شخباركم صبايا عساكم طيبين
سوري ماصورت المقادير بسبه أنه كل الشغل على راسي
المكوناتـ:
رز بسمتي حسب الكميه إلي تحبيها وآنه حطيت جيلتين
طماطم ثنتين كبار
فلفل أخضر بارد واحد
بصله بيضه وبصله حمره
بقدونس وشبنت ونعناع كلهم صره
فلفل أخضر حار
آلو بطاطا
كيوب ماجي
ملح قفشه كبيره لأكل
فلفل أسود مطحون على حسب ذوقج
بزار بحريني على حسب ذوقج
سنوت وجلجلان على حسب ذوقج
ليمونـ
خل أبيض
سمجهـ هامور
الطريقه :
تبهرين السمج زين مازين عشان تروح زفرته وتحطين عليه ليمونه معصوره وقفشتين خل
وتخلينه نص ساعه وقطعي بهلفتره طماطم مربعات صغار وفلفل أخضر طوال طوال والبصل شرايح والبقدونس وشبنت ونعناع تفرمينهم فرم ناعم كلشـ
بعدها تقلين البصل وتحطين معاه فلفل أخضر حار حسب ذوقج لي مايذبل وبعدها حطي الآلو البطاطا وتشوحينهم على نار هاديه وبعدها ضيفي الطماطم والفلفل البارد ولين يذبلون آخر شي ضيفي البقدونس وشبنت ونعناع وقلبيهم وخليهم على نار هادي وقلي السمج إلي بهرتي لي مايستوي
وبعدين ضيفي الرز على الخضار وخلطيهم وضيفي ماي لي ماجفتي وصل لي نص الجدر ووقفي وخليه يستوي على نار حاميه
ولين أستوى حطي فوقه السمج المقلي ويميــ يميــ
مجهود شخصي ماحلل أي وحده تنقله إله بذكر المصدر