مرحبا عرايس....
عندي بنتين الكبيرة عمرها سنتين و4 اشهررر
والصغيرة عمرها سنة و5 اشهررررر
بنتي الكبيرة وايد تضرب اختها وتعطيها ضرب عدل على الوجه على الظهر وساعات تدفعها علشان تطيح وتتعور...
الغيرة عندهاااااااا وايد زايدة في كل شي حتى اذا البسهم ثياب متشابة والكبيرة تلعوز ثيابها واغيرهم تروح الكبيرة لاختها الصغيرة وتسحب ثيابها تبي تشيلهم من على اختهااااااااا ..غيورة بدرجة...
وبعدين بنتي متعبة وتبط الكبد اذا اطلع مع بناتي مكان تروح الكبيرة وتشرد وتخلينا ندور عليها واذا حطيناها في عربة التسوق تقعد تصيح وتبي تقوم وتتحرك...
وبعد اذا اوديها مكان لازم تضرب الجهال وتاخذ اغراضهم يعني تصرفاتهااااااا كلش غلط وانا حاولت معاها بالطيب وبالقوة وما في فايدة حتى انا تضربني
ساعات اشوف اطفال في مثل عمر بنتي بس ما يسون جدي ابدا...ما شاْء الله عليهم
بنت خالي عندها ولدين ويابتهم على بعض بس تعالي شوفيهم ,الكبير يوم يابت امه عليه اخوة الصغير كان عمر الكبير بس سنه و 11 شهر لكن ما يغار ولا شي
والحين ولدها الكبير في الروضة وماشاء الله عليه معتمد على نفسة ولا يغار من اخوة بالعكس الام تطبخ لهم عشاء والابن الكبير هو الي يتحمل بأخوه.....
8o|
تعبت نفسيتي من بنتي اي مكان اروح معاها لازم تسوي شي... اخر مرة نفرت الحجر الي يحطونه مع الزرع وكل من يدخل يتضحك عليها وعليي ...
والله فشله معاها الطلعة ......
اتمنى تساعدوني خواتي :L:
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله ماعندي فكرة بس حبيت ارد عليج يمكن الكبيرة شايفة اهتمامك في اختها الصغيرة اكثر فقاعدة تحاول تلفت انتباه بتصرفاتها
بس انتي حاولي تحسسينها انك تحبينها اكثر من اختها الصغيرة وانك مهتمة فيها
وفي شغله ثانيه في كتاب اسمه سوبر ناني كتاب للمسلسل اللي كانوا يحطونه في ام بي سي 4 اشتريه في نصايح حلوة
يمكن تستفيدي منه والله يهدي بنتج يااااارب
م
ملكه المآس السمر
عروس مشرقة
10-01-2011 | 05:04 PM
يمكن لمن جات اختها الصغيره كنتي ماتهتمي فيهاحتى لمن تجي
تساعدك في لبسها اوترويشها كنتي ماتخليها اوشي..
فهيا اخدت في خاطرهاوقررت انها تنتقم من اختها الصغيره...
فانا اشوف انك تقللي من اهتمامك بالصغيره وتهتمي فيها اكتريعني
قوليلها اذا جلستي اليوم هادئه ومااذيتيها راح اخدك
للسوووق..وممكن كمان نروح الملاهي.
اطبخي لها الاكله اللي تحبها.... لمن تجي تنام احضنيهاوقوليلها قصه حلوووة
لمن تجي تحممي اختها الصغيراوتلبسيها او تاكليها خليها تشاركك
عشان تخف الغيره شوويه.. ولازم لازم ابوها يساعدك في هادا
الشي..لانو يحتاج لوقت شوويه... اشغليها معاكي في شغل البيت
يعني اشياء بسيطه او اعمال فنيه تناسب سنها
واليوم اللي تاذي اختها عاقبيها عقاب في سنهامثلا احرميها من
اللعبه اللي تعشقها.. لاتطبخي لها الاكل اللي تحبها.
واذا صرخت او بكيت اثناء العقاب لاتعطيهاووووجه ابدا
ابدا...ولاتضربيها لانها حتنزيدوتعاند..
بعدها صغيرة عادي لو شفتين فيها هالتصرفات
بس بعد لازم تحاسبينه
واذا مع ناس حاسبيها وفهميها بهدوء وبدون ضرب علشان ما تحرجينها
الله يهديها
ولازم تعرفين ان في فروق فردية ما تقدرين تقارنين بين الاخوان فكيف بناس غير
لا بالعكس انا بنتي الكبيرة وايد قريبة منهااااااا ما خليت شي ما شريت اليها وما خليت لعبة ما شريتها لها واخدها معاي اكثر من اختها الصغيرة والى الحين اخذها على حضني وتنام بعد شنو اسوي ؟؟؟؟
:worn_out: الحال من بعضه ما اقول الا ربي يعينا ويهديهم ويصلحهم
انا متفشلة من النااااااس كله يناظرون بنظرات استفزاااااااااااز او يعيبون او يتطنزون ويضحكون من جذي انا تعبانه.... وابغي حل ومساعدة لاني اشوف اطفال وايد ما يسوون مثل بنتي تصرفاتهم كأنه تصرفاااااااااااات بالغين مو اطفال..والله تعبت
وينكم يا خبيرااااااااات
الي قرأو موضوعــــــــــــــي اكثر من الي ردوا عليي....وينكم يا اهل الخبره؟؟؟؟
لو سمحتون بغيت تساعدوني في اشياء اسويها لبنتي علشان تتعلم منها يعني تصرف بشكل صحيح وما تضرب وادا طلعت معاها ما تشرد ....ولا تغاااااااااااار من اختهااااااا...فشنو اقدر اسوي لهااااااااااااااااا؟؟؟؟؟
.
.. أمــ عــلــيــ ..
عروس ماسية
12-01-2011 | 03:43 PM
والله ما عندي فكرة .. ودي اساعدك بس وضع بنتك يبي لها اهل الاختصاص .. لأن عمرها صغير وصعب تتعاملين معاها ..!!!
حاولي تشوفي لك استشاري اسري .. او تشترين كتب تتكلم عن التربية .. وان شاءالله تلاقين حل مناسب ..
الله يهديها ويسخرها لكم .. ويصلحها ..
م
ملكه المآس السمر
عروس مشرقة
12-01-2011 | 03:47 PM
ياحلوة اشغليها بالاشياء اللي تحبها..ولمن تضرب اختها او تعمل حراتن استفزازيه
عاقبيها عقاب في سنها.. احرميها من شي تحبو او من اكله معينه تعشقها
واذا بكيت وصرخت وعملت اكششششن طنشيهااااااااااااااااااا.
ولمن تستفزك عند الناس بحركاتها..قوليلها لالالالا بنتي اليوم مررره ماهي حلوووة
وتصرفاتها زعلتني.. وطنشيهاااا ولمن تجي تكلم عند الناااااسوا تزعل برضو طنشيهااا
قوليلها ماما زعلانه مننننننننننننك....
واذا رايحة السووووق وانتي عارفه بتعمل حركات استفزازيه... قوليلها انا ماراح اخدك
معايا عشان صاحب السوووق زعلان منك ويقول هادي البنت حركات ماهي حلاوة.
حتى لو كنتي داخل المحل وهيا معاكي واستفزتك,, قولي لصاحب المحل مو صح
البنت ماهي الحلووة عشان حركاتها ولا عشان تضرب اختها.... طبعا صاحب المحل
حيأيد كلامك قوليلها شووفتي كييييف يالله عالبيتت ماراح نشتري شي .
والعكسسس صحييييييييييييح... عكس العقاب ثواااااب اذا شوفتيها هدات بعد العقاب
شجعيها بالكلمات الحلووووة
أ
أم القمر والعسل
عروس ماسية
16-01-2011 | 05:43 AM
تصرفاتها طبيعيه جداً ومعروف لازم يكون في غيرة بين الأخوان
وخصوصا لما يكونون ورى بعض
لكن اهم شيء لاتضربيها حاولي معاها بالتفاهم
قولي لها هذي أختش صغيرة ولو ضربتيها بتتعور ومابتقدر تلعب معاش وحاولي تلعبي معاهم 2 بلعبة مشتركة مثل تركيب المكعبات أو التلوين وأي شيء
وقربيه من بعض قد ماتقدري عشان تعرف ان أختها صارت فرد من العائلة
عن نفسي حاولت في بنتي قد مااقدر ولاتقبلت أخوها إلا توها من شهر لو شهرين لما تعودت على الروضة وصار في شيء يشغلها
الله يكون بعونش
الموضوع مو هين مالش إلا الصبر والتفاهم وياها بالكلام ومتى ماتقبلت أختها بتهون عن الضرب من نفسها
أ
أم القمر والعسل
عروس ماسية
16-01-2011 | 05:51 AM
وبالنسبة لهروبها عنش
بنتي كانت كذا ومجننتني مهما حكيت قصص ومهما خوفتها ومهما حذرتها
وماجاب نتيجه إياها إلا حل واحد
تركتها مره تهرب وراحت تركض وأنا وأبوها نراقبها من بعيد ومارحنا ليها وأخيرا التفتت وراها وكالعاده متوقعتنه بنكون وراها ولما ماشافتنا خافت ووقفت في زاوية تصيح وأحنا نراقبها من بعد بس المجمع زحمه وهي قصيرة فماتشوفنا وخلينا دقيقتين لو 3 وبعدين رحنا لها وفهمناها الوضع لما تهربي بتضيعي ويمكن مانشوفش من الزحمة وممكن أحد حرامي ياخذش أو ياخذوش ناس يخلوش في بيتهم وماترجعي بيتنا أبدا ولاتشوفي ماما وبابا ولا أخوش
يعني عيشناها الدور وخليناها تحس بخطورة الموقف
والله يساعدش عليها ويعينش
~
~¤ô_ô¤~ ام تومة ~¤ô_ô¤~
عروس مبدعة
16-01-2011 | 06:30 AM
اختي اغلب الكاتبتة بنتي تسوي واكثر بعد وتعض اخوهة والفرق بينهم بسيط والمشكلة حتة لو اعاقبهة ترجع تعض اني نصيحتي الج مثل كلام ام جود لما تشرد منج لاتركضين وراهة لان هية تعرف انج راح تلحكينهة خليهة يمكن انهة تخاف والغيرة هاي شي طبيعي اذا في حضانة اسجليهة يكون افضل لان اني سجلت بني وبالنسبة للناس اني كنت نفسج استحي بس شفت هنا الشعب متفهم الهل شي والحمد لله محد يشوف وبالعكس يجون يكلمون بنتي ويهدونة وذا شفتي الناس عادي لان هاذي طفلة لا تستحين ولاشي
ر
رهف طيف
عروس ركن السفر والسياحة ، عروس عروس
16-01-2011 | 07:30 AM
شوفي حبيبتي انا مثلك واخس بقولك قصتي
ولدي الكبير عمره سنه و11 شهر وشويا واخته عمرها 11 شهر وشويا بينهم سنه ويومين تماما ماشاءالله
الى الان ماتعلمت الوقوف اذا شافها واقفه على الكنبه شد شعرها ودفها ويغااار موت منها
واذا شافها تلعب اخذ اللعبه منها كل شي ياخذه حتى لو معاه مثله
تدري ايش سويت قمت امسك يدها وخليته يمسك يدها من الجهه الثانيه واقوله يالا نسويلها تاتي >>> يعني نمشيها
وتعود انه يمسكها معايه
ومن ناحية خليته لمن اسويلها رضعه اخليه يمسك الرضاعه يعني انه يرضعها ويفرح ويتلفت حواليه عشان نصفقله
واقوله احضنها بوسها وقت الاكل اعطيه بسكوته او كيكه واعطي دادا ويجري فرحان
وانا اشجعه اصفقله بقوه واحضنه وابوسه كثير
وفي السوق او طلعه اذا مل من العربيه اخليه يدفها او اشيله العاب يتسلى فيها
ومع ذلك مازلت اعاني بس الحمدلله وين كنا وايش صرنا:)