manyaa;14361070:
يا بنات اللي خارج مصر و يقدروا يدخلوا النت.. ياريت نفضل مع بعض هنا نآزر بعض و نتفق على حاجة نعملها.. خلونا نستغفر الف مرة في اليوم بنية ان الغمة دي تنزاح و تخلص على خير و نطمن على اهلنا و اصحابنا و احبابنا هناك..
انتوا فين... عايزين نعمل حاجة مع بعض... ايه رأيكم..
ازيك يا مانيا عامله ايه
اااااه....هانعمل ايه يا مانيا
لا نملك لهم سوا الدعاء ثم الدعاء ثم الدعاء
انا معاكم اهوه وبدعي ربنا ليل ونهار يحمي الناس كلهم هناك وبما فيهم اهلينا يارررررررررررررررررررررب
زيح الغمه زيح الغمه
ياررررررررررررررررررررب
محدش جه ليه يا بنات عايزه اتكلم معاكم
منايا وياسمين وفجر وكل الناس اللي بره مصر دلوقتي
تعالوااااااااااااااااا بقا
ندعي ونستغفر
يارب يا بنات مصر يحميكم ربنا ويحافظ عليكم
يارررررررررررررررب
shoshet*himo;14362091:
محدش جه ليه يا بنات عايزه اتكلم معاكم
منايا وياسمين وفجر وكل الناس اللي بره مصر دلوقتي
تعالوااااااااااااااااا بقا
ندعي ونستغفر
يارب يا بنات مصر يحميكم ربنا ويحافظ عليكم
يارررررررررررررررب
ازيك يا شوشو عامله ايه
اطمنتى على اخواتك وبباكى ومامتك
ربنا يسلمهم من كل شر وسوء
وربنا يحافظ عليهم وعلى البلد
:'(:'(:'(:'(:'(:'(:'(
البلد ضاعت خلاااااااااااااااااااص المشكلة مبقاش ليها حل شكل امريكا او اسرائيل هتيجى تحتل البلد بالحجة دى ربنا يستر
Bossy22;14362300:
البلد ضاعت خلاااااااااااااااااااص المشكلة مبقاش ليها حل شكل امريكا او اسرائيل هتيجى تحتل البلد بالحجة دى ربنا يستر
لالالالا
احنا مش عاوزين نقول كده
بلدنا بخير ان شاء الله
ولا امريكا ولا اسرائيل
احنا عندنا شباب ياكلهم بسنانه
وجيش ربنا يحميه:thumbs_up:
لا يا بوسي متقوليش كده باذن الله مافيش حاجه من دي هتحصل ابدااااااااااااا
ازيك يا فجر واازي اهلك في مصر اطمنتي عليهم
انا لسه مكلمه ماما حالا
بتقولي الحمدلله الوضع استقر بس حظر التجول خلي كله حاجه غليت بقت نار ومش لاقيين لقمه عيش في الافران
شوفتي الهم
shoshet*himo;14362720:
ازيك يا فجر واازي اهلك في مصر اطمنتي عليهم
انا لسه مكلمه ماما حالا
بتقولي الحمدلله الوضع استقر بس حظر التجول خلي كله حاجه غليت بقت نار ومش لاقيين لقمه عيش في الافران
شوفتي الهم
ازيك انتى يا شوشو
انا اطمنت عليهم الحمد لله والجيش نزل فى الشوارع
وربك ستار
ي
يارب عفوك و رضاك
عروس رائعة
30-01-2011 | 02:53 PM
أخيرا جيتوا .. انا نفسي اتكلم معاكوا بس خلاص جوزي على وصول و الأكل على النار...
بوسي.. انا قلقانة و مرعوبة من الكارثة دي.. بس ان شاءالله مش حيحصل... انا متهيألي حيخافوا من اللي الشعب عامله دلوقتي...
بس انا نفسي .. بدل ما يهتفوا بس بإسقا الرئيس.. يهتفوا بحد يرشحوه بداله.. مش نسقطه و حلني بقى على ما نشوف حد تاني.. يرشحوا حد حتى يمسك بصورة مؤقتة...
manyaa;14362800:
أخيرا جيتوا .. انا نفسي اتكلم معاكوا بس خلاص جوزي على وصول و الأكل على النار...
بوسي.. انا قلقانة و مرعوبة من الكارثة دي.. بس ان شاءالله مش حيحصل... انا متهيألي حيخافوا من اللي الشعب عامله دلوقتي...
بس انا نفسي .. بدل ما يهتفوا بس بإسقا الرئيس.. يهتفوا بحد يرشحوه بداله.. مش نسقطه و حلني بقى على ما نشوف حد تاني.. يرشحوا حد حتى يمسك بصورة مؤقتة...
ربنا يسمع منك يا مانيا
انا قلبى اتوجع خلاص من التليفزيون
ومن كلام الناس ونظرة الرعب والخوف
:'(:'(:'(:'(:'(:'(:'(:'(:'(:'(:'(
ازيك يا منايا
كلنا علي اعصابنا والله العظيم وجوزي عايز يحجز وننزل النهارده
وانا بقوله بلاش القرارات المتسرعه دي هتنزل طيب وشغلك وحتي لو نزلت هتغير ايه ولا هتعمل ايه والدنيا مش مظبوطه خالص انا مبنمش وتعبانه جدا فما بالكم باللي هناك
ربنا يسترها والله بس احب اطمنكم في ناس كتير مايدين عمر سليمان جدا واان ااولهم رجل ممتاز بجد وسمعته طيبه يارب يكون تعويض عن السنين اللي فاتت دي بس الناس هناك تهدي شويه ويروحوا بيوتهم بقا لسه في مظاهرات في التحرير برضه مااافيش فايده
السلام عليكم ازيكم يا بنات
واهاليكم عامله ايه فى مصر ؟؟؟؟؟؟؟ اطمنتوا عليهم؟؟؟؟؟
ياترى النت لسه مقطوع عنهم ولا رجع خلاص؟؟؟؟
ازيكم يا بنات .طبعا القلق ده كلنا عايشين فيه والله الواحد مش قادر يستوعب اللي بيحصل انا كل هميدلوقتي ان الامان يرجع للبيوت بجد الناس مرعوبه بس الوضع اانهارده مستقر عن امبارح اخوبا بيقولي غير مدرعات الجيش بقا افراد الجيش نفسهم ببلفوا دوريات في الشوارع والدنيا ان شاء الله هتتظبط بس لازم كل الشعب بتكاتف مع بعضه علشان يعدوا الازمه ديه وهيعدوها ان شاء الله الشباب واقف وقفه كويس مطلعش زي ما التليفزيون بيقول شباب مصرهايفين وملهمش في حاجه لا موجودين والواحد منهم بالف ووقت الشده موجودين.وبلدنا مش هضيع مدام فيهل الناس اللي خايفه عليها بس الشعب عايز تغير وعلشان يحصل تغيرر لازم هيحصل مشاكل ربنا يهونها علي الشعب
سمسمه
ازيك يا حبيبتي بصي النت لسه مرجعيش بس الاتصالات رجعت من امبارح وتليفونات اللبيت شغاله.انتي اطمنتي علي اهلك الحمد لله
ايوه الحمدلله كلمتهم وبخير
كلمتهم على الموبايل بس كنت بسأل على النت عشان هما مش موجودين ومكنتش عارفه النت رجع ولا لا
بقولك ايه يا ياسمين
بعيدا عن الهم اللى احنا فيه من اسبوع ده عايزاكى تقولى لى سبب ان التيكر عندى مش بيتحرك ثابت على التواريخ دى مش بيتغير
ي
يارب عفوك و رضاك
عروس رائعة
30-01-2011 | 04:32 PM
يا ريت يكون عمر سليمان ده كويس... أنا معرفش عنه حاجة بس كنت شايفة الناس على الفيس بوك بيقولوا انه عميل برده و انه من داخل النظام و كدا...
انا ماعنديش تلفزيون للأسف عشان صاحب البيت مانع الدش عن العمارة ... بس بتابع الجزيرة اون لاين على النت و الفيس بوك بس...
أهلي كلمتهم و كويسين الحمد لله ... و يا عيني ولاد أختي كل ما يسمعوا صوت رصاص بيتضرب يخافوا و يتفزعوا.. ربنا يسلم البلد و أهلها و يرجع الأمان ليها يا رب...
شوشو.. ماينفعش تنزلوا دلوقتي.. حتنزلوا تعملوا ايه بس..كويس انك هديتي زوجك... ربنا يطمنكم و يطمنا يارب..... و هي أصلا المطارات لسة شغالة؟؟؟
ي
يارب عفوك و رضاك
عروس رائعة
30-01-2011 | 04:33 PM
سمسمة.. شوفي كدا في الموقع اللي عملتي فيه التيكر.. شوفي في اختيار انك تخليه يتحرك وللا لأ.. يمكن في حاجة انت مش عاملاها..