***التجمع الثالث لحوامل شهر يوليو 07 /2011***

نجمة حبيبتي وكلي امرج لرب العالمين وهو بيسر امرج ...


اما عن الاسماء فعااادي عندي اللي يبيه ريلي
خل يختاااااااار

هـمـس الـورد@;14428559:
الله يكون في عونج تستمر .. ها لانج من مدة طويله ما حملتي ..
وانا صار معي في حمل الاول كنت احس بطني من كثر ما ينشد وظهري راح يتقطع علي ..
الص صراحه متعب ..
بس ابشري فيج ولد ..

نجمة الماس;14421919:
تستمر الحياة: اني لين انتظر اقعد اقرا قران يعني لين شفتين وحدة تقرا في قران صغير هي اني ولين نادوا على اسم ارفع راسي خخخخخخ

ToOoma ToOomy;14435667:

صباح ىالخير كروشات

انه بخير بس اهلي سافرو وانشغلت معاهم... وعذروني ماقدر ارد وصاير مالي مزاج حق شي سامحوني

وبطني صاير مشدود ماقدر اتحرك يا ويلتي

نجمة الماس;14438160:

ميلادا: اي والله المراكز وجع راس والله يعين واحيانا انتين وحظش وشكلش ما استفدتي شي من هالموعد نفسي بموعدي اليوم

ميلادا ونجمه أني بعد ما أفادتني الدكتوره بشي بالمره وقررت أني ما بروح ليهم الموعد الجااااااااي خلهم يولّووووووووووون....قعدتي من 6 الصبح وأولادي بروحهم في البيت قفلت عليهم وطلعت وما رجعت ءالا الساعه12 الظهر...لا وعاطتني موعد عقب بسبوعين...ما بتشوف ءالا ظلي عقب بأسبوعين...:):):)...

بالنسبة للاسماء زينب وحسين

عاشت الأسامي ...:):):)...ويتربون في عزكم يا رب...

نجمة الماس;14438265:
اليوم كان موعدي في المستشفى (الفاتح) وكانت اول زيارة لي عندهم
في الانتظار كلش ما تعطلت اخذوا الوزن والضغط ودخلت على الدكتورة وكانت طيبوة بس ما فادتني بشي
فحصت رجولي وبطني (واجد قامت تعصر وتظغط)
وعطتني موعد للاتراساوند باجر حق يفحصون عنق الرحم واذا قصير بيسوون لي ربط(ادعوا ليي اني ما احتاج)
وقالت ليي خلاص روحي الا اقول ليها ما سمعتيني نبضات القلب
ردها كان: الجنين صغير الحين وما بتنسمع الدقات (احبطتني )

وكانت زيارة بلا فائدة كالعادة ولم اطمئن فيها على شيء ورجعت البيت وانا في قمة الاحباط

! ظل الياسمين !;14439784:

دلوعة شخبااارج حبيبتي من زماااااات يتراوالي مااشفتش وين منخشه

وانتي ويش الاسامي الى تبغين اسمينها ؟؟؟

misS fatoOom;14439780:
اول مره اسمع

نرجس الشرق;14437366:

بنات عندي استفسار

متي يبدا الصدر يعمل حليب
كمان مرة سمعت انه الصدر في الشهر الرابع يفرز
مادة شفافة رقيقة
انا الي الان ما صارت معي هالمادة

طبيعي يا تري

نرجس انا طلع معي الماده الشفاافه بس اول ماشفتها خفت وسالت الدكتوره
وقالت شي عادي بس لاضغطي على الصدر اثناء الاستحمام ..

نجمة الماس;14438954:
الله يسلمش سالفتي سالفة وكرهت المستشفيات بسبة هالقصة يعني من احمل تطلع ليي سالفة
اول مرة حملت طرحت وكنت في الاسبوع التاسع وقالوا ليي ان كان بس كيس بدون جنين
سووا لي تنظيف يوم ويوم ثاني قالت ليي الدكتورة اثناء عملية التنظيف اكتشفنا عندش غشاء يسد عنق الرحم واحتمال انش ماتحملين مرة ثانية ولو حملتين لازم عملية قيصيرية
وبفضل رب العالمين حملت عقب شهرين وتابعت في الفاتح لان كان ينزل عليي دم نفس حملي الاولي وطول الشهرين الاوليين كانوا يقولون ليي بس كيس والحمدلله الشهر الثالث بين وفي الاشهر الاخيرة قالوا ليي لازم عملية رفضت قلت بنتظر لين يجيني الطلق خوفوني قالوا في خطر على الجاهل وعليش واحتمال واحد منكم يصير فيه شي او اثنينكم بعد رفضت وكنت اتابع عند عفاف الشافعي بعد وقالت ليي نفس الكلام وبدت المحاتاة والتفكير وفي الاخير اتكلت على الله وسويت العملية وكانت بالنسبة ليي كلش سهلة الحمدلله رب العالمين
جت ليي الدكتور قالت ليي ان الغشاء الا كان موجود اثناء العملية صار نفس النفوخة وانبط ولين حملتين مرة ثانية ان شاء الله بتولدين طبيعي

وعقب ثلاث سنوات ونصف قررت احمل على ولدي وحملت وفي الاسبوع 14 طرحت مع ان ماكان في بوادر طراح لا دم ولا وسخ مجرد الم خفيف في البطن بدا عليي من الصبح وفي الليل طرحت وكان السبب الالتهابات والجفاف لان ماكنت اشرب ماي

وبعدين قررت اريح ظهري فترة 6 شهور والحمدلله حملت عقب 8 او 9 شهور الا هو هذا الحمل الحالي

والحين يبون يتاكدون من عنق الرحم قصير اولا وان شاء الله كل شي طبيعي وحتاجة دعواتكم
ومسامحة على الاطالة مللتش من القصة:o

الله يسهل عليج هالمره وتولدين بسلامة وطبيبعي

!! دلوعة زوجهآ !!;14439231:

ميلآدا

عندكم وعندنآ خير

هذي المرآكز تذل آلشخص

ومثل مآقلتي مآنبي شي منهم غير وقت الولآده

وعجبني اسم حسين ومحمد وسيف وعبد العزيز

..

عروسه جديده

إن شاء الله يصير آللي في بآلج وبآلي يارب

..

نجمة المآس

الله يعينج ع دوخة الفآتح

وإن شاء الله مآتحتآجين لشي

..

ظل اليآسمين

يلآ اختآري من آلحين الاسم وبنشوف من آللي بيغلب

واختيآر زوجج حلو علي وحورآء

احلا الاسماء ماحمد وماعبد

محمد وعبدالعزيز


مس فطوم

اختيار موفق

دلوعه زوجها

اي والله حزة الولاده ماتدرين عن روحج تبين اسطرين وبس


مشكور الحياه مستمره المهزله في كل مستشفيات والله يغنا على الملل الي يذبح

مرحبا بناااااااااات شخباركم

اول امس شفت افرازات واشويه دم خفت ورحت المستشفى لاني الاسبوع اللي طاف قالت لي دكتورة المركز لو شفتي دم روحي مستشفى السلمانية عشان يعطوج ابرة لاني دمي سالب وزوجي موجب واذا ما نزل دم راح تاخذينها بالولادة

المهم ظليت احاتي ورحت المستشفى وعملت الدكتورة التراساوند ورتني الراس والقلب وقالت المشيمة اوكي واخذت فحص اخذت عينة وبول وطلعت نتيجة البول عقب نص ساعة وطلع عندي التهاب قالت لي الدكتورة حافظي على ظهرج من الدرج ولا تشيلين ثقيل ولا تنامين مع زوجج خخخخخخخخخ
وعطتني مضاد لمدة اسبوع وتحمليةبس ليوم واحد بالليل وقالت لازم مضاد لان الالتهاب يؤدي لولادة مبكرة وقد يصل للكبد المهم نتيجة العينة إن شاء الله بكرة تطلع ادعولي ......

بنات احد يعرف شئ عن هالالتهابات يقولون البنات معاي بالدوام عادي الحامل تصيدها وتروح بالمضاد وإن شاء الله خير

مراحب
شخباركم مامات

مس فطول الحمد لله وحلوة الاسامي الى اخترتينها

غربه الله اكون في عونج هذي النفسيه وماتسوي الحال من بعضه

دلوعة اني بعد ساعات اكون على السايلنت بس اقول ساعات لالازم انطق عن لااحد ينساني والاسامي حلوة وصادقة مايندرى حزة الولادة كلشي يتغير

ام حسنين مااتشوفين شر والله اثبته ليش والتهاب البول بسرعة اروح مع المضاد اني صار لي اول حمل لي وعطوني مضاد وخف الحمد لله ...

تستمر الحياة والله مهزله هاالمستشفيات معقولة ماقاست ضغطش يعني استغفر الله والله هالدكاترة كله ماليهم خلق ابطون الجبد اني اكره شي عندي السلمانيه عندي المركز اهون شووووووي

اني موعدي الثاني تاريخ 28 \2 وماليي خلق اروح كلش
يعني كل شهر موعد الله اعين

ظل الياسمين: الشر ما يجيش أختي الله يسمع منش ويروح بسرعة ويسهل علينه جميعا ياااااااااااارب

!! دلوعة زوجهآ !!;14442908:

الحمدلله بخير الله يسلمج

والله موجوده بس ساعآت أكون ع السآيلنت

خبرج المزآج ومآيسوي

أنا قلت قبل إذا صبي حسين وإذا بنت شيمآء

وبعدين حزة الولآده مآيندرى آللي ربج كآتبه بصير

دلوعه اسم بنتج مثل اسم بنتي

يالله ان شاء الله فينا بنات :L:

! ظل الياسمين !;14446293:
مراحب
شخباركم مامات

مس فطول الحمد لله وحلوة الاسامي الى اخترتينها

عيونج الحلوه حبيبتي المشكله مو اني مختارتنها زوجي هههههههههه بس متفاهمين عليهم

اني موعدي الثاني تاريخ 28 \2 وماليي خلق اروح كلش
يعني كل شهر موعد الله اعين

موعدش ويايي بنفس التاريخ بالعكس اني عكسش اتحمس اروح مواعيدي

مساء الخير كروشات شخباركم
ما شاء الله حلوة الأسامي اللي مختارينها

انا الأسامي اللي متفقين عليها اذا بنت شيخه بس اسم الولد للحين نفكر ونتحاور فيه خخخخ

مرحبا

اهلين نرجس شخبارج واخبار البيبي

مشكورين على الدعاء كروشات
ولين شفت المستشفى غربلوني على هالسالفة بروح خاص بشوف وش يقولون

مس فطوم: اسم رضا عجيب اني كان خاطري فيه بس زوجي مو عاجبنه عدل

ام حسنين: اشربي ماء لترين ونص في اليوم علشان ينزل الالتهاب واشربي المضاد بعد لان الالتهابات تسبب اجهاض

تستمر الحياة : الظاهر انش خلصتين وبعدين اني دخلت وماانتظرت بسرعة دخلوني يعني ما طلعت قراني هههههههه
وموعدش القادم ويايي بعد 22-2

اليوم موعدي كان حق الاتراساوند واول مرة ادخل موعد اطلع مستانسة
كانت الدكتورة هندية عطيتها خمس دقايق اتطالع البيبي وسالتها بوي اور قيرل(حسيت روحي منزهقة خخخخ)
قالت ليي صبري بجيك اذا كل شي اوك بقول لش وضلت تقريبا نص ساعة وهي تحوس وراوتني الوجه والراس والايادي والرجايل وقعدت اطالع مستانسة حدي وبعدين قالت ليي خلاص قومي قلت ليها بوي او قيرل الا تقول قيرل ما صدقت عمري قمت لبست الدفة ورديت سالتها قالت ليي شي از قيرل شافتني متشققة ومستانسة
سالتني عندش كم ولد قلت ليها واد بوي قامت تضحك

وهي في البداية قالت ليي يمكن تحتاجين فحص من تحت قلت لا ما امبي
وكتبت المعلومات في الورقة ولا سالتها عنق الرحم ولا شي قلت بشوف في الموعد وش يقولون واذا غربلوني بروح خاص عن وجع الراس

نجمة الماس;14447366:

مس فطوم: اسم رضا عجيب اني كان خاطري فيه بس زوجي مو عاجبنه عدل

اسم رضا مو بس عجيب هههههههههه

تصدقين في ناس قايلين ليي ويع وش هالاسم تخيلي يعني

وش فيهم اسامي الايمه وبعدين الناس اذواق عيب الوحده تقول ويع صح كلامي لو لا نجمه

بالعكس اللي يقول اسم رضا ويع هو اللي ماعنده ذوق وبعدين في الاول والاخير الناس اذواق

نجمة الماس;14447404:
اليوم موعدي كان حق الاتراساوند واول مرة ادخل موعد اطلع مستانسة
كانت الدكتورة هندية عطيتها خمس دقايق اتطالع البيبي وسالتها بوي اور قيرل(حسيت روحي منزهقة خخخخ)
قالت ليي صبري بجيك اذا كل شي اوك بقول لش وضلت تقريبا نص ساعة وهي تحوس وراوتني الوجه والراس والايادي والرجايل وقعدت اطالع مستانسة حدي وبعدين قالت ليي خلاص قومي قلت ليها بوي او قيرل الا تقول قيرل ما صدقت عمري قمت لبست الدفة ورديت سالتها قالت ليي شي از قيرل شافتني متشققة ومستانسة
سالتني عندش كم ولد قلت ليها واد بوي قامت تضحك

وهي في البداية قالت ليي يمكن تحتاجين فحص من تحت قلت لا ما امبي
وكتبت المعلومات في الورقة ولا سالتها عنق الرحم ولا شي قلت بشوف في الموعد وش يقولون واذا غربلوني بروح خاص عن وجع الراس

مبرووووووووك عليج البنوته وتتربى بعزج وان شاء الله تشوفينها بحضنج

والله زين المركز قالو لج الجنس المراكز مايعتمد عليهم

نجمة
مبرووووووك البنوته وعقبال ما تجوفينها بحضنج بصحة وسلامه ان شاء الله
شوقتيني اعرف شنو فيني