي طرف الشريط في الابرة عادي بعدين تيجي عند الطرف التاني قيسي حوالي عقلة ودخلي الابرة فيها واسحبي هتعمل عقدة في الابرة نفسها



اهو ده هيبقى شكلها



دي شكل العقدة اللي هتكون على الأبرة

وبالنسبة لآخر الشريط باعمل عقدة عادية وكنت باحرق الطرف بالولاعة عشان مينسلش
بس باحرق الطرف مش اللي عند الابرة لالالالا الاخير التاني
وبقيس متر واقص واشتغل بيه لما يخلص اقيس متر تاني
وكان بيتبقى قصاصي بشيلهم عشان اكيد ليهم استعمال تاني ;)

toto & roro;14243359:
دة شال لاروتى





ودى كوفية ليا








ودى كوفرتة لتوتو








ودة لكوك ليا



ودى بلوز ليا بس مسخرة شوية هههههههه








انا صورتلكو الحاجة اللى حماتى واختى عاملينها

اختى عاملة الكلوك والبلوزة والباقى حماتى

تحفه تسلم أيديهم

نور :
الدروس جميله و التطريز بالساتان فعلا راقى و جميل اوى انتى هتطلعيه فى دماغى
دموع اشتياقى :
ممكن تبعتيلى الموقع

توتو :
الحاجات جميله اوى تسلم ايديهم

OM SIMO;14246981:
نور :
الدروس جميله و التطريز بالساتان فعلا راقى و جميل اوى انتى هتطلعيه فى دماغى
دموع اشتياقى :
ممكن تبعتيلى الموقع

توتو :
الحاجات جميله اوى تسلم ايديهم

تسلميلي يا جميل :o

بناااااااااااات حبيت اقولكم
انا جبت خيط صوف وباشتغل اللكلوك اللي ام سيمو حطته
جبت موف سكلاميه كده ورصاصي بس غامق مايل على الاسود
خلصت فردة هههههههههههههههه وخلاص هبطت مش عارفة هابدأ امتى في التانية :D

بيرق أمل;14263018:
تسلميلي يا جميل :o

بناااااااااااات حبيت اقولكم
انا جبت خيط صوف وباشتغل اللكلوك اللي ام سيمو حطته
جبت موف سكلاميه كده ورصاصي بس غامق مايل على الاسود
خلصت فردة هههههههههههههههه وخلاص هبطت مش عارفة هابدأ امتى في التانية :D

:lol::lol:

على فكره يا نور دايما تانى فرده بتبقى ممله و بكسل اعملها اوى
عشان اول فرده ببقى متحمسه و عايزة اشوف شكلها هيبقى ايه
لكن تانى فرده بتكررى نفس الحاجه:D:D:D

نور صورى وورينا شغلك يا قمر وفين باقى الدروس
هصورلكو بورتفيهات انا اللى عملاها

نورونى
http://forums.3roos.com/showthread.php?t=594434

manafola;14290901:

تسلم دماغك علي الموضوع يا دودي تحفههههههه

انا بحب الكروشيه جدا و عملت خداديه ضغيرة لكبرته صيفي عندي

برافو نزلى الصورة
النهارده ان شاء الله هنزلكو الصور

أنتم فين ايه الكسل ده.. اللي بيحب الكروشية و كده فيه جروب جميل جدا ع الفيس بوك اسمه شغل ابرة عليه حاجات جميلة جدا و بينزل كمان فيديو تعليم الكروشية