أهل زوجي ومزحهم الثقيل

بسم الله الرحمن الرحيم
كيفكم عرايس ..إن شاء الله طيبين
بدخل بمشكلتي مباشره
مشكلتي أن أهل زوجي مزحهم ثقيييييييل يعني يقطون كلمات غير محترمة أحياناً !!
ولما أكلم زوجي يضحك ويقول هذي كانت تنكت ولاتزعلي منها وهذا يمزح وذيك تتمسخر و من هالكلمات:-#

أنا ماحب إللي كذا أحب الإحترام و التكلم بجديه و حتى المزح أحبه بس يكون بأدب
وهم أبدا مافي احترام !!!
وين الكلمه الطيبه تدورينها عندهم ما تلقينها للأسف..

من فتره كنت أتكلم مع أخواته إنو لقيت صورة لأحد أطفالهم ع النت و وريتها أختي
إلا تقول وليش تبوقينها ؟من سمح لك ؟هذا إللي حطاها ملقوف !!!!!!!!
حشى هي إلاا صورة ولو ما تبغين أحد يشوفها ما رضيتي بعرضها :thumbs_down:

بعدين زوجي يــبرر و يقول ههههههههه تمزح :thumbs_down::thumbs_down::thumbs_down:

وحتى زوجي من شوي أتكلم معاه قط علي كلمه ما أحبها وهذي المره الثانيه يقولها لي
المره الأولى سكرت السماعه و لا رديت عليه طول اليوم
و من شوي هاوشته و حاول يراضي فيني و زعلت عليه
يقول لي أنتي حساسه ...؟؟
أنا أكلمهم بأدب واحترام بس ما ألاقي إلا ثقالة الدم !!

وأخوه أمس يقول لو ولدتي راح أخذ ولدك و ألعب فيه و أشد آذانه مثلك مثل غيرك
و زوجي ساكت ولمن هاوشته يقول كان مستانس و يمزح :confused:
أحنا و ها المزح الغبي..ما أتحمله ولا أحب أسمعه 8o|
احنا في بيت أهلي نتكلم بإحترام ..صج فيه مزح بس بأدب وخاصه مع زوجات أخواني نحترمهم كثيير هم وأولادهم .


شرايكم هل أنا حساسه ؟وإلا لا ؟
كيف أفرض أحترامي و أخليهم غصبا عنهم يحترموني
و إللي يتكلم بأدب على عيني وراسي !

محتاجه رآيكم :'(