•°•##|| التجمع الثالث لحوامل شهر مارس (3) 2011 || ##•°•

مالها مثيل;14212328:
آمييين يااارب

بخصوص القائمه ف اخر التجمع الثاني في قائمه بس ماعرف اي صفحه بالضبط لان كل مره نسوي ابديت ونضيف كروشات يداد واظن هاللسته ناقصه

ما ادري هذي القائمة من الرموش حطتها ..
يمكن بعدين اتصير فيها التعديلات ..

Hiiiiiiiiiiiiiiiiiiiiiiiiiiiiiiiiiii

هلا بسمه .. شحبارش ..
سويت لي جاي حليب .. تبغون .. يدفي

بالعافية منار شخبارش؟

الله يعافيش ويخليش خيوو
الحمد لله بخير ..
بس وااايد بردانه ..

ساعات احس احنا نحس بالبرد دبل ما ادري ليش ههههههه يمكن لان 2 في 1
اهم شي لبسي دلاغات
شخبارش وش شعورش واحنه قربنا نولد؟

أول ما ضربت الضربة يوم الاثنين الناس كلها بردانه واني ميت من الحر حتى المروحة مشغلتنها ..
المشكلة اذا لبست دلاغات احر بسرعة .. الحين ملفوفة بمشمر ..هههههههه كأني عجوز ..

والله انتظر الموعد بأجر من الجمر ..
ابغي يجي التاسع بسرعة ويجي موعدي بسرعة بعد
انجان اشوي افتك من التعب والثقل ..
الله يتمم ويسهل علينا بخير يارب ..

الله يسهل علينا ان شاء الله
ها استقريتون على اسم للكتكوت-ة او للحين؟

والله للحين .. زوجي يبغي مريم واني ابغي زهراء ..
وما ادري من الحين للولادة ويش بيصير ..

وانتون استقريتون لو للحين بعد ؟؟

اول ما حملت كنا مستقرين على اسم مريم بس سبحان الله اخر الشهور بدلنا واللحين خلاص استقرينا على اسم زينب
اني اول بناتي زهراء والثانية فاطمة وهالمرة زينب
تدرين لكن اني المفروض من البداية ما يجي في بالي الا اسم زينب لان قبل لا اعرف اني حامل باسبوعين تقريبا حلمانة اني وزوجي متهاوشين على اسم بنية وهو قال ليي في نهاية الحلم خلاص بنسميها زينب هي مكتوب ليها اسم زينب!!!!!!!!!!

احليو اسم زينب .. اختي ان شاء الله اذا ولدت بتسمي بنتها زينب ..
احلى الاسماء اسماء بناتش ..
الله يخليهم اليش ويهديهم ..
والله يتمم عليش ..

هلا وغلا ام عزوز شخبارش وشخبار الكتكوتة؟
تدرين خيو منار بما ان هذا اول حمل اليش خلي السالفة الى حزة الولادة ومرة وحده بتتفقون على الاسم سبحان الله اني في زهور جم اسم اخترت بس كانت صدق جاية باسمهااا
وين مقررين تولدون يا حلوين؟

هلا أم عزوز .. الحمد لله ..
شخبارش انتين ..
البرد واااايد يتعب .. ويتعب النفسية بعد ..
كل خمول ونوم وحالة ..

الله يتمم علينا يارب ..

صح كلامش خيوو ..
اختي بعد .. كان زوجها يبغيها مريم وكانت بتولد في صفر وزوجها مسافر بيرجع يوم ثاني ولادتها اتصلنا فيه اني واختي وقال يبغيها مريم .. قلنا اليه اختي تبغيها زهراء ..
قال عيل على كيفها .. وكتبنا اسمها زهراء .. يوم ثاني رجع واهي بعدها ما رخصوها فكان يبغي يغير الى مريم .. بس أنبه ضميره الظاهر .. بس يوم جت اليه البنت الثانية سماها مريم ..
معجب في الاسم الاخ ..

ان شاء الله .. الله يسهل .. بولد في جدحفص ..

اني ولاداتي اللي قبل ولدت في السلمانية بس هالمرة صايدني شعور اني ابي اولد في جدحفص بس قاهريني حجرهم ما يشجعووون :(

اي بس ويش انسوي ..
تعاملهم احسن من السلمانية ..
خواتي كلهم في جدحفص وصادتهم جم ولادة في السلمانية ..
كلهم يقولون الفرق بين السلمانية وجدحفص فرق واااايد ..
وبما جدحفص اقرب لي من السلمانية .. فبكون في جدحفص ..

والله اني خاطري اولد في التخصصي بس يبي ليه بيزات خخخخخخ يبي ليه معاشات زوجي مال سنة ويا الله يلحق هههههههه
المهم كملتين اغراض الصغنونة لو للحين؟
اني احس هالمرةغير لان كلشي اشتريته بتأني يعني ما استعجلت ولا قدرت ارو ح السعودية بس احس الثياب مرتبين بس باقي اغراضي اني ما كملتهم

صح كلامش .. التخصصي والامريكي وغيرهم يبغي اليهم معاش جم شهر ..
مسكين زوجي .. ارضى بالقليل .. اراعي ظروفة ولا اركض وراء المظاهر ..
اغراض الصغنونة كملتهم .. اشتريت اشياء مو بس للولادة حتى اذا بعد الاربعين ..
خواتي يقولون الياهل يكبر بسرعة ..
وفي اشياء واااايد عطوني اياهم خواتي جدد مو مستخدمين مال اولادهم ..

اني ما كملت للحين .. شريت لي 4 بدلات بس .. يبغي لي جم بدلة وجلابيات مفتوحه ..
بنتظر المعرض وبشوف ..
ويبغي لي اشتري لي مشمر للرضاعة ..

اني جلابية رضاعة ما خذيت وللمستشفى كنت البس شيلة بس م ا كانت عملية واجد هالمرة متحيرة ابي شي عملي ومريح اني خذيت ليي كم بيجامة من مشوار بس احس حلاته تلبسين جلابية في المستشفى احسها احلى وارتب انتين وش رايش؟