موضوع عوّر راسي وقلبي

السمووحه الغاليه ما فهمت شو قصدج ....شو الاصيل؟؟؟؟؟؟؟؟ وضحي اكثر

هلا حبيبتي


انا كنت كاتبه الاصل ..


يعني على سبيل المثال إنتي شصلج= شنو أصلج ...


هم بصورة اوضح ، الناس فيهم اصيلين (اصولهم عريقه) وناس نقدر انسمينهم عاديين

ها فهمتي ولا أوضح ؟ :)

امممممممم الموضوع الي طرحتيه مهم
وصح كلامك وفي عاداتنا النسب مهم
وما ادري ايش الفرق بين الاصيل والعادي
ممكن يكون العادي احسن من الاصيل بالف مرة
ويسعدني ويعيشني حياة حلوة
لكن انا بصراحه موكله امري الى الله ثم
والي يختارونه لي اهلي انا موافقه عليه
والي يرفضونه انا معاهم
من البدايه مفهمه اهلي على هذا الشي
اهم شي رضا اهلي وخلاص انتهى الموضوع
اصيل مو اصيل انا مالي شغل
عطيتهم الحريه الكامله



و في امان الله

هلا اختي العروسة ..


ممممم بصراحة الموضوع مهم .. وبالنسبة لي الاصل وااااايد مهم .. لأن كل شي يرجع لأصله .. وحتى في تصرفاتنا او كلامنا اذا سويتي شي زين ولا شي يقولولج هذا من طيب اصلج ..

شوفي صح ان الدين والاخلاق اهم الموصفات في الزواج بس بعدين لازم يجي وراه على طول الاصل ....... وفي الاخر الجمال وحسن الشكل .. مثلا انا بقولج شي وعن تجربه شخصيه انا عندي اثنين من الشبابا ..((اخواني )) واحد اتزوج بنت ناس معروفين وطبعا اختار بنت الاصل .. والثاني مشى ورا قلبه واتزوج اللي يحبها وما اهتم لأصلها .. بس بصراحه شفنا الامرين مع زوحة الثاني .. وكل كلمه والثانيه هذا انا اذا كنتو تبوني .. كل يوم مشكله .. لكن الثانيه اللي اختارها اخويه لحسبها ونسبها واصلها .. والله بنت حشيم ومتربيه واصيله .. واتراعي كلي شي في تصرفاتها وكلامها .. اتراعي اسم زوجها واسم ابوها .. ومشاكلها مع زوجها سر بينها وبينه ومهما كانت المشكله كبيره .. لكن الثانيه على اتـــفهه الاسباب اتسوي فضيحه ..

واللحين قولي شو رايج .. بس انا بعد هذا كله مصره وشديدة الاصرار بالنسبه لي او لأخواتي او لبناتي انشالله في المستقل اهم شي الاصل وطبعا الدين في الاول .. بس الاصل ما راح اطنشة ..


في وداعةالله ..
وانشالله تتقبلون رايي

ليش يعني بيقطونه اهلنا على اي واحد اصيل ؟

:)


عزيزتي مجتمعنا اهوا اللي يحكم علينا


عموما مشكوره اسعدتني مشاركتج

كلامج عين العأل

والله يوفقج ويوفق اعيالج مستقبلا:)

سلامة راسج وقلبج أختي :)


من رأيي أن الأصل مهم في إختيار الزوج.. وأقصد بالأصل أن يكون من عائله مشهود لها بالسمعة الطيبه والأخلاق الحميده والتدين.. وليس المقصود إبن فلان وأبوه فلان
ولكن في المرتبه الأولى يأتي الدين والأخلاق والسمعه الطيبه للشخص نفسه.. فكم من شخص سيئ من أصل حسن وكم من صالح من أصل معيوب




تحياتي

حبيبتي عروسة...

والله حبيبتي مادري شقولج ... بس انتي أدرى بمجتمعنا الخليجي بالذات في نظرته للنقطه هذه .. ومع احترامي لجميع المشاركات في الموضوع هذا ... لكن الأصل مو كل شئ ... أهم شئ التربية و البيئه الي الشخص هذا ياي منها ... ياما تشوفين ناس عيال أصل و فصل مثل ما يقولون ... وتلقينهم من أحقر الناس مع احترامي للجميع ... والعكس صحيح ... يعني بتلقين جذي و تلقين جذي .... أهم شئ أخلاق الشخص هذا ومدى تدينه .. بعدين لا تنسون كلماته سبحانه وتعالى لما قال (( ان أكرمكم عند الله أتقاكم )) والحديث لحبيب الله محمد عليه الصلاة والسلام .. واعذروني مو حافظته عدل أخاف أغلط فيه لكن بما معناه (( لا فرق بين عربي و أعجمي إلا بالتقوى)) ... أي القرآن والسنة يحثونا على إيجاد الأتقى .... والله العالم

عزيزتي عروسه...
انا رايي يتلخص في هالكلمتين..
[shdw](كل واحد باصله يتعامل مع الناس)[/shdw]
والسموحه