تدهور حالتي

اغلى الحروف;14193994:
الحمدلله على كل حال
اختي الفاضله
اذا استطعت الذهاب للعمره
افضل علاج لحالتك
والله يشفيك ويؤجرك خيرا
ويبدل حزنك فرحا وسرورا
ويبدل مرضك صحة وعافيه
والله يخليك لعيالك.

قريت مشاكلك عورت قلبي الله يكون بعونش مالش الا الدعاء والتمسك بالله

لا حول ولا قوة الا بالله ..!!

حبيبتي .. صحيح مصيبتك كبيرة .. وصعب نسيانها ..

لكن الحياة مرة وحدة ..!!

ولا تنسين قوله تعالى : " ولا تلقوا بأيديكم إلى التهلكة " ..!! لا تهلكين نفسك علشان واحد خانك وما يهتم فيك الحين رغم تعب نفسيتك ..!!

من اليوم .. انفضي عنك الهم والحزن .. استغفري كثير .. اكثري من ذكر الله .. والدعاء ..

وقفي قدام المراية وشوفي شكلك كيف صار .. هل زوجك يستاهل انك تهلكين عمرك ونفسك وتيتمين أولادك علشانه ؟.!

خلاص .. اتخذي قرار من اليوم .. وخلك قوية شخصية .. كلام الناس لا يهمك .. خليه يدخل من أذن ويطلع من الأذن الثانية ..

حبيبتي .. الأعمار بيد الله .. والسكر الحين يجي الكبير والصغير ..!! بس الحمدلله ما توقفت حياتهم .. بالعكس .. حريصين وعايشين أحلى عيشة ..!!

سوي حمية غذائية .. احرصي على أدويتك .. مارسي رياضة تحبينها .. ولو حصل في نادي يكون أحلى علشان تغيرين جو وتتغير نفسيتك ..

غيري من شكلك .. ولبسك .. اطلعي مع اولادك مشيهم وعشيهم برى واشتري لهم ودلعيهم .. ودلعي نفسك معاهم . .

زوري أهلياتك .. وصديقاتك .. سولفي .. فضفضي .. علشان تحسين براحة وسعادة ..

اهتمي بأولادك .. لأنك اذا اهتميتي فيهم بتحسين بسعادة وترتاح نفسيتك ..

اهتمي بصحتك علشان أولادك فقط ..

واذا على قولة الناس ان شوفك يضعف والكلى تتلف .. كان رديتي عليهم وقلتي جيبوا دليل على كلامكم هذا ؟.!

والله فيه ناس عندهم السكر وماشاءالله صحتهم أحسن من اللي ما عندهم سكر ...!!!

ولا تنسين حبيبتي .. ترى النفسية السيئة تزيد السكر .. يعني قبل الحمية الغذائية والأدوية حاولي قد ما تقدرين تحسنين نفسيتك شوي علشان تستفيدين من الحمية والادوية ..

الله يسهل أمورك .. ويعوضك خير .. ويصبرك .. ويخليك لأولادك .. ويخليهم لك ..

:'(

من رأي أم علي .. ما شااء الله عليها كلامها عين العقل

الله يعينج ويشفيج

تسلمون ام علي حاولت اهتم في نفسي اروح صالون اتمكيج اتعدل بس حاسه بشئ اخاف فعلا تضحكون علي لكن طالما فتحت الموضوع لازم اتكلم بصراحه
بعض الأحيان احس بملل غريب احس ان حياتي انتهت خلاص واني عجوز ابصراحه في شعور غريب عندي اني اكره نفسي ليش مادري كارهه نفسي والدنيا
هل انا مريضه او محتاجه دكتور نفسي حاسه اني فاقده شئ ضايعه فعلا 00000بعض الأحيان اشعر ان في حد معاي في الغرفه واسمع صوت رجل فعلا مره حاولت ائذي نفسي
هل انا مريضه 0000000
انا فعلا صبرت وكتمت بس تدهورت حالتي
في ناس ايقولون اني ممسوسه عندي مضره من الزعل انا فعلا محتاره

علاجك يا اختي القران

الله يشفيك ويشفيني معك ...

حبيبتي اتعوذي من ابليس هذة كلها وساوس الشيطان
انشاء الله مافيك الا العافية
ومثل ماقالوا البنات اتبعي حمية غذايئة للعلاج السكر
وارجعي واهتمي بنفسك واهم شي اتمسي بحل الله
وانشاء الله بتفرج عنك قريييييييب

اهم شىء نظمي السكر وروحي لدكتور يعطيك حمية السكر وما عليج شر غيري من اللوك واهتمي بنفسك وضحكي و طالعي زوري اهلج و شمي هواء خرجي لحديقة او مجمع تجاري وعيشي حياتج وحبي نفسك واولادك :adore:

يالغلا ربي يشفيج ويحفظج من كل شر ويخليج حق عيالج واللي يحبونج اذاتبين ترتاحين روحي لطبيب نفسي لان النفسية اهم شي وهو علاج لكل مرض عضوي اختي اهم شي انج لاتنسين صلاتج والتزمي فيها واقراي القران لان راحة وطمانينه للانسان ولا تحبسين نفسج حاولي تطلعين وانا ويا الاخت ام علي في كل كلمة قالتها واهتمي بنفسج يالغلا وماعليج من وساويس الشيطان..........ز

حبيبتي اذكري ربك دايما وخلاص لاتفكري بالماضي فكري بالحاضر وانا عارفه الاحساس اللي تحسي فيه بس نحنا بشر لازم ننسى ونتناسى عشان نقدر نعيش وعندنا نعمة النسيان عشان مانتذكر شي ما يعجبنا......انا قرأت مواضيعك كلها وقرأت مشاكلك مع زوجك وعرفت ان زوجك خانك وانه ينفر منك ومشكلتكم مع الخدم ومشكلتك مع زوجك اللعاب وياعيني عليكي صابره وساكته بس نصيحه خديها من اختك الصغيره اعتبريني اختك او بنت اختك ابعدي عنه ابعدي عن الشر وغنيله ليش كدا يعاملك ويشتمك قدام عيالك وانتي ياقلبي ساكته واهملتي نفسك لين وزنك زاد وكل هذا من الهموم ووجهك عجز ماالومك بس انتي ليش تتعبي نفسك زوجك مايستاهل وخوان ويخونك مع خدم مع اقذر شي ابعدي عنه وانسي همومك وعيشي حياتك عيشي الباقي منها كفايه انه جابلك المرض وخلاكي تعيسه 20 سنه