تجمع بنات الجزائر لشهر صفر 1432 هجري

ღ MiMi ღ;14228135:

سلااام

ميماتي راكي هنا واشراكي و واش راهو سي السيد

داخلة و ندعي نصيبك

mimati;14228136:

اهلا اهلا اهلا
واش راكي ميمي
اشرقت الانوار

mimati;14228154:
وعليك السلام ورحمة الله وبركاته
واش راكي واشي هذي الغيبة يا هرابة
والله لاباس سي سيد :)
يسقسي عليك الخير
وانت واش راكي واش ديري واش رجيمك واش داركم واش عنابة توحشناك يا بنتي
:L:

ღ MiMi ღ;14228227:

الحمد لله كي راكي بخير

يتوحشك الخير و الله قلبي عندكم كل 3 سمانات عندي امتحان :( حنهبل :worn_out:
ريجيمي راني معاه بصح بلا فايدة لي نلمو يروح في القراية و التخمام

عنابة راهي مليحة كنت فيها في الفاكونس رحت لعرس بنت عمتي

و انتي واش دايرة فيها

mimati;14228288:
رب يعاونك يا حنونة صح قرايتكم صعبة
شدي حيلك برك وان شاء الله الايام تفوت ديجا راهو نص عام صاي
نطلع لك في المورال :I:
والله حنا ثاني توحشناك عندك مدة طويلة ما دخلتيش
ولا يهمك من الرجيم كي تكون الصحة برك كل شيئ يجي مبعد
والله انا كنت مريضة ولا ازال شوية مع الزكام ربي يشفينا ويعافينا
ماكان والو كل شيئ قديم سيدتي سخن وكول :lol::lol:

ღ MiMi ღ;14228369:

ههههه بصحتك :lol:

و الله مام انا توحشتكم و كل يوم نخمم فيكم
بالشفا عليك الزكام لازملو الراحة ما تعبيش روحك بزاف
كاش برد عندكم
واشراهم البنات سامو لونا فردوس و البقية

ღ MiMi ღ;14228443:

ميماتي شفتي وش صاير في تونس

جامي تصورنا التوانسا يثورو هكا

mimati;14228456:
الله يسلمك يارب:lol:
والله يتوحشك الخير يارب
ان شاء الله حنونة ربي يشفينا ويشفي الجميع يارب
البرد في القاهرة صبت سيول امطار
هنا في الجيزة شوية برك ههههههههه خير من ماكانش
سامو مرة واحدة اختفت ربي يسمعنا عليها بالخير
يخي زواجها تحدد الحمد لله في مارس ان شاء الرحمن
لونا وفردوس وسهى بخير الحمد لله
البقية بسبب مشكل النت انسحبوا رب يوفقهم ان شاء الله

mimati;14228480:
شفتي والله الظغط يولد الانفجار
بزاف ثاني عليهم
بصح اللي غاضني في الموضوع عمليات السرقة والنهب والترويع
ربك يمهل ولا يهمل العالم كلو تشوكا من موقفهم مرة واحدة

ღ MiMi ღ;14228513:

الحمد لله صبت شوية خير من والو

سامو سمعت بلي عرسها في مارس و الله فرحتلها بزاااف :) ما بقاش بزااف ربي يتمملها على خير يمكن تكون النت مقطوعة ولا سافرت فجأة ربي يطمنا عليها

الباقي ان شاء الله يتحل مشكل النت و الله توحشتهم سارة و شهرة و لبيبة

المهم لقيتك اليووم هههه

ღ MiMi ღ;14228548:

اي و الله تفاجأنا كامل خاصة فضيحة الرئيس تبهديلة

حنا كل عام نروحو لتونس جامي يشتكو خواافين كان مسكتهم بالتهديد بصح دايما يقولونا نتوما خير منا كون غير جينا كيما نتوما
واحد بطال كي انتحر بدل التاريخ كامل سبحان الله
بصح التخريب مشي مليح حرام عليهم ما يخافوش ربي
مام هنا عندهم وش خربو و معظمهم بلا سبب كي يسألوهم شحال الزيت و السكر ما يعرفوش شافو الناس تهجم هجمو معاهم المهم المشاركة هههه

mimati;14228569:
رب ان شاء الله يتمم لها ولكل الاخوات ان شاء الله

ان شاء الله يتحل مشكل النت لبيبة ثاني عندنا مدة طويلة لا خبر
رب يطمنا عليهم اكل بالخير يارب
رب يعيشك يا ميمي وانا ثاني فرحت كي شفتك ههههههههه على طول رحت قيمتك :lol:

mimati;14228626:
شفتي والله مسكان كان الخوف اللي مزيرهم عليها ما هدروش
وهذاك الشاب اللي انتحر كان سببا في تغيير الامور اكل سبحان الله
رب يغفر له يارب تشوكيت فيه رئيس نتاعهم هرب فرد هربة الهربة تسلك:lol:
كان ماجاش مداير ما يهربش
شفتي كتاب نتاع مرطه اللي في نت
قالك كانت كوافيرة :D ولات هي الامر والناهي في الحكم
شفتي مشاكل الاردن ومشكل السودان والانقسام
وبلادنا والله عيب اللي راهي صاري
بصح انتاعنا على طول نقصوا خافو
رب يهدي الامور المستفيد من هذه الازمات اليهود وامريكا باش يحشروا مناخيرهم في الموضوع

ღ MiMi ღ;14228630:

مرسي ميماتي على التقييم ربي يخلييك:L:

تعرفي كل ما نحب نقيمك ما يحبش يقولي قيمتيها قبل ولازم تقيمي وحدوخريين كي نروح نقيمهم يقولي نفس الهدرة حرام عليهم

لبيبة عندها نفس المشكل بصح ما علابالهاش و ما عرفناش نبلغوها

ღ MiMi ღ;14228671:

اي عندو وش نهب هو و مرتو من بكري يقولو عليها حفافة في تونس يعيطولها الحلاقة

هداك الكتاب عيات بش ما يخرجش بصح ما قدرتش غلبوها في فرنسا
ربي يسترنا الطمع وش يدير ما يشبعوش كامل

عندك الحق المستفيد الاول و الاخير اليهود و امريكا ربي يبعدهم علينا

نروح نتعشى و نجي