رؤيا بارك الله فيك ..

السلام عليكم ورحمة الله وبركاته

اختي الغاليه

عندي حلمين:

الأول شفت اني كنت في السياره مع السايق جالسه في الخلف و فجأة انتبهت إن السايق يناظرني من المرايه اللي قدام و فجأة غير الطريق لمكان ثاني و كان ناوي على شي مب زين وأنا مت من الخوف والرعب وانتهت الرؤيا (للعلم هذا السايق جايبيته مؤقت لفتره بحكم ان سايقنا مسافر)

الثاني شفت اني كنت في السياره جالسه في الخلف. كأني كنت أريد انزل من السياره ولكن ما نزلت من الباب اللي بجنبي و لكن رحت قدام من الفتحتين اللي بين الكرسين و خطفت من قدام السايق هو كان قاعد على كرسيه و كان يبعد جسمه لورى عشان يكون لي مساحه أقدر أمر و انزل و نزلت من الباب اللي بجنبه. (للعلم السايق هذا سايقنا مب المؤقت وهو حاليا مسافر) وبعدين شفت عمري في الحمام عزك الله بجنب المرحاض و الدم يسيل مني بغزاره مثل دم الدوره و لكنه كثيف حيل و أرضيه الحمام كلها دم و كان لونه احمر غامق و أسود وانتهت الرؤيا.

ياليت اتفسرين لي رؤياي و جزاك الله خير ..

أختي الكريمه
الحلم الأول والثاني حديث نفس وتنبيه بأن تحرصي على نفسك من السايقين
والله يحفظك من فتن الدنيا ما ظهر منها وما بطن