أنوش;14184725:
حبيبة قلبي منورررررررررررة
وحشااااااااااااااااااااااااني خالص
اخبار صحتك ايييييه يارب تكوني بافضل حال دايما
اه اه طبعا حابين نتكلم بالتفصيل انا بحب شرحك اوي ربنا يباركلك
بوصي عن نفسي تجربتي مع المط نونو اوي
مش جربت غير من ايفون ومن جوردانا ومن ماركه اسمها ميدي medie
وكلها تجارب ناجحة الحمدلله الا تجربتي مع تشاو كان بيسيح مني جامد وريحته مش حلوة
وفعلا زي ما قلتي الروج المط الكويس عمره ما ينشف الشفايف
بس عارفة اكمن انا بشرتي قمحية وفي خروجي مش بحط الا ماسكرا وبلاشر بس في الوان من الروح المط لو استخدمتها ابان تعبانة ووشي بهتان زي الروزات والبينكات
الالوان دي بتكون حلوة لو هعمل full makeup خصوصا العين يكون سموكي بئه وحركات
وعشان كده مش بحط الالوان دي في الخروجات العادية وبعتمد كليا عالنود والبيجات لانها بتليق عليا في كل الاحوال F::L:F:
:D
بعد ماكتبت رد طويل عريض ودقايق سبت فيها الكمبيوتر كان عمل ريستارت لوحده
ماعلينا لا ياس مع الحياة ..
انوووشة حبيبتي ربنا يكرمك يا قمر انتي واحشاني جداااا ووحشني كلامك الجميل ووروحك اللي بنحس فيها من كل مشاركاتك .....
وانتي ياقمر ببقى سعيدة جدا وانا بقرأ مشاركاتك بتبقى مفيدة وصادقة وناتجة عن تجربة شخصية صادقة
انا الحمد لله افضل دلوقتي ومستمرة بالعلاج الطبيعي ...
ربنا يكرمك ياقمر على اهتمامك
انا بقيت خبرة في المت ياانووشة لانه دايما طلبي الاول عند اي كاونتر ...للميك اب
انا مش بحب احس باي حاجة فوق شفايفي وبيضايقني احساس المزعج لاغلب الروجات والجلووسات.....ببقى حاسة اني في حاجة مش طبيعية
ايفون ماجربتهاش يا انوووشة عموما هاشرحلكم عن انواع المت وابقي قوليلي اي نوع هو
جوردانا انا جربته من الكاونتر بتاعهم ..زي النوع اللي في مشترواتك هو مت بس برضه ماعتبرهوش مت من خلال تجربتي ..
الماركة التانية لا مش عارفاها يانوووشة ...
اما تشاو يا انوووشة ...الحقيقة انا مش بحبه ابداااا لاسباب كتيرة ...
من 5او 6 سنين كان تشاو عندهم درجة مت رااااائعة وكنت بكررها كتير وكانت طلبي بالضبط لون وخامة وثبات وملمس....بس للاسف كنسولها بعد ماجددوا الكوليكشن
الكوليكشن الجديد بقي تجربتي فيه مش مرضية بالنسبة ليا
يعني الالوان جميلة ومتنوعة بس يمكن انا مش مناسب ليا الريحة فيها مش ريحة اكسبايرد لالا بس انا في انواع من الروج ريحتها مزعجة بالنسبة ليا بتعملي حالة من الغثيان من غير مبالغة بحس اني مش مرتاحة هايغمى عليا غثيان بجد ....لكن بالنسبة لصحباتي بيحبوها وجميلة معاهم وتمام ....
وفي ماركات كتيرة مش بحب ريحتها برغم الوانها الحلوة و الثبات و الاسم زي شانيل مثلا
وبرجوا وايزادورا وكلهم فيهم الوان رائعة وخامة مميزة بس انا من الناس اللي زي ماقلتلك بتضايق من تقل المنتج او خليني اقول مش بحب احس اني حاطة فازلين او سمنة او زيت ده اجساسي لما بحط بعض الجلوسات و الروجات....بالاضافة للريحة المزعجة بالنسبة ليا انا
المت اتميز مشاهير فيه زي جوليا روبرتس و انجلينا جولي ..كيت وينسليت...كلوديا شيفر
بريجيت باردو و صوفيا لورين ....ولو تلاحظوا كلاسيكيات السينما الممثلات دايما الوانهم بتبقى مت ...من مشاهير العالم العربي عندنا نوال الزغبي ...وشيماء عقيد و حنان ترك في اميرة في عابدين كانت جميلة وكلاس في الميك ال ....
المت انوواع .....زي مثلا
مت نزل من اورفيليم من كم سنة اتكلمت عنه وقتها كوفي رووز ....
كان شكل الامبيلاج بتاع دهبي زي جورداني ...هو لطيف بس مش المت الاصلي
في الانواع اللي بتنزل زي عند
ريميل وميبيلن وماكس فاكتور...اللي هو بيبقى جزء جلوس باللون المطلوب والجزء التاني
بيبقى شفاف .....
ده انا مش بحبو وبنظري فاشل و مزعج ليه ...
1...احساسه عالشفايف مزعج يعني لو لما ينشف و تطبقي شفايفك على بعض هاتحسي انه لزق ومهما نشف هايفضل الاحساس ده وده انا مش بحبه ابداااااااااااا
وزي منه نزل عند لوريال اللي هو بيبقى طرفين روج بلون و وواحد شفاف كمان ده مش بحبه
نفس الاجساس......
2....صحيح هايثبت اللون بس هاينشف الشفايف جدااا و كل شوية هايطلع زي جلد ماعرفش بس هو مش حلو....
بس الميزة اللي فيه انه بيثبت ولما تحطي فوقه جلوس مش هايلقط لون ويغير لون الجلوس
بالنسبة ليا انا مش بحب الجلوس يتغير لونه بحب يغضل نضيف وبنفس لونه اللي اخدته فيه
الروج المت بيبقى لونه واضح وقوي ....ومش بينشف الشفايف ابدااااا .....بتبان منه خطوط اللي في الشفايف بس بشكل مش مزعج ....وانا ماعنديش مشكلة انها تبان بحس انها بتبقي طبيعية اكتر ووناتورال اكتر ....اللي مس بتبان خطوط الشفايف العادية دول بيبقوا عاملين بوتوكس زي نانسي واليسا وهيفا....
بس هو لطيف يكون طبيعي زي البنوتات الاجانب بتبقى شفايفهم متلونة طبيعي ومنفوخة وبتبان تفاصيل الشفايف ...ده تحديدا اللي بحبه في المت ...
كمان الروج المت بتبقى نسبة الباودر فيه كبيرة ...وده اللي بيخليه مت ....
وبيبقى لين في استخدام يعني لما تحطي منه مش بتعملي مجهود لا هو اللون بيتحط ببساطة وبووضوح ....
بصي يانووشة انا بقى عكسك يعني ......النيود لو حطيته يبقى شكلي تعبانة بس ك فل ميك اب بيبقى اوووكي جداااااااااااااااااا
وفل ميك اب عندي يعني فوندتان وماسكرا و بلاشر وخلاص ....ممكن ازيد اي لاينر وشادو حسب ..بس انا من عشاق الناتورال لووك ..البرونزي لووك ...الجلوي لووك
يعني يانوشة بجانب غرامي في المت انا بعشق البرونزاج ويبقى شكلي واخد تان ..
المت الروزات و الاورنجات دي اووكي معايا...
بس اللي عايزة حرص وفل ميك اب كمان البنفسجيات بس فل كمان ناتورال بتبقى احلى وبتدي نعومة ورقي ..ودي من الواني المفضلة ....
غطينا انواع المت .....كان نفسي يبقى في صور بس مش عارفة ليه السي دي تعريف
الكاميرا مش راضي يشتغل عالكمبيوتر :mad:عموما هاجرب واسال اذا ماعرفتش ونحاول نشرح بالصور
واتمنى اكون افدتكم واي سؤال استفسار ممكن اكون نسيت حاجة
هارد ان شاء الله بكل الافادة اللي عندي ;)
