ToOoma ToOomy;14334795:
ايه عليكم بنات التجمع ........ كل قصصكم مشوقه.... الله يثبت حمالكم يارب واجوفن ظناكم بصحة وعافيه يارب
الله يسمع منج جميعا ان شاءالله
!! دلوعة زوجهآ !!;14337126:
صبآح آلخير
آليوم رحت أول موعد وافتكيت
وأشوه مآ تأخرت وآيد
مآ صآرت 7 إلآ هنآك
وخبركم أول موعد آلوحده تضيع شوي
فصآروآ قبلي 4 وحدآت
خذوآ معلومآت وهرآر
وكآن معآي عينة آلبول بآرزه
وخذوآ نسبة آلدم
وكآنت 11.9
وقآلت لي تحملي بروحج
مآدري حزتهآ خفت شوي بس مآ سألتهآ
جم نسبة آلدم آلطبيعه
قبل شهرين كنت مآخذه وطلعت مثل آلشي بآلضبط
فمآدري زينه أو لآ
ومآعطتني أدويه ولآ شي
بس عطتني موعد وآيد بعيد
1 - 3
يعني آلوآحد يموت لو يتم عليهم
بس شنسوي
نسبة دمج زينه ماتخوف بالعكس
أساير الروح;14337623:
صباح قطرات الندى الحلوة
كروشات لكم وحشة يا حلوات
دلوعه الحمد الله اطمنتي على البيبي ونسبة الدم مو لازم يعطونج حديد يمكن من 10 وتحت يعطون
والموعد بعيد:-o على الاقل الشهر الياي
هلا اساير الروح شخبارج
نرجس الشرق;14337995:
صباح الخير
مشاءالله ميلادا
عرفت جنس البيبي
يتربي بعزك انتي و ابوه ان شاءالله
دلوعه زوجها
و تومي و ميس فطوم
و همس الورد شاركونا بنات
و خلونا نبتدي في التجهيزات يعني شو راح نشتري
و امتي نبتدي انجهز
و انا اولهم
راح ابتدي معاكم
نرجس الله يبارك فيج وعقبال ماتعرفين جنس البيبي
فاطمه الحلوه;14338166:
مبروك ميلادا على معرفه جنس البيبي والله يتمم حملك وتشوفينه بسلامه ابي يس اسالك في اي اسبوع عرفتي جنس البيبي لانه اخر مره موعدي الدكتوره ما سوت الي سونار ولا شي وقالت لسى بدري على معرفه جنس البيبي واني الحين في الاسبوع الخامس عشر قالت الي الشهر الجاي يبان واني ما عدي صبر :mad:
هلا فاطمة عرفته في الاسبوع السادس عشر
ان شاءالله بتعرفينه هالشهر :)
انا الموعد اللي قبل ماعرفته وقالتلي اصبري
غربة سما الروح;14344883:
هلا كروشات ، شخباركم و شنو مسويين
واااااااااايد مشتاقة لسوالفكم و بقرا الواجب على السريع و شكلي ما برد هالمرة :thumbs_down: ، الصفحات فووووووووووق ال 20 صفحة
هلا غربة سما نحنا الحمدلله بخير انتي طمنينا عليج
بنوتة البنفسج;14345067:
هاي
شخباركم
انا هالموعد كلا حصلت زف
مسكينة انا هههههههههه
كم يوم وبعرف جنس البيبي
ان شاءالله الموعد هذا يكون الوضع احسن وتتطنين على البيبي وتبشرينا :)
غربة سما الروح;14345112:
وأخيرا خلصت الواجب
واااااااااايد حلوة تقاريركم و سوالفكم الحلوة اللي ما تخلص
طبعااااااااااااا اني عرفت جنس البيبي من يوم الاحد اللي طاف بس ما قدرت ادش المنتدى و اخبركم و قلت لازم اقرا الواجب و بعدين اقول :lol::lol::lol:
رحت للدكتورة فهيمة المطوع بذاك اليوم ، قالت لنا ولد باذن الله ، طبعا زوجي و بنتي ما عجبهم الوضع ، بنتي قالت تأشر على الشاشة و يقول لها ابوها بيبي هذا ، الا تقول له بيبي فطوم ، بيبي بتول ، الا الدكتورة قالت لها لاااااااااااااااا بيبي بوي ، هي طبعا ما فهمت للدكتورة بس ليش قالت لها لااااااااااا ، صرخت و ما عجبها الكلام وظليت تقول بيبي فطوم بيبي بتول ، زوجي رجع و قال لها تاكدي دكتورة ، الا تقول له ما تشوف يعني البلبولة ، المهم زوجي يقول لها ، نفسيتنا مو مجهزة لولد ، هي توقعت التجهيزات و الاغراض السابقة لبنتي ، الا يقول لها لاااااااااا بس النفسية و بنتي كله تقول بيبي بنية يعني
مس فطوم ، انت اخذتي الالتراساوند العادي
هو فيه 3 خيارات من 4-9 الشهور
35 دينار اللي هو العادي و تشوف التشوهات للجنين
والثاني مو ذاكرة بجم بس كانه 45 دينار و هذا الالتراساوند الثلاثي وفيه التشوهات بعد
وأني أخذت الثالث اللي هو الرباعي (فيديو وسي دي ) و التشوهات
اسعارها هالمرة وايد مزيدتها بس اني ما حبيت افرق بين البيبي الاولي والثاني و قلت بسوي لهم نفس الشي و سي دي بكل مرة
و طبعاااااااااااااااااا زوجي واني اتفقنا ما نقول لاحد و ننطر موعد الدكتورة موزة او فرح علشان التاكد زيادة ، بس بصرااااااااااااحة قلت للكل ، بيتنا و بيت عمي و حتى اللي معاي بالشغل و مربيات حضانة بنتي والحين بالمنتدى
يعني امشي واقول
مع ان ببداية حملي كنت ما ابغي اعرف و ابغيها مفاجاة ليوم الولادة ، يقولون ليي جبتين بنت او ولد ، بس بصراحة رحت ادور على الثياب طالما تخفيضات وما عرفت ويش اسوي ، احس يااااااااااااا بنت او ولد ، يعني التجهيزات الثانية من مفارش و بقية الاشياء ممكن تكون محايدة ، بس الثياب
حسيت نفسي ضايعة و خاصة ان الثياب تجي بقصة معينة و قلت لزوجي خلااااااااااااص بعرف ، و طبعا اني ما اعرف اخش شي ابد ، حتى يوم عرفت اني حااااامل ، امشي و اقول ، و بيت عمي و عمتي كل يقولون ليي لا تقولين ، خلصي الاول الثالث ، بس اني بصراحة ما اعرف
بس نصيحة للي ما يبغي يقول شنو في بطنه احسن له ، اني اتذكر يوم حملي ببنتي واااااااااايد تغربلت ومرات تضايقت ، جنه عيب و لا حرام اني بجيب بنوتة واني بكرية
واتذكر سالفة وحدة من حمواتي ، تقول اي بس احنا نبغي منصور ، الا عمتي صرخت فيها و تقول لها الحمد لله والشكر على الذرية ، و قهرتني بصراحة ، يعني بيت عمي اهل زوجي كلهم بنات و زوجي الوحيد ولد ، و نفس الشي بيت واحد من عمومهم ، وحمواتي البنات اكثر من الصبيان واني بيتنا الاولاد اكثر من البنات بس ما عندي ولا خاااااال كله خالات و بيت ابوي العكس ، كله عموم و عندي عمة وحدة بس
يعني بالاخير هذي هدية من الرحمان والحمد لله على كل شي ، يعني بس الامس قلت لهم شنو بجيب ، و على طول سموووا البيبي ، اقول لزوجي يمكن اغير رايي و اسمي اسم غير :lol::lol::lol:، و مرة بحملي هذاااااااااا كنت اقول لهم اني بجيب فطومة هالمرة الا نفس الحماة تقول ليي ، بس بيتنا مو جذي ، يجيبون صبي و بنية ، اقول لها شكلي باخذ الخلافة من عمتي ام زوجي ، جابت اربع بنات و بعدين اخوش و بعدها انتي :lol::lol::lol: ، احلى ما عجبني عمتي ، صارخت فينا ثنتينا و تقول اللي يجي من الله حياه الله و انطمينا ثنتينا ولا نفس خخخخخخ :lol::lol::lol:
خخخخخخخخخ بنتج مثل بنتي تمت يومين مب متقبله الوضع
بنت والا ولد اهم شي ساعه السلامه والصحه والعافية
ماعليج من كلام الناس
اذا اي حد قالج شي قوليله انا اللي بربيه وبصرف عليه وراضيه باللي ربي عاطني اياه
اذا انتي تقدرين تحدين اللي بتيبينه ولد والا بنت اختاري
غربة سما الروح;14345116:
كلللللللللللللللوش دشيت الخامس و عقبال التاسع يا رب و عقبال كل الحوامل ان شاء الله
مبرووووووووووووووووووووووووووووووك
هـمـس الـورد@;14345181:
بناااااااات انا بعد ولد ....
الحمدلله على كل حاااال
ما شاءالله تبارك الله مبرووك يتربى في عزج ان شاءالله
ما شاءالله كم ولد عندج ؟؟
عيوون الأمل;14345224:
صباح الخير بنات شخباركم
هلا توما ونجمة الماس شخباركم
انا من امس والصداع ذابحني ما نمت طول الليل ولحد الحين خف شوي بس الألم فضيع لا يحتمل تتوقعون ضغطي نازل
الله يعافيج طنينا ان شاالله خف الحين ؟؟
يمكن هبوط ويمكن نقص حديد
نجمة الماس;14345195:
مبروك للي عرفوا جنس البيبي ومبروك للي دخلوا الخامس وعقبالنا
الله يبارك فيج يارب وعقبالج